நீர் மேலாண்மை - 17 : உறிஞ்சு குழிகள்... நீர் வடியாத நிலங்களில் நீரைக் கடத்தும் தொழில்நுட்பம்!

தமிழ்நாட்டுல 40 சதவிகித இடங்கள் களிமண் நிலங்களாக இருக்கு. களிமண்ல பெருவெட்டு களிமண், களி மணல், ஈழக் களிமண்ணுன்னு 3 வகை இருக்கு. பெருவெட்டு களிமண் அப்படிங்குறது உடைச்சா, அதாவது உழுகும்போது களிமண்ணா இருந்தாலும் சுலபமா புரண்டு விழுகும். மண் வெட்டியில செதுக்குனாலும் ஒரு பாத்தி அமைப்பைக் கொண்டு வர முடியும். அந்தளவுக்கு இலகுவான மண்ணு. அதுல இருக்கக்கூடிய சோடியம் மற்றும் மெக்னீசியம் உப்புகளோட அளவு கொஞ்சம் குறைவா இருக்கும். கார அமில நிலை 8 முதல் 8.3 வரை இருக்கும்.ஈழக்களிமண்களிமணல் மேல நடந்தா கால்தடம் படியுற மாதிரி இருக்கும். தண்ணீர் தேங்காது. எவ்வளவு மழை பெய்தாலும் மண்ணுக்குள்ள தண்ணி போயிடும். ஈழக்களிமண் மைதாமாவு மாதிரியான அமைப்பு கொண்ட மண். வெயில் காலங்கள்ல அதிக திட்டா இருக்கும். கல்லு மாதிரி இருக்கக்கூடிய வெளிப்புற தோற்றம் கொண்ட வெளிறிய நிறம் அல்லது இளம் சாம்பல் நிறம் இருக்கக்கூடிய மண். இந்த மண்ணுல மழை பெய்ஞ்சா அதிகமான களித்தன்மையா மாறிடும். கால் வச்சோம்னா கால் உள்ளே இறங்குற மாதிரி இருக்கும். பொதுவா வழுக்கிவிடுற அளவுக்கு அதோட செயல்பாடு இருக்கும். தண்ணீர் இதுக்குள்ள நகரும் அளவு கம்மியா இருக்கும். மண்ணுல காரத்தன்மையை கொடுக்கக்கூடிய சோடியம் அளவுள்ள உப்புகள் மிகவும் அதிகமா இருக்கும். கார அமில நிலை 8.4 முதல் 8.8 வரை இருக்கும். சில இடங்கள்ல 10 வரையிலும் இருக்கும்..தமிழ்நாட்டுல ஒவ்வொரு கிலோமீட்டர்லயும் இதுமாதிரியான களிமண் திட்டுக்கள் இருக்கிறதைப் பார்க்கலாம். ஒரு மேட்டுல இருந்து ஆற்றை நோக்கிய சரிவுப்பகுதியில மேல் நிலத்துல முதல் இரண்டு வகை களிமண்ணும், பள்ளமான இடத்துல ஈழக்களிமண்ணும் இருக்கிறதைப் பார்க்கலாம்.நெல் தவிர மற்ற பயிர்கள் விளையாதுதமிழ்நாடு முழுக்க எல்லா ஆற்றுப்படுகைகளுக்கு பக்கத்துலயும், குளங்களுக்குக் கீழ்பகுதியிலயும் ஈழக்களிமண் இருக்கக்கூடிய பெரும்பாலான பகுதிகள்ல நெல் மட்டுமே பயிரிடுறாங்க. வேற எந்த விவசாயத்துக்கும் அது விளங்குறதில்ல. இந்த மாதிரி நிலத்துல நெல் பயிரிடப்பட்ட நேரம் போக மீத காலங்கள்ல அந்த நிலம் சும்மா தான் இருக்கும்.