லப்டப் லடாக்

மதி : 4மாலை: 66 1 பயணம் என்பது பந்தயக்குதிரைபறக்கும் பறவைக்கு பெரிதல்ல வானம்இலக்கின் தூரம் எறும்புக்கும் புரியும்பாய்ந்து பறப்போம் பிரபஞ்சம்! - ஹரிணி கோவை வடவள்ளி பாரதி காலனி.அந்த வீடு 2,400 சதுர அடியில் மூன்று மாடி கட்டடமாய்க் கட்டப்பட்டிருந்தது. மொட்டை மாடியில் தோட்டம்.ராம்பிரசாத் _ வயது 62. தபால் தந்தித் துறையில் உயர் பதவி வகித்து ஓய்வு பெற்றவர்.அவரின் மனைவி கோகிலா _ வயது 59. கடமை உணர்வு தவறாத இல்லத்தரசி.ராம்பிரசாத்துக்கும் கோகிலாவுக்கும் ஒரே மகன்சத்யசஞ்சீவி. ராம்பிரசாத்தின் 38_வது வயதில்சத்யசஞ்சீவி பிறந்தான். ஆர்க்கிடெக்சர் படித்தவன். உயரம் 175 செ.மீ., ரோஸ் நிறம், சுருள் முடி, மீசையும் தாடியும் இணைந்த ஃபிரெஞ்ச் தாடி. கழுத்தில் ஒற்றை ருத்ராட்சம். சத்யசஞ்சீவி ஒரு சாகச விரும்பி.பெற்றோருடன் அமர்ந்து காபி உறிஞ்சினான் சத்யசஞ்சீவி.மேஜையின் மீது பத்துக்கும் மேற்பட்ட லேமினேட் செய்யப்பட்ட பைக்குகளின் புகைப்படங்களை விசிறினான்.“அம்மா... இதில் ஒரு பைக்கைதான் வாங்கப்போறேன்!’‘“இதுகளையெல்லாம் ஏண்டா என்கிட்ட காண்பிக்கற? எனக்கு சைக்கிள்களை பற்றியே ஒண்ணும் தெரியாது!’‘“இதில ஒரு பைக்கைதான் வாங்கப் போறேன்..’‘“என்ன வேணும்னு தெளிவா சொல்லிடு சஞ்சீவி...’‘“பிரபலமான அந்த பிராண்ட்ல 350 தான் வாங்கப்போறேன். 346சிசி இயந்திரம். ஒற்றை சிலிண்டர். பெட்ரோல் ஒரு லிட்டருக்கு 45 கி.மீ. போகும். ஜி.பி.எஸ். இணைப்பு உண்டு. வண்டியோட எடை 197 கிலோ. பெட்ரோல் டேங்க்கோட கொள்ளளவு 20 லிட்டர்.’‘“என்ன விலை ஆகுது?’‘“எக்ஸ்ட்ரா ஃபிட்டிங்ஸ் எல்லாம் சேத்து ரெண்டு லட்சமாகும்!’‘“சிட்டிக்குள்ள ஓட்றதுக்கு இந்த பைக் எதுக்கு?’‘ ராம்பிரசாத் வினவினார்.“நான் 8,000 கி.மீ. தொலைதூர மலைப்பயணம் போய் வர இருக்கிறேன். பார்த்து வரும் பணிக்கு ஒரு மாத விடுமுறை போட்டுள்ளேன்.’‘“மலைப்பயணம் என்றால்?’‘“லடாக் போய் திரும்ப இருக்கிறேன்.’‘“தேவையா?’‘“தென்னாப்பிரிக்காவின் கேப் டவுனிலிருந்து ரஷ்யாவின் மெகாடன் 22,387 கி.மீ. நடந்துபோனால் 187 நாட்களில் இந்த தூரத்தைக் கடக்கலாம். ஒரு நாளைக்கு எட்டு மணிநேரம் நடந்தால் 561 நாட்களில் மேற்சொன்ன தூரத்தைக் கடக்கலாம். மேற்சொன்ன தூரத்தில் 17 நாடுகளும் ஆறு நேர மண்டலங்களும் அனைத்து பருவநிலைகளும் அடங்கியுள்ளன. இந்த தூரத்தை எத்தனையோ பேர் நடந்து கடந்திருக்கிறார்கள். ஆப்டர் ஆல் நான் 8,000 கி.மீ. பைக் பயணம்தானே போகிறேன்...’‘“உன்கூட யார் வருகிறார்கள்?’‘“நான் மட்டும் தனியேதான் போகிறேன்!’‘“எதற்காக இந்த பைக் பயணம்?’‘“பொழுதுபோக்கு விருப்பம் வேட்கை எனலாம். பூமிப்பந்தின் ஒவ்வொரு மூலையையும் முத்தமிட்டு காதல் வசனம் பேச விரும்புகிறேன். பைக் டூர் போவது ஒரு சமூக அந்தஸ்தை பரிசளிக்கும் என நம்புகிறேன். பணி அழுத்தத்துக்கு சிறந்த வடிகால் இந்த பைக் பயணம்!’‘“இந்த பைக் பயணத்துக்குத் தேவையான முன்னெச்சரிக்கைகளை தெரிந்து கொண்டாயா?’‘“ஓ! கோவையிலிருந்து லடாக் வரை எங்கேங்கே பெட்ரோல் பங்க்குகள் உள்ளன என குறித்து வைத்துள்ளேன்.* பயணத்தின்போது டயர்களின் காற்று அழுத்ததைக் கணக்கிடவேண்டும்.* கொண்டு செல்லும் பயண சுமையின் மீது ஒரு கண் வைக்கவேண்டும்.* வண்டியை எந்த வேகத்தில் சீராக ஓட்டுவது என்பது பற்றி சிந்தித்துள்ளேன்.* ஆறு மாதங்களாக டூ வீலர் சரியாக வேலை செய்கிறதா என பார்த்து கொள்ள வேண்டும்.* வாகனத்தில் முதலுதவி பெட்டி வைக்க வேண்டும்.* தேவைப்படும் இடங்களில் பைக்கை நிறுத்தி ஓய்வெடுக்க வேண்டும்.* எல்லாவற்றையும் விட வாகன ஓட்டியின் பாதுகாப்பு மிகமிக முக்கியமானது என்பதனை உணர்ந்துள்ளேன்.’‘“வேற?’‘“கோவையிலிருந்து லடாக் செல்லும் வழியில் பல மாநிலங்கள் உள்ளன. மாநிலங்களின் போக்குவரத்து விதிகளை அவர்களுடைய சட்டதிட்டத்தை கற்று தேர்ந்துள்ளேன். பயணத்தின்போது ரொக்கப்பணம் கிரெடிட் கார்டு, நெட் பேங்கிங் செயலிகள் கொண்டு செல்கிறேன்.தேவைப்படும் உணவும் நீரும் பயணத்தின்போது எடுத்துச் செல்ல வேண்டும். கோவை _ லடாக் நண்பர்களை முகநூல் மூலமும் வலைதளம் மூலமும் தொடர்பில் வைத்திருக்க வேண்டும். அந்நியர்களிடம் எச்சரிக்கையாக இருத்தல் நலம். குடும்ப மருத்துவரை கலந்தாலோசித்து பயணம் மேற்கொள்ள வேண்டும்- ஹெஸ்த் இன்ஷூரன்ஸ் எடுப்பது மஹா சிறப்பு. அத்தனையும் செய்வேன்!’‘“லடாக் பைக் பயணத்துக்கு எந்த மாதங்கள் சிறந்தவை?’‘“ஜூனிலிருந்து செப்டம்பர்.’‘“நீ பிப்ரவரில போற?’‘“ஒண்ணும் தப்பில்லை.’‘“மொத்தம் பட்ஜெட் என்ன?’‘“வெறும் ஐம்பதாயிரம் ரூபாய்.’‘“லேயும் லடாக்கும் ஒண்ணா?’‘“ஒண்ணுதான்!’‘“லடாக்கின் முதலமைச்சர் பெயர் என்ன?’‘“லடாக். 31.10.2019ல் யூனியன் பிரதேசமாகியது. லடாக் ஒரு செங்குத்தான பீட பூமி. அதன் மலைப்பகுதிகள் 45 மில்லியன் ஆண்டுகளுக்கு முன்பு உருவானவை. லடாக்கின் உயரம் குறைந்த பகுதி இன்டஸ் நதி. அது 8,370 அடி உயரம். உயரம் கூடின பகுதி ஸால்ட்ரோ காங்ரி. அது 25,400 அடி உயரம். லடாக்கின் கோடைக்கால தலைநகரம் லே. லடாக்கின் குளிர்க்கால தலைநகரம் கார்கில். இந்தத் தகவல்கள் போதுமா... இன்னும் வேணுமா டாடி?’‘“கோவை டூ லடாக் எத்தனை நாட்களில் போவாய்?’‘“நான்ஸ்டாப்பாக போனால் 53 மணிநேரத்தில் போய்விடலாம். அதே 53 மணிநேரத்தில் கோவை திரும்பிவிடலாம். ஆனால், நான் போக 15 நாட்கள் வர 15 நாட்கள் அவகாசம் எடுத்துக்கொள்ளப் போகிறேன்.’‘“பைக் பயணம் முழுமையையும் வீடியோ பண்ணவில்லையா?’‘“தலைடில் மாட்டும் ஹெல்மெட்டில் ஒரு கேமராவை பொருத்திக்கொள்வேன். பைக் பயணம் போய் வந்தப் பிறகு வீடியோவை எடிட் பண்ணி, ஏதாவது ஒரு ட்ராவலிங் சேனலில் டெலிகாஸ்ட் பண்ணுவேன்.’‘“சேனல்காரன் வாங்கிடுவனா?’‘“ஏற்கெனவே பேசி அட்வான்ஸ் வாங்கிட்டேன்!’‘“கோவை- _ லடாக் எந்த வழியில் போகிறாய்?’‘“கோவையிலிருந்து சேலம். சேலம் டூ திருப்பதி. திருப்பதியிலிருந்து விஜயவாடா. விஜயவாடா டூ வாராங்கல், அதன்பின் நாக்பூர். நாக்பூரை அடுத்து இட்டாரி. அங்கிருந்து போபால். அதையடுத்து ஜான்ஸி. தென் ஆக்ரா. பின்னர் ஆக்ரா டூ நியூடெல்லி. சண்டிகார் _- மணாலி- _ கெய்லாங்- _ லடாக்!’‘“உன் பைக் பயணத்துக்காக சிறப்பான முன் தயாரிப்புகள் செய்துள்ளாய். பாதுகாப்பான பயணத்துக்கு இறைவனை வேண்டு.’‘“இறைவனா? என் கையே எனக்கு உதவி!’‘காட்சியமைப்புக்குள் ஒரு ஈஸ்ட்ரோஜென் புயல் சுழன்றடித்தது.“அங்கிள்... ஆன்ட்டி... யாரைக் கேட்டு பைக் டூரை முடிவு பண்ணினான் சத்யசஞ்சீவி? காதலி அபர்ணா கல்குண்டாட்டம் இருக்கிறேனே... என்னிடம் ஒரு வார்த்தை கேட்டானா ப்ளடி ராஸ்கல். நோ கோவை டூ லடாக் டூர்!’‘ ஆணித்தரமாக அறிவித்தாள் அபர்ணா.விதி, நடிகர் சிங்கம்புலி போல கோணங்கித்தனமாக சிரித்தது. . 2 துரிதத்தின் ஆணவம் துயருள் துயரம்மனிதத்தின் வேலை மாண்புறு இரக்கம்முயல்கள் தோற்க ஆமைகள் முயற்சி இருப்பும் துறப்பும் கணக்கே!- ஹரிணிஅபர்ணா _ வயது 22. உயரம் 165 செ.மீ. கோதுமை நிறம். அனுஸிதாராவையும் ப்ரியங்கா மோகனையும் ஜாக்குலின் பெர்னான்டஸையும் தீபிகா படுகோனையும் ஒருசேர ஓர் குடுவையில் போட்டு குறும்பையும் மேதைமையையும் ஒரு ஸ்பூன் ஊற்றி தயாரிக்கப்பட்டவள் அபர்ணா. சைவ ஹோட்டல்களில் அளவு சாதம் கவிழ்க்கும் கப் அளவுக்கு மார்பகங்கள். ஊட்டி கொண்டை ஊசி வளைவுப்போல இடுப்பு. அபர்ணா இளநிலை பௌதிகம் படித்தவள்.அபர்ணாவை சஞ்சீவி எதிர்பார்க்கவில்லை.“வாத்தியாரம்மா வந்துவிட்டாள். இனி ஒரே விரிவுரைதான்.’‘“வாம்மா... உக்காரும்மா... காபி குடிக்கிறியாம்மா?’‘ கோகிலா வினவினாள்.“அடிக்கடி காபி குடிக்கறது நல்லதில்ல... எனக்கு வேணாம்.’‘ராம்பிரசாத் சஞ்சீவியிடம் திரும்பினார். “லடாக் டூருக்கு முறைப்படி அபர்ணாகிட்ட கேட்டு அனுமதி வாங்கியிருக்கலாமில்ல?’‘“அப்புறம் சொல்லிக்கலாம்னு இருந்தேன்.’‘“இதென்னடா அலட்சியம்?’‘“அபர்ணாவைத் தூண்டி விடாதீங்க.’‘“எப்படா போற?’‘ அபர்ணா வினவினாள்.“அடுத்த வாரம்!’‘“இதுவரைக்கும் கோயம்புத்தூரைத் தாண்டி எந்த ஊருக்காவது பைக்ல போயிருக்கியா?’‘“இல்லை.’‘“புது ஸ்போர்ட்ஸ் பைக்கை வாங்கி ஓட்டப்போற. புதுவண்டியை ஸ்மூத்தா ஓட்டவே ரெண்டு மாசம் ஆகுமேடா...’‘“ஐ வில் மேனேஜ்!’‘“நீ பைக் டூர் போறது பிப்ரவரியில. அந்த மாதமும் லடாக் பகுதிக்கு குளிர்காலம்தான். குளிர் எப்படி தாங்குவ?’‘“நூறு கேள்விகள் கேக்காதே. பைக் டூருக்கு நெஞ்சார்ந்த வாழ்த்துகளைச் சொல்லு. அது போதும்!’‘“வாழ்த்துகள்! தினமும் இருமுறையாவது என்னிடம் போனில் பேசிவிட வேண்டும். ட்ராவலிங்கில் எங்கேயும் அசைவம் சாப்பிடாதே. உன்னுடைய டிரைவிங் லைசென்ஸ், ஆர்.சி. புக், மாசு சான்றிதழ், ஆதார் கார்டு எல்லாத்தையும் ஸ்கேன் பண்ணி உன்னோட மொபைல்ல வச்சுக்க. செக் போஸ்ட் போலீஸ்கிட்ட மென்மையா பேசு. நூறு இருநூறு லஞ்சம் கேட்டா, தொலையுறான்னு கொடு. கொரோனா முதல் ரெண்டு டோஸும் போட்டதற்கான சான்றிதழை மொபைலில் சேமிச்சு வச்சுக்க. அஞ்சாயிரம் பாடல்கள் பதிஞ்சு தரேன்... டோட்டல் ட்ராவலிங்கிலும் கேட்டு என்ஜாய் பண்ணு.’‘“சரி அபர்ணா!’‘“போற எடங்கள்ல புதுசா கேர்ள் ஃப்ரெண்டுகளை செட்டப் பண்ணிடாதே!’‘‘‘இதுதான் என் வேலையா?’‘“பெஸ்ட் ஆஃப் லக் மை டியர் காதலா!’‘ கைகுலுக்கினாள் அபர்ணா.பதினைந்து வகையான எக்ஸ்ட்ரா ஃபிட்டிங்குகளுடன் நீலநிறத்தில் மிடுக்காய் நின்றிருந்தது அந்த ஸ்போர்ட்ஸ் பைக்.கருப்பு நிற விசேஷ ஹெல்மெட் அணிந்திருந்தான் சத்யசஞ்சீவி. டி_ஷர்ட். அதன் மேல் லெதர் ஜாக்கெட். முழங்காலை பாதுகாக்கும் முழங்கால் பட்டை. கைகளில் கையுறை. கால்களில் பூட்ஸ். பபிள்கம் மென்றபடி நின்றிருந்தான் சத்யசஞ்சீவி.முன்னூறுக்கும் மேற்பட்ட பொதுமக்கள் குழுமியிருந்தனர்.சஞ்சீவியின் பெற்றோரும் காதலி அபர்ணாவும் சஞ்சீவியின் இரு கைகளின் பக்கம் நெருக்கமாக நின்றிருந்தனர்.மீடியா மக்கள் சஞ்சீவியை புகைப்படம் எடுத்துக் கொண்டும் வீடியோ எடுத்துக் கொண்டும் இருந்தனர்.டி.டி.எஃப். சுதர்ஸன் வந்திருந்தான். கூடியிருந்த மக்களிடம் அவன் பேச ஆரம்பித்தான். “வணக்கம். பைக்குகள் குதிரைகளுக்கு சமம். இளைஞர்கள் பைக்குகளில் ஏறிவிட்டால் அவர்கள் புரவியில் ஏறி அமர்ந்திருக்கும் இளவரசர்கள் ஆகிவிடுகின்றனர். ஒரு பைக் ஒரு ஆண் மகனை உண்மையில் ஆண்மகன் ஆக்குகிறது. ஒரு ராஜாளி பறவைக்கு இறக்கை முளைத்தால் அது கூட்டை சுற்றிப் பறந்து கொண்டிருக்கக் கூடாது. ஏழாம் வானத்தைத் தாண்டி பறத்தல் சிறப்பு. ஒரு இளைஞன் பைக் வாங்கினால் அவனுடைய தெரு, பெட்டிக்கடையையே சுற்றிக் கொண்டிருக்கக் கூடாது. உலகத்தைச் சுற்றி வர வேண்டும். நண்பர் சத்யசஞ்சீவியின் கோவை டூ லடாக் பைக் டூர் வெற்றியடைய வாழ்த்துகிறேன்!’‘கூட்டம் கைதட்டியது.பைக்கில் ஏறி அமர்ந்தான் சத்யசஞ்சீவி.சுதர்ஸன் கொடியை அசைத்தான்.சஞ்சீவி இரு கை கட்டை விரல்களை உயர்த்தினான்.“ஹிப்...ஹிப்... ஹுர்ரே...’‘பைக் சீறிப் பாய்ந்தது. அதிகவேகம் செல்லாமல் சஞ்சீவி அறுபது கிலோ மீட்டர் வேகத்தில் மிதந்தான்.எல் அண்ட் டி டோல்கேட்.டோல் பணியாளர் சத்யசஞ்சீவியை நிறுத்தினார்.“நீங்கள் தொடர்ந்து போக முடியாது.’‘“பாஸ்ட் டேகிலிருந்து டோல் பணத்தை கழித்துக்கொள்ள வேண்டியதுதானே?’‘“நீங்க லடாக் செல்ல முடியாது.’‘“ஏன்?’‘“உங்க பெயர் சத்யசஞ்சீவிதானே?’‘“ஆமாம்.’‘“அதனாலதான் சொல்கிறேன்... நீங்க போக முடியாது!’‘“இதென்ன முட்டாள்தனமா இருக்கு? நீங்க யார் என்னை தடுக்க?’‘“அதெல்லாம் அப்டித்தான். திரும்பிப் போங்க!’‘“அடிச்சு பல்லெல்லாம் பேத்திடுவேன்... என்னை இப்போ விடுறீங்களா... இல்லையா?’‘“பைக் டூர் அடிக்கிற நீங்க வன்முறையா பேசலாமா?’‘“என் பைக் டூர் பத்தி உனக்கு எப்படித் தெரியும்?’‘ ஒருமைக்குத் தாவினான்.“என்னோட காதுல வந்து ஒரு பட்சி சொல்லுச்சு.’‘“உன்னுடைய அடாவடித்தனத்தை 1033க்கு போன் பண்ணி ரிப்போர்ட் செய்கிறேன்...’‘கைபேசியை எடுத்து, 1033க்கு போன பண்ணப் போனான்.“கம்ப்ளைன்ட் பண்றதுக்கு முன்னாடி ஒரு நிமிஷம்...’‘“என்ன?’‘“உங்க முதுகுக்குப் பின்னாடித் திரும்பிப் பாருங்க...’‘திரும்பிப் பார்த்தான். நூற்றுக்கணக்கான இளைஞர்கள் நின்றிருந்தனர்.“இந்தப் படை போதுமா? இன்னும் கொஞ்சம் வேணுமா?’‘“லடாக்! லடாக்! லடாக்!’‘“லப்டப் லடாக்! லப்டப் லடாக்!’‘“சத்யசஞ்சீவி வாழ்க! வாழ்க!’‘திகைத்தான் சத்யசஞ்சீவி.“யார் நீங்க?’‘“இன்னுமா எங்களை உங்களுக்குத் தெரியல?’‘“தெரியல...’‘“நாங்க உங்க முகநூல் நண்பர்கள். சேலத்தைச் சேர்ந்தவர்கள். நாங்கள் வாட்ஸ் அப் குழு ஒண்ணும் வச்சிருக்கோம். அதோட அட்மின் இதோ இவர்தான்... பெயர் ஆடிட்டர் ராஜபாலு.’‘இளவயது கமல்ஹாசன் போல காட்சியளித்தார் ராஜபாலு.“நாங்க உங்க கோவை -லடாக் டூரை செலிபரேட் பண்ண விரும்புகிறோம்!’‘“எப்படி?’‘ராஜபாலு கத்தினார்... “கொண்டாங்கடா அதை!’‘ஆளுயர ரோஜாப்பூ மாலையை ஆறேழு பேர் சுமந்து வந்தனர்.“போடுங்கடா அதை நம்ம தலைவருக்கு!’