கடந்த வருடம் அதிக படங்களில் நடித்து கலக்கியவர் நகைச்சுவை நடிகர் யோகி பாபு.
கடந்த வருடம் அதிக படங்களில் நடித்து கலக்கியவர் நகைச்சுவை நடிகர் யோகி பாபு. இவருக்கு ரசிகர்கள் மத்தியில் நல்ல வரவேற்பு கிடைத்துள்ள நிலையில் இவர் தற்போது தர்மபிரபு, ஜாம்பி, கூர்கா என வரிசையாக பல படங்களில் ஹீரோவாக நடிக்க ஒப்பந்தமாகியுள்ளார்.
இந்நிலையில் இவர் தற்போது பன்னி குட்டி என்ற படத்தில் நடிக்கவுள்ளார். இப்படத்தினை கிருமி படத்தினை இயக்கிய அனுசரண் இயக்கவுள்ளார். இப்படத்தில் கருணாகரன், லட்சுமி பிரியா, சிங்கம்புலி, ராமர் ஆகியோர் நடிக்கவுள்ளனர். 2.0, வந்தா ராஜாவாதான் வருவேன், என பல படங்களை தயாரித்த லைக்கா நிறுவனம் தான் இப்படத்தையும் தயாரிக்கவுள்ளது.மேலும் இப்படத்திற்கு கே இசையமைக்கவுள்ளார்.
இந்நிலையில் சமீபத்தில் இப்படத்தின் போஸ்டர்களை படக்குழு வெளியிட்டது. போஸ்டர்களை வைத்து பார்க்கும் போது இப்படம் ரசிகர்களுக்கு ஒரு நல்ல காமெடி ட்ரீட்டாக அமையும் என எதிர்பார்க்கப்படுகிறது.
