சமுத்திரகனியின் ‘வெள்ளை யானை’ படம்: நேரடியாக தொலைக்காட்சியில் ரிலீஸ்!

தனுஷின் ‘திருடா திருடி’ படத்தின் மூலம் இயக்குனராக அறிமுகமான சுப்ரமணியம்சிவா, அதன்பின் பொறி, யோகி, சீடன் போன்ற படங்களை இயக்கிய அவர், வடசென்னை படத்தில் முக்கிய கதாபாத்திரத்திலும் நடித்திருந்தார். 

தற்போது நீண்ட இடைவெளிக்குப் பின் சமுத்திரகனியை வைத்து இவர் இயக்கியிருக்கும் படம் ‘வெள்ளை யானை’. இப்படத்தில் நடிகை ஆத்மியா கதாநாயகியாக நடித்துள்ளார்.

யோகிபாபு முக்கியமான கதாபாத்திரத்தில் நடித்துள்ளார். சந்தோஷ் நாராயணன் இப்படத்திற்கு இசையமைத்துள்ளார். 

இந்தப் படத்தின் படப்பிடிப்பு மற்றும் இறுதிக்கட்டப் பணிகள் முடிவடைந்த நிலையில், கொரோனா அச்சுறுத்தல் காரணமாக திரையரங்குகள் மூடப்பட்டுள்ளதால், இப்படத்தை நேரடியாக தொலைக்காட்சியில் ஒளிபரப்ப உள்ளனர். 

அதன்படி வருகிற ஜூலை 11-ந் தேதி இப்படம் நேரடியாக தொலைக்காட்சியில் ஒளிபரப்பப்படும் என அதிகாரப்பூர்வமாக அறிவித்துள்ளனர்.