‘சத்யசஞ்சீவிக்கு போட்டனர். நிகழ்ச்சி முகநூலில் லைவ்வில் ஓடியது. எல்லோரும் கைதட்டினர். இருவர் ஷாம்பெய்ன் பாட்டில்களை எடுத்து குலுக்கிப் பீய்ச்சியடித்தனர்.லடாக் வரைபடம் வரையப்பட்ட இரண்டு கிலோ கேக்கை கொண்டு வந்து வைத்தனர்.பிளாஸ்டிக் கத்தியை நீட்டினார் ராஜபாலு.“கேக்கை வெட்டுங்க எஜமான்!’‘சத்யசஞ்சீவி கேக்கை வெட்ட ஆரம்பித்தான். “லடாக் பயணத்தோட நிக்காம உலக டூர் போங்க தலைவரே!’‘“முதல்லயே எங்ககிட்ட சொல்லியிருந்தா நாங்க முப்பது நாப்பது பேர் உங்களோட லடாக் பைக் டூர் வந்திருப்போம்!’‘ஒருவன் ஒரு பார்சலை நீட்டினான். “இதுல தட்டு வடை, குச்சிக்கிழங்கு, பன் புரோட்டா, ஜிலேபி இருக்கு தல. போற வழில தின்னுட்டே போ செல்லம்!’‘“எங்க தலைவி ப்ரியங்கா மோகன் புகைப்படத்தை லடாக்ல பறக்க விடுங்க.’‘ராஜபாலு, “நண்பர் சத்யசஞ்சீவிக்கு முத்தம் கொடுக்கிறவங்க எல்லாம் முத்தம் கொடுக்கலாம்!’‘எல்லாரும் பாய்ந்து பறந்து வந்தனர்.சஞ்சீவியின் இரு கன்னங்களிலும் மாறிமாறி முத்தமிட்டனர். இச்! இச்!“எல்லாரும் ஒரு குரூப் போட்டோ எடுத்துக்கலாம்!’‘சத்யசஞ்சீவி தலையாட்டினான்.சஞ்சீவியைத் தூக்கி வானத்தில் வீச- க்ளிக்!சஞ்சீவியின் எஸ்.எம்.கே. ஸ்டெல்லார் கிராப்ட்டி ஹெல்மெட்டை முன்வைத்து அனைவரும் பின்னால் நிற்க- க்ளிக்!சஞ்சீவியை பைக்கில் அமரச் செய்து பத்துக்கும் மேற்பட்டோர் தொற்றி கொள்ள- க்ளிக்!“போதும் ப்ரோஸ்... நான் கிளம்புறேன்... விடை கொடுங்க!’‘அதன் பின்னும் அரை மணிநேரம் அட்டூழியமும் ஆரவாரமும் தொடர்ந்தன.முகநூல் தோழிகள் தலையில் கரகம் வைத்து ஆடினர்.டோல்கேட்டில் வாகனங்கள் குவிந்து நின்று வேடிக்கை பார்த்தன. பலர் இறங்கி அவரவர் கைபேசிகளில் புகைப்படம் எடுத்தனர்.வேடிக்கை பார்த்த அனைவருக்கும் சாக்லேட் வழங்கினர் சேலம் முகநூல் மக்கள்.ஆடிட்டர் ராஜபாலு சஞ்சீவியிடம், “ஒரு ரிக்வெஸ்ட்...’‘.“என்ன?’‘“வரும்போது லடாக் பெண்ணொருத்தியை கல்யாணம் பண்ணி கூட்டிட்டு வா தல!’‘“பார்ப்போம்.’‘“கைபேசி எண்களை பரிமாறிக்கொள்வோமா?’‘“ஓ எஸ்!’‘ பரிமாறிக் கொண்டனர்.“கீப் இன் டச் வித் அஸ்...’‘“யெஸ்... அப்கோர்ஸ்!’‘“சென்று வருக... வென்று வருக!’‘சத்யசஞ்சீவி புறப்பட்டான். அவனை வெகுதூரம் துரத்தி வந்து வழி அனுப்பினர் சேலம் இளைஞர் கூட்டம்.மரண பீடபூமி சத்யசஞ்சீவியின் வருகைக்காக இரு-ரத்தக்கண்கள் விரித்து காத்திருத்தன! . 3 வன்மம் வேட்டையில் வல்லூறு சிவக்கும்வளர்ந்த மரத்தில் கூடுகட்டி பொறிக்கும்பறக்கும் எதுவும் வானம் தொடாதுபணயத்தில் பயணமும் தப்பாது!- ஹரிணி பைக்கின் ஹாண்டில்பாரின் நடுவில் ஒரு சிறு இந்திய தேசியக்கொடி செருகியிருந்தான் சத்யசஞ்சீவி. பைக்கின் வேகத்தில் கொடி காற்றில் படபடத்தது.சாலையின் இருபுறமும் இருக்கும் நடைமேடையில் நடந்து போகும் தாய்மார்களும் சிறுவர் சிறுமியரும் சஞ்சீவியைப் பார்த்து கையசைத்தனர்.சஞ்சீவி பதிலுக்கு கையாட்டி கட்டை விரலை உயர்த்தினான்.சஞ்சீவியைத் தாண்டிச் செல்லும் வாகனங்களை ஓட்டுவோர் தலையை ஆட்டி, “எங்க ப்ரோ பயணம்?’‘ என்றனர்.“லடாக்குக்கு!’‘“சூப்பர்... வாழ்த்துகள்!’‘“நன்றி!’‘“லடாக்குக்குப் போற வழியில குறைஞ்சது நாலு எடங்கள்லயாவது வழிப்பறி கொள்ளைகள் நடக்குது. ஜாக்கிரதை!’‘“ஐ வில் டேக் கேர் ஆஃப் மை செல்ஃப்!’‘“ஹிந்தி தெரியுமா?’‘“தெரியாது.’‘“ரொம்ப கஷ்டம்... என்னென்ன மொழிகள் தெரியும்?’‘“தமிழ், இங்கிலீஷ்... கன்னடம் பேசினா புரிஞ்சிப்பேன்.’‘“கூகுள் ட்ரான்ஸ்லேட்டர் வச்சு சமாளிச்சிக்க.’‘“நன்றி!’‘அதுவரை இரு வாகனங்களும் ஒரே வேகத்தில் போய்க் கொண்டிருந்தன. உரையாடல் முடிந்ததும் வேகத்தைக் கூட்டி முன்னே சீறினான் சஞ்சீவி.பொதுவாக ஸ்டேட் ஹைவேஸ் டோல்களில்தான் இருசக்கர வாகனங்களுக்கு டோல் சார்ஜ் வசூலிப்பார்கள். நேஷனல் ஹைவேயில் டோல் சார்ஜ் இருசக்கர வாகனங்களுக்கு கிடையவே கிடையாது.எந்தக் கேள்வி கணக்குமின்றி டோல்களைத் தாண்டினான் சஞ்சீவி.கோவையிலிருந்து 350_வது கிலோ மீட்டரில் பைக்கை நிறுத்தினான்.சேலம்- _ திருப்பதி என்ஹெச் 16 நெடுஞ்சாலையில் இரவு பத்து மணிக்கு ஒரு மரத்தடியில் பைக்கை நிறுத்தினான்.பாக்ஸிலிருந்து பிரெட்டும் ஜாமும் எடுத்தான் சஞ்சீவி.நான்கு ஸ்லைஸ்களில் ஜாம் தடவித் தின்றான். பிரபலமான டூத் பேஸ்ட்டை வைத்து பல் துலக்கி, வாய்க் கொப்பளித்தான்.பிறகு மீன் எண்ணெய் கேப்ஸ்யூல்கள் இரண்டை விழுங்கினான்.முகநூலை திறந்தான்.சஞ்சீவியின் லடாக் பயணத்துக்கு ஆயிரத்துக்கும் மேற்பட்டோர் வாழ்த்து தெரிவித்திருந்தனர்.‘சஞ்சீவி வாழ்த்துகள்! கோவைக்கும் லடாக்கும் இடையே உள்ள கோயில்கள் அனைத்தையும் தரிசித்து கொண்டே போ. பயணம் சிறக்கும்... தெய்வ அனுக்கிரஹமும் கிடைக்கும்!’‘“காதலியோட போகாத டூர் ஒரு டூரா? ஒவ்வொரு நூறு கி.மீ. பயணத்துக்கும் ஒரு பத்து நிமிஷ ஆங்கில முத்தம். ஒவ்வொரு 500 கி.மீ. தூரத்துக்கும் ஒரு குதூகல ஆலிங்கனம். ஒவ்வொரு ஆயிரம் கி.மீ. தூரத்துக்கும் ஒரு அப்பா _ அம்மா விளையாட்டு. போடாங்... நீயும் உன் சைவ டூரும்!’‘“லடாக்கில் இந்தியக்கொடியை நட்டு புகைப்படம் எடு!’‘‘லடாக்கில் திபெத்திய பெண்கள் அதிகம் இருப்பார்கள். லடாக் பெண்கள் இருநூறு முந்நூறு கி.மீ. சர்வ சாதாரணமாக நடப்பார்கள். கடல் கிளிஞ்சல்கள், விலையுயர்ந்த கற்கள் பதிக்கப்பட்ட வீட்டிலேயே நெய்யப்பட்ட நீண்ட அங்கி அணிந்திருப்பர். தலையில் டிபி என்கிற தொப்பி அணிந்திருப்பர். கழுத்தில் பெரிய பாசிமாலைகள் போட்டிருப்பர். லடாக்கில் Ôபுரோக்பா’ எனும் பூ மனிதர்கள் இருப்பர். புரோக்பா பெண்களுக்கு பழுப்பு கண்கள், சிவந்த நிறம், கழுகு போல் வளைந்த மூக்கு, உயர் கன்னத்து எலும்புகள் கொண்டவர்கள். அவர்களை உனக்குப் பிடிக்காது. உன் ரசனை வேறு... அவர்களின் தோற்றம் வேறு!’‘‘அடேய்... நான் பைக் டூர்ல பொண்ணா பாக்கப் போறேன்? நான் போறது லடாக்கின் தொன்மத்தையும் பண்பாடு கலாசாரம் ஆன்மிகம் பற்றி தெரிந்து கொள்ளவுமே. என் காதலிக்கு நான் உண்மையாக இருக்கவேண்டும் அல்லவா?’ என பின்னூட்டம் இட்டான் சஞ்சீவி.‘லடாக்கில் நீ உண்ண வேண்டிய பத்து சிறப்பான உணவுகளை கூறுகிறேன். மறக்காமல் போய் சாப்பிடு.1. காய்கறிகளாலும் மாமிசங்களாலும் செய்யப்பட்ட அவித்த கொழுக்கட்டை மோமோஸ், 2. Ôதுக்பா’ எனப்படும் நூடுல்ஸ் இணைந்த சூப். 3. மாமிசமும் காய்கறிகளும் பாலும் இணைந்த ஓமா ஸ்கையூ. 4. -நீரும் பிரெட்டும் இணைந்த சுட்டகி. 5. டிங்மோ பன். 6. Ôசுர்பி’ எனப்படும் காய்ந்த காட்டெருமை பாலாடைக்கட்டி, 7. Ôகுர்குர்சாய்’ எனப்படும் வெண்ணெய் டீ, 8. ‘சாங்’ எனப்படும் லோக்கல் பியர். 9. -காம்பிர் பழுப்பு ரொட்டி, 10. ஆப்ரிகாட் பழ ஜாம். இந்த உணவுகள் முழுவதும் குளிருக்கு இதமாய் இருக்கும்!’‘Ôபதிவுக்கு நன்றி! இந்த உணவுகளை கட்டாயம் சாப்பிடுவேன்... பியரை மூன்றுமுறை காற்றில் தெளித்து, புத்தருக்கு சாங்கை சமர்ப்பணம் செய்வேன்!’ என பின்னூட்டம் இட்டான்.‘லடாக் மக்கள் கொண்டாடும் இரு முக்கியமான பண்டிகைகள் ஹெமிஸ் செசுவும் லோசரும். ஷோன்டோல்’ நடனம் பாரம்பரியமிக்கது. லடாக் மன்னரை மகிழ்விக்க நக்க்ஷோமா’ நடனக் கலைஞர்களால் ஆடப்பட்டது. மலைவாழ் மக்கள் ஆடும்ஜப்ரோ’ நடனம் கெடாக் சென்மோ, சாம் நடனங்களும் திபெத்தில் உண்டு. ஆதியில் லடாக்கில் 360வகை நடனங்கள் இருந்ததாக ஒரு புள்ளிவிபரம் உண்டு. லடாக்கில் நீ பார்க்கும் நடனங்களை வீடியோ பண்ணு. சிறப்பாக இருக்கும்!’‘நன்றி. அப்படியே செய்கிறேன்!’‘வழியில் சாப்பிடுவதற்கு பிரெட் எடுத்து போயிருப்பாய். தொட்டுக்கொள்ள ஜாம் பொருத்தமானதல்ல. இறால் ஊறுகாய் தொட்டுக் கொண்டு சாப்பிடு. டாப் டக்கராக இருக்கும்!’‘இறால் ஊறுகாய்க் கொண்டு வந்திருக்கிறேன்... சாப்பிடுகிறேன்!’‘லடாக்கில் எதுவரை போகிறாய் சஞ்சீவி?’‘ஹிமாலயாவின் வடக்கிலிருந்து தெற்கு சியாச்சின் பனிப்பாறை வரை செல்கிறேன். கிழக்கு முடிவில் அக்ஸாய் சின் சமவெளி வரை செல்கிறேன். அந்தப் பகுதியை இந்தியாவும் சீனாவும் சொந்தம் கொண்டாடுகின்றன!’‘ஜாக்கிரதை... சீன எல்லைக்குள் போய்விடாதே!’‘அறிவுரைக்கு நன்றி!’‘லடாக்கின் மிக உயரமான மலை எது சஞ்சீவி?’‘ஸ்டோக் காங்ரி 20,187 அடி உயரம் கொண்டது. இது ஜாஜ்கர் மலையில் உள்ளது!’‘அங்குப் போவாயா?’“பயண நிரலில் அந்த மலை சிகரம் இல்லை. உங்கள் அனைவரின் விசாரிப்புகளுக்கும் தகவல்களுக்கும் நன்றி. நான் தூங்கப்போகிறேன். குட் நைட்!’கைபேசியை மௌனமாக்கினான்.தூங்க ஆயத்தம் செய்து கொண்டிருந்தபோது ஒரு வெளிச்ச வட்டம் சஞ்சீவி மீது அடித்தது. கண்கள் கூசினான்.“யாரது?’‘கொலுசு சப்தம் சமீபித்தது. உடன் மல்லிகைப்பூ வாசனை.ஒரு 25 வயது யுவதி நின்றிருந்தாள். தெலுங்கும் தமிழும் கலந்த மொழியில் பேசினாள்.“ராத்திரி நேரத்தில் இங்கென்ன வேலை உனக்கு?’‘“நானும் அதே கேள்விதான் உன்னை கேட்கிறேன்... நீ யார்?’‘“இரவு நேரத்தில் மல்லிகைப்பூவுடன் மயக்கும் புன்னகையுடன் ஒரு பெண் எதற்கு வருவாள்? உனக்குத் தெரியாதா?’‘விலைமகள் என அறிந்ததும் சஞ்சீவியின் புருவங்கள் முடிச்சிட்டன.“நான் கோயம்புத்தூரிலிருந்து இமயமலையின் லடாக்குக்கு பைக் டூர் சென்று கொண்டிருக்கிறேன். பகலெல்லாம் பைக் ஓட்டுவேன். இரவில் கிடைத்த இடத்தில் படுத்து ஓய்வெடுப்பேன். மறுநாள் காலை எழுந்து பயணத்தைத் தொடர்வேன்!’‘“வாயேன்... சிறிது நேரம் சந்தோஷமாய் இருப்போம். ஆயிரம் ரூபாய் கொடு!’‘“வேண்டாம்... கிளம்பு.’‘“பாதுகாப்பு சாதனம் வைத்திருக்கிறேன்!’‘“எனக்கு இது மாதிரியான உறவுகள் பிடிக்காது.’‘“ஏன்... உன் கையில் பணம் இல்லையா? ஆன்லைனில் அனுப்பு.’‘“திருமணம் வரை காத்திருப்பேன்.’‘“பத்தாம்பசலி ஆண் நீ!’‘“பாராட்டுக்கு நன்றி!’‘“நீதான் இன்றைய ஒரே கஸ்டமர். நீயும் வேணாம்னுட்டா நா எங்க போவேன்? எனக்கு ஒரு கைக்குழந்தை இருக்கு. அதுக்கு பால் பவுடர் வாங்க காசு வேணும்!’‘“எவ்வளவு பணம் வேணும்?’‘“முந்நூறு ரூபா இருந்தா கொடேன்.’‘மணிபர்ஸை எடுத்து மூன்று நூறு ரூபாய் நோட்டுகளை எடுத்து நீட்டினான்.“இந்தா... வச்சுக்க!’‘“ஒண்ணுமே செய்யாம பணம் தர்றியே?’‘“உன் பேரென்ன?’‘“மாயக்கா!’‘“என்னை உன்னோட ஃபிரெண்ட் அல்லது பிரதரா நினைச்சிக்க. பணத்தை வச்சுக்க... நான் ஒண்ணு சொன்னா கோச்சுக்கக் கூடாது.’‘“சரி... சொல்லு...’‘“சின்ன வயசா இருக்க. கைக்குழந்தை வேற வச்சிருக்க. உன் தொழிலை நீ பண்ணு பண்ணாம இரு... அது உன் விருப்பம். ஆனா, எய்ட்ஸ் தொத்திக்காம கவனமா இரு.’‘“சரி!’‘“நைட் சாப்ட்டியா?’‘“இல்லப்பா.’‘பாக்கி இருந்த அனைத்து பிரெட் ஸ்லைஸ்களையும் ஜாமையும் எடுத்து நீட்டினான் சஞ்சீவி.“இதைச் சாப்பிடு.’‘“நாளை காலைல நீ சாப்பிடறதுக்கு என்ன செய்வ?’‘“நான் பாத்துக்கிறேன்.’‘சாப்பிட்டாள். விக்கியது. தண்ணீர் கொடுத்தான். குடித்தாள். போகும்போது அவள், “உன் நல்ல மனசுக்கு நீ நூறு வயசு வாழணும்!’‘ என வாழ்த்தினாள்.மரண தேவதை இரு சட்டை பாக்கெட்டுகளையும் இரு பேன்ட் பாக்கெட்டுகளையும் வெளியே எடுத்துவிட்டு இளக்காரமாக சிரித்தது. . 4 தேடத் தேட தேடுவது பெருகும்தொடத் தொட தொடக்கம் மறக்கும்வாட வாடக் கவலையே எஞ்சும்கடலைக் குடிப்பதே சாகசம்!- ஹரிணிநான்ஸ்டிக் தவாவாய் வானம். அதில் ஊற்றிய நாட்டுக்கோழி முட்டையின் மஞ்சள் கருவாய் சூரியன்.பறவைகள் ஏ.ஆர்.ரகுமான்தனமாய் புதுப்புது ராகத்தில் பாடியபடி பறந்தன.ஓஸோன் அளவு காற்றில் மிகமிக குறைந்திருந்தது.எழுந்தான் சத்யசஞ்சீவி. பல்துலக்கி வாய்க் கொப்பளித்தான். முகம் கழுவினான். பிளம் கேக் சாப்பிட்டான். ஆரஞ்சுச் சாறு குடித்தான்.பைக்கை ஸ்டார்ட் செய்தான்.திருப்பதிக்கு இன்னும் 140 கிலோ மீட்டர் தூரம்.முப்பதாவது கிலோ மீட்டரில் ஒரு டீக்கடையில் பைக்கை நிறுத்தி இறங்கினான் சஞ்சீவி. டீ குடித்தான்.“திருப்பதிக்கு சாமி கும்பிட போறீங்களா தம்பி?’‘“லடாக் போறேன்.’‘“திருப்பதியோட ஸ்தல புராணம் தெரியுமா உங்களுக்கு?’‘“தெரியாது. சொல்லுங்க...’‘“ஐந்தாம் நூற்றாண்டில் ஆழ்வார்களால் Ôகலியுக வைகுண்டம்’ என போற்றப்பட்டது திருப்பதி. இதுவொரு வைணவஸ்தலம். திருப்பதி வெங்கடாஜலபதி கோயிலுள்ள திருமலையும் அருள்மிகு பத்மாவதி தாயார் கோயில் கொண்டுள்ள திருப்பதியும் பொதுவாக Ôதிருப்பதி’ என்றே அழைக்கப்படுகின்றன. திருப்பதியில் ஏழுமலைகள் உள்ளதால் இதனை Ôசப்தகிரி’ என்றும் கூறுவர். வைணவர்களின் 108 திவ்யதேசங்களில் திருப்பதிக்கு இரண்டாம் இடம்!’‘“தகவலுக்கு நன்றி!’‘“கோயிலுக்குள் போக அவகாசம் இல்லாவிட்டால், கோயிலையாவது ஒருமுறை சுற்றி பாருங்கள்... போகிற காரியம் சிறக்கும்!’‘“வருடம் 4 கோடி பக்தர்கள் வரும் கோயில் திருப்பதி. வருடம் ஆயிரம் கோடி வருமானம் எல்லா மதத்தினரும் திருப்பதி வருவார்கள். உங்களுக்கு கல்யாணமாயிருச்சா?’‘“இல்லை!’‘“வேண்டிட்டுப் போங்க. அழகான குணமான மனைவி கிடைப்பா!’‘நாணினான் சஞ்சீவி “சரி!’’காசை கொடுத்துவிட்டு பைக்கை மீண்டும் ஸ்டார்ட் செய்தான் சஞ்சீவி. அடுத்த இரண்டரை மணி நேரத்தில் கீழ்திருப்பதி வந்து சேர்ந்தான்.