ஒரு ஏக்கர்... ஆண்டுக்கு 1,00,000 ரூபாய் லாபம்! கொட்டிக் கொடுக்கும் கொடுக்காப்புளி!

''ரசாயனம் இல்லாம இயற்கை விவசாயத்துல விளைபொருள்களை விளைய வைக்கிறது முக்கியமில்ல. அதோட பலன் எல்லோருக்கும் கிடைக்கணும். அதுதான் முக்கியம். அதுக்கு அதிக விலை வெச்சு விக்காம, சந்தை விலையில விற்பனை செய்யணும். அப்பதான் ஏழை, எளிய மக்களும் இயற்கை விவசாய பொருள்களை வாங்கி பயன்படுத்துவாங்க. இது தொடர்ந்தா ஒரு கட்டத்துல இயற்கை விளைபொருள் வாங்குறவங்க எண்ணிக்கை அதிகமாகும்'' என்கிறார் விருதுநகர் மாவட்ட இயற்கை விவசாயி கனகலிங்கம்.அன்று களிமண் காடு... இன்று இயற்கை விவசாய பண்ணைவிருதுநகர் மாவட்டம், சூலூரில் இருக்கிறது கனகலிங்கம் பண்ணை. தோட்டத்தில் கொடுக்காப்புளி பறித்துக்கொண்டிருந்தவரை ஒரு காலைப்பொழுதில் சந்தித்தோம். "மதுரையில் டிப்ளமோ படிச்சேன். பிறகு, 8 வருஷம் துபாய், இலங்கைன்னு வெளிநாட்டுல வேலை பார்த்தேன். பிறகு இந்தியா திரும்பிட்டேன். எனக்கு விவசாயத்துல ஆர்வம் அதிகம். இயற்கை விவசாயம் செய்யணும்னு விரும்புனேன். நாலரை வருஷத்துக்கு முன்னாடி இந்த நிலத்தை வாங்குனேன். இந்த கந்தக பூமியில நிலம் வாங்கி என்ன பண்ணப்போறேன்னு நிறைய பேர் கேட்டாங்க. நான் அதைப் பொருட்படுத்தல. நம்ம முன்னோர்கள் செஞ்ச விவசாயத்தை நாமளும் செஞ்சு பார்ப்போம்னு துணிஞ்சு இறங்கிட்டேன். இது மொத்தம் அஞ்சரை ஏக்கர் நிலம். நான் வாங்கும்போது களிமண் முள் காடா இருந்துச்சு. இன்னிக்கு இதுவும் ஒரு இயற்கை விவசாயப் பண்ணையா மாறியிருக்கு. அது எனக்கு ரொம்ப மகிழ்ச்சியா இருக்கு" என்றவர் தோட்டத்திற்குள் நம்மை அழைத்துச் சென்றார்..அதிக விலை வேண்டாமேநாம சாப்பிடுற சாப்பாடு நஞ்சு இல்லாததா இருக்கணும். என் குடும்பத்துக்குக் கிடைக்குற உணவு மட்டும் நஞ்சில்லாம இருந்தா போதும்னு நான் நினைக்கல. ஏழை, பணக்காரங்க வித்தியாசம் இல்லாம எல்லோருக்கும் அது கிடைக்கணும்னு விரும்புறேன். அதுனால என்னோட பண்ணையில முழுக்க இயற்கை விவசாயம்தான் செய்றோம். 'இதுல உழைப்புக்கேற்ற பலன் கிடைக்காது. ரசாயன விவசாயம் பார்த்தா கொஞ்சம் வருமானமாவது பார்க்கலாம்'னு பலரும் யோசனை சொன்னாங்க. அவங்ககிட்ட, 'எனக்கு இதுல இருந்து லாபம் தேவையில்ல. செலவு செய்யுற பணம் கிடைச்சா போதும். குடும்பம் நடத்துற அளவுக்கு ஏற்றுமதி தொழில் மூலமா எனக்கு வருமானம் வருது. அதுபோதும். இதை என்னோட மனத்திருப்திக்காக செய்றேன்'ன்னு தெளிவா சொல்லிட்டேன்" என்று சிரித்தவர், தான் இயற்கை விவசாயியாக மாறிய விதத்தைப் பற்றிப் பேசத் தொடங்கினார்.'