தனுஷின் ஜகமே தந்திரம் ட்ரைலர்; ரசிகர்களின் நீண்ட நாள் எதிர்பார்ப்பு இன்று வெளியீடு!

தனுஷின் ஜகமே தந்திரம் படத்தின் ட்ரைலர் இன்று காலை 10 மணிக்கு வெளியாகிறது.

தனுஷின் ஜகமே தந்திரம் படத்தின் ட்ரைலர் இன்று காலை 10 மணிக்கு வெளியாகிறது.

நடிகர் தனுஷ் நடிப்பில் இயக்குனர் கார்த்திக் சுப்புராஜ் இயக்கத்தில் உருவாகியுள்ள படம் ஜகமே தந்திரம். தியேட்டர்களில் வெளியாகும் என்று நினைத்த இப்படம் கொரோனா அச்சுறுத்தல் காரணமாக நேரடியாக நெட்ஃபிளிக்ஸ் ஓடிடி தளத்தில் வரும் ஜூன் 18ம் தேதி வெளியாகவுள்ளது.

இப்படத்தின் டீஸர் கடந்த பிப்ரவரி மாதம் வெளியாகி நல்ல வரவேற்பை பெற்றதுடன் கடந்த வாரம் இப்படத்தின் மூன்றாவது பாடல் ரசிகர்களின் கவனத்தை பெற்றுள்ளது.

இந்நிலையில் இப்படத்தின் ட்ரைலர் ஜூன் 1ம் தேதி நெட்ஃபிளிக்ஸில் வெளியாகும் என்று படக்குழு அறிவித்தது. அதன்படி இன்று காலை 10 மணிக்கு ட்ரைலர் வெளியாகவுள்ளது. 

தொடர்ந்து வெற்றி படங்களை கொடுத்து வரும் தனுஷ் தனது முதல் ஓடிடி படத்திலும் வெற்றி பெறுவார் என்று ரசிகர்கள் எதிர்பார்ப்புகளுடன் காத்திருக்கின்றனர்.

மேலும் பல தமிழ் திரைப்படங்கள் ஓடிடியில் வெளியானலும் 17 மொழிகளில் முதன்முறையாக ஜகமே தந்திரம் படம் டப் செய்யப்பட்டு வெளியாகவுள்ளது என்பது குறிப்பிடத்தக்கது.