அந்த மாதிரி நிலத்துல நெல் பயிரிட விரும்பாத விவசாயிகள் மர வகை அல்லது பழ மரங்கள் அல்லது காய்கறிகள் பண்ணனும்னு ஆசைப்படுறாங்க. மழைக்காலத்துல ஈழக்களிமண்ல தண்ணி தேங்கி நிற்கும். அதுனால இந்த வகை மண்ணுல அழுகல் அதிகமாகி பயிர்கள் இறந்துடுது. இது தமிழ்நாடு முழுவதும் பொதுவா இருக்கக்கூடிய ஒரு அமைப்பு. இரண்டாவது, இந்த வகை மண் அமைப்பு பொதுவா ஒரு நிலப்பரப்போட பள்ளமான பகுதியில இருக்கும். அதனால மழை பெய்யும்போது எல்லா பக்கங்களிலிருந்தும் நீர் ஓடி வந்து தேங்கும். அந்த நீர் கீழே இறங்காம நிலம் முழுக்க தெப்பமா நிற்கும். சில நேரங்கள்ல இரண்டு மாதங்கள் கூட பூமிக்குள்ள இறங்காது. சூரிய ஒளியால மட்டுமே ஆவியாகுறதால சீக்கிரம் தண்ணீர் வற்றாது. இதனால பெரிய அளவுல எந்த விவசாயமும் பண்ண முடியாத சூழ்நிலை பெரும்பாலான மாவட்டங்கள்ல இருக்கு..வாய்க்காலோட இணைக்கணும்பொதுவா, இந்த வகை மண்ணுல ஒரு மாற்று விவசாயம் பண்ணனும்னா முதல்ல செய்ய வேண்டியது இந்த வகை நிலத்துல களிமண் இருக்க பகுதி, அதற்கு அடுத்து மேட்டுப்பகுதியில இருக்கக்கூடிய செம்மண் அல்லது இருபாட்டு மண் பகுதி இருக்குற இடத்துல பொதுவாய்க்கால் இருக்கான்னு பார்க்கணும். அப்படியிருந்தா அந்த வாய்க்காலை அந்த இடத்துல இருந்து ஆழ, அகலப்படுத்தி பக்கத்துல இருக்குற பெரிய வாய்க்கால் இல்லைன்னா ஆறோட இணைக்குற மாதிரி பண்றது ரொம்ப முக்கியம்.இதனால் என்ன நடக்கும்னா, இந்தக் களிமண் பரப்புக்கு மேட்டுப்பகுதியில இருக்கக்கூடிய செம்மண், மணல் பகுதியில இருந்து வரக்கூடிய தண்ணீர் சேகரமாகுற அளவு குறையும். இதை பொதுவா நம்மளுடைய பஞ்சாயத்து தலைவர் உதவியோட, ஊரக வளர்ச்சி முகமையிடம் தெரிவிச்சு அவங்க ஆதரவோட 100 நாள் வேலைத்திட்டம் மூலமாகவோ, பிற திட்டங்கள் மூலமாகவோ கால்வாய்களைத் தூர்வாரி, தண்ணீரை வேகமா ஓடைகள், ஆறுகள்ல கொண்டுபோய் சேர்க்குற ஒரு முறையைக் கடைபிடிக்கணும்.அடுத்து, இந்த வகை நிலங்கள்ல இருக்கக்கூடிய விவசாயிகள் ஒரு கூட்டமைப்பா இணைஞ்சு, வாய்க்கால்களை மராமத்து பண்ணனும். மழைக்காலத்துக்கு முன்பு புல், பூண்டுகளை எடுக்கணும். ஒருவேளை நமது விவசாயிகளே பொது நிலத்தை ஆக்கிரமிச்சு இருந்தா அதை விட்டுக்கொடுத்து வாய்க்கால் ஏற்படுத்த முனைப்பு காட்டுறது ரொம்ப முக்கியம். அதுக்கு எல்லா விவசாயிகளும் ஒருங்கிணைந்து முயற்சி செஞ்சா இந்த பிரச்சனையை சுலபமா தீர்க்க முடியும். இதை நம்பிக்கையோட செய்யணும்..இந்த மாதிரி பாதிப்புள்ளாகுற நிலத்திற்கு மேற்பரப்புல இருந்து வரக்கூடிய தண்ணீரோட அளவை இந்த மாதிரியான வாய்க்கால்களை அமைச்சு குறைச்சதுக்கு அப்பறம், நம்ம நிலத்தோட சரிவை அடிப்படையா கொண்டு மீதமுள்ள இந்தக் களிமண் பரப்புல, உதாரணத்துக்கு மழை பெய்யும்போது எந்தெந்த இடத்து வழியா தண்ணி வழிஞ்சு போகுது, எந்தெந்த இடங்கள்ல தண்ணி தேங்குதுங்குறதை ஆய்வு செய்யணும். அந்த மாதிரி தண்ணீர் தேங்கக்கூடிய இடங்கள்ல, தண்ணீரை விரைந்து கடத்துறதுக்கு ஏற்ற மாதிரியான உறிஞ்சுக்குழிகளை அமைக்கணும்.