தேன்கனி இயற்கை விவசாயிகள்' அமைப்பு"முள்ளு காடா இருந்த நிலத்தைச் சீராக்கி, பக்குவப்படுத்தினேன். மீன் வளர்க்கலாம்னு 20 சென்ட் நிலத்துல ஒரு குட்டையை வெட்டுனேன். அதுல கெண்டை மீன்களை வளர்க்குறேன். அந்த நேரத்துல அரசு கொடுத்த கொடுக்காப்புளி 13 நாத்து கிடைச்சது. அதை மீன் குட்டையோட கரையில 30 அடி இடைவெளியில நடவு பண்ணுனேன். பிறகு, தலா ஒரு ஏக்கர் நிலத்துல வாழை, கொய்யா, மாதுளையை நடவு பண்ணுனேன். இயற்கை விவசாயம் செய்யணும்னு துணிச்சு இறங்கிட்டேன். ஆனா, அதுல பல சந்தேகங்கள். அந்த நேரத்துல சிவகாசியில இருக்க 'தேன்கனி இயற்கை விவசாயிகள்' அமைப்பு, இயற்கை முறை விவசாயத்துல எனக்குத் தேவையான ஆலோசனைகளைச் சொன்னாங்க. இப்ப வரைக்கும் ஒத்துழைப்பா இருக்காங்க. பழ சாகுபடி இல்லாம அந்தந்த பருவத்துல பாரம்பரிய நெல் ரகங்களை 2 ஏக்கர் நிலத்துல சாகுபடி செய்வேன்" என்றவர் கொடுக்காப்புளி சாகுபடி பற்றிய தகவல்களைப் பகிர்ந்துகொண்டார்..பராமரிப்பு தேவையில்லை"மீன்குட்டை வரப்புல இருக்குறதால கொடிக்கா செடிகளுக்குத் தண்ணீர் பாய்ச்சுற வேலை எனக்கில்ல. அதோட மீன் கழிவு கலந்து இயற்கையிலேயே நல்ல சத்து நிறைஞ்ச தண்ணியா கிடைக்கிறதால பராமரிப்பும் தேவைப்படல. இன்னிக்கு வரையிலும் ஊட்டச்சத்து உள்ளிட்ட எவ்வித மருந்துகளும் கொடுக்கல. பராமரிப்புக்குன்னு ஒரு பைசா கூட செலவு பண்ணல. ஒரே ஒரு தடவை பூச்சித்தொல்லை இருந்துச்சு. அதுக்கு மாட்டுக்கோமியத்தோட வேப்பங்கொட்டை கரைசலை கரைச்சு தெளிச்சதோட சரி.13 மரங்கள்... 30,000 ரூபாய் வருமானம்போன வருஷம் பூ பூத்துச்சு. அதை உதிர்த்து விட்டுட்டேன். இந்த வருஷம் பூத்த பூக்களைக் காய்க்க விட்டேன். முதல் தடவை காய்ப்பு நல்லா காய்ச்சது. அதனை அறுவடை பண்ணி கிலோ 150 ரூபாய்னு விற்பனை பண்ணுனேன். அதுமூலமா இதுவரையிலும் 30,000 ரூபாய் வருமானமா கிடைச்சிருக்கு. அடுத்த வருஷம் இன்னும் கூடுதல் வருமானம் கிடைக்க வாய்ப்பிருக்குது. கொடிக்கா மூலமா கிடைச்ச இந்த வருமானம் மனசுக்கு மகிழ்ச்சியைக் கொடுத்திருக்கு'' என்றவர் நிறைவாக,''இயற்கை விவசாயத்துல விளையுறதால என்னோட கொடிக்காவுக்கு சந்தையில எப்பவுமே கிராக்கி அதிகம்.தோட்டத்துக்கே வந்து வியாபாரி வாங்கிட்டுப் போயிடுறாங்க. அதுனால போக்குவரத்துச் செலவுகூடக் கிடையாது. இயற்கை விவசாய விளைபொருள்களுக்கு விலை அதிகம். அது பணக்காரர்களுக்கானதுன்னு ஒரு மாயை இருக்கு. அதை உடைக்கணும். இயற்கை விளைபொருள்களுக்கு அதிக விலை வைக்காம, சந்தை விலைக்கே விற்பனை செஞ்சா போதும். இதை இயற்கை விவசாயிகள் செய்ய முன்வரணும்'' என்ற வேண்டுகோளுடன் விடைகொடுத்தார் கனகலிங்கம். தொடர்புக்கு : கனகலிங்கம் : 79045 47488.