நுழைவாயிலில் சஞ்சீவி நிறுத்தப்பட்டான்.“எங்கிருந்து வருகிறீர்கள்?’‘“தமிழ்நாட்டின் கோயம்புத்தூர்.’‘“தரிசன சீட்டு இல்லாமல் எப்படி மலையேறுவீர்கள்?’‘“நான் கோவை டூ லடாக் பைக் டூர் போய்க் கொண்டிருக்கிறேன். கோயிலுக்குள் போகாமல், சாலை வழியாக கோயிலை சுற்றி வந்து டூரை தொடர இருக்கிறேன்!’‘கோவை மாவட்ட ஆட்சித்தலைவர் கொடுத்த பைக் டூர் சான்றிதழை காட்டினான்.“மகிழ்ச்சி... நீங்கள் மலையேறலாம்!’‘மலையேறினான் சஞ்சீவி. மேல் திருப்பதியில் பக்தர்கள் தங்கும் விடுதிகளை பார்த்தான். ஸ்ரீவெங்கடேஸ்வரா அருங்காட்சியகத்துக்குள் புகுந்து, காட்சிக்கு வைக்கப்பட்ட தொன்மை பொருள்களை கண்டு ரசித்தான்.பக்தர்கள் மொட்டையடிக்கும் பகுதிக்குச் சென்று மொட்டையடிப்பதைப் பார்த்தான்.ஏறக்குறைய மூன்று மணிநேரம் மேல் திருப்பதியில் செலவழித்து விட்டு மலை இறங்கினான் சஞ்சீவி.நடந்தே திருப்பதி ஏழுமலையானை தரிசிக்கும் ஒரு கூட்டம் குறுக்கிட்டது.“கோவிந்தா! கோவிந்தா! கோவிந்தா!’‘மேல் திருப்பதியிலிருந்து கீழ் திருப்பதிக்கு சாலையில் நடந்து செல்லும் பக்தர் ஒருவர் கை நீட்டினார்.“லிஃப்ட் வேணுமா? ஏறிக்கங்க.’‘“இல்லப்பா... நடந்தே போகணும்னு வேண்டுதல்.’‘“தரிசனம் முடிஞ்சிருச்சா?’‘“திவ்யமா தரிசனம் முடிஞ்சிருச்சு. என்கிட்ட எக்ஸ்ட்ரா லட்டு இருக்கு. இந்தா சாப்பிடு.’’நீட்டினார். வாங்கி கொண்டான் சஞ்சீவி.சிறிதை எடுத்து வாய்க்குள் போட்டான். இனிப்பில் ஆன்மிகம் கலந்திருந்தது.கீழ் திருப்பதிக்கு வந்தான்.36 கிலோ மீட்டர் தூரத்திலிருக்கும் காளஹஸ்தி கோயிலுக்குச் சென்று வாயு லிங்கத்தை தரிசித்தான்.காளஹஸ்தியிலிருந்து விஜயவாடா 380 கி.மீ.என்ஹெச் 16_ல் சீறிப்பாய்ந்தான் சத்யசஞ்சீவி. மணி மாலை 5. சாலையில் ஆயிரக்கணக்கான வாகனங்கள் போய் கொண்டும் வந்து கொண்டும் இருந்தன.விஜயவாடாவுக்குச் செல்ல 7 மணிநேரமாகும். இரவு பத்து மணிக்கு ஏதாவது ஒரு சாலையோரத்தில் வாகனத்தை நிறுத்தி ஓய்வெடுப்போம். இரவு தூக்கத்துக்குப் பிறகு நாளை காலை கனகதுர்கா கோயிலுக்குப் போய்விட்டு வாராங்கலை நோக்கி பயணிக்க வேண்டியதுதான்.சஞ்சீவியின் பைக்குக்கு முன்பாக ஒரு லாரி சென்று கொண்டிருந்தது. அந்த லாரியில் இருபது ஸ்கூட்டிகள் இரு வரிசைகளாக நிறுத்தப்பட்டிருந்தன.லாரியை முந்திச் செல்ல முயற்சித்தான் சஞ்சீவி. ஆனால், லாரி வழி விடவில்லை.பதினைந்து நிமிடங்களாக லாரி, சஞ்சீவியின் பைக்குக்கு தண்ணிக் காட்டிக் கொண்டிருந்தது.அப்போதுதான் அது நடந்தது!ஸ்கூட்டிகளை இணைத்துக் கட்டப்படிருந்த இரும்புச்சங்கிலி அறுந்தது.லாரியிலிருந்து ஸ்கூட்டிகள் குதித்தன. டங்கார்!மோதலிலிருந்து தப்பிக்க சஞ்சீவி கழைக்கூத்தாடினான். இடமிருந்து வலம் வலமிருந்து இடம். பின்னாலிருந்து ஒரு வேன் சஞ்சீவியின் பைக்கை மோதியது.மோதிய வேகத்தில் சஞ்சீவியின் பைக் காற்றில் பறந்தது.பைக்கின் பிடியை விடாமல் இறுகப் பற்றியிருந்தான் சஞ்சீவி.நாற்பதடி உயரத்துக்கு பைக்கும் சஞ்சீவியும் கருப்பு சிலந்தியாய் நரகவாசல் நோக்கிப் பறந்தனர்.‘ஊஃப்!’மரணதேவன் கண்சிமிட்டி சிரித்தான். ஒரு சாலை விபத்து மரணம் கேரன்டி!’‘பறக்கும் பைக் இளைஞனை ஆவென’ வாய் திறந்து வேடிக்கைப் பார்த்தன என்ஹெச்16 வாகனங்கள்!‘தட்... தடார்!’. 5 நீளும் மலைகள் நம்பிக்கை எல்லை திரளும் ஆசையில் நம்பிக்கை வேண்டும்மலையில் மேயும் ஆடுகள் அல்லவேபனிசிறுத்தை சீறும் இளமை!- ஹரிணிசத்யசஞ்சீவி பைக்குடன் தரையில் விழுந்தான். விழுந்த வேகத்தில் பைக் பலமாக குலுங்கியது. விழுந்த வேகத்தில் பைக் அப்படியே குதித்தோடியது. கட்டுப்பாடற்று ஒரு 50 மீட்டர் பாய்ந்த பைக், கட்டுக்குள் வந்தது. சாலையின் இடது ஓரத்தில் இரு சக்கர வாகனத்தை நிறுத்தி, கால் ஊன்றினான் சஞ்சீவி.மிகப்பெரிய சாலை விபத்தை எதிர்பார்த்தவர்களுக்கு மிகப்பெரிய ஏமாற்றம். 30 நொடிகள் தாமதித்து அவரவர் வாகனத்தைச் செலுத்தி சாலை போக்குவரத்தில் கலந்தனர்.லாரியிலிருந்து இறங்கிய இரு நபர்கள் ஓடினர். சாலை போக்குவரத்துக்கு இடையூறாகக் கிடந்த ஸ்கூட்டிகளை தரதரவென இழுத்துப் போய் சாலையின் ஓரமாக போட்டனர். சாலையில் கிடந்த அனைத்து ஸ்கூட்டிகளையும் சாலையோரம் தள்ளிவிட்டு, யாருக்கோ கைபேசி மூலம் தகவல் தெரிவித்தனர்.பைக்கை ஸ்டாண்டிட்டு நிறுத்தினான் சத்யசஞ்சீவி. இறங்கி, பைக்கின் ஒவ்வொரு பகுதியையும் ஆராய்ந்தான். ஏதாவது பழுது அடைந்திருக்கிறதா என உன்னிப்பாக கவனித்தான்.வாட்டர் பாட்டிலை எடுத்து வாய்க்குள் கவிழ்த்தான்.ஒருவர் ஓடி வந்தார். தெலுங்கில் வினவினார். “ஒண்ணும் ஆகலையே?’‘“ஒண்ணும் ஆகல!’‘“போக்குவரத்து நெரிசலான சாலை கவனமாக போங்கள்.’’“ஓகே... நன்றி!’‘பிரதான சாலையிலிருந்து விலகி, பைக்கை கொண்டு போய் நிறுத்தினான் சஞ்சீவி. 20 நிமிடங்கள் கரைந்தன. தன்னை ஆசுவாசப்படுத்திக் கொண்டான்.தனக்குத் தானே சஞ்சீவி பேசிக் கொண்டான். ‘டேய் சஞ்சீவி... உனக்கு நல்லா பைக் ஓட்டத் தெரியும்னு திமிரா இருக்காதே. உனக்கு முன்னே பின்னே போகும் வாகனங்களின் ஓட்டுநர்களுக்கு டிரைவிங் தெரியணுமில்லே? 2022_ல் இந்தியாவில் நடந்த சாலை விபத்து மரணங்கள் மொத்தம் 1,55,662. இதில் 60 சதவிகித மரணங்கள் தாறுமாறான வேகத்தில் நிகழ்கின்றன. பாதுகாப்பாய் வாகனம் ஓட்டுவதில் சிறிதளவு அதிஷ்டமும் தேவை. லடாக் பைக் டூரில் இன்னும் பல உயிராபத்துகள் ஒளிந்திருக்கின்றன. நீதான் மகா கவனமாய் இருக்க வேண்டும்!’மீண்டும் பைக்கை ஸ்டார்ட் செய்தான் சத்யசஞ்சீவி.விஜயவாடா நோக்கி சீறிப் பாய்ந்தான்.நான்கு மணிநேரம் பைக்கை ஓட்டிச் சோர்ந்தான். விஜயவாடாவுக்கு 100 கி.மீ. தூரம் இருக்கும்போது வாகனத்தை நிறுத்தினான்.பயணிகள் வாகனங்களுக்கு காத்திருக்கும் இடத்தில் இளைப்பாறலுக்காக நிழற்குடை ஒன்று இருந்தது.அதில் போய் அமர்ந்தான்.பவர்பேங்க்கில் இணைக்கப்பட்ட கைபேசியை கையில் எடுத்தான். அம்மாவின் பத்து இலக்க எண்ணை அமுக்கினான்.எதிர்முனை உயிர்த்தது.“அம்மா... எப்படியிருக்க?’‘“நல்லாயிருக்கேன்பா.’‘“நீ நல்லாயிருக்கியா?’‘“நல்லாயிருக்கேன்மா.’‘“எதுவரைக்கும்டா போயிருக்க?’‘“விஜயவாடாவுக்கு இன்னும் 100 கிலோ மீட்டர் தூரம்!’‘“சாப்ட்டியாடா?’‘“சாப்பிட்டேன்!’‘ பொய் கூறினான்.“என்னடா சாப்பிட்ட?’‘“பிரெட்டும் மயோனிஸும்.’‘“காபி குடிக்காம இருக்கமாட்டியே... எப்படிச் சமாளிக்கிற?’‘“நோ ப்ராப்ளம்மா... அப்பா எப்படி இருக்கிறார்?’‘“அவருக்கென்ன? 24 மணிநேரமும் ஃபேஸ்புக்ல மூழ்கி கிடக்கிறார்!’‘“ஐ லவ் யூ அம்மா!’‘“என்னடா திடீர்னு அம்மா மேல அன்பைக் கொட்டுற?’’சிரித்தான். “நீ பக்கத்துல இருக்கும்போது ஒண்ணும் தெரியல. தூரம் போகும்போது உன் மேல ப்ரியம் டன் கணக்கில் கொட்டுது! உனக்கு?’‘“நீ சொல்லிட்ட... நான் மௌனம் காக்கறேன்... எனக்கு பைக் ஓட்டத் தெரிஞ்சிருந்தா நானும் ஒரு பைக்கை பிடிச்சுக்கிட்டு உன்கூடவே பைக் டூர் வந்திருப்பேன்!’‘“அம்மாவும் மகனும் பைக் டூர்! இந்த கான்செப்ட் செமத்தியா இருக்கே!’‘“சாலையோரம் தங்காதே. ஏதாவது ஒரு லாட்ஜ்ல தங்கி, நல்லா தூங்கி, குளிச்சிட்டு ஒவ்வொரு நாளும் ஃப்ரெஷ்ஷா கிளம்பு.’‘“சரிம்மா... போனை வைக்கிறேன்!’‘அபர்ணாவின் பத்து இலக்க எண்ணை அமுக்கினான். எதிர்முனை உயிர்த்தது.“பூக்குட்டி எப்படி இருக்க?’‘“நீ இல்லாம நான் பசலைப் படிஞ்சு கிடக்கறேன். நீ எப்படி இருக்க?’‘“ஏதோ இருக்கேண்டி...’‘“எங்க இருக்க?’‘“விஜயவாடா பக்கத்துல.’‘“உனக்கு ஒரு கிளுகிளுப்பான ஜோக் சொல்லட்டுமா?’‘“சொல்லு!’‘“ஒருத்தி தன்னோட தோழிக்கிட்ட, ‘என் கணவனுக்கு ஆயிரம் வேலை வெளில இருந்தாலும் இரவு 7 மணிக்குள்ள வீடு திரும்பிடுவாரு!’ன்னு சொல்றா. ‘என்ன சொல்லி புருஷனை மிரட்டி வச்சிருக்க?’ கேட்டாள் தோழி. ‘மிகச்சரியா ராத்திரி ஏழு மணிக்கு வீட்ல காதல் மல்யுத்தம் ஆரம்பிச்சிடுவேன்... புருஷா நீ இருந்தாலும் இல்லாவிட்டாலும்’ என சொன்னதிலிருந்து வீட்டுக்கு தலைதெறிக்க ஓடி வந்திடறான் என் புருஷன்!Õ’ சிரித்தாள் அபர்ணா.“இந்த ஜோக்கை இப்ப ஏன் சொல்ற?’‘“நீ சொன்ன கால அவகாசத்தில் லடாக் பைக் டூர் முடிச்சு கோவை திரும்பலேன்னா என்னோட கொலீக் முகுந்தனை காதலிக்க ஆரம்பிச்சிருவேன்!’‘“முகுந்தன் மக்கு பயலாச்சே...’‘“எனக்கு மக்கு பயதான் வேணும். அவன்தான் சொன்னதைக் கேட்டு நடப்பான்.’‘“பெஸ்ட் ஆஃப் லக் அபர்ணா!’‘“இன்னொரு ஜோக் சொல்லட்டா?’‘“வேணாம்னா கேக்கவா போற? சொல்லு... சொல்லு...’‘“புருஷன் பொண்டாட்டிகிட்ட கேக்கறான், ‘நான் செத்துட்டா நீ இன்னொரு கல்யாணம் பண்ணிப்பியா?’ன்னு. ‘நோ... நோ... என் சகோதரியோடு வாழ்ந்து வாழ்க்கையை முடிப்பேன்’ என்றாள் மனைவி. இப்ப மனைவி கணவனை பார்த்து, ‘நான் செத்துட்டா நீங்க வேறொரு கல்யாணம் பண்ணிப்பீங்களா?’ என கேட்கிறாள். அதுக்கு புருஷன் அமைதியா ‘நோ... நோ... நானும் உன் சகோதரிகூட வாழ்வேன்’ என்றான். மனைவி ‘ஞே’ என விழித்தாள்.’‘“ஜோக் சொன்னா டிரெண்டியா சொல்லு... அரதபழசுகளை சொல்லி என்னை கொல்லாதே!’‘“ஜோக்ஸ் அபார்ட்... உன்னோட தொடுதல் இல்லாமல் உன் லிப் டு லிப் கிஸ் இல்லாமல் நான் சகாரா பாலைவனமாய் வறண்டு போய்க் கிடக்கிறேன்!’‘“ஐ ஆல்ஸோ மிஸ் யூ கன்னுக்குட்டி!’‘“இது தேவையாடா?’‘“எது?’‘“இந்த பைக் டூர். என்னை கல்யாணம் பண்ணிக்கிட்டு சுடச்சுட தாம்பத்தியம் பண்ணாம சாமியார் மாதிரி தேசாந்திரி மாதிரி அலையுறியேடா...’‘“கண்ணே... வேலைகள் பாக்கெட்டை நிரப்பும். சாகசங்களோ ஆன்மாவை நிரப்பும். உலகம் ஒரு புத்தகம் போல. பயணம் செல்லாதவர்கள் புத்தகத்தின் முதல் பக்கத்தை மட்டுமே படிக்கிறார்கள். சாகசமே கல்வி கற்றலில் முதல் பாலபாடம்!’‘“போதும் நிறுத்துடா... குட்டி அரிஸ்டாட்டில்!’‘“அப்புறம்?’‘“விழுப்புரம்... சப்பரம்... கேக்ரான் பாரு கேள்வி...’‘“போனை வைக்கவா?’‘“டே... டேய்... அவசரப்படாதே! வீடியோ கால்ல இருக்கிறோம்... முத்தம் கொடுடா...’‘“வீடியோ கால்ல முத்தம் குடுத்தா எச்சிலுடன் உன் உதடு சேருமா?’‘“சேர்ந்ததா கற்பனை பண்ணிக்கிறேன்... கொடுடா...’‘வீடியோ காலில் தெரியும் அபர்ணா முகத்துக்கு Ôபச்சக்’ என முத்தம் வைத்தான் சஞ்சீவி.“போதுமா?’‘“கஞ்சப்பயலே... குடுத்திட்டே இருடா...’‘இருபதுக்கும் மேற்பட்ட முத்தங்களை பதித்தான்.“திருப்தியா?’‘“நான் கடன் வாங்கினால் கந்து வட்டியுடன் திருப்பிக் கொடுத்து விடுவேன். நீ இருபது முத்தங்கள் கொடுத்தாய். நான் முப்பது முத்தங்களாய் திருப்பித் தரப் போகிறேன்.’‘“சரி குடுடி!’‘தனனுடைய மொபைல் ஸ்கிரீனில் தெரியும் சஞ்சீவி முகத்துக்கு பெரும் சப்தம் எழுப்பி முத்தமிட்டாள் அபர்ணா. ஒவ்வொரு முத்தத்திலும் தன்னுடைய ஆன்மாவை கரைத்தாள். முத்தத்தில் பிரிவுத்துயர் தொற்றியிருந்தது.“ஓகே டார்லிங்... குட் நைட்!’‘“குட் நைட்... ஸ்வீட் ட்ரீம்ஸ்!’‘தொடர்பு அறுந்தது. முகநூலை திறந்தான். விபத்தைப் பற்றி குறிப்பிடாமல் அன்றைய நிகழ்வுகளை முகநூலில் பதிவு செய்தான்.இன்ஸ்டாகிராமிலும் சில ஒளிப்படங்களை போட்டான்.பைக்கின் டயர்களை பரிசோதித்தான். பிரேக் வயர்களை டைட் செய்தான். ஹெட்லைட்டை போட்டுப் பார்த்தான்.பைக்கை வாத்சல்யமாய்த் தடவிக் கொடுத்தான்.“அடேய் பைக்கா... என் இயந்திரக் குதிரையே... நீயும் பத்திரமாக இருந்து என்னையும் பத்திரமாக பாத்துக்கடா... க்யூட் கண்ணா!’‘படுத்தான் சத்தியசஞ்சீவி. இரவு வானத்தை அண்ணாந்தான். ட்ரில்லியன் மின்மினி பூச்சிகள் மினுக்கித் தளுக்கிக் குலுங்கின.ஒரு வானத்திலிருந்து எரிநட்சத்திரம் கிளம்பி இன்னொரு வானத்திற்கு சீறிப் பாய்ந்தது.நான்கு புள்ளிகள் இணைந்த செயற்கைக்கோள்கள் பூமிப் பெண்ணை பார்த்து கண்சிமிட்டியவாறே நகர்ந்தன.யாரோ கடித்த ஆப்பமாய் பிறை நிலா காட்சியளித்தது.சில ஆந்தைகள் தாழப் பறந்து போயின.அரை மணிநேரம் தூங்காமல் வேடிக்கைப் பார்த்துக் கொண்டிருந்த சத்யசஞ்சீவி தூங்க ஆரம்பித்தான்.நேரம் கரைய ஆரம்பித்தது.முகத்தில் முகமூடி மாட்டிக் கொண்டு நாட்டுத் துப்பாக்கியுடன் ஓர் உருவம் சஞ்சீவியை நோக்கி பூனைப்பாதம் வைத்து பொத்திப் பொத்தி வந்தது! . 6 தெளிந்திடும் காலம் தொலையா மீதங்கள்தொல்லைகள் நீங்கிட எல்லைகள் குறுகும்மதில்பூனை மலையில் தங்காது மருளும்குதிரை நிறுத்தக் கடிவாளம்.- ஹரிணிஅனிச்சையாக கண் விழித்தான் சத்யசஞ்சீவி. நாட்டுத் துப்பாக்கியுடன் ஓர் உருவம் தன்னை நோக்கி முன்னேறுவதைப் பார்த்து விட்டான்.துள்ளி எழுந்தான்.பாய்ந்து, உருவத்தின் துப்பாக்கியைப் பறிக்க முயன்றான். வந்தவன் தன்னுடைய துப்பாக்கியை வலுவாக பிடித்துக் கொண்டான்.தெலுங்கு வாசனையுடன் வந்தவன் கத்தினான். ‘விட்ரா விட்ரா மூஞ்சியப் பேத்திடுவேன். உன்னோட செல்போன், வாலட் எல்லாத்தையும் குடுத்துட்டு தலைதெறிக்க ஓட்ரா...’‘“திருட்டுப்பயலே... நான் ஏன் ஓடணும்? நீ வந்த வழியே திரும்பிப் போய்டு!’‘ துப்பாக்கியைப் பிடித்துக்கொண்டு இருவரும் புரண்டனர். சமபலம் உள்ள இரு ராஜநாகங்கள் பின்னிப் பிணைந்து சண்டை போடுவது போலொரு பிரமை பூத்தது.