உறிஞ்சுக்குழிகள்ஒரு சில இடங்கள்ல 2 அடி, சில இடங்கள்ல 4 அடி, ஒரு சில மாவட்டங்கள்ல 15 அடி வரையிலும் ஈழக்களிமண் வகை மைதா மாவு கலவை மாதிரி மண் அமைப்பு இருக்குறதைப் பார்க்கலாம். அதுக்கு அடுத்த அடுக்கு பெரும்பாலும் டெல்டா பகுதிகள்ல மணலாகவும், மேட்டுப்பகுதி மாவட்டங்கள்ல சரளைத்தன்மை உள்ள மண்ணாவும் இருக்கு. அதுக்கு அடுத்த கீழ் அடுக்கு சுண்ணாம்புப் பாறைகள் அல்லது சரளை மண் கொண்ட சுட்டுப்பறைகளாக இருக்கு. இந்தக் களிமண் திட்டு போக மீதமுள்ள 2 வகை களிமண், தேங்கி நிற்கக்கூடிய தண்ணீரை கடத்துறதுல மிகவும் முக்கியத்துவம் வாய்ந்தது. நிற்கக்கூடிய தண்ணீர் அதுவழியா போயிடும். அதனால பொதுவா இந்த மாதிரியான வறண்ட மாதங்கள்ல அதாவது அக்டோபர் மாசத்துக்கு முந்தைய மாதங்கள்ல எந்த இடத்துல தண்ணீர் தேங்குதோ அந்த இடத்துல ஜே.சி.பி மூலமா குழி எடுக்கணும். குழி எடுக்குறதுக்கு முன்னாடி, உட்சபட்ச மழைக்கு எவ்வளவு தண்ணீர் வரும், எவ்வளவு உயரத்துக்குத் தண்ணீர் தேங்கும்ங்குறதை தெரிஞ்சுக்கணும்.குறைவான நாட்கள் தண்ணீர் நிக்குற இடங்கள்ல 3 அடியில இருந்து 4 அடி விட்டமுள்ள சிமெண்ட் உறைகள் உள்ளே இறங்குற மாதிரி குழி தோண்டுறது முக்கியம். பொதுவா 4 அடி அகலமுள்ள வளையங்களை வைக்கணும்னா 6 அடி விட்டமுள்ள குழி தோண்டுறது முக்கியம். 6 அடிக்கு குழி எடுத்து இரண்டாவது திட்டு அல்லது களிமண்ணுக்கு அடுத்த மண் அடுக்கு எது இருக்குதோ, அந்த ஆழம் வரையிலும் இருக்குற மண்ணை தோண்டி வெளியே போட்டுடணும். அதுக்கப்பறம் இந்த வளையங்களை, கீழ்ப்பகுதியில இருந்து ஒன்றுக்கு மேல ஒன்னா முறையா அடுக்கிக்கிட்டே வரணும்..4 அடி உயரம்தரைக்கு மேல எவ்வளவு உயரம் அடுக்கணும்னா, அதிகபட்ச மழையில அந்த நிலத்துல எவ்வளவு உயரத்துக்கு தண்ணி நிக்குதுன்னு பார்க்கணும். உதாரணத்துக்கு 2 அடிக்கு தண்ணி நிக்குதுன்னா, இந்த வளையம் தரையில இருந்து 3 அல்லது 4 அடி உயரத்துல இருக்குறமாதிரி பார்த்துக்கணும். பொதுவா இந்த வளையங்கள்ல பக்கவாட்டு பகுதியில 3 முதல் 4 இன்ச் அளவிலான 4 முதல் 6 துளைகள் இருந்தா நல்லது. அப்படி துளையிடப்பட்ட வளையங்களைத் தரையில இருந்து ஒன்றின் மேல ஒன்னா அடுக்கிட்டு வரணும். அடுக்கி வச்சு தரைக்கு மேல வரக்கூடிய இடத்துல மூடி போட்டு மூடணும். அதுக்கு முன்னாடி, இந்த வளையத்துக்கு உள்ளே செங்கல் தவிர