ஓடிடி ரிலீசுக்கு தயாராகும் சிவகார்த்திகேயனின் டாக்டர்?

நெல்சன் இயக்கத்தில் உருவாகி உள்ள டாக்டர் படத்தில் சிவகார்த்திகேயன், யோகிபாபு, வினய், பிரியங்கா மோகன் ஆகியோர் நடித்துள்ளனர்.

நெல்சன் இயக்கத்தில் சிவகார்த்திகேயன் நடிப்பில் பிரம்மாண்டமாக உருவாகியுள்ள படம் டாக்டர். இப்படத்தில் இளம் நடிகை பிரியங்கா மோகன் கதாநாயகியாக நடித்துள்ளார். மேலும் யோகிபாபு, வினய் உள்ளிட்ட பலர் முக்கிய கதாபாத்திரத்தில் நடித்து அசத்தியுள்ளனர்.

இவர்கள் கூட்டணியில் உருவாகும் படத்திற்கு அனிருத் இசையமைத்துள்ளார். தற்போது இறுதிக்கட்ட பணிகள் விறுவிறுப்பாக நடைபெற்று வருகிறது.

இந்தநிலையில், இப்படத்தை மார்ச் 26-ந் தேதி வெளியிட திட்டமிட்டிருந்த நிலையில் சட்டசபை தேர்தல் காரணமாக படத்தின் ரிலீஸை தள்ளிவைத்தனர். இதையடுத்து ரம்ஜான் பண்டிகைக்கு இப்படம் வெளியிடப்படும் என அதிகாரப்பூர்வமாக அறிவித்தனர்.

தற்போது கொரோனா தொற்றின் 2-வது அலை வேகமாக பரவி வருவதால், டாக்டர் படத்தை நேரடியாக ஓடிடி-யில் வெளியிட உள்ளதாக தகவல் வெளியாகி உள்ளது.