துப்பாக்கியை பிடுங்க முயற்சித்தவாறே இடதுகையால் வந்தவன் குத்துகள் வெடித்தான்.‘பொங்கார்!’சரமாரியாக குத்துகள் சஞ்சீவி முகத்தில் தெறித்தன.பிரளய வலி பூத்தது.சஞ்சீவி தன்னுடைய வலது காலால், வந்தவனின் புட்டத்தை மொத்தினான்.“என்கிட்ட முரண்டு பிடிச்சா செத்திடுவ... ஈவு இரக்கம் பார்க்காம கொன்னுடுவேன். மனித ரத்தத்தைப் பார்க்க எனக்கு மிகவும் பிடிக்கும். கொலைகள் செய்வது எனக்கு கோங்கூரா சட்னி சாப்பிடுற மாதிரி!’‘“நீ சாகுறியா நான் சாகிறேனான்னு பொறுத்திருந்து பார்ப்போம்... வெறிபிடிச்ச ஒரு நாயோட ரத்தத்தைப் பார்க்க நானும் ஆவலா காத்துக்கிட்டு இருக்கேன்!’‘நாட்டுத் துப்பாக்கியை வெறித்தனமாக பிடித்து முறுக்கினான் சஞ்சீவி.தொடர்ந்து இருவரும் ஒருவரையொருவர் அடித்து உதைத்து மொத்திக் கொண்டனர்.டிஸ்யூம்!தட்டார்!விஷ்க்கும்!கும்கும்!துப்பாக்கி முதல் தடவையாக வெடித்தது. தோட்டாசஞ்சீவியின் தலையை உரசிக் கொண்டு தரையில் பாய்ந்தது.துப்பாக்கியின் வாயை பலவந்தமாய் வந்தவனின் தொடைக்கு திருப்பினான் சஞ்சீவி. ஸேஃப்டி கேட்ச்சை விடுவித்தான்.ட்ரிக்கரை சுண்டினான்,ப்யூங்!வந்தவனின் பின்னங்கால் சதையை தோட்டா பிய்த்தது.வந்தவன் வெறித்தனமாக கத்தினான். “என்னோட துப்பாக்கியை வைத்து என்னையையே சுட்டுட்டியா? உன்னை என்ன செய்றேன் பாரு!’‘துப்பாக்கியை சஞ்சீவியின் நெஞ்சுக்குத் திருப்பினான். “தோட்டா இதயத்தைத் துளைச்சிட்டு முகுதுப்புறம் வெளியேறிடும். சுடச்சுட மரணம்!’‘சஞ்சீவி துப்பாக்கியின் முன் பாகத்தைப் பிடித்துக் கொண்டு அல்லாடினான் மல்லாடினான்.ட்ரிக்கரை சுண்டப் போபவனின் விரலை ஒடிக்க முயன்றான்.வலி தாளாமல் கதறினான்.சடக்!துப்பாக்கியின் முன்பகுதி உடைந்தது. துப்பாக்கி இரண்டு துண்டுகளாக தொங்கியது.“டேய் திருடா... உன்னோட துப்பாக்கி அம்பேல் ஆய்ருச்சு... இனி யாரையும் சுட உதவாது!’‘உடைந்த துப்பாக்கியைப் பறித்து வீசினான் சஞ்சீவி.“ஒரு லட்சம் பெறுமானமுள்ள துப்பாக்கியை உடைச்சு நாசம் பண்ணிட்டியேடா...’‘ முறித்த கையைப் பிடித்து கடித்தான்.கடிக்கும் வாயை நெத்தினான்.வாயிலிருந்து ரத்தம் கொட்டியது. முன்வரிசை பற்கள் இரண்டு சிதறின.“கொஞ்சம் இரு... உன்னோட மத்த முப்பது பற்களையும் தட்டி எடுத்து பொக்கையாய் ஆக்கிடுறேன்...’‘தொடர்ந்து வாயிலேயே குத்தினான்.“தனி ஆளா வந்து உன்கிட்ட மாட்டிக்கிட்டேன். தட்டித் தூக்கிற நீ!’‘ ரத்தமும் உமிழ்நீரும் கலந்து நூல் நூற்றன.சீழ்க்கையடித்தான். “வாங்கடா... வந்து இவனை செய் செய்னு செய்யுங்கடா...’‘விசில் சப்தம் கேட்டது. மேலும் மூவர் நாட்டுத்துப்பாக்கிளுடன் வெளிப்பட்டனர்.ப்யூங்!ப்யூங்!ப்யூங்!காற்றில் வெடித்தனர்.வந்த மூவரும் ஓடி வந்து சத்யசஞ்சீவியை உதைத்து சிதற்றினர். பிடி தளர்ந்தான் சஞ்சீவி. முதலாமவன் விடுபட்டான். நொண்டியபடி எழுந்தான்.“வந்திட்டீங்களாடா... இவனை சுட்டுக் கொல்லுங்கடா.’‘மூவரும் கத்தினர்.“டேய்... முட்டிக்கால் போடுடா... இரு கைகளையும் பின்னங்கழுத்துல கோர்த்துக்க.’‘முழங்காலிட்டான் சஞ்சீவி.புதிதாக வந்த மூவரில் ஒருவன் பைக்கை தடவிப் பார்த்தான். “நீங்க பணம் செல்போனை எடுத்துக்கங்கடா. எனக்கு பைக்கை கொடுத்திடுங்க...’‘“பைக்கெல்லாம் தரமுடியாது. வித்து நாலு பங்கா பிரிச்சுக்குவோம்.’‘“பங்கு பிரிக்கிறதை அப்புறம் பாத்துக்கலாம்... மொதல்ல இவனை கொல்லுங்கடா...’‘மூவரில் ஒருவன் துப்பாக்கியுடன் சஞ்சீவி நோக்கி நடந்தான். துப்பாக்கியை சஞ்சீவியின் நெற்றிப்பொட்டில் பொருத்தினான்.“இப்படியே சுடவா? மூளை சிதறி செத்திருவ...’‘சஞ்சீவி துள்ளத் துடித்தான்.“துப்பாக்கி இல்லாம வந்திருந்தீங்கன்னா உங்க நாலு பேரையும் அடிச்சுத் துவைச்சு காயப்போட்டிருப்பேன்!’‘“சீக்கிரம் அவனை போடுரா... நாம இங்க ரொம்ப நேரம் இருக்கக்கூடாது.’‘ட்ரிக்கரை தடவினான்.சுண்டப்போன நானோ நொடி...இரு வெளிச்ச வட்டங்கள் வந்த நால்வர் மீதும் பதிந்தன.வாகன இரைச்சல் மிகைத்தது.மெஹாபோன் கூவியது. “துப்பாக்கியை கீழே போடுங்கடா... இல்லன்னா சுட்ருவேன்!’‘நால்வரும் வாகனத்தை நோக்கி சுட ஆரம்பித்தனர்.சஞ்சீவி எழுந்து மறைவிடத்துக்கு ஓடினான். அசுரத்தனமான துப்பாக்கிச் சண்டை அடர்ந்தது.. 7 மார்கழி வாசலில் மயக்கிடும் கோலங்கள்மலையும் சரிவும் கதைகள் பேசும்பயணங்கள் முடியா வாழ்வு தொடரும்வாழ்தல் செவ்வாய் நடைப்பயணம்.- ஹரிணிவந்தது தேசிய நெடுஞ்சாலை ரோந்து பணி காவல்துறை.ஒரு போலீஸ் அதிகாரி கூவினார். “இந்தச் சாலையில் கொலைகளும் வழிப்பறிகளும் அதிகம்! இந்த ஆண்டில் இதுவரை 47 வழிப்பறிகளும் 32 கொலைகளும் நடந்துள்ளன. இந்த நாய்களை சுட்டுத் தள்ளுங்கப்பா... கொஞ்ச நாள் நிம்மதியா இருக்கலாம்!’‘மரண முத்தம் தரும் தோட்டாக்கள் இருபக்கமும் பாய்ந்தன.ப்யூங்!ப்யூங்!ப்யூங்!தோட்டா ஒன்று வழிப்பறி கொள்ளைக்காரனின் நடு நெஞ்சை துளைத்து முதுகில் வெளியேறியது. பின்னுக்குச் சொத்தேறினான்.காவல்துறை அதிகாரி மீண்டும் கூவினார். “த்ரீ மோர் டு கோ. ஃபினிஷ் தெம் குயிக். இல்லேன்னா கூடுதலா அவனுங்க ஆளுங்க வந்து குவிஞ்சிருவாங்க!’‘காவல்துறையினரின் துப்பாக்கி சுடல் மிகைத்தது.இரண்டாமவனின் நடு நெஞ்சில் ஏழெட்டு தோட்டாக்கள் பதிந்தன. சுழன்றி தொமீரினான்.இப்போது மீதமிருக்கும் இரண்டு வழிப்பறி கொள்ளையர்கள் தாக்குதலைத் தொடராது பின் வாங்கினர். அவர்களை காவல்துறை துரத்திச் சுட்டது.மூன்றாமவனின் வலதுகண் பெயர்ந்து ரத்தமும் சதையுமாய் காற்றில் பறந்தது.நாலாமவனுக்கு அடிவயிற்றிலும் பின்னங்கழுத்திலும் தோட்டாக்கள் தைத்தன. விழுந்து துடித்துக் கொண்டிருப்பவனின் நடுமுதுகில் சுட்டு, உயிர் அல்லாட்டத்தை நிறுத்தினார் காவல்துறை அதிகாரி.“டார்கெட் அச்சீவ்டு ஃபோர் கல்பிரிட்ஸ் டவுன்!’‘நான்கு உடல்களையும் தரதரவென இழுத்து வந்து வரிசையாக கிடத்தினர்.காவல்துறை உயரதிகாரி வயர்லெஸ்ஸில் தொடர்பு கொண்டு மார்ச்சுவரி வேனை வரவழைத்தார்.நான்கு வழிப்பறி கொள்ளையரின் பிரேதங்கள் புகைப்படம் எடுக்கப்பட்டன. அவர்களின் துப்பாக்கிகள் சேகரிக்கப்பட்டன.பிரேதம் அப்புறப்படுத்தப்பட்டன.சத்யசஞ்சீவியிடம் காவல் அதிகாரி ஒருவர் வந்தார். “யார் நீ?’‘“என் பெயர் சத்யசஞ்சீவி. தமிழ்நாட்டின் கோயம்புத்தூரிலிருந்து லடாக்குக்கு தனியாக பைக் பயணம் செய்கிறேன்!’‘“பைக் பயணத்திற்குத் தேவையான அனுமதிகள் வாங்கி இருக்கிறாயா?’‘“வாங்கியிருக்கிறேன்!’‘ காட்டினான்.“ஏற்கெனவே பலமுறை பைக்கில் லடாக் பயணம் போய் இருக்கிறாயா?’‘“இல்லை... இதுதான் முதல் முறை!’‘“போலீஸால் கொல்லப்பட்ட வழிப்பறி கொள்ளைக்காரர்களை ஏற்கெனவே சந்தித்து இருக்கிறாயா?’‘“முதல் பைக் பயணம் என்கிறேன்... இதில் இவர்களை நான் எப்படி முன்னமே பார்த்திருக்க முடியும்?’‘“டி.வி.யில் இந்தக் கொள்ளைக்காரர்களின் முகங்களை பார்த்திருக்கிறாயா?’‘“இல்லை சார்!’‘“பைக்கில் ஏதாவது உற்சாக பானம் எடுத்துச் செல்கிறாயா?’‘“இல்லை!’‘“கஞ்சா?’‘சிரித்தான் சத்யசஞ்சீவி... “டன் கணக்குல வந்து இறங்கிறகஞ்சாவை விட்ருங்க. ஒரு டீடோட்டலர் பிரம்மசாரியைப் பிடிச்சு நோண்டுங்க!’‘“இன்னொரு முக்கியமான கேள்வி...’‘“கேளுங்க!’‘“உன்னை மாதிரி பைக் பயணம் செய்றவங்க பெரும்பாலும் இரவுகளில் லாட்ஜ்கள்லதானே தங்குவாங்க? அதானே உன்னை மாதிரி ஆட்களுக்கு பாதுகாப்பு?’‘“நான் ஒரு த்ரில் விரும்பி. வானத்தில் கொட்டிக் கிடக்கும் நட்சத்திரங்களையும் நிலவையும் ரசித்துக் கொண்டே தூங்க விரும்புகிறேன். நான் தூங்குமிடத்தில் நாய் வரவேண்டும், நரி வரவேண்டும், காட்டு யானை வர வேண்டும். தவிர, என்னுடைய பைக் பயணம் ஒரு லோ பட்ஜெட் முயற்சி. லாட்ஜ்களில் தங்கி பெரும் பணத்தை விரயமாக்க நான் விரும்பவில்லை.’‘“உன்னை சில ஒளிப்படங்கள் எடுக்க வேண்டும்!’‘“ஏன்?’‘“லடாக் வரையிலான காவல் நிலையங்களுக்கு உன்னுடைய புகைப்படத்தை அனுப்புவோம். பாதுகாப்புக்குப் பாதுகாப்பு... உன்னைப் பற்றியும் கூடுதலாய் விசாரிக்கலாம்!’‘மீடியா மக்கள் மைக்கை நீட்டினர். “என்ன நடந்தது?’‘நடந்ததைக் கூறினான் சத்யசஞ்சீவி. “பாட்ரல் போலீஸ் வந்து என்னை காப்பாற்றியது!’“உங்களை எத்தனை பேர் தாக்கினார்கள்?’‘“நாலு பேர்!’‘“ஏழெட்டு பேர் வந்து மீதி பேர் தப்பிவிட்டார்களா?’‘“இல்லை!’‘“நீங்கள் தமிழ்நாட்டிலிருந்து வருகிறீர்கள் என்பதால் இந்தக் கேள்வி. உங்க மாநில முதல்வர் ஸ்டாலின் நன்றாக இருக்கிறாரா? 2024_ல் எதிர்க்கட்சி கூட்டணியில் பிரதம வேட்பாளர் ஸ்டாலின் தானாமே?’‘“ஸ்டாலின் நன்றாக இருக்கிறார். அரசியல் பற்றி பதில் சொல்ல எனக்கு அரசியல் ஞானம் போதாது!’’“ஹிந்தியை ஏன் எதிர்க்கிறீர்கள்?’‘“ஹிந்தியை கற்பதைவிட சர்வதேச மொழியான ஆங்கிலத்தை கற்றுக்கொள்வது எங்கள் எதிர்காலத்துக்கு உகந்தது. நாங்க ஹிந்தியை எதிர்க்கவில்லை. ஹிந்தி திணிப்பைத்தான் எதிர்க்கிறோம். வலுக்கட்டாயப்படுத்தல் பலவந்தப்படுத்தல் நல்லதல்ல!’‘“வடஇந்தியர்களை நேசிக்கிறீர்களா?’‘“பின்ன? அவர்களும் எங்கள் சகோதரர்கள்தான்!’‘“வடஇந்தியர்கள் தமிழ்நாட்டுக்கு வேலைத் தேடி வருவதை எதிர்க்கிறீர்களாமே...’‘“அது ஒரு பெரிய டிபேட். சர்ச்சைக்குள் சிக்க நான் விரும்பவில்லை!’‘“இந்தியாவுக்குள் விருப்பப்படிச் சுற்றிவர முடியவில்லை உயிராபத்துகள் மிரட்டுகின்றன என வருத்தப்படுகிறீர்களா?’‘“நீண்ட நிலப்பரப்பு மொழிவாரி மாநிலங்கள். 130 கோடி ஜனத்தொகை. வறுமையும் வேலைவாய்ப்பின்மையும் மதவெறியும் தலைவிரித்தாடுகின்றன. இந்தச் சூழ்நிலையில் நாட்டில் பல பின்னடைவுகள் தலைவிரித்து ஆடக்கூடும். பிரச்னைகள் இல்லாத நாடு எது? நம்மைவிட கூடுதல் பிரச்னைகள் உள்ள நாட்டை பார்த்து ஆறுதல் அடைவோம்!’‘“சிறப்பான பதில்!’‘காவல்துறை அதிகாரி ஒருவர் வந்தார். “போதும்... போதும்... கேள்விகளை இத்துடன் நிறுத்திக்கொள்ளுங்கள்!’‘சத்யசஞ்சீவியை தனது ஜீப்புக்கு அழைத்துச் சென்றார் காவல்துறை அதிகாரி.“என் பெயர் அபிமன்யூ. நான் ஒரு பீகாரி. ஐ.ஏ.எஸ். ஆஃபீஸர். நானும் கல்லூரிப் பருவத்தில் வோர்ல்டு டூர் போய் பாதியில் திரும்பி வந்திருக்கிறேன்!’‘புன்முறுவல் செய்தான் சத்யசஞ்சீவி.“உனக்கு ஒரு எளிய அறிவுரை...’‘“என்ன?’‘“பைக் பயணத்தை முறித்துவிட்டு இப்போது நீ என்னுடன் வருகிறாய். பயணிகள் பங்களாவில் தங்குகிறாய். நாளை நீ விருப்பப்பட்ட நேரத்தில் விமானம் மூலம் கோயம்புத்தூர் போய்விடு!’’“சாரி சார். ஐ எம் நாட் இன்ட்ரஸ்ட்டட். அட் எனி காஸ்ட் லடாக் பைக் பயணம் போயே தீருவேன்!’‘“ஒவ்வொரு தடவையும் உன்னை போலீஸ் வந்து காப்பாற்றாது!’‘“தைரியமும் மனோதிடமும் என்னை காப்பாற்றும்!’‘“ஆபத்துகள் டைனோசராய் திமிங்கலமாய்த் திமிறிக் கொண்டு உன்னை நோக்கி வரும். தைரியம் பைசா பெறாது!’‘“என்னுடைய சாகசப் பயணத்தை பாதியில் முறிக்கப் பார்க்கிறீர்கள்!’‘“ஒரு இளைஞனின் எதிர்காலத்தை பாதுகாத்துக் கொடுக்கிறோம்!’‘“நான் கேட்டேனா?’‘“உன் பெற்றோரின் கைபேசி எண்ணை கொடு... அவர்களிடம் பேசி பார்க்கிறேன்!’‘“ஸாரி... தர முடியாது.’‘“உன்னுடைய பயணத்தை அதிகாரபூர்வமாக ரத்து செய்ய தமிழ்நாட்டு அரசுக்கு ஆலோசனைகள் தருவோம்...’‘“தந்துவிட்டுப் போங்கள். நான் அசரமாட்டேன்!’‘“என்னடா பய்யன் நீ? எதுக்கும் இறங்கி வரமாட்டேங்கிற?’‘“பிடிவாதம் என்னுடைய மரபணுவில் ஒளிந்துள்ளது!’‘“தற்காப்பு நடவடிக்கையாக உன்னை கைது செய்வேன்.’‘“சட்டத்தை உங்கள் கையில் எடுத்துக்கொள்ள முடியாது!’‘நெட்டுயிர்த்தார் அபிமன்யூ. “அடமன்ட் பாய்! சர்ரா... சர்ரா... நீ தொடர்ந்து லடாக்குக்கு பைக் பயணம் போகலாம்!’‘“நன்றி!’‘“என்னுடைய கைபேசி எண்ணை குறித்துக்கொள். எந்த உதவி வேண்டுமானாலும் கேள்... செய்கிறேன்!’‘உணவு பொருள்கள், பெப்பர் ஸ்ப்ரே, இரு பெட்ஷீட்கள் எல்லாம் அடங்கிய ஒரு பையைக் கொடுத்தார் அபிமன்யூ.“இதெல்லாம் எதுக்கு சார்?’‘“வாங்கிக்கடா... உணவு பொருள்கள்ல சுடச்சுட பிரியாணி வச்சிருக்கேன்... சாப்டுட்டு கிளம்பு. உன்னோட பைக் பயணம் வெற்றிபெற வாழ்த்துகள்!’‘“என்னென்னமோ சொல்லி என் லடாக் பயணத்தை நிறுத்த பாத்தீங்க...’‘“உன் வில்பவரை சோதிச்சேன்!’‘“உங்கள் சோதிப்பில் என்ன மார்க் வாங்கினேன்?’‘“நூத்துக்கு நூத்தி அறுபது வாங்கின!’‘சத்யசஞ்சீவியை அபிமன்யூ கட்டியணைத்து தட்டிக் கொடுத்தார்.ஆயிரக்கணக்கானோரின் இரைச்சல் கூச்சலை வாழ்த்துகளாய் எடுத்துக் கொண்டு சஞ்சீவி புறப்பட்டான். சாத்தான் இரு கடைவாய் கோரைப்பற்களில் ரத்தம் வழியச் சிரித்தான்.“ரா... ரா... பிணமாய் வீழ ரா... ரா...’‘ . 8 நினைவுகள் நின்றோடும் நீரோடைய ஈரமாகும்கனவுகள் தெளிந்து நனவுகள் பிறக்கும்சாளரம் திறக்க காற்றே ஆறுதல் வழிவீடடங்குதல் வெற்றியின் வரலாறு.