வலிமை அப்டேட்: பிரபல நடிகரை கட்டிபிடித்து அறிவுரை வழங்கிய அஜித்..!

தமிழ் சினிமாவில் முன்னணி நடிகராக இருக்கும் அஜித், காமெடி நடிகர் யோகிபாபுக்கு அறிவுரை கூறியிருக்கிறார்.

தமிழ் சினிமாவில் காமெடியில் கலக்கிக் கொண்டிருப்பவர் யோகிபாபு. தற்போது அஜித்துக்கு பிடித்த காமெடி நடிகராகவும் யோகிபாபு மாறிவிட்டார்.

இது குறித்து பேசிய யோகிபாபு, ‘வீரம்’, ‘வேதாளம்’, ‘விஸ்வாசம்’, இப்போ ‘வலிமை’ன்னு 4 படங்களில் அவருடன் சேர்ந்து நடித்துள்ளேன். முதல் 3 படங்களுடைய ஷூட்டிங்கில் என்னிடம் அவர் அடிக்கடி ‘யோகிபாபு ஏன் இன்னும் பொண்ணு பார்க்கலை, ஏன் இன்னும் கல்யாணம் பண்ணலை’ன்னு கேட்டுட்டே இருப்பார்.

‘நான் பொண்ணைப் பார்க்குறேன். பொண்ணுதான் என்னைப் பார்க்கமாட்டிங்குது சார்’னு சொன்னேன். ‘கவலைப்படாதே, சீக்கிரம் உனக்குக் கல்யாணம் ஆகும் பாரு’ன்னு சொன்னார் என்று கூறினார்.

மேலும், ‘வலிமை’ ஷூட்டிங்ல பார்த்துட்டு ரொம்ப சந்தோஷப்பட்டு கட்டிப் பிடிச்சு, ‘குடும்பம்தான் முக்கியம்’னு நிறைய அறிவுரை சொன்னார்’ என்று மனம் திறந்து பேசியுள்ளார்.