அஜித் இல்லாமலேயே வலிமை படப்பிடிப்பு: படக்குழுவினரின் அதிரடி முடிவு.!

நடிகர் அஜித் இல்லாமல் ஐரோப்பாவில் படப்பிடிப்பு நடத்த படக்குழுவினர் முடிவு செய்துள்ளதாக தகவல் வெளியாகியுள்ளது.

நடிகர் அஜித் இல்லாமல் ஐரோப்பாவில் படப்பிடிப்பு நடத்த படக்குழுவினர் முடிவு செய்துள்ளதாக தகவல் வெளியாகியுள்ளது. 

அஜித் நடிப்பில் ஹெச்.வினோத் இயக்கத்தில் போனி கபூர் தயாரிப்பில் வெளியான வெற்றி படம் நேர்கொண்ட பார்வை. இப்படத்தை தொடர்ந்து இதே கூட்டணி வலிமை படத்திலும் இணைந்துள்ளது. இப்படத்தின் 90% படப்பிடிப்பு முடிந்து விட்டதாக தகவல்கள் வெளியாகியுள்ளன. இன்னும் சில நாட்கள் மட்டுமே படப்பிடிப்பு மீதமுள்ள கூறப்படுகிறது.

இந்த படப்பிடிப்பு வெளிநாட்டில் எடுக்க வேண்டும் என்பதால் கொரோனா ஊரடங்கு முடியட்டும் என்று படக்குழுவினர் காத்திருந்தனர். ஆனால் கொரோனா மூன்றாம் அலை ஆபத்து உள்ள நிலையில் வெளிநாட்டு படப்பிடிப்பு சாத்தியமில்லை எனவே ஹைதராபாத் ராமோஜிராவ் பிலிம் சிட்டியில் படப்பிடிப்பை முடித்துவிட படக்குழுவினர் முடிவு செய்துள்ளனர்.

விரைவில் தொடங்க இருக்கும் இந்த படப்பிடிப்பில் நடிகர் அஜித் கலந்து கொள்ள இருக்கிறார். இந்த படப்பிடிப்பு ஒரு வாரத்திற்கு மேல் நடைபெறும் கூறப்படுகிறது. 

இங்கு எடுக்கப்படும் காட்சிகளை ஐரோப்பாவில் நடப்பதுபோல் இணைக்க படக்குழு திட்டமிட்டுள்ளதாகவும் அதனால் அவுட்டோர் லோகேஷன் காட்சியை படமாக்க படக்குழுவினர் சிலர் மட்டும் ஐரோப்பிய நாடுகளுக்கு சென்று வர உள்ளதாக தகவல்கள் வெளியாகியுள்ளன.