- ஹரிணிநாக்பூர் இந்தியாவின் புலி தலைநகரம். மகாராஷ்டிரா மாநிலத்தில் நாக்பூர் ஒரு மாநகராட்சி ஆகும். நாக்பூரின் பழைய பெயர் பனிந்தராபுரா. இந்தியாவின் 13_வது பெரிய நகரம் நாக்பூர். ஜனத்தொகை 32 லட்சம். நாக்பூரை Ôஆரஞ்சு நகரம்’ என்றும் கூறுவர். ஏனெனில், அங்கு ஆரஞ்சு விளைச்சல் அதிகம். நாக்பூரில் பிரபலமான இனிப்பு Ôசோன்பப்டி’. மாநில உணவு Ôமட்கா பிரியாணி’.சீதாபார்டி கோட்டை,மீட்டர்கேஜ் ரயில் மியூஸியம்,ஸ்ரீகணேஷ் மந்திர்,தீக்ஷாபூமி,ஹனுமான் மந்திர்,ஷாஹென்ஷா அக்லிம் ஹஜ்ரத் பாபா தர்கா,ட்ராகன் அரண்மனை கோயில்,விதர்பா கிரிக்கெட் அஸோஸியேஷன் மைதானம்,ஆர்.எஸ்.எஸ். தலைமையகம்என எல்லா இடங்களையும் சுற்றிப் பார்த்தான் சத்யசஞ்சீவி. சமோசா தின்றான். பானிபூரி விழுங்கினான். ஜிலேபி கடித்தான்.பெற்றோருக்கு போன் செய்தான்...“நல்லாருக்கியா அம்மா?’‘“ரோட்டோரத்துல படுத்திருந்த உன்னை வழிப்பறி கொள்ளையர்கள் தாக்கினார்களாமே? போலீஸ் வந்து உன்னை காப்பாற்றியதாமே?’‘“அப்படியெல்லாம் ஒண்ணுமில்லம்மா.’‘“பொய் சொல்லாதடா படவா... டூரை கான்ஸல் பண்ணிட்டு ஊர் வந்து சேர்.’‘“முடியாதும்மா...’‘“எங்களுக்கு எதாவது ஆனாகூட நீ வரமாட்டியா?’‘“அவவாக்கா பேசாதீங்க. நீயும் அப்பாவும் நூறு வயசு இருப்பீங்க!’‘“போடா... போடா... சமாளிக்காதடா.’‘“லடாக்லயிருந்து உனக்கும் அப்பாவுக்கும் என்ன வாங்கி வரட்டும்?’‘“நீ பத்திரமா வீடு வந்து சேந்தா போதும்!’‘“சரிம்மா.’‘“எனக்கு ஒரு உம்மா கொடுடா...’‘“வயசுக்கு வந்த மகன்கிட்ட நீ உம்மா கேக்கலாமா?’‘“எத்னி வயசானாலும் நீ என் மகன்தானேடா?’‘திறன்பேசியில் முத்தம் பதித்தான். பதிலுக்கு அம்மா திறன்பேசியில் முத்தம் பதித்தாள்.“ஓகேம்மா... ஸி யூ!’‘அபர்ணாவின் பத்து இலக்க எண்ணை அமுக்கினான்.“என்னடா நல்லாருக்கியாடா?’‘“நீ எப்டிடி இருக்க?’‘“உன்னையே நினைச்சு மெலிஞ்சதுனால என்னோட ஒட்டியாணம் கழண்டு கீழே விழுந்திருச்சு. என் உதடுகள் துடிக்கின்றன முத்தங்கள் பெற... முத்தங்கள் தர... ரொம்ப ரொம்ப லோன்லியா ஃபீல் பண்றேன்.’‘“கொஞ்சம் பொறுத்துக்க... லடாக் ட்ரிப் முடிஞ்சு வந்தவுடனே நம்ம கல்யாணம்தான்!’‘“எதுக்கு? லடாக் ட்ரிப் போய் வந்த உடனே வோர்ல்டு ட்ரிப் கிளம்பினா?’‘“என்னைவிட பெட்டரா லவ்வர் கிடைச்சிட்டானா? என்னை கழட்டி விடுறியா?’‘“உன் ஆளுன்றதுதினால என்னை பசங்க ‘தங்கச்சி’ ‘ஸிஸ்’ என்றுதான் அழைக்கிறார்கள். ஒரு பயலும் கழுத்துக்குக் கீழ பார்க்கிறதே இல்லை.’‘“ஏன் பார்க்கணும்றியா?’‘“பாத்தா கண்ணு முழியை நோண்டிருவேன்.’‘“காதல் தீவிரவாதிடி நீ!’‘“என் பொருள் நீ... பிரபஞ்சம் வேணுமா நீ வேணுமான்னு கேட்டா நீதான் வேணும்னு சொல்வேன்.’‘“செம உருட்டு!’‘“டேய்... உனக்கு ஒரு செக்ஸ் ஜோக் சொல்லட்டா?’‘“வேண்டாம்.’‘“கிளுகிளுப்பான ஜோக் சொல்லலாம்னு பாத்தேன்.’‘“நாட் அலவ்டு!’‘“ஏண்டா எதுவரைக்கும் போயிருக்க?’‘“நாக்பூர்.’‘“இன்னும் தனியாதானே லடாக் டூர் போய்ட்டு இருக்க?’‘“ஆமா... ஏன்?’‘“எவரும் கம்பெனி சேரலையா?’‘“இல்ல...’‘“நீ பாவம்டா...’‘“அதெல்லாம் ஒண்ணுமில்லை... ஐ எம் ஃபைன்!’‘“லடாக் பயணம் போய் வரும்போது எனக்கு ஒண்ணே ஒண்ணு வாங்கிட்டு வா...’‘“என்ன வேணும்... சொல்லு... தட்டித் தூக்கிடறேன்.’‘“வெர்ஜின் பாய் பட்டத்தோட வந்து சேர்.’‘“எனக்கு லடாக் பெண்களைப் பிடிக்காது.’‘“அவள்களுக்கு உன்னைப் பிடிக்குமே?’‘“சரிடி டேக்கேர்... மீண்டும் நாளை கூப்பிடுறேன்!’‘“பை...’‘“இச்... இச்!’‘“இச்... இச்!’‘சத்யசஞ்சீவியின் வாகனம் நாக்பூரைத் தாண்டி இடார்ஸி நோக்கி பாய்ந்து பறந்தது.மணி இரவு 11:50.இன்றிரவு எங்கும் தங்காமல் இடார்ஸி போய் விடுவோம். சாலையில் 100 கி.மீ. வேகத்தில் சீராக போய்க் கொண்டிருந்தான் சஞ்சீவி.263 கி.மீ.நான்கு மணி நேரப் பயணம்.என்ஹெச் 46 வெண்ணெய்ப் போல சறுக்கியது.முன்னே செல்லும் வாகனங்களை லாகவமாக ஓவர் டேக் செய்து கொண்டிருந்தான்.உய்க்!ஷிக்கும்!கிர்ராக்!பாம்பாம்!அப்போதுதான் சாலையில் அதனை பார்த்தான்சஞ்சீவி. மேற்குவங்க மணப்பெண்ணை போல புடவை அணிந்த லோஹிப்பையும் லோகட் ஜாக்கெட்டையும் காட்டியபடி அவள் நட்டநடு சாலையில் நின்றிருந்தாள்.நிறுத்த பிரேக்கிட நொடிகள் போதாமல் அவள்மீது பாய்ந்தான் சஞ்சீவி. அவளை ஊடுருவிக் கொண்டு பாய்ந்தது பைக்.சுழன்று திரும்பினான்.துளைத்துக் கொண்டு வந்தப் பெண்ணை காணவில்லை.பைக்கில் தொடர்ந்தான் சஞ்சீவி.ஏழெட்டு பெண்கள் ஜமிக்கி ஆடை அணிந்து ஆடிக் கொண்டிருந்தனர். அவர்களைச் சுற்றி நின்று சில ஆண்கள் வாத்தியம் இசைத்துக் கொண்டிருந்தனர்.வாவ்! இந்த நடனம் Ôஜனனி ஜுமர்’ எனப்படும் நாட்டுப்புற நடனம்!நடனமாடும் பெண்களும் வாத்தியம் இசைக்கும் ஆண்களும் சாலையை முழுக்க மறித்திருந்தனர்.பிரேக்கிட முயற்சித்தான் சத்யசஞ்சீவி.வாகனம் முப்பது பேரை முட்டி சாய்க்கும் ஜல்லிக்கட்டு காளையாய் ஜகஜகவென முன்னேறியது.ஓட்டிக்கொண்டே கத்தினான் சத்யசஞ்சீவி.“சாலையை விட்டு விலகிப் போங்கள்... பாட்டும் இசையும் சாலையில் எதற்கு?’‘ஆடிக்கொண்டிருந்த பெண்களில் ஒருத்தி தன்னுடைய மார்பகத்தைத் தொட்டு நக்கிக் காட்டி கண் சிமிட்டினாள்.மோதினால் நிச்சயம் ஏழெட்டு பேர் இறப்பர்.உருவங்கள் மீது பைக் மோதியது. ரங்கோலியாய் ரத்தச் சிதறல். மரண ஓலம் மிகைந்தது.சாலையின் மீடியனில் மோதினான்.வாகனத்துடன் அவன் நூறடி தேய்ந்தான்.‘ஸ்ப்ளாச்’ பத்தடி தூரம் எகிறி தரையில் தொமீரினான் சத்யசஞ்சீவி. 9 விறுவிறு துருதுரு பரமபத விளையாட்டுஏணியின் வழியே சறுக்கும் பாம்புசிரிக்கும் இதழ்கள் சவத்தறைக் கதவுகள்மர்மம் காட்டும் வன்மம்!- ஹரிணிமல்லாந்து கிடந்த சத்யசஞ்சீவியின் முகத்துக்கு அருகே நாற்பதுக்கும் மேற்பட்ட கரிய உருவங்கள் டைட் குளோஸப்பில் முகம் காட்டின.கரிய உருவங்களின் கண்கள் ரத்த நிறத்தில் ஜிவுஜிவுத்தன.ஒரு உருவத்துக்கு முகம் முழுக்க கூட்டுக்கண்கள்.ஒரு உருவத்துக்கு இரு கொம்புகள் இருந்தன.ஒரு உருவத்துக்கு கண்களே இல்லாமல் இருட்டை அப்பிக் கொண்டிருந்தது.ஒரு உருவத்துக்கு ட்ராகுலா பற்கள்.ஒரு உருவம் ஓரடி நீளமுள்ள வெல்வெட் நாக்கை நீட்டியது.ஒரு உருவம் இன்னொரு உருவத்திடம் கேட்டது, “ஆள் உயிரோடு இருக்கானா?’‘“இவனுக்கு ஆயுசு கெட்டி. உயிரோடுதான் இருக்கான்!’‘“ரத்தக்காயம் ஏதாவது?’‘“சின்னச் சின்ன சிராய்ப்புகள் தவிர காயம் ஏதுமில்லை!’‘“இவன் சாலையிலேயே விழுந்தாலும் வாகனங்கள் இவனை நசுக்கி சட்னி ஆக்கியிருக்கும்!’‘“இவனை எழுப்புவோமா?’‘“நம்ம மூஞ்சுகளைப் பார்த்து இவனுக்கு ஹார்ட் அட்டாக் வந்திரும்!’‘எல்லா உருவங்களும் எட்டடி உயரம் இருந்தன. உடல் முழுக்க புஸுபுஸு ரோமங்கள்.மெதுவாக உடலை அசைத்தான் சஞ்சீவி.“எந்திரிச்சிட்டான்! எந்திரிச்சிட்டான்!!’‘முட்டி காப்பானையும் ஆணுறுப்பு பாதுகாப்பானையும் முழங்கை பாதுகாப்பானையும் கைகள் தடவிக் கொடுத்தன.பிறகு கைகள் அப்படியே தலைக்குப் போயின.ஹெல்மெட் மிகச்சரியாக தலையில் பொருந்தியிருந்தது. நெளியவில்லை சேதப்படவில்லை.கண்களை ஸ்லோமோஷனில் திறந்தான்.கண்ணெதிரே நாற்பதுக்கும் மேற்பட்ட கரிய உருவங்கள்.திடுக்கிட்டான். “யார் நீங்கள்?’‘உருவங்கள விழித்தன.“பதில் சொல்லமாட்டீங்களா?’‘சஞ்சீவி பார்க்க பார்க்க ஒவ்வொரு உருவமும் நீர்க்குமிழி போல வெடித்து மறைந்தன.டபார்! டபார்! டப்டப்!அனைத்து உருவங்களும் வெடித்து மறைந்தன. காற்றில் தாழம்பூ வாசனையடித்தது.இடதுகையை நீட்டி காற்றில் துழாவினான்.‘எங்கே போயின உருவங்கள்? எல்லாம் மனபிரமைதானா?’ யோசித்தபடி எழுந்தான். கைகால்களை உதறினான். கைவிரல்களை நீட்டி மடக்கினான். கழுத்தை நீவிவிட்டுக் கொண்டான்.தூரந்தே கிடந்த பைக்கை நிமிர்த்தினான்.வாகனம் ஏதாவது சேதம் அடைந்திருக்கிறதா? பெட்ரோல் டேங்க் ஒழுகுகிறதா? பிரேக் சரியாக வேலை செய்கிறதா? ஹெட் லைட் உடையவில்லையே?வண்டியை ஸ்டார்ட் செய்து பார்த்தான்.நளினமாக உருமியது.சாவகாசமாக அமர்ந்தான் சத்யசஞ்சீவி. என்ன நடந்தது?மூன்று வெவ்வேறு காட்சிகளை சாலையில் பார்த்தோம்.ஒன்று _ மேற்குவங்க மணப்பெண் ஒருத்தி சாலையை மறித்தது.இரண்டு _ நாட்டுப்புற நடனமும் இசையும் இசைத்தபடி நாக்பூர் பெண்கள் சாலையை மறித்தது.மூன்று _ மயங்கிக் கிடந்த நம்மை நாற்பதுக்கும் மேற்பட்ட உருவங்கள் நலம் விசாரித்தது.பகல்நேர சாலைகளில் கானல்நீர் தோன்றும்.லடாக்கில் Ôமின்காந்த மலை’ எனும் புவிஈர்ப்பு விசைமலை ஒன்று உள்ளது. அந்தப் பரப்பளவும் சுற்றப்புற சறுக்குகளும் இணைந்து ஒரு மலை இருப்பது போன்ற மாயத் தோற்றத்தை உருவாக்குகின்றன. அந்த மலை சாலை கீழிறங்கும் சாலை. ஆனால், புவிஈர்ப்பு விசையை மீறி வாகனங்கள் மேலேறுவது போல பார்வை குழப்பம் தோன்றும்.சாலைகளில் தொடர்ந்து பயணிப்பவர்கள் விசித்திர உருவங்களையும் தாறுமாறான வாகனங்களையும் ஒளியியல் மாயையாக பார்ப்பர்.நான் எப்போதோ மேற்கு வங்கபெண்ணை சினிமாவிலோ விளம்பரத்திலோ பார்த்து இச்சித்திருக்கிறேன்.நாக்பூர் நாட்டுப்புற மகளிர் பற்றி எங்கோ படித்திருக்கிறேன்.எனது மரண பயம்தான் என்னைச் சுற்றி நாற்பதுக்கும் மேற்பட்ட உருவங்களை கும்மியடிக்க வைத்தது.ஒளியியல் மாயைகளில் மூன்று வகை உண்டு.1. உண்மையான மாயைகள்2. உடலியல் மாயைகள்3. அறிவாற்றல் மாயைகள்.உலகின் பழைமையான ஒளியியல் மாயை தஞ்சாவூர் ஐராவதேஸ்வரர் கோயிலில் 900 வருடங்களுக்கு முன்னமே மக்களுக்கு காட்சியாகி இருந்திருக்கிறது.ஆல்பர்ட் ஐன்ஸ்டீன் ‘பிரித்தெடுப்பு மாயை’ பற்றிச் சொன்னார். ஒரு ஃபிரேமிலிருக்கும் படத்தை ஒரு கணம் பார்த்தால் பிடியில்லாத கிண்ணம் தெரியும். மறுபார்வை பார்த்தால் இருமனித முகங்கள் தெரியும்.ஒளியியல் மாயைகளின் தந்தை 1906-_1997-_ல் வாழ்ந்த விக்டர் வாசரேலி ஆவார். இவர் ஹங்கேரியில் பிறந்தவர்.“அதுசரி, ஒளியியல் மாயைகள் நல்லதா? கெட்டதா?’‘ தனக்குள் வினவினான் சத்யசஞ்சீவி.“காட்சி வடிவ புதிர்கள் மூளை சிறப்பாக இயங்குவதற்கு உதவும். சிந்திப்பை நான் கூர்மைப்படுத்தினால் லடாக் பயணத்தை பத்திரமாக முடிக்கலாம்!’‘யோசித்துக் கொண்டிருக்கும்போதே ஒரு மிகையான வாகன இரைச்சல் கேட்டது. சஞ்சீவி பார்க்கும்போதே ஆறு ஸ்போர்ட்ஸ் பைக்குகள் சஞ்சீவியை வட்டமிட்டன.ஆறு வாகன ஓட்டிகளும் கருப்பு ஜீன்ஸ், கருப்பு டி_ஷர்ட், கருப்பு மேற்சட்டை, கருப்பு ஹெல்மெட் அணிந்து கருப்பாய் மின்னினர்.ஆறு வாகன ஓட்டிகளில் ஒருத்தி ஹெல்மெட்டை அகற்றினாள்.“ஹாய் சத்யசஞ்சீவி!’‘“என் பெயர் எப்படி உங்களுக்குத் தெரியும்?’‘“டி.வி. நியூஸில் பார்த்தோம் சேட்டா!’‘‘‘நீங்கள் அனைவரும் கேரளாவிலிருந்து வருகிறீர்களா?’‘“ஆம்! நான் கொல்லம். மீதி ஐவரும் திருச்சூர்.’‘“உன் பெயர் என்ன?’‘“மஞ்சுவாரியர்!’‘“பொய் சொல்லாதே!’‘“அனு ஸித்தாரா!’‘“உண்மையான பெயரைச் சொல்!’‘“இந்து கலா.’‘“இதாவது உண்மையான பெயர்தானே?’‘“ஆமாம்!’‘“படிக்கிறீர்களா?’‘“ஆம்... நானொரு தனியார் ஆயுர்வேதா காலேஜில் இளங்கலை ஆயுர்வேத மருத்துவம் படிக்கிறேன். இவர்கள் திருச்சூர் அரசு சட்டக்கல்லூரிகளில் பயிலும் சட்டமாணவர்கள்.’‘“எங்கே போகிறீர்கள்?’‘“லடாக்குக்குதான்டா!’‘“என்ன... டாவா?’‘“ஆமாண்டா டால்டா... ஒரே நோக்கத்துக்குச் செல்லும் நாம் அனைவரும் நண்பர்களே! ஒத்தக்குரங்கா இருக்காதடா. சேர்ந்து போவோம்... சேர்ந்து ஊர் திரும்புவோம்.’‘“ஊஃப்... சரிடி!’‘“தமிழ்நாட்டு பையன்களுக்கு கேரளப் பொண்ணுங்களத்தான் பிடிக்கும். கேரளப் பொண்ணுகளுக்கு தமிழ்நாட்டுப் பசங்களைத்தான் பிடிக்கும். ஐ லைக் யூ டா!’‘தலையாட்டினான் சத்யசஞ்சீவி.“எடோ சஞ்சீவி! ஐரிசின், ஈஸ்ட்ரோஜென், டெஸ்டோஸ்டிரோன், கார்டிசால், மெலோடனின் கலந்த என்னுடைய வியர்வை வாசனையை முகர்ந்து பார்த்துக் கொண்டே லடாக் போடா... பயண முடிவில் ஆண்மை மலர்வாய்!’‘“ஓவரா பேசுறியே... உன்னோட நண்பர்கள் உன்னை தடுக்க மாட்டார்களா?’‘“தடுத்தாங்கன்னா இடுப்புக்குக் கீழே ஒரு உதை உதைச்சு விரட்டி விட்ருவேன். என்னோட ஸ்ட்ரக்சரை பாத்தேன்னா Ôசாமியேய்... சரணம் ஐயப்பா!’ன்னு என் கால்லயே விழுந்து கிடக்க ஆரம்பிச்சிருவ... என் மார்பளவு 36. என் இடுப்பளவு 26.’‘ ஓவர் கோட்டை கழற்றினாள்.“எப்படி இருக்கேன்? ஹனிரோஸோட கடைசி தங்கச்சி மாதிரி இருக்கேனா?’‘“யு ஆர் ஸ்லிம் அண்ட் எரோட்டிக்.’‘“இன்னும் என் கேள்விக்கு நீ பதில் சொல்லல...’‘“என்ன கேள்வி?’‘“உன்னோட ஜாய்ன் பண்ண எங்களை அனுமதிப்பாயா? அல்லது எங்களோட ஜாய்ன் பண்ண உனக்கு சம்மதமா?’‘“மார்பளவு இடுப்பளவு எல்லாம் காட்டி இருக்க? வாங்க, நாம ஒண்ணா லடாக் போகலாம்!’‘“வளர உபகாரம் சேட்டா!’‘குதித்து ஓடி வந்தாள் இந்துகலா. இரு மார்புகளும் நசுங்க, அவனை கட்டிப்பிடித்தாள். உதட்டில் கொடுக்கப்போனவள் ஒரு கணம் யோசித்து கன்னத்தில் ஒரு கடி முத்தமிட்டாள்.“எச்சியை உன் மூஞ்சி முழுக்க தேய்ச்சிக்க!’’ வெடித்துச் சிரித்தாள் இந்துகலா. . 10காரணம் இல்லை கரையும் உயிர்கள்வேட்டைக்கு வந்த வேடன் குருடன்சிறுத்தையின் கண்களில் புள்ளிமான்கள்உயிரைத் தேடும் உயிர்!- ஹரிணி போபால்.போபால் என்றதுமே 3.12.1984_ல் நடந்த யுனியன் கார்பைடு விஷவாய் கசிவுதான் நினைவுக்கு வரும். நாற்பது டன் மெத்தில் ஐஸோசயனேட் கசிந்து 5,800 பேர் இறந்தனர். பல்லாயிரக்கணக்கானோர் காயமடைந்தனர்.