ஒரு மூட்டை தேவையில்லை... 500 மில்லி போதும்! உரச்செலவை குறைக்கும் திரவ 'வரம்'!

இயற்கை விவசாயம் குறித்த விழிப்புணர்வு அதிகரித்து வரும் இந்தக் காலகட்டத்திலும் விவசாயிகள் அதிகமாகப் பயன்படுத்துவது யூரியா மட்டுமே. தழை, மணி, சாம்பல் சத்துக்காக அதனைப் பயன்படுத்துகிறார்கள். ஒரு மழை பெய்தவுடன் அந்த ஈரத்தைப் பயன்படுத்த 'உர உப்பு' எனச் செல்லமாக அழைக்கப்படும் யூரியாவை தான் அதிகமாகப் பயன்படுத்துகிறார்கள். யூரியா போட்டால் இரண்டு மூன்று தினங்களில் பயிர் பச்சை பிடித்து, தளதள என இருப்பதைக் கண்கூடாகப் பார்க்கலாம். அதனால் அதனைத் தொடர்ந்து பயன்படுத்துகிறார்கள்.மண்வளத்தை கெடுக்கும் யூரியாயூரியாவை நிலத்தில் இட்டால் 30 முதல் 33 சதவிகித சத்துகள் தான் பயிருக்குக் கிடைக்கும். மீதமுள்ள சத்துகள் நிலத்தில் கரைந்து உப்பாகப் படிவதுடன், ஆவியாகி வளிமண்டலத்தில் கலந்து சுற்றுச்சூழலைக் கெடுக்கிறது. யூரியா, விளைச்சலையும், பயிர் வளர்ச்சியையும் அதிகரிக்கும் என்றாலும் அது நிலத்தின் மண்வளத்தைக் கெடுக்கும் என்பது மறுக்கமுடியாத உண்மை. தொடர்ந்து பயன்படுத்துவதால் முன்பு மகசூலை அள்ளிக் கொடுத்த நிலங்கள்... இன்றைக்கு மண்வளம் கெட்டு மகசூலைக் கிள்ளி கொடுக்கின்றன.இதற்கு நல்ல மாற்றாகக் கண்டுபிடிக்கப்பட்டுள்ளது திரவ வடிவிலான ’நானோ யூரியா', இந்த உரம் குறித்து சில விளக்கங்களைப் பகிர்ந்து கொண்டார் திருவண்ணாமலை மாவட்ட வேளாண்மை இணை இயக்குநர் சி.ஹரகுமார்.'நானோ யூரியா'''இது வேளாண் துறையில் கொண்டு வரப்பட்ட உலகின் முதல் 'நானோ' உரமாகும். இந்திய உரக்கட்டுப்பாட்டுச் சட்டத்தின் கீழ் இந்தியாவில் ஒரே நிறுவனம் தான் அந்த அங்கீகாரத்தை இதுவரை பெற்றுள்ளது. 'நானோ பயோ டெக்னாலஜி' ஆராய்ச்சி மூலம் 'நானோ' தொழில்நுட்பத்தை அடிப்படையாகக் கொண்ட திரவ 'நானோ யூரியா'வில் 4 சதவிகிதம் 'நானோ நைட்ரஜன்' துகள்கள் இருக்கின்றன. 45 கிலோ எடையுள்ள ஒரு மூட்டை யூரியாவுக்குச் சமமான பலன் 500 மில்லி 'நானோ யூரியா'வை இலை வழியாகத் தெளிப்பதன் மூலம் கிடைக்கிறது.அதிகரிக்கும் பயிர் வளர்ச்சிதற்பொழுது பயிர்களுக்கான தழைச்சத்தினை பெரும்பாலும் குருணை யூரியா மூலமாகவே மண்ணில் வழங்கி வருகிறோம். யூரியாவின் குறைந்த பயன்பாட்டுத் திறன் காரணமாக 30 முதல் 50 சதவிகிதம் மட்டுமே பயிரில் பயன்படுகிறது. எஞ்சியுள்ள நைட்ரஜன் அம்மோனியா, நைட்ரஸ் ஆக்சைடு, நைட்ரேட் வடிவத்தில் கசிந்து மண், காற்று மற்றும் நீரை மாசுபடுத்துகிறது. நைட்ரஜன், தாவரத்தில் உள்ள 'குளோரோபில்', 'புரோட்டோபிளாசம்', புரதங்கள் மற்றும் 'நியூக்ளிக்' அமிலம் ஆகியவற்றின் முக்கிய அங்கமாகும். மேலும் தழைச்சத்து தாவரத்தின் பசுமைத்தன்மை மற்றும் ஒட்டுமொத்த பயிர் வளர்ச்சியை அதிகரிக்கிறது. 'நானோ யூரியா', தாவரங்கள் மற்றும் உயிரினங்களுக்கு நச்சுத்தன்மை இல்லாமல், நீடித்த நிலையான விவசாயத்திற்கு மிகவும் இன்றியமையாததாகும்..இலை வழி தெளிப்பு'நானோ யூரியா'வின் சிறிதளவு துகள்கள் (70-50 நானோ மீட்டர்) அதிக பரப்பளவு இருப்பதால் தழைச்சத்து பயன்பாட்டுதிறன் 80 சதவிகிதம் வரை கிடைக்கிறது. பயிருக்குத் தேவையான தழைச்சத்துத் தேவையைத் திறம்பட பூர்த்தி செய்து, பயிர் வளர்ச்சியை அதிகரிக்கிறது. 