எனது தனிப்பட்ட விஷயத்தில் யாரும் தலையிட வேண்டாம்: கர்ப்பமாக இருப்பது குறித்து பரவி வந்த தகவலுக்கு பாடகி சின்மயி விளக்கம்!

பாடகி சின்மயி, தனது கணவர் ராகுல் ரவீந்திரனுடன் அண்மையில் திருமண நிகழ்ச்சி ஒன்றில் கலந்து கொண்டார்.

அப்போது எடுத்த புகைப்படத்தை தனது சமூக வலைதள பக்கத்தில் பகிர்ந்தார். அதில், அவர் புடவையில் இருப்பதால் சற்று உடல் பருமனாக இருப்பது போல காணப்படுகிறார். 

இதனால், அவர் கர்ப்பமாக இருப்பது போன்று செய்திகள் சமூக வலைதளங்களில் பரவி வந்தன. இதற்கு சின்மயி மறுப்பு தெரிவித்துள்ளார். 

மேலும் இது குறித்து பேசிய சின்மயி, “நான் கர்ப்பமாக இல்லை. அதனால் பொய்யான செய்திகளை யாரும் பரப்ப வேண்டாம். அப்படியே குழந்தை பிறந்தாலும் சமூக வலைதளத்தில் பகிர மாட்டேன். 

அதோடு குழந்தை வளர்ந்த பிறகு சமூக வலைதளம் பக்கம் செல்ல விடமாட்டேன். எனது தனிப்பட்ட விஷயத்தில் யாரும் தலையிட வேண்டாம்” என்று கூறியுள்ளார்.