போபால் மத்தியப்பிரதேச நகரங்களில் ஒன்று. போபாலின் தாய்மொழி ஹிந்தி. போபால் மக்களின் விருப்பமான உணவு போபலி பான்.தாஜ் உல் மஜித்தைச் சுற்றி பார்த்தனர். குளங்களை ரசித்தனர்.மலைவாழ் மக்கள் அருங்காட்சியகத்தை கண்டுகளித்தனர்.பிர்லா மந்திர், ஹலாலி அணைக்கட்டு, உதயகிரி குகைகள், போஜ்பூர் கோயில், கஜ்ரானா கணேஷ் கோயில், லால்பாக் அரண்மனை, சராயா மார்க்கெட் என வட்டமடித்தனர்.மாலை.இந்துகலா சத்யசஞ்சீவியிடம் வந்தாள்.“பாண்டி செல்லம்... இனிமே நாம ரோட்டோரம் தங்கப் போறதில்லை. குறைந்த கட்டணம் வசூலிக்கும் தங்கும் விடுதிகளில்தான் தங்கப் போகிறோம்.’‘“அது என் கொள்கைக்கு முரணானதே?’‘“எங்களுக்காக உன்னுடைய கொள்கையை கொஞ்சம் விட்டுக் கொடு!’‘விடுதியில் இரு அறைகள் எடுத்தனர்.ஐந்து திருச்சூர் இளைஞர்களுக்கு ஒரு அறை.சஞ்சீவிக்கும் இந்துகலாவுக்கும் ஒரு அறை.சஞ்சீவிக்கு முன்னே நின்று ஆடைகளை களைந்தாள் இந்துகலா. அவளுடைய இரு மார்பகங்களும் பெரிய தொப்புளும் செழிப்பான தொடைகளும் காம அக்னியை மூட்டின. நீண்ட தலைமுடி.“என்னடா பாக்குற? இனிப்புக் கடையை நீரழிவு நோயாளி பாத்து ஜொள்ளு விடுற மாதிரி!’‘“மறைவா நின்று டிரெஸ் மாத்தலாமில்ல?’‘“நீ பாத்ததினால் எனக்கென்ன நஷ்டம்? இது இது இன்னென்ன இடத்துல இருக்குனு க்ராஸ்செக் பண்ணிக்கிட்ட மாதிரி ஆச்சுல?’‘“அடிப்பாவி!’‘“உன்னை டி.வி.யில பாத்ததிலிருந்து நான் உன்னுடைய தாசானுதாசி ஆகிட்டேன். பாத்துக்கிட்டே இரு. லடாக்கில் திபெத்திய முறைபடி திருமணம் செஞ்சுகிட்டு தமிழ்நாடு திரும்பப் போறோம்!’’“வீணா கனவு காணாதே!’‘“ஏன்?’‘“நான் ஏற்கெனவே அபர்ணாகிற பொண்ணை தீவிரமா காதலிச்சிக்கிட்டு இருக்கேன். லடாக் ட்ரிப் முடிஞ்சதும் நானும் அவளும் கல்யாணம் பண்ணிக்கப் போறோம்!’‘“தமிழ்நாட்டை பெரிய வீடா வச்சுக்க கேரளாவை சின்ன வீடா வச்சுக்க!’‘“நீ சீரியஸா பேசுறியா... இல்ல, என்னை நீ கலாய்க்கிறியா?’‘“சீதாராமனா ஏண்டா இருக்க விரும்புறீங்க? கண்ணனா மாறி நூறு பொண்ணுங்களோட ஆட்டம் போடுங்கடா!’‘“அதென்னமோ தெரியல... Ôஒருவனுக்கு ஒருத்தி’ கான்செப்ட்தான் எனக்குப் பிடிக்கும்!’‘“சஞ்சீவி... என்னை காதலிக்க மாட்ட. ஓகே... ஆனா, என்னை கட்டிப்பிடிக்காம முத்தம் கொடுக்காம இருந்திடாதே... ஏங்கி வீங்கி செத்ருவேன்!’‘“சரி இந்துகலா... போய் குளிச்சிட்டு வா.’‘குளித்துவிட்டு வந்தாள் இந்துகலா.“கடவுளின் தேசத்திலிருந்து வந்தவள் என இப்பத்தான் எனக்கு தெரியுது உன் இறக்கைகள் எங்கே?’‘சிரித்தாள் இந்துகலா.ஆளுக்கொரு லிச்சி பழச்சாறு பாட்டிலை வைத்துக்கொண்டு சிறிது சிறிதாய் சூப்பினர்.அதிகாலை ஐந்து மணி.ஜான்சிக்கு கிளம்பினர்.“ஹிப்ஹிப் ஹுர்ரே!’‘ உற்சாகக் கூச்சல்.332 கி.மீ.“எத்தனை மணி நேரத்தில் போகலாம் சஞ்சீவி?’‘‘Ôஅசுர வேகம் வேண்டாம். ஐந்துமணி நேரத்தில் போவோம்.’‘இந்துகலாவும் அவளுடைய நண்பர்களும் ‘தெம்மா தெம்மாடிகாட்டே’ பாடினர்.காலை 10:30 மணிக்கு ஜான்சி வந்தனர்.ஜான்சி கோட்டை,ராணி மஹால்,ஸ்ரீராம்ராஜா மந்திர்,ராணி லட்சுமிபாய் நுவால்கர் கோட்டை,ஆர்ச்சா கோட்டை,ஸ்ரீகணேஷ் மந்திர்,ஜான்சி மூலிகை தோட்டம்,ஜான்சி கன்டோன்மென்ட் கல்லறை.இரவு ஜான்சியில் எழுவரும் சாப்பிட்டனர்.படுக்கையில் அமர்ந்திருந்த சஞ்சீவியை நெருங்கினாள் இந்துகலா.“உன் காதலி அபர்ணாகிட்ட பேசல?’‘“பேசணும்.’‘“உன்னை பார்த்தா எனக்கு என்ன தோணுது தெரியுமா? ஒரு அம்மாக்காரி உணவு உருண்டையை குழந்தையின் வாய்வரை எடுத்துச் சென்று ஏமாற்றி, தானே தின்றது போல நீ என் கை நழுவிவிட்டதாக தோணுகிறது!’‘“பெரிய உதாரணம்!’‘“நீ அபர்ணாகூட பேசறதை நான் கேக்கலாமா?’‘“நோ... நோ... ஐ நீட் பிரைவஸி இந்துகலா.’‘“சரிடா... நண்பர்கள் அறையில் நான் ஒரு மணிநேரம் இருந்து விட்டு வருகிறேன். அதற்குள் நீ அபர்ணாவுடன் பேசி முடி.’‘காதலின் பிரமாண்டம்... வெள்ளை சலவைக்கல் அற்புதமாய் தாஜ்மஹாலாய் நிமிர்ந்திருந்தது!“தாஜ்மஹாலை பற்றி என்னை நினைக்கிறாய் சஞ்சீவி?’’“மாளிகையின் ஒவ்வொரு கல்லிலும் ஷாஜஹானின் காதல் பொங்கி வழிகிறது. உலகம் அழியும் நாள் வரைக்கும் தாஜ்மஹாலின் மகத்துவம் தொடரும்!’’“இப்ப இருக்கிற இளைஞர்கள் எல்லாம் பொண்டாட்டி செத்துப் போய்ட்டா பொண்டாட்டியோட தங்கச்சியை கட்டிக்கிறானுக!’’ சொல்லிவிட்டு சிரித்தாள் இந்துகலா.சத்யசஞ்சீவியுடன் நின்று இந்துகலா சுயமி எடுத்தாள்.சுமார் இரண்டு மணிநேரம் எழுவரும் தாஜ்மஹாலைச் சுற்றி வந்தனர்.பரபரத்தான் சத்யசஞ்சீவி... “கிளம்புவோமா?’‘‘’எங்க?’‘“நியூ டெல்லிக்கு 218 கி.மீ. மூன்று மணிநேரத்துல போயிடலாம்.’‘இரவு எட்டு மணிக்கு நியூ டெல்லி வந்து சேர்ந்தனர். இரவு உணவாக பிரியாணி சாப்பிட்டனர்.மறுநாள் காலை...நியூ டெல்லியில் மிக முக்கியமான இடங்களைச் சுற்றிப் பார்த்தனர்.தாமரை கோயில்,ராஜ்காட் செங்கோட்டை,பிர்லா மந்திர்,பொம்மை அருங்காட்சியகம்,ஹுமாயூன் கல்லறை,இந்தியா கேட்,குருத்வாரா ஸ்ரீ பங்களா சாகிப்,ஜமா மஸ்ஜித்,ஜந்தர் மந்தர்,ராஷ்டிரபதி பவன்,புராணா கொய்லா,குதுப்மினார்,சப்தர்ஜங் கல்லறை.இரவு ஒன்பது மணிக்கு ரொட்டியும் சப்ஜியும் சாப்பிட்டனர். படுக்கப் போகும் முன்பாக சத்யசஞ்சீவியின் கன்னங்களில் முத்தமிட்டாள். “காமம் இல்லாத முத்தம்டா!’‘அடுத்த மூன்று நாட்களில் 1,023 கி.மீ. பயணித்து லடாக்கின் நுழைவுப் பகுதியை எழுவரும் அடைந்தனர்.நியூ டெல்லியிலிருந்து ஜலந்தருக்குஜலந்தரிலிருந்து கெய்லாங்கெய்லாங்கலிருந்து சோ மொரிரிக்குசோ மொரிரியிலிருந்து பேன்காங்பேன்காங்கிலிருந்து ஏழு ஸ்போர்ட்ஸ் பைக்குகள் லே நோக்கி சீறிப் பாய்ந்தன. கொண்டை ஊசி வளைவுகளுள்ள மலைப்பாதை. எட்டிப் பார்த்தால் அதளபாதாளம்.லேயை நெருங்க மூன்று கி.மீ. இருக்கும்போது கனரக வாகனம் ஒன்று மறைவிலிருந்து கிளம்பியது.ஏழு பைக்குகளின் பின்னே கேட்டர் பில்லர் நெருங்கியது. ஒரு சுருக்குப் பாய்ந்து சஞ்சீவியின் நெற்றி கேமராவை பறித்தது. ஏழு பைக்குகளையும் முட்டி மோதி கேட்டர் பில்லர் தள்ளியது.பைக்குகள் அதளபாதாளத்துக்கு சாமர்சால்ட் அடித்தன. எழுவரின் மரண ஓலம் எங்கும் எதிரொலித்தது.. 11 தொடங்கிய யாவும் முடிதலே முழுமைபுதைத்த எவையும் விளைதல் வீணேகழிக்கக் கழிக்கக் கூடும் வினைகள்அறுவடை நாளில் அமைதி!- ஹரிணிடியாரா ராஜ்குமார் இஞ்சி டீயை உறிஞ்சினான்.“இடைத்தேர்தல் முடிவு பார்த்தாயா டியாரா?’‘ தேஜி வினவினாள்.“ஜெருஷா, தேஜி, ஸிஜா இடைகளில் எந்த இடை பெஸ்ட்னு கேட்டா, தேஜி இடைதான் பெஸ்ட் என தீர்ப்பளிப்பேன்!’‘“எங்க ஊர்ல Ôடேஷுக்கு புத்தி கவட்டுக்குள்ள’ன்னு பழமொழி சொல்வாங்க. உனக்கு எப்பப் பார்த்தாலும் பெண்களின் இடுப்புகளின் மீதுதான் கவனம்.’‘“சரி... சரி... நீ சொன்ன இடைத்தேர்தல் வேறயா?’‘“ஈரோடு கிழக்கு இடைத்தேர்தல் பற்றி கேட்டேன்...’‘“வழக்கம் போல ஆளும்கட்சி ஜெயிச்சிருச்சு. இந்த இடைத்தேர்தல்ல நான் ஆச்சரியப்படுற ஒரே விஷயம், -நாம் திராவிடர் கட்சி பெற்ற 11,000 ஓட்டுகள்தான். ஓட்டுக்குப் பணம் கொடுக்கல. பத்து கட்சி கூட்டணி இல்ல. விழுந்தது எல்லாம் மத்திய மாநில அரசாங்களுக்கு எதிரான ஓட்டுகள். மொத்தத்துல நாம் திராவிடர் வாங்கின 11,000 ஓட்டுகள் இரண்டு லட்சம் ஓட்டுகளுக்கு சமம்!’‘“234 தொகுதிகளுக்கும் கணக்குப் போட்டா நாம் திராவிடர் கட்சி வாங்கும் ஓட்டு 25 லட்சத்தைத் தாண்டுகிறது!’‘ ஸிஜா.“இத்தனைக்கும் நாம் திராவிடர் கட்சி நிறுவனர் பூமான் ஒரு டூப் மாஸ்டர்னு மீடியாக்கள்ல போட்டு உருட்டறாங்க. சக கட்சிகள் அவரை தேசிய கட்சியின் ‘பி டீம்’ அப்படின்னு கேலி செய்கின்றன. அத்தனை பின்னடைவுகளையும் மிக எளிதாகத் தாண்டிப் போகிறார் பூமான்!’‘ தேஜி.“நல்ல பேச்சாளர்... பூமான் போன்ற பேச்சாளர்களின் அழகிய முன்மாதிரி யாருன்னு தெரியுமா? அடால்ப் ஹிட்லர்தான்... வெறியூட்டும் பேச்சு இவர்களின் மூலதனம்!’‘ ஸிஜா.“என்னைக் கேட்டா இடைத்தேர்தல்களே தேவையில்லைன்னுதான் சொல்வேன். எந்தக் கட்சி எம்.எல்.ஏ. இறக்கிறாரோ அந்தக் கட்சியே காலி இடத்துக்கு ஒரு எம்.எல்.ஏ.வை நியமனம் பண்ணிக்கலாம்னு தேர்தல் சட்ட திருத்தம் கொண்டு வரணும்!’‘ டியாரா.“இடைத்தேர்தல்ல தொகுதி மக்களுக்குக் கிடைக்கும் சரக்கு, கறிசோறு, கொலுசு, வாட்ச், குக்கர், பணங்களை குறுக்கே படுத்து கெடுக்கிறாய். போய்யா... போ...’‘தொலைபேசி சிணுங்கியது. ஒலிவாங்கியை கையில் எடுத்தான் டியாரா.வரவேற்பாளினி, “உங்களைப் பாக்க ஒரு பொண்ணு வந்திருக்கு.’Õ“உள்ளே வரச் சொல்லு...’‘அபர்ணா தலைவிரி கோலமாய் வந்தாள். அழுகையினூடே வணக்கம் கூறினாள்.நொடி பொழுதில் டியாரா அபர்ணாவின் முழு உடலை ஸ்கேன் பண்ணினாள்.“வணக்கம்... உக்காரும்மா.’‘எதிரில் அமர்ந்தாள்“உன் பெயர் என்ன?’‘“அபர்ணா. நான் பௌதிகம் படித்துவிட்டு பரிசோதனைக்கூட உதவியாளராக பணிபுரிகிறேன்.’‘“உனக்கு என்னம்மா பிரச்னை?’‘“நானும் கோயம்புத்தூர் சத்யசஞ்சீவியும் உயிருக்கு உயிரான காதலர்கள். பன்னிரண்டு நாட்களுக்கு முன் என்னுடைய காதலன் சஞ்சீவி லடாக்குக்கு தனியாக பைக் டூர் கிளம்பினான். எல்லாம் நல்லா போய்க்கிட்டு இருந்துச்சு. தினம் தினம் வீடியோ கால் பண்ணுவான். நான்கு நாட்களுக்கு முன்பு அவனுடன் ஒரு கேரள பைக்கர்ஸ் குரூப் சேர்ந்தாங்க. மொத்தம் ஏழு பேருமே லேக்கு மூணு கி.மீ. இருக்கும்போது ஒரு கொண்டை ஊசி வளைவுல சறுக்கி விழுந்துட்டாங்க. Ôபாடிய ரெகவர் பண்ணி மார்ச்சுவரில வச்சிருக்கோம். வந்து பாடிய வாங்கிக்கங்க’ன்னு லடாக் போலீஸ் சொல்லுது.’‘“யாருக்கு போன் பண்ணினாங்க?’‘“சத்யசஞ்சீவியின் பெற்றோருக்கு.’‘“பெற்றோர் நம்பர் அவங்களுக்கு எப்படிக் கிடைச்சது?’‘“சஞ்சீவியின் திறன்பேசியிலேருந்து நம்பரை டிரேஸ் அவுட் பண்ணி எடுத்திருக்காங்க.’‘“மரணம் எப்படிச் சம்பவிச்சதுன்னு சொல்றாங்க?’‘“பழக்கமில்லாத மலைப்பாதையில் சறுக்கி இருக்கலாம் என்கிறார்கள். இது ஒரு எதிர்பாரா விபத்து என திட்டவட்டமாக கூறுகிறார்கள்.’‘“சஞ்சீவியின் பெற்றோர் எங்கே?’‘“லடாக்குக்குப் பறந்து போயுள்ளார்கள்.’‘“நீயும் அவர்களுடன் போய் இருக்கலாமே?’‘“எனக்கென்னமோ சத்யசஞ்சீவியின் மரணத்தில் பலத்த சந்தேகம் இருக்கிறது. அவன் ஒரு சிறப்பான வாகன ஓட்டி. நடந்த ஏழு மரணங்களில் மாயசதி வலை தெரிகிறது.’‘ சஞ்சீவியின் ஒளிப்படம், ஆதார் அட்டை, வாக்காளர் அட்டை, பான் அட்டை, ஓட்டுநர் உரிமம் ஒளி நகல்கள் அடங்கிய ஆவணங்களை அளித்தாள்.சஞ்சீவியின் ஒளிப்படத்தை ஆழமாக உன்னித்தான் டியாரா.“இந்தச் சாலை மரணத்தில் நான் என்ன செய்ய வேண்டும் என எதிர்பார்க்கிறாய்?’‘“இன்றே விமானம் பிடித்து லடாக் பறந்து போங்கள். சத்யசஞ்சீவியின் மரணத்தின் உண்மையான காரணத்தை நீங்கள் மோப்பம் பிடிக்க வேண்டும். எவ்வளவு செலவானாலும் பணம் நான் தருகிறேன். சஞ்சீவியுடனான கல்யாணத்துக்கு பணம் சேர்த்து வச்சிருந்தேன். அந்தப் பணத்தை சஞ்சீவியின் மர்ம மரண பின்னணியை ஆராயப் பயன்படுத்துகிறேன்!’‘ ஐம்பதாயிரம் பணம் நீட்டினாள் அபர்ணா.“பணம் வேண்டாம். நீயே வைத்துக்கொள். சஞ்சீவி போன ஸ்போர்ட்ஸ் பைக்கின் பதிவெண் மற்றும் ஆர்.சி. புத்தகத்தின் ஒளிநகல் இருந்தால் கொடு.’‘டியாராவின் வாட்ஸ்அப் எண் கேட்டு அனுப்பினாள் அபர்ணா.“எந்த எண்ணிலிருந்து லடாக் போலீசார் சஞ்சீவியின் பெற்றோரை அணுகினர்?’‘அந்த எண்ணை கொடுத்தாள்.“பேசிய அதிகாரியின் பதவி பெயர் என்ன?’‘“சூப்ரன்டென்ட் ஆஃப் போலீஸ்.’‘“நீ சந்தேகப்படுவது போல அங்கு எதுவும் அசம்பாவிதமோ சதியோ நடக்கவில்லை என நாங்கள் கண்டுபிடித்தால் அதனை நீ தத்துவார்த்தமாக ஏற்றுக்கொள்ள வேண்டும்.’‘“இல்லவே இல்லை... சத்யசஞ்சீவி வன்கொலை செய்யப்பட்டான் என ஒரு பட்சி சொல்கிறது!’‘“தாறுமாறாய் பறக்கும் அந்தப் பட்சியை கட்டிப்போடு.’‘டியாராவின் வலது கையைப் பிடித்து, புறங்கையில் முத்தமிட்டாள். டியாராவின் கையை எடுத்து தன்னுடைய நடுநெஞ்சில் வைத்தாள்.“என் நெஞ்சாம்கூடு எப்படித் துடிக்குதுன்னு பாருங்க டியாரா. சஞ்சீவி மரணத்தின் மர்மத்தை கண்டுபிடிங்க. நீங்க கேட்டதும் கொடுப்பேன் நீங்க கேட்காததும் கொடுப்பேன்!’‘. 12மலையில் ஏறுதல் வானத்தைப் பிடிக்கவேபள்ளத்தில் இறங்கல் மலையை ஊன்றவேமுயற்சியும் முயல்வதே துயில்தல் அல்லஇளமை செலவிடல் இருப்பு!- ஹரிணிலடாக்கின் குஷோக் பகுலா ரிம்போச்சி விமான நிலையம். டியாரா, தேஜி, ஸிஜா, இண்டிகோ விமானத்திலிருந்து இறங்கினர்.லடாக்கின் ஜனத்தொகை ஒரு லட்சத்துக்கும் மேலே 15,500 வீடுகள். மக்களில் 75 சதவிகிதத்தினர் கல்வியறிவு பெற்றவர்கள்.வாடகை டாக்ஸியில் ஏறினர்.டிரைவர், லடாக்கி மொழியில் வினவினான். “எங்க போகணும்?’‘“ஸோனம் நோர்போ நினைவு அரசு மருத்துவமனைக்குப் போ.’‘“சரி.’‘“நீ லடாக்கி மொழிதானே பேசுகிறாய்?’‘“ஆமாம்.’‘“பால்டி மொழியோட லடாக்கி மொழி மிக நெருக்கமானதுதானே?’‘“ஆமாம்.’‘“பால்டி மொழி கார்கில்லில் பேசப்படுகிறது இல்லையா?’‘“உண்மைதான்.’