பெட்டிச் செய்திசத்துகள் மற்றும் பலன்கள்கொடுக்காப்புளி பழங்கள், நரம்பு மண்டலத்தை ஊக்கப்படுத்துகின்றன. வாய்ப்புண்களைச் சரிசெய்யும். பற்களுக்கும் ஈறுகளும் இடையே ஓர் இறுக்கமான பிணைப்பு ஏற்படுத்தும். கிருமிநாசினியாகச் செயல்படும். மஞ்சள் காமாலை நோயைக் குறைக்க உதவும். நீரிழிவு, அஜீரணம், மலச்சிக்கல் தீர்க்கும். நோய் எதிர்ப்புச்சக்தி அதிகரிக்கும். வைட்டமின் 'சி' அதிக அளவில் உள்ளதால், குளிர்காலத்தில் ஏற்படும் தொண்டைச்சளி, நுரையீரல் சளியைச் சரிசெய்யும். சிவப்பு நிறமாக உள்ள கொடுக்காப்புளி ஆண்டி ஆக்ஸிடெண்டுகளாக மாறி, கல்லீரல் வீக்கம், கல்லீரல் தொடர்பான பிரச்சினைகளைத் தீர்க்கும்.மரத்தின் பட்டையைக் காய்ச்சி எடுக்கும் கசாயம் வயிற்றுப்போக்குக்குச் சிறந்த மருந்து. இலைகள் செரிமானக் கோளாறு மற்றும் உணவுக்குழாயைச் சுத்தப்படுத்தி குடல்களில் உருவாகும் நோய்க்கிருமிகளை அழிக்கும். கால்சியம் அதிகம் உள்ளதால் எலும்பு மற்றும் பற்களைப் பலப்படுத்தும். பொட்டாசியம் பற்றாக்குறையினால் ரத்த அழுத்தம் உருவாகிறது. பொட்டாசியம் நிறைந்த இப்பழங்கள் இதயத்தைப் பாதுகாத்து, மாரடைப்பு ஏற்படுவதைத் தடுக்கிறது. பாஸ்பரஸ் செல்களைப் புதுப்பிக்கிறது. இரும்புச்சத்து உடற்சோர்வை நீக்குகிறது. வைட்டமின் ஏ1, பி1, பி2 மற்றும் பி6 நோய் எதிர்ப்புச்சக்தியை அதிகரிக்கச்செய்வதுடன், ஆண்மைக் குறைபாடு நீக்குவதிலும் கொடுக்காப்புளிக்கு முக்கிய பங்குண்டு.உடல் சூட்டினால் ஏற்படும் வயிற்றுப்போக்கினைத் தடுக்கும். பெண்களின் கர்ப்பப்பை சம்பந்தப்பட்ட நோய்களைத் தடுக்கும். உடல் உட்பகுதியில் உறுப்புகளின் புண்கள் மற்றும் குடல் நோய்களைத் தீர்க்கிறது. வாத மற்றும் மூட்டு வலி தீர்க்கும். உடல் எடை குறைக்கும். விதையிலிருந்து எடுக்கப்படும் எண்ணெயைப் பயன்படுத்தி சோப்பு தயாரிக்கப்படுகிறது. மரங்கள், மரச்சாமான்கள் செய்யவும், இலைகள் ஆடுமாடுகளுக்குத் தீவனமாகவும் பயன்படுகின்றன. .பெட்டிச் செய்திகொடுக்காப்புளி சாகுபடி முறைகொடுக்காப்புளி நீண்டகாலம் மற்றும் மர அமைப்பில் வளரும் தன்மையுடையது. அதனால் குறைந்தது 30 அடிக்கு 30 அடி இடைவெளியில் நடவு செய்ய வேண்டும். 40 அடிக்கு 40 அடி இடைவெளியில் நடவு செய்தால் பல ஆண்டுகளுக்குப் பலன் கிடைக்கும். நடவு நிலத்தில் 3 அடிக்கு 3 அடி குழி எடுக்க வேண்டும்.செம்மண், வண்டல் மண் மற்றும் மாட்டுச்சாணம் கலந்து குழியில் போட்டு இரண்டு நாட்கள் வைத்திருக்க வேண்டும். பிறகு, கன்றுகளை ஊன்ற வேண்டும். ஆரம்பத்திலிருந்தே நிலம் காயாமல் தண்ணீர் விட்டு வர வேண்டும். ஓரளவு வளர்ந்த பிறகு 15 நாட்களுக்கு ஒரு முறை நீர் விட்டால் போதும். செடிகள் வளர்ந்து பூ பூக்கும் சமயத்தில் பூச்சித்தாக்குதல் ஏற்பட வாய்ப்புள்ளது. அந்த நிலையில் மழை பெய்தாலே பூச்சிகள் அழிந்து விடும். தை மாதத்தில் நடவு செய்தால் கார்த்திகையில் பூ எடுக்கும். பூக்கள் உதிர்வைத் தடுக்கவும், காய்கள் வளர்ச்சிக்காகவும் ஆட்டு உரம், புண்ணாக்கு கலந்து இட்டால் போதும்.