உடைக்கப்பட்ட கான்கிரீட் அல்லது பாறைகள், உடைகற்களை மேல்தரை வரை போட்டு நிரப்பலாம். அதுக்கப்பறம் மூடி போட்டு மூடிடலாம். பிறகு, பக்கவாட்டு பகுதியில, நாம தோண்டுன மண்ணை கொஞ்சம் கொஞ்சமா உள்ளே போட்டு அமுக்கணும். முக்கியமா மணல் இருந்தா மணற்பாங்கான மண்ணை வளையத்துக்கும், தோண்டப்பட்ட மண்ணுக்கும் இடையில தள்ளிட்டு அந்த இடத்தை முறைப்படுத்திடணும். தோண்டப்பட்ட பிற களிமண்ணை அப்புறப்படுத்திடணும்.தண்ணீர் வேகமாக வெளியேறும்பொதுவா இப்படிப்பட்ட அமைப்புகள் அமைச்சபிறகு மழை பெய்ஞ்சு தண்ணீர் அந்த இடத்துல தேங்கும்போது, தேங்குற தண்ணீர் வளையத்திற்கும், நிலப்பரப்பிற்கும் இடைப்பட்ட மணல் ஓட்டைகள் வழியா கீழே இறங்கி சேகரமாகும். அப்போ அந்த வளையத்தோட கடைசி 2 அடுக்குகள்ல இருக்க களிமண்ணைத் தாண்டிய மணல் அடுக்குகள், சரளை மண் அடுக்கு வழியா பூமிக்குள்ளே வேகமா வெளியேற ஆரம்பிக்கும். இதன் காரணமா மேட்டுப்பகுதியில இருக்க களிமண் பரப்புல இருந்து வரக்கூடிய மழைத்தண்ணீர் நம்ம நிலத்துல நிக்காம பூமிக்குள்ள போயி வேகமா வெளியேறிடும்.இதனால நிலத்தோட மேல்பரப்புல பொதுவான ஈரம் இருக்குமே ஒழிய தண்ணீர் தேங்காது. இதனால இந்த மாதிரியான நிலப்பரப்புல மரப்பயிர்கள், பழ மரங்கள், காய்கறிப் பயிர்கள் வைக்குறது சாத்தியமாகுது. இந்த மாதிரி அமைப்புக்குப் பேர்தான் உறிஞ்சுக்குழிகள். இதோட தொழில்நுட்பத்தைத் தெரிஞ்சுகணும்னா அருகாமையில இருக்கக்கூடிய ஊரக வளர்ச்சி முகமை அலுவலகத்துல இருக்குற பொறியாளர்கள்கிட்ட கேட்டா இதை எப்படி அமைக்கலாம்ங்குற அடிப்படை விஷயங்களைத் தெரிஞ்சிக்கலாம். வேளாண்மை பொறியியல் துறை அலுவலகத்துல கேட்டாலும் இதுக்கான வழிமுறைகள் கிடைக்கும்.இந்த அமைப்புகள் திருவள்ளூர், செங்கல்பட்டு, காஞ்சிபுரம், விழுப்புரம், கடலூர், டெல்டா மாவட்டங்கள், புதுக்கோட்டை, சிவகங்கை, ராமநாதபுரம், திருநெல்வேலி மாவட்டங்களுக்கு மிக அதிகம் உபயோகமா இருக்கும். இது மட்டுமில்லாம விருதுநகர், தேனி, உடுமலைப்பேட்டை உள்ளடக்கிய திருப்பூர் மாவட்டம், வெள்ளி திருப்பூர் போன்ற பகுதிகளை உள்ளடக்கிய ஈரோடு மாவட்டம், கள்ளக்குறிச்சி, திருவண்ணாமலை மாதிரியான மேட்டுப்பகுதி மாவட்டங்கள்ல இருக்கக்கூடிய களிமண் திட்டுப்பகுதிகளுக்கு ரொம்பவும் முக்கியமான தேவையா இருக்கும். அதனால இந்தத் தொழில்நுட்பத்தைச் சிறப்பா கையாளலாம். (ஊறும்) - பிரிட்டோ ராஜ்

நீர் மேலாண்மை - 17 : உறிஞ்சு குழிகள்... நீர் வடியாத நிலங்களில் நீரைக் கடத்தும் தொழில்நுட்பம்!

Related Stories