‘மூவரும் மருத்துவமனையில் இறங்கினர். அபர்ணா கொடுத்த பத்து இலக்க எண்ணை அமுக்கினான் டியாரா.மும்முறை அமுக்கியப் பிறகு எதிர்முனை உயிர்த்தது.“நான் டெபுடி கமிஷனர் ஸ்டான்ஜின்!’‘“ஜுலே. நான் டிடெக்டிவ் ராஜ்குமார். தமிழ்நாட்டிலிருந்து வருகிறேன். உங்கள் எண்ணை, இறந்துபோன பைக்கர் ஒருவனின் காதலி கொடுத்தார். நான் உங்களைச் சந்திக்க விரும்புகிறேன்.’‘“ஜுலே... நீங்க இப்போது எங்கு இருக்கிறீர்கள்?’‘“ஸோனம் நோர்போ மருத்துவமனையில் இருக்கிறோம். மார்ச்சுவரியில் பாதுகாக்கப்படும் பிரேதங்களை ஒரு நிமிடம் பார்த்து விடுகிறோம்.’‘“பாருங்கள்... ஒரு மணிநேரத்தில் என் துணை அதிகாரி இன்ஸ்பெக்டர் ரின்சென் உங்களை சந்திக்க வருவார். அவர் உங்களை என்னிடம் அழைத்து வருவார்.’‘“மகிழ்ச்சி!’‘திறன்பேசியை அமர்த்தினான் டியாரா.விசாரணை மையத்தை அணுகினான். “தமிழ்நாட்டிலிருந்து வருகிறோம். தமிழ்நாடு மற்றும் கேரள இளைஞர் இளைஞிகளின் பிரேதங்களை நாங்கள் பார்க்க வந்திருக்கிறோம்.’‘“வயதான பெற்றோர் ஏற்கெனவே வந்துள்ளனர். அவர்கள் மார்ச்சுவரியில்தான் இருக்கிறார்கள்.’‘மூவரும் மார்ச்சுவரிக்கு நடந்தனர்.சத்யசஞ்சீவியின் பெற்றோர் வந்திருந்தனர். அவர்களை நெஞ்சில் ஏந்திக் கொண்டு ஆறுதல்படுத்தினான் டியாரா.“கேரள மாணவர்களின் பெற்றோர் எங்கே?’‘“அவர்களின் பெற்றோர் நேற்றே வந்து அவர்களின் மகன்கள் மகளின் பிரேதங்களை பெற்றுக் கொண்டு கொச்சினுக்குப் பறந்து போய்விட்டனர்.’‘“நீங்கள் ஏன் கிளம்பவில்லை?’‘“அபர்ணா போன் பண்ணினாள். உங்களுக்காக காத்திருக்கிறோம்...’‘“சரி, வாருங்கள்... மீண்டும் உங்கள் மகனின் பிரேதத்தை பார்ப்போம்...’‘மார்ச்சுவரி உதவியாளன் கையில் நூறு ரூபாயைத் திணித்தான் டியாரா. உள்ளே ஜில்லிப்பும் பார்மலினும் ஊசிகளாக குத்தின.சத்யசஞ்சீவி உடல் நசுங்கி இறந்திருந்தான். முகம் முழுமையாக இருந்தது. பல கோணங்களில் ஒளிப்படம் எடுத்துக் கொண்டான்.“இது கொலையா? விபத்தா? எது என்று கணிக்கிறீர்கள்?’‘“கொலையோ விபத்தோ எங்கள் மகனை இழந்து விட்டோம்.’‘“நீங்கள் சம்பிரதாயங்களை முடித்து உங்கள் மகன் பிரேதத்துடன் கோவை பறக்கலாம். நாங்கள் முழுமையாக விசாரித்துவிட்டு வருகிறோம்.’‘“சரி.’‘இன்ஸ்பெக்டர் ரின்சென் வந்து சேர்ந்தார்.“ஜுலே...’‘“ஜுலே...’‘“நீங்கள் இன்டோ ஆர்யனா?’‘“ஆமாம்.’‘“பேசிக்கொண்டே போவோம்... எங்கே சாலை வழுக்கல் நிகழ்ந்து இந்த ஏழு பைக்கர்களும் இறந்தார்கள்?’‘“லேயில் மொத்தம் 63 கிராமங்கள் உள்ளன. 63 கிராமங்களில் சுஸோட் ஷாமா கிராமமும் ஒன்று. இது மணாலி-லேநெடுஞ்சாலையில் உள்ளது. லேயிலிருந்து இந்தக் கிராமம் 13 கி.மீ. தூரம். கடல் மட்டத்திலிருந்து 10,646 அடி உயரமானது இந்த கிராமம்.’‘“இந்த மலைசார்ந்த சாலைகள் பொதுவாக எப்படி இருக்கும்?’‘“வாகன நெரிசல் அடிக்கடி நிகழும். சாலை உள்கட்டமைப்பில் பின்னடைவு, குறுகலான அகலம் குறைந்த சாலை போக்குவரத்து, கிராமங்களுக்கு இடையே படுமோசமான சாலை இணைப்புகள்.’‘“சாலை சறுக்கல் நடந்த இடத்துக்குப் போய் பார்வையிட்டீர்களா?’‘“ஆம்.’‘“ஹிட் அண்ட் ரன் கேஸ் வாய்ப்பிருந்ததா?’‘“இல்லை... யாரும் எதுவும் பார்க்கவில்லை.’‘“பிரேதங்கள் எவ்வளவு ஆழத்தில் கிடைத்தன?’‘“கித்மத் அவுர் கிம்மத் என்பது எங்கள் துறை கோஷம். சேவையும் தைரியமும் எங்கள் சொத்து என்கிறோம். எட்டாயிரம் அடி ஆழத்தில் சிக்கியிருந்த பிரேதங்களை முப்பதுக்கும் மேற்பட்ட ராணுவத்தினர் வைத்து கைப்பற்றினோம்.’‘“பிரேதங்களின் மீது கிடுகிடு பள்ளத்தில் விழுந்தததைத் தவிர உடல் காயங்கள் ஏதாவது இருந்ததா?’‘“இல்லை.’‘“என்ன பிரிவுகளில் வழக்கைப் பதிவு செய்தீர்கள்?’‘“இபிகோ 279 மற்றும் இபிகோ 338. முரட்டுத்தனமான சாலையில் பிறருக்கு காயங்கள் விளைவிக்கக்கூடிய வாகன ஓட்டல்.’“சபாஷ்! வம்புதும்பு இல்லாத வழக்குப் பதிவு!’‘கார் நான்கு மாடி கட்டடத்தின் முன்பாக நின்றது. “வாங்க டெபுடி கமிஷனரை பார்க்கலாம்.’‘டியாரா தீவிரமாய் யோசித்தபடியே காரிலிருந்து இறங்கினான். . 13 காமக்கத்தி புத்தியுள் பதுங்கிக் கிழிக்கும்கழுகின்காமம் காலின் நகங்களில்குழந்தை சிரிக்க பட்டாம்பூச்சி பறக்கும்விளையாட்டில் வழியும் விடம்! - ஹரிணி டெபுடி கமிஷனர் ஸ்டான்ஜின் எழுந்து நின்று வரவேற்றார்.“ஜுலே!’‘“ஜுலே!’‘“உக்காருங்கள் டியாரா, தேஜி, ஸிஜா.’‘மூவரும் அமர்ந்தனர்.“மிஸ்டர் டியாரா. உங்க பெயரை கூகுளில் போட்டுப் பார்த்தேன். எழுத்திலும் துப்பறிதலிலும் எக்கச்சக்க சாதனைகள் புரிந்துள்ளீர்கள். உங்களை சந்திப்பதில் பெருமகிழ்ச்சி அடைகிறேன்!’‘“நானும்!’‘“யானை பலத்துக்கு ஸிஜா இருநூறு ஐக்யூ அறிவுக்கு தேஜி. நீங்க மூவரும் லீதல் காம்பினேஷன்.’‘“நாங்கள் பார் யுவர் காம்ப்ளிமென்ட்ஸ்.’‘“ஓகே சார்... வந்தவேலையை பார்ப்போமா?’‘“ஷுர்! ஷுர்!’‘“லடாக்கில் நடக்கும் சாலை விபத்துகளை பற்றி கூறுங்களேன்...’“கடந்த பத்து வருடங்களில் லடாக்கில் வாகனங்கள் எண்ணிக்கை 5,000_லிருந்து 20,000 ஆக அதிகரித்துள்ளன. கடந்த 12 வருடங்களில் ஜம்மு காஷ்மீரில் 12,429 சாலை விபத்து மரணங்கள் திகழ்ந்துள்ளன. 2019, 2020, 2021 ஆகிய மூன்று வருடங்களில் லடாக்கில் 202 சாலை விபத்து மரணங்கள் சம்பவித்துள்ளன. 2022_-23 இதுவரை 143 மரணங்கள்.’‘“இந்த வருடம் சாலை விபத்து மரணங்கள் மிகமிக அதிகம் இல்லையா?’‘“ஆம்!’’“என்ன காரணம்?’‘“குடித்துவிட்டு வாகனம் ஓட்டுதல், அதிக வேகமாக ஓட்டுதல், பதின்ம வயதினர் வாகனம் ஓட்டுதல், மலைப்பகுதியில் வாகனம் ஓட்டும் திறன் இல்லாமை.’‘“லடாக் காவல்துறை சிறப்பாக செயல்பட்டு சாலை விபத்து மரணங்களை வெகுவாக குறைத்து இருக்கலாமே?’‘“லடாக் மிகப்பெரிய நிலப்பகுதி. காவல்துறையினர் எண்ணிக்கை குறைவு. இருந்தாலும், சொற்ப அளவு சி.சி.டி.வி.கள் பொருத்தியிருக்கிறோம். வாகன பதிவெண்களை கண்டுபிடிக்கும் தானியங்கி கருவி, இருட்டிலும் கண்காணிக்கும் இன்ப்ராரெட் ஹோமிங் டிவைஸ் வைத்திருக்கிறோம்!’‘“இந்த வருடம் சாலை விபத்தில் இறந்த 143 பேர் பற்றிய தகவல் குறிப்புகள், அவர்களின் போஸ்ட் மார்ட்டம் ரிப்போர்ட்களை தர முடியுமா?’‘“பென்டிரைவில் பதிவு செய்து தருகிறேன்... உங்கள் மடிக்கணினியில் போட்டுப் பார்த்துக்கொள்ளுங்கள்.’‘“இந்த ஏழு பேர் போஸ்ட் மார்ட்டம் ரிப்போர்ட் என்ன கூறுகிறது?’‘“நத்திங் ஸ்பெஷல். எர்ராட்டிக் டிரைவிங். சத்யசஞ்சீவி ஊரில் புறப்பட்டதிலிருந்து நடப்பவற்றை நெற்றிக் கருவி மூலம் வீடியோ பதிவு செய்திருக்கிறான். அந்த வீடியோ பதிவு, சாலை விபத்து நடப்பதற்கு சிலபல நிமிடங்கள் இருக்கும்போது அறுந்து போயிருக்கிறது!’’“அந்த வீடியோ பதிவுகளை நாங்கள் பார்க்கலாமா?’‘“இருநூத்தி எட்டு மணிநேரம் ஓடும் வீடியோ அது... தருகிறேன்!’’“போஸ்ட் மார்ட்டம் ரிப்போர்ட்டில் இந்த ஏழு பேர் ஏதாவது போதைபொருள் உபயோகித்து இருந்தததாக தெரிய வந்ததா?’‘“ஏழு பேரில் யாரும் போதை பொருள் பயன்படுத்தவில்லை!’’“இன்னொரு முக்கியமான கேள்வி...’’“கேளுங்கள்...’‘“லடாக் சாலை விபத்துகளில் இறந்த 143 பேரில் எத்தனை பேர் லடாக்கை சேர்ந்தவர்கள்? எத்தனை பேர் இந்தியாவின் வெளிமாநிலங்களை சேர்ந்தவர்கள்? எத்தனை பேர் வெளிநாட்டை சேர்ந்தவர்கள்?’‘துணை அதிகாரியிடம் கேட்டு பட்டியலை வாங்கினார் ஸ்டான்ஜின்.“படித்துவிட்டு திகிலுற வேண்டாம்.’‘வாங்கினான் டியாரா. அதில்-...110 பேர் இந்தியாவின் வெளிமாநிலங்களை சேர்ந்தவர்கள்.8 பேர் வெளிநாட்டுச் சுற்றுலா பயணிகள்.25 பேர் லடாக்கை சேர்ந்தவர்கள்.இந்தியாவின் வெளிமாநிலங்களை சேர்ந்த 110 பேர் பட்டியல்-1) ராம் _ -உத்தரப்பிரதேசம் _- வயது 28 _- ஆண்2) சந்தோஷ் -_ உத்தரப்பிரதேசம் _- வயது 26 _ -ஆண்3) வீரேந்திரா _ -உத்தரப்பிரதேசம் -_ வயது 24- _ ஆண்4) பிரமோத் -_ உத்தரப்பிரதேசம் _- வயது 26 _ -ஆண்5) பிங்கி _ -உத்தரப்பிரதேசம் -_ வயது 22- _ பெண்6) நிர்மல் -_ அஸ்ஸாம் -_ வயது 24 _- ஆண்7) ஜுபியம் _- அஸ்ஸாம் _- வயது 25 -_ ஆண்8) முகேஷ் -_ பீகார் _- வயது 26- _ ஆண்9) ஊர்மிளா -_ பீகார் -_ வயது 26 _ பெண்10) ராஜ்ஸ்வரூப்- _ இமாச்சல பிரதேசம் _- வயது 24- _ ஆண்11) குஷால் -_ இமாச்சல பிரதேசம் _- வயது 23- _ ஆண்12) வேதாந்த் _- ஆந்திரா- _ வயது 27- _ ஆண்13) விஸ்வந்த் -_ ஆந்திரா -_ வயது 25 -_ ஆண்14) சாத்வின் -_ கன்னடா _- வயது 26 _- ஆண்15) தியான் -_ கன்னடா -_ வயது 24 -_ ஆண்பட்டியல் நீண்டது...“கமிஷனர் சார்... இறந்த 110 பேரும் இந்தியாவின் பல்வேறு மாநிலங்களிலிருந்து வந்த பைக்கர்கள். பொதுவாக அனைவருமே 20_-30 வயதுக்கு உட்பட்டவர்கள். ஒவ்வொரு குழுவிலும் நான்கைந்து பேராக வந்து இறந்து போனவர்கள். ஆண் _ -பெண் ஜோடிகள் அதிகம். இவர்கள் அனைவரின் மரணங்களிலும் சதிவலை பின்னப்பட்டிருந்ததாக உணர்கிறேன்!’’“லடாக் ஒரு சுற்றுலா மையம். சாகச விரும்பிகளின் முதல் தேர்வு லடாக்தான். இந்தியாவின் வெளிமாநிலத்து இளைஞர், இளைஞிகள் லடாக் வந்ததும் கண் மூடித்தனமான வேகத்தால் இறப்பதும் மிக சாதாரணமான விஷயம்தான். இதில் சதிவேலை இருப்பதாக நான் நம்பவில்லை.’‘“லடாக்கில் எத்தனை அரசியல் கட்சிகள் உள்ளன?’‘“பி.ஜே.பி., என்.சி. எனப்படும் நேஷனல் கான்ஃபரன்ஸ், பி.எஸ்.பி. எனப்படும் பகுஜன் சமாஜ்வாடி பார்ட்டி, ஏ.ஏ.பி. எனப்படும் ஆம் ஆத்மி பார்ட்டி.’’“லடாக்கில் எந்தெந்த மதத்து மக்கள் வசிக்கிறார்கள்?’‘“ஷியா முஸ்லிம்கள் 46 சதவிகிதம், புத்திஸ்ட் 40 சதவிகிதம், இந்துகள் 12 சதவிகிதம், பிற மதத்தினர் 2 சதவிகிதம். லடாக்கில் 7,000 திபெத்தியர்கள் வசிக்கிறார்கள்.’‘“லடாக்கின் மைனஸ் பாயின்ட்கள் என்னென்ன?’‘“தாறுமாறான மலைப்பிரதேசமும் கொடூரமான சீதோஷ்ண நிலையும் கொண்டது லடாக். 2019_ல் ஜம்மு_காஷ்மீரின் சிறப்பு அந்தஸ்து ரத்து செய்யப்பட்டது. லடாக் ஒரு யுனியன் பிரதேசமானது. 2019_லிருந்து 2023 வரை லடாக்கில் தேர்தல் நடக்கவில்லை. மத்திய உள்துறை அமைச்சக குழுதான் லடாக் நிர்வாகத்தை கவனிக்கிறது.’‘“ஓ! ஐ...ஸி...’‘“மற்ற குறைகள்?’‘“மோசமான மின் விநியோகம், ஏழ்மையான உள்கட்டமைப்பு, மோசமான குடிநீர் விநியோகம், தலைவலி என்றால் 160 கி.மீ. சென்று மருத்துவரை பார்க்க வேண்டிய கட்டாயம், பராமரிப்பு இல்லாத சிதிலமடைந்த சாலைகள்... இதுதான் லடாக். லடாக்கில் 2ஜி நெட் வொர்க்கூட கிடைக்காது. லடாக் _ -சீனா எல்லையில் 5ஜி நெட்வொர்க் கிடைக்கும்.’‘“இவ்வளவு அதிருப்திகள் இருக்கின்றவா?’‘“மத்திய அரசு பிராந்திய தனித்துவமான பண்பாடு கலாசாரத்தையும் மொழியையும் பாதுகாக்க ஒரு குழு போட்டது. அதனை லடாக் புத்த கூட்டமைப்பு நிராகரித்து விட்டது.’‘“லடாக் மக்கள் என்னதான் கேட்கிறார்கள்?’’“யூனியன் பிரதேச அந்தஸ்தை ரத்து செய்யச் சொல்கிறார்கள். ஆறாவது அட்டவணைப்படி அரசியலமைப்பு சட்டத்தை பாதுகாக்க கோருகிறார்கள். அரசு பணியாளர் தேர்வாணையம் அமைக்க இறைஞ்சுகிறார்கள். உள்ளூர் இளைஞர் இளைஞிகளுக்கு வேலைவாய்ப்பில் ஒதுக்கீடு கேட்டு மன்றாடுகிறார்கள். லேக்கும் கார்கிலுக்கும் இரு எம்.பி. தொகுதிகளாக பிரிக்க கேட்கிறார்கள். மொத்தத்தில் லடாக் மக்கள் பிரச்னைகளை ஹிந்துத்துவா கண்ணாடி அணிந்து பார்க்காமல் சீனக்கண்ணாடி அணிந்து பார்க்கிறார்கள்.’‘“மை காட்!’’“நான் பேசுவதெல்லாம் ஆஃப் தி ரெக்கார்ட்தான். என் பேச்சை பதிவு செய்துவிடாதீர்கள். இந்தியாவின் கிழக்கு லடாக்கில் ஸலாமி சிலைஸிங் முறையில் 65 ரோந்து புள்ளிகளில் 26 ரோந்து புள்ளிகளை சீனாவிடம் இந்தியா இழந்துள்ளது.’‘“உம்!’‘“திபெத்தியர் பிரச்னை தனியே ஓடுகிறது. லடாக்கில் இருக்கும் 56 இனக்குழுக்களில் திபெத்தியரும் ஒருவர். திபெத்தியர்கள் ராணுவத்திலும் இருக்கிறார்கள். சமீபத்தில் உச்சநீதிமன்ற தீர்ப்பு ஒன்று வந்தது. 26.1.1950 அன்றோ அல்லது அதன் பின்னோ 1.7.1987க்கு முன்னோ திபெத் அகதிகளுக்கு இந்தியாவில் பிறந்த திபெத்தியருக்கு இந்திய குடிஉரிமை உண்டு என தீர்ப்பில் உச்சநீதிமன்றம் கூறியுள்ளது!’‘“லடாக்குக்கு பைக் பயணம் வரும் இளைஞர் இளைஞிகள் மரணத்துக்கு லடாக்கின் அரசியல் அதிருப்திகள் காரணமாய் இருக்குமா?’‘“உலகின் அபாயகரமான பத்து சாலைகள் என ஒரு பட்டியல் உள்ளது. கிஷ்த்துவர் கைலாஷ் சாலை, கர்துங் லா கணவாய் சாலை, சங்லா கணவாய் சாலை, என்ª.ஹச். 22, நேரல்- _ மாத்தன் சாலை, ஜோஜி லா கணவாய் சாலை, ரோதங் கணவாய் சாலை, நாத்து லா கணவாய் சாலை, கின்னார் சாலை, பத்தாவதாக லே-_மணாலி நெடுஞ்சாலை. லே-_மணாலி நெடுஞ்சாலையில் வாகனங்கள் ஓட்ட எந்தக் கொம்பனும் தடுமாறுவான்!’‘சிரித்தான் டியாரா.“பேலன்ஸ் பண்ணி பேசுகிறீர்கள் ஸ்டான்ஜின்!’’“காவல்துறை அதிகாரிகளுக்கு சொல்லித் தர வேண்டுமா?’‘மூவரும் எழுந்தனர்.டியாரா டெபுடி கமிஷனர் கைகளைப் பற்றி குலுக்கினான்.“சந்திப்போம்!’‘ஒரு ஈட்டி பாய்ந்து பறந்து வந்து டியாராவின் முன்பாக விழுந்தது. ‘தப்பித்து ஓடு!’ என்கிற வாசகம் அதில் துண்டுச் சீட்டாய்க் கட்டி விடப்பட்டிருந்தது. . 