காக்கா முட்டை இயக்குநருடன் 3வது முறையாக இணையும் விஜய் சேதுபதி..!

தமிழ், தெலுங்கு, இந்தி என பல்வேறு மொழிகளில் பிசியான நடிகராக வலம்வரும் விஜய் சேதுபதி, அடுத்ததாக நடிக்க உள்ள புதிய படம் குறித்த தகவல் வெளியாகி உள்ளது.

தென்மேற்கு பருவக்காற்று படத்தின் மூலம் கதாநாயகனாக அறிமுகமாகி முன்னணி நடிகராக தற்போது உயர்ந்துள்ளவர் நடிகர் விஜய் சேதுபதி. இதைத்தொடர்ந்து பீட்சா, சூதுகவ்வும், நடுவுல கொஞ்சம் பக்கத்தை காணோம், சேதுபதி, நானும் ரவுடிதான், தர்மதுரை, விக்ரம் வேதா, 96 போன்ற பல படங்கள் அவரது வாழ்க்கையில் திருப்புமுனையாக அமைந்தன.

பிறமொழி படங்களிலும் வாய்ப்புகள் குவிந்து கிடக்கின்றன. தற்போது 10-க்கும் மேற்பட்ட படங்களை கைவசம் வைத்துள்ளார் விஜய் சேதுபதி.

இந்நிலையில், காக்கா முட்டை படத்தின் மூலம் பிரபலமான இயக்குநர் மணிகண்டன் இயக்கத்தில் வுஜய்சேதுபதி  நடிக்க உள்ளதாக தகவல் வெளியாகியுள்ளது. ஏற்கனவே மணிகண்டன் இயக்கத்தில் ஆண்டவன் கட்டளை, கடைசி விவசாயி போன்ற படங்களில் விஜய் சேதுபதி நடித்துள்ளது குறிப்பிடத்தக்கது.