முதல் படத்திலேயே தனது தந்தையை இயக்கவுள்ளார் நடிகர் மனோஜ் பாரதிராஜா.
இயக்குநராக அறிமுகம் ஆகும் முதல் படத்திலேயே தன் தந்தையை இயக்கவுள்ளார் நடிகர் மனோஜ் பாரதிராஜா. இயக்குநர் சுசீந்திரனின் வெண்ணிலா புரொடெக்சன்ஸ் நிறுவனத்தின் கீழ் உருவாகும் இந்தப் படத்தில் இயக்குநர் பாரதிராஜா ஒரு முக்கிய வேடத்தில் நடிக்கவுள்ளார்.
இந்தப் படத்திற்கு ஜீ.வி.பிரகாஷ்குமார் இசையமைக்கிறார். இந்தப் படத்தின் ஃபர்ஸ்ட் லுக் போஸ்டரை தமிழ் சினிமாவின் பத்து முன்னணி இயக்குநர்கள் சேர்ந்து வெளியிட அப்படக்குழு திட்டமிட்டுள்ளது. மனோஜ் பாரதிராஜா ஏற்கனவே மணிரத்னத்தின் ‘பாம்பே’ படத்திலும், சங்கரின் ‘எந்திரன்’ படத்திலும் உதவி இயக்குநராக பணிபுரிந்தது குறிப்பிடத்தக்கது.