'நானோ யூரியா'வை பயன்படுத்துவதன் மூலம் குருணை யூரியாவின் தேவையை 50 சதவிகிதம் அல்லது அதற்கு மேலும் குறைக்கலாம். 'நானோ யூரியா' நெல், மக்காச்சோளம், கரும்பு, பயறுவகைப் பயிர்கள், எண்ணெய் வித்துப்பயிர்கள், காய்கறிகள் மற்றும் மலர்கள் ஆகிய பயிர்களுக்கு இலை வழியாகத் தெளிக்க சிறந்த தழைச்சத்து உரமாகும். இதை ஒரு இடத்தில் இருந்து மற்றொரு இடத்திற்கு எடுத்துச் செல்வதும், சேமிப்பதும் எளிதானது. புவி வெப்பமாதலைத் தடுப்பதுடன் மண், காற்று மற்றும் நீர் மாசுபடாமலும் காக்கிறது. தேவையான நேரத்தில் பயிர்களுக்குத் தழைச்சத்தை அளிக்கிறது. குறையும் உரச்செலவு... அதிகரிக்கும் மகசூல்.'நானோ யூரியா'வை இலை வழியாகத் தெளிக்கும்போது இலையில் உள்ள துவாரங்கள் அல்லது பிற திறப்புகளின் மூலம் எளிதில் தாவரங்களுக்குள் ஊடுருவுகிறது. இலை பகுதியிலிருந்து 'புளோயம்' குழாய் மூலம் நெற்கதிர், பூ, கனி ஆகிய பகுதிகளை எளிதாகச் சென்றடைகிறது. பயன்படுத்தப்படாத தழைச்சத்து இலையில் இருக்கும் 'செல்' வெற்றிடத்தில் சேமிக்கப்படுகிறது. தாவரத்தின் வளர்ச்சிக்குத் தேவையானபோது மெதுவாகக் கிடைக்கச் செய்கிறது. இதனால் உரச்செலவைக் குறைந்து, மகசூல் அதிகரிக்கிறது. அதன் மூலம் விவசாயிகளின் வருமானமும் அதிகரிக்கிறது. 'நானோ யூரியா' சுற்றுச்சூழலுக்கு உகந்தது. பயிர்களில் ஊட்டச்சத்தின் அளவை அதிகரிக்கிறது. குருணை யூரியாவை விட விலை குறைவு.பின்பற்ற வேண்டியவைதெளிப்பதற்கு முன்பாக பாட்டிலை நன்றாகக் குலுக்க வேண்டும். இலை வழியாகத் தெளிக்க தட்டை வடிவ வெட்டு முறை (FLAT FAN NOZZLE) தெளிப்பான்களைப் பயன்படுத்தித் தெளிக்க வேண்டும். பனி பெய்யும் நேரம் தவிர்த்து, காலை, மாலை நேரங்களில் தெளிக்கலாம். 'நானோ யூரியா' தெளிக்கப்பட்ட 12 மணி நேரத்திற்குள் மழை பெய்தால், மறு தெளிப்பைச் செய்ய வேண்டும். இதனைக் கடற்பாசி திரவம் அல்லது முற்றிலும் நீரில் கரையக்கூடிய உரங்களுடன் கலந்து தெளிக்கலாம். 'நானோ யூரியா' உற்பத்தி செய்யப்பட்ட நாளிலிருந்து 2 ஆண்டுகளுக்குள் பயன்படுத்த வேண்டும். இல்லையென்றால் மருந்து காலாவதியாகி அதன் மருத்துவ குணத்தை இழந்திருக்கும். விவசாயத்திற்குப் புதிது, புதிதாக வரும் விஞ்ஞான முன்னேற்றத்திற்கு ஈடு கொடுத்து விவசாயிகள் முன்னேற வேண்டும். இதை விவசாயிகளுக்குக் கிடைத்த திரவ உரம் என்பதை விட 'திரவ வரம்' என்றே சொல்லலாம்.பெட்டிச் செய்திபயன்படுத்தும் முறைஒரு லிட்டர் தண்ணீரில் 2 முதல் 4 மில்லி 'நானோ யூரியா'வை கலந்து பயிர்கள் முழுவதும் நனையும்படி தெளிக்க வேண்டும். சிறந்த மகசூலைப் பெற இலை வழி தெளிப்பாக இரண்டு முறை பயன்படுத்தலாம். விதைப்பிற்குப் பிறகு 30 முதல் 35 நாட்களில் முதல் தெளிப்பு, பூப்பதற்கு ஒரு வாரத்திற்கு முன்பாகவோ அல்லது முதல் தெளிப்பிலிருந்து 20 முதல் 25 நாட்கள் இடைவெளியிலோ இரண்டாவது முறை தெளிக்கலாம். இதை 'ஸ்பிரேயர்' மூலம் தெளிப்பதை விட 'ட்ரோன்' மூலம் தெளிப்பது செலவை மிச்சப்படுத்தும். - அன்புவேலாயுதம்

ஒரு மூட்டை தேவையில்லை... 500 மில்லி போதும்! உரச்செலவை குறைக்கும் திரவ 'வரம்'!

Related Stories