பராமரிப்பு தேவையில்லை என்பதோடு நிலம் மற்றும் வளர்ச்சிக்குத் தேவையான உரங்களை இயற்கை முறையில் அளித்தால் ஒரு வருடத்தில் நன்றாக வளர்ந்துவிடும். முதன் முதலாக பூக்கின்ற பூக்களை உதிர்த்துவிட வேண்டும். உதிரும் இலை, தழைகள் அனைத்துமே நிலம் முழுக்க மூடாக்கு போட்டது போல அமைந்துவிடும். தேவையான நீர் மேலாண்மை செய்து வந்தால் போதும். வளர்ச்சி மற்றும் பூச்சித்தாக்குதலுக்கென எந்த விதமான பூச்சி மருந்துகளோ, உரமோ தேவையில்லை. நிலத்தின் சத்தைப் பராமரிக்க 3 ஆண்டுக்கு ஒரு முறை ஆட்டு சாணம் விரவிவிட வேண்டும். முதல்முறை நடவு செய்யும்போது உழவு, கன்றுகள் உள்பட 25,000 ரூபாய் செலவாகும். அடுத்தடுத்த ஆண்டுகளில் ஆண்டுக்கு 10,000 ரூபாய் செலவாகும்.முதல் வருடத்தில் பூக்கின்ற பூக்களை உதிர்த்து விட்டுவிட வேண்டும். இரண்டாவது வருடத்திலிருந்து ஒரு மரத்திற்கு 5 கிலோ அளவில் விளையத் துவங்கி படிப்படியாக அதிகரிக்கும். சரியான முறையில் பராமரிக்கும்போது, மூன்றாவது வருடம் முதல் ஒரு மரத்திற்கு 15 கிலோவும், ஐந்தாவது வருடத்திலிருந்து மேலும் கூடுதலாகவும் கிடைக்க வாய்ப்புள்ளது.சரியான விளைச்சலில்லாத நிலையில் குறைவாகக் காய்த்தாலும், வருடந்தோறும் ஒரு ஏக்கரிலிருந்து செலவு போக 1,00,000 ரூபாய் லாபமாகக் கிடைக்கும். இயற்கை ஒத்துழைத்து, காய்கள் நன்றாகக் காய்க்கும் நிலையில் லாபம் மேலும் கூடுதலாகும்..பெட்டிச் செய்திவிற்பனையில் கவனம்விவசாயத்தில் தான் கற்றுக்கொண்ட பாடம் குறித்துப் பேசிய கனகலிங்கம், "மாதுளை சரியா வரல. நான் கற்பூரவல்லி வாழையைத்தான் சாகுபடி செய்யுறேன். ரெண்டு தடவை மகசூல் எடுத்துட்டேன். வாழையைப் பொறுத்த அளவு லாபம் எதுவும் பார்க்கல. போட்ட பணத்தை எடுத்திட்டேன். அவ்வளவுதான். அதே மாதிரி கொய்யாவுல அர்க்கா கிரண் ரகத்தை நடவு பண்ணியிருக்கேன். அதுல கொஞ்சம் வருமானம் கிடைக்குது. ஆனா, அதுவும் சொல்லிக்கொள்ளும்படி இல்ல. அதுக்குக் காரணம் எனக்கு விற்பனை செய்யத் தெரியல. கொய்யாவை கிலோ 10 ரூபாய், 15 ருபாய்க்கு கேட்குறாங்க. இயற்கை விவசாயத்துல விளையுற சிவப்பு கொய்யாவை கிலோ 60 ரூபாய்னு விற்பனை செய்யலாம். ஆனால், வியாபாரிகள் அந்த விலைக்குக் கேட்குறதில்ல. அதுனால இனிமேல் நானே வியாபாரியா மாறப்போறேன். அதுக்காக தேசிய நெடுஞ்சாலையில இப்ப சொந்தமா ஒரு கடையைக் கட்டிக்கிட்டு இருக்கேன். அது முடிஞ்சபிறகு, என்னோட விளைபொருள்களை அங்க வெச்சு விற்பனை செய்யப்போறேன். அதுக்கு பிறகு என்னோட விவசாய வருமானம் வேற லெவல்ல இருக்கும்''என்றார்

ஒரு ஏக்கர்... ஆண்டுக்கு 1,00,000 ரூபாய் லாபம்! கொட்டிக் கொடுக்கும் கொடுக்காப்புளி!

Related Stories