14 ஐயப்படுதல் நெருப்பென சுட்டுப் பொசுக்கும்ஐயத்தெளிவு உண்மை நிழலைப் பிடிக்கும்யானை மோதிட பெருமரம் சரியும்உண்மையின் பயணம் உயிர்ப்பே!- ஹரிணி சிக்கன் மோமோவை முழுதாய் வாய்க்குள் போட்டு மென்றபடி ஸிஜா தேஜியைப் பார்த்தாள்.“நீ ஏதோ சொல்ல விரும்புற போல தேஜி?’‘“ஆமா.’‘“சொல்லு...’‘“அரசியல் காரணங்களுக்காக சதிவேலை பின்னப்பட்டு பைக்கர்ஸ் மரணங்கள் நடப்பதாக நீ சந்தேகப்படுகிறாய் இல்லையா டியாரா?’’“என்னுடைய பல சந்தேகங்களில் அதுவும் ஒன்று!’‘“பைக்கர்ஸ் மரணங்களுக்கான குற்றநோக்கம் ஒன்றை நான் சொல்லவா?’‘“சொல்...’‘“1974ஆம் ஆண்டு லடாக் சுற்றுலா பயணிகளுக்காக திறந்து விடப்பட்டது. அப்போது 527 பயணிகள் லடாக்கை சுற்றிப் பார்த்தனர். ஆனால், இப்போது இரண்டே மாதங்களில் 4.5 லட்சம் சுற்றுலா பயணிகள் லடாக்கை சுற்றிப் பார்த்துள்ளனர். அடல் சுரங்கப்பாதையில் 7.62 லட்சம் வாகனங்கள் வந்து போயிருக்கின்றன!’‘“சரி.’‘“லடாக் சுற்றுலாவை நம்பி இருநூற்றுக்கும் மேற்பட்ட ட்ராவல் ஏஜென்ஸிகள் உள்ளன. லடாக்கில் சுமார் இருபதாயிரம் பேர் சுற்றுலாவை நம்பி இயங்குகின்றனர். இவர்கள் வாழ்வாதாரத்தை பைக்கில் போகும் இளைஞர் கூட்டம் சீரழிக்கிறது!’‘“எப்படி?’‘“பைக்கில் வருபவர்கள் வாடகை டாக்ஸி எடுக்க மாட்டார்கள். உணவகங்களில் உணவு சாப்பிடமாட்டார்கள். விடுதிகளில் தங்க மாட்டார்கள். என் கணக்கின்படி பார்த்தால், இந்த வருடம் 30,000 பைக்கர்கள் லடாக் வந்து போயிருக்கிறார்கள். ‘பைக்கில் வந்து எங்கள் குடியை கெடுக்காதீர்கள். மீறி பைக்கில் வந்தால் கொல்வோம்!’ என்கிற மிரட்டல் கொலைகள்தான் 143 பேரின் சாலை மரணம். உள்நாட்டுப் போக்குவரத்தை நடத்தும் விமான கம்பெனிகள்கூட இந்த பைக்கர்ஸ்ஸால் பெரிதும் பாதிக்கப் பட்டுள்ளனர்!’‘“அதனால்?’‘“பைக்கர்ஸால் பாதிக்கப்பட்டவர்கள் ஒன்று சேர்ந்து ஒரு சிண்டிகேட் அமைத்திருப்பர். அந்த சிண்டிகேட் வாடகை கொலையாளிகளை அமர்த்தி, பைக்கர்ஸை கொன்றிருக்கும்!’‘“பைக்கர்ஸ்ஸை எப்படிக் கொன்றிருப்பார்கள்?’‘“கனரக வாகனம் வைத்து முட்டி மோதி கிடுகிடு பாதாளத்தில் தள்ளியிருப்பார்கள். அவர்களின் வாகனங்களில் நம்பர் பிளேட் இருக்காது. சி.சி.டி.வி. பார்வை இல்லாத இடத்தில்தான் பைக்குகளை முட்டி மோதுவார்கள். ஒரு பிரமாதமான கொலைகார நெட்வொர்ட் டிக்கிலோனா செய்து பைக்கர்களை பரலோகம் அனுப்புகிறது!’’“தேர் ஆர் பாசிபிலிட்டீஸ் தேஜி!’‘“டியாரா... சத்யசஞ்சீவியின் நெற்றி கேமரா பதிவுகளை பார்த்தாயா?’‘“பார்த்தேன்... சத்யசஞ்சீவி அதளபாதாளத்துக்கு பாய்வதற்கு ஐந்து நிமிடங்களுக்கு முன்பாக வீடியோ காட்சி துண்டிக்கப்பட்டுள்ளது!’‘“துண்டிக்கப்படும் மைக்ரோ நொடியில் ஏதாவது சப்தம் கேட்கிறதா?’‘“சஞ்சீவி கத்துகிறான். என் நெற்றி வீடியோ கேமராவை சுருக்கு வைத்து அறுத்துவிட்டார்கள். தொடர்ந்து எழுவரின் மரணஓலம்!’’“எனக்கு வேறொரு குற்றநோக்கம் தெரிகிறது டியாரா தேஜி!’‘“சொல் ஸிஜா...’‘“சுற்றுலா பயணிகள் வருகைக்கு முன்னர் தன்னிறைவு பெற்ற பகுதியாக லடாக் விளங்கியுள்ளது. 1947_ல் லடாக்கின் ஜனத்தொகை 6,000 மட்டுமே! விவசாயமும் கால்நடை வளர்த்தலுமே அவர்களின் தொழில்கள். சுற்றுலா பயணிகள் வந்து கூத்தடித்து லடாக்கின் புனிதத்தை மாசுபடுத்திவிட்டனர். சுற்றுச்சூழல் நிபுணர்கள், ‘பிளாஸ்டிக் குப்பையால் லடாக் வெகுவாக மாசு அடைந்திருக்கிறது’ என்று எச்சரிக்கிறார்கள். இன்னும் பல பின்விளைவுகள்...’‘“அதனால்?’‘“லடாக்கின் பாரம்பரியம் சார்ந்த மரபு சார்ந்த மக்கள் சுற்றுலா பயணிகளை வெறுக்கின்றனர். பைக்கர்ஸ் சிலர் போடும் செக்ஸ் களியாட்டங்கள் அவர்களை முகம் சுளிக்க வைக்கின்றன.’‘“சரி.’’“லடாக்குக்கு சுற்றுலா பயணிகளாக மொட்டை பசங்கள் வராதீங்கடா- என எச்சரிக்கைவிடும் சிவப்பு மிரட்டல்தான் 143 பைக்கர்ஸ் மரணங்கள் என்கிறேன்!’‘“சுற்றுலா வருமானத்தை பைக்கில் வந்து கெடுக்காதீர்கள் என ஒரு கூட்டமும், லடாக்குக்கு சுற்றுலாவே வராதீங்க என மிரட்டும் இன்னொரு கூட்டமும் இருப்பதாக கூறுகிறாய். செல்லக்குட்டிகளா... இன்னும் உங்கள் நியூரான் செல்கள் சாணை தீட்டப்பட்டு செம கூர்மையாகத்தான் இருக்கின்றன. வி மஸ்ட் எக்ஸ் ப்ளோர் ஆல் தி பாசிபிலிட்டீஸ் கோ அஹெட்!’‘“இன்னொரு சாத்தியம்கூட இருக்கிறது!’‘“அதென்ன?’‘“நடந்த பைக்கர்ஸ் மரணங்களில் 80 சதவிகிதம் சுஸோட் ஸாமா கிராமத்துக்கு அருகே நடந்துள்ளது. அந்தக் கிராமம் சிந்துநதிக்கரை மீது அமைந்துள்ளது. அந்த நகர மக்களுக்கு ஏதாவது அதிருப்தி இருக்கலாம். அந்த அதிருப்தியைக் காட்ட பைக்கர்ஸ் மரணங்களை நிகழ்த்துகிறார்களோ என்னவோ?’‘“நான் இன்னும் ஒரு சாத்தியம் சொல்வேன்... யாரும் என்னை அடிக்கக்கூடாது!’‘ ஸிஜா.“யானையை பூனைகள் அடிக்க முடியுமா? நீ சொல்லு சொல்லு.’‘“அந்தக் குறிப்பிட்ட கிராமத்தின் கொண்டை ஊசி வளைவு சாலையில் ஒரு காதல் ஜோடி மரணம். அந்தக் காதல் ஜோடி ஆவியாக நின்று பைக்கர்களை தடுமாற வைத்து பாதாளத்தில் தள்ளுகிறதோ?’‘“குந்தாணிக்கு எப்படியெல்லாம் யோசனை வருது பாரு...’‘“இன்னும் ஒரு கோணம் இருக்கு... இது கொஞ்சம் அரசியல் கலந்தது!’’“ஆஹா சொல்லு...’‘“சீனாக்காரன் ‘இது என் ஆளுமைக்கு உட்பட்ட பகுதி. இந்தியர்கள் சுற்றுலா பயணிகளாக லடாக் வராதீர்கள்’- என எச்சரிக்கையாய் சாலை மரணங்களை அரங்கேற்றுகிறானோ?’‘“லட்சக்கணக்கான பயணிகளை விட்டுவிட்டு இவர்களை மட்டுமா?’‘“இது ஒரு சாம்பிள் மிரட்டல்!’’“சரி தூங்குங்கள். காலையில் எழுந்து துப்பறியும் பணியை தொடர்வோம்.’‘இடுங்கிய கண்களிரண்டு, பேசும் மூவரையும் எரித்து சாம்பலாக்கும் வண்ணம் வெறித்தன.. 15இருளைக் குடிக்கும் வெளிச்சம் மயங்கும்இறைந்த பகலோ இறைவனின் வலைஇடையில் அசையா மலையே இமயம்லாபமும் நட்டமும் செலவே!- ஹரிணிகாவல் துறை தலைமையகம்.காவல்துறை தலைவரை வணங்கினான் டியாரா.“ஜுலே!’’“ஜுலே!’‘“நம் ஏற்பாட்டுக்கு அனைவரும் ஒத்துழைப்பார்களா?’‘“ஒத்துழைப்பார்கள் என நம்புகிறேன்!’’மாநாட்டு மண்டபத்தில் நாற்பதுக்கும் மேற்பட்ட இருக்கைகள் போடப்பட்டிருந்தன.பி.ஜே.பி.யின் யூனியன் பிரதேச தலைவர், லடாக் தன்னாட்சி மலை முன்னேற்ற சபை தலைவர், லடாக் புத்தமக்கள் கூட்டமைப்பின் தலைவர், சுஸோட் ஷாமா கிராமத்தின் முக்கியப் பிரமுகர், பயண நிறுவனங்களின் தலைவர், சர்வமத பிரதிநிதிகள், அரசு மருத்துவமனை தலைமை மருத்துவர், சுற்றுச்சூழல் நிபுணர், சர்வகட்சி பிரமுகர்கள், நகரின் மக்கும் மக்கா குப்பைகளை அகற்றும் ஊழியர்களின் தலைவர், நகர தங்கும் விடுதிகளின் தலைவர்... இன்னும் இதர இதரர்கள்.டியாரா ராஜ்குமார் எழுந்தான். “ஜுலே! உங்களிடம் நான் ஆங்கிலத்தில்தான் பேசப்போகிறன் என்னை மன்னிக்கவும்.’’“பேசியவரை புரிந்துகொள்ள முயற்சிக்கிறோம். பேசி முடித்ததும் லடாக்கி மொழியில் நீங்கள் பேசியதை மொழிபெயர்த்து தாருங்கள்!’’“சரி.’‘“கடந்த ஒரு வருடத்தில் லடாக்குக்கு பைக் பயணம் வந்த 143 இளைஞர் இளைஞிகள் கொல்லப்பட்டுள்ளனர். அவர்கள் தற்செயலாக சாலை விபத்தில் சிக்கவில்லை. திட்டமிட்டு வன்கொலை செய்யப்பட்டிருக்கிறார்கள். இந்தச் செய்தி நாடு முழுவதும் அதிர்வலைகளை ஏற்படுத்திக் கொண்டிக்கிறது. நாம் ஒருமுகமாக இந்தக் குற்றங்களுக்கு எதிராக நின்று குற்றவாளிகளை பிடித்து சட்டத்திடம் ஒப்படைக்க வேண்டும். குற்றவாளிகளை கண்டுபிடித்து கொடுப்பதில் நீங்கள் ஒவ்வொருவரும் முழுமையாக உதவ வேண்டும்!’’“ஓகே.’‘“புத்திஸ்ட்களுக்கும் முஸ்லிம்களுக்கும் ஒற்றுமை இருக்கிறது. டோக்ராஸுக்கும் ஜம்மு_காஷ்மீர் முஸ்லிம்களுக்கும் துளி ஒற்றுமை இல்லை. இந்த ஒற்றுமையின்மைதான் லடாக் பின்னடைவுக்கு அடிப்படை காரணம்!’‘ஒருவர் எழுந்தார்.“சம்பாதிக்க வக்கு இருந்தாலும் குடித்துவிட்டு குடித்துவிட்டு தூங்கும் கணவனை வைத்திருக்கும் மனைவி, மனைவியை செழிப்பாக சந்தோஷமாக வைத்திருக்கும் பக்கத்து வீட்டு கணவரை பார்த்து ஏங்குவாள் இல்லையா? அதே போன்று லடாக் மக்கள் சீன வசதிகளை கண்டு ஏங்குகிறார்கள். 143 சாலை மரணங்களில் சீனாவின் கை இருக்க வாய்ப்பிருக்கிறது!’’ஒருவர் எழுந்தார்.“நான் ஆளும் மத்திய அரசாங்கத்தை குறை கூற விரும்பவில்லை. அதே நேரம் அவர்களின் செயல்பாடுகள் சிறிதேனும் லே_-லடாக் மக்களின் நலன் சார்ந்ததாக இருக்க வேண்டும். 2019_லிருந்து இங்கு மக்களால் தேர்ந்தெடுக்கப்பட்ட மாநில அரசு இல்லை. கவர்னர் மற்றும் காவல்துறை ஆட்சிதான். நெகடிவ் சக்திகள் உயிர்த்தெழுந்து தாண்டவமாடத்தான் செய்யும்!’’“இறந்தவர்கள் அனைவரும் 20-_30 வயதுக்கு உட்பட்டவர்கள். நம் வீட்டிலும் மகன், மகள் இருக்கிறார்கள். அவர்களுக்கு யாராவது அசம்பாவிதம் நிகழ்த்த முயற்சித்தால் பொறுப்போமா?’‘“பொறுக்க மாட்டோம்!’‘“வருடத்தில் 30,000 பைக்கர்கள் லடாக்குக்குள் நுழைகிறார்கள். அது உங்கள் தொழிலை பாதிக்கிறதா? அதனால் நீங்கள் வெகுண்டெழுந்து மோதிக்கொள்ளும் வேலையில் ஈடுபட்டுள்ளீர்களா?’‘ பயண நிறுவனங்களின் தலைவரிடம் கேட்டான் டியாரா.பயண நிறுவனங்களின் தலைவர் முறுவலித்தார். “பைக்கர்களால் எங்கள் வருமானம் குறைகிறதா என்றால், ஆம் குறைகிறது. ஆனால், அது யானை கவளத்தில் சிந்தும் ஒரு துளி. அவர்கள் பக்குவப்படுத்தபட்ட டின் உணவை உண்கிறார்கள். தங்கக் கூடாராம் அமைத்துக்கொள்கிறார்கள். எந்த விஷயத்துக்கும் அவர்கள் ரொக்க பணத்தையோ கிரெடிட் டெபிட் கார்டுகளையோ வெளியே எடுப்பதில்லை. வரும் பைக்கர்கள், பெண்கள் விஷயத்தில் ராமர்கள்! செக்ஸ் வைத்துக்கொள்ள வேண்டுமென்றால் அவர்களுடன் வந்த பெண்களுடன்தான் வைத்துக்கொள்வார்கள். லடாக் பெண்களிடம் கண்ணியம் காப்பார்கள். எங்களுடன் செல்ஃபி எடுத்துக்கொள்வார்கள். கடந்த ஒரு வருடமாக பைக்கர்களுக்கு எதிராக ஒரு சதி நடந்து வருவது எங்களுக்குத் தெரியும். அதனை நாங்கள் கடுமையாகக் கண்டிக்கிறோம். எங்களுக்கும் அந்தச் சம்பவங்களுக்கும் எவ்வித தொடர்பும் இல்லை. அவர்களை யார் பிடித்து காவல்துறையில் கொடுத்தாலும் எங்களுக்கு முழு சந்தோஷமே!’‘“வாடகை ஊர்தி நிறுவனங்களின் தலைவர் என்ன கூறுகிறார்?’‘“நாங்களும் குற்றவாளிகளுக்கு எதிராக கைகோர்த்து நிற்கிறோம்.’’“சுற்றுச்சூழல் நிபுணர்கள் என்ன கூறுகிறீர்கள்?’‘“சுற்றுலா பயணிகள் வருகை லடாக்கிற்கான வருமானமே! சுற்றுலாவை நம்பித்தான் பெரும்பாலான லடாக் மக்கள் வாழ்கிறார்கள். காற்று மாசு, ஒலி மாசு, பிளாஸ்டிக் குப்பை மாசுக்கு எதிராக நாங்கள் போராடி வருகிறோம். நடக்கும் சாலை மரணங்களுக்கும் எங்களுக்கும் எந்தவொரு தொடர்பும் இல்லை.’‘“வேற? வேற?’‘‘‘சீனர்களின் நிழல் கைங்கரியம் இருக்க வாய்ப்பிருக்கிறது. சமீபத்தில்கூட அவர்கள் பார்வைக்கு படாமல் மறைந்து போகின்ற ஆடை ஒன்றை ராணுவத்திடம் அறிமுகப்படுத்தி உள்ளனர். அவர்களுக்கு நாடும் கடலும் பிடிக்கும் ஆசை அதிகம். யாரும் நடமாடாத சுடுகாடாய் இருந்தாலும் அதற்கு அவர்கள் உரிமை கொண்டாடுவார்கள். நம்முடைய எதிரிகள் எல்லாம் அவர்கள் நண்பர்கள். சீன ஆதரவை வைத்துக் கொண்டுதான் பாகிஸ்தான், இலங்கை போன்ற நாடுகள் நம்மிடம் வாலாட்டுகின்றன. அவர்களின் போர் யுக்திகளில் பைக்கர்ஸ் மரணங்களும் ஒன்றோ? இந்த விஷயத்தை ராணுவம்தான் அலசி ஆராய முடியும்!’’“ஜம்மு _ காஷ்மீருக்கான சிறப்பு அந்தஸ்தை இந்தியா ரத்து பண்ணியதற்கு சீனா கண்டனம் தெரிவித்தது. இது எவ்வளவு பெரிய அதிக பிரசங்கித்தனம்?’‘பிரேத பரிசோதனை செய்யும் மருத்துவர்களிடம் டியாரா திரும்பினான்.“பெரும்பாலான பைக்கர்களின் பிரேதங்களை நீங்கள்தான் போஸ்ட் மார்ட்டம் செய்திருப்பீர்கள். போஸ்ட் மார்ட்டத்தில் நீங்கள் கண்ட வித்தியாசமான விஷயங்கள் என்னென்ன?’‘“பாதி பைக்கர்களின் உயிர்கள் அதளபாதாளத்தில் போகும்போதே மாஸிவ் ஹார்ட் அட்டாக் பெற்று பரலோகம் பறந்துவிடும். நிறைய பைக்கர்களின் ஹெல்மெட்கள் சுக்குநூறாய் உடைந்து தலைப்பகுதியை ரணகளப்படுத்தி மரணத்தை பரிசளித்திருக்கும். நூற்றில் இருபது பேர் விழுந்தவுடன் இறக்காமல் ஆறு ஏழு மணிநேரம் உயிரோடு இருந்திருப்பர். ரெஸ்க்யூ டீம் அவர்களை மீட்கும்போது அவர்கள் இறந்து போயிருப்பர். நான்கு பைக்கர்கள் ஒன்றாக இறந்திருந்தால் நாலு பைக்குகளில் ஒரு பைக்கின் பின்புறம் கடுமையாக சேதப்பட்டிருக்கும். ஸோ... இந்த பைக்கர்களை ஏதோ ஒரு கனரக வாகனம் முட்டி மோதிதான் அதளபாதாளத்துக்குள் தள்ளுகிறது. அது பனிப்பொழிவை சுத்தப்படுத்தும் கேட்டர் பில்லர் இயந்திரம். அதை உறுதியாக என்னால் கூற முடியும்!’’“வின்டர் சர்வீஸ் வெகிக்கிள் என கூறுவார்கள். பல்வேறு கம்பெனிகள் அதில் உள்ளன.’‘“இவர்கள் நம்பர் பிளேட் ரெககனிஷன் கேமராவை ஏமாற்ற கேட்டர் பில்லருக்கு ரோலிங் நம்பர் பிளேட் வைத்திருப்பார்கள்.’’“அவர்கள் ஸ்பீட்ரேடார் துப்பாக்கிகளையும் சுவாச கண்டுபிடிப்பானையும் அநாவசியமாக தாண்டிவிடும் அசகாய சூரர்கள்!’‘“கொலைகாரர்கள் ஜினோபோபிக் மனோபாவம் கொண்டவர்கள் மெகலோமேனியாக் வெறி கூடியவர்கள் என நம்புகிறேன்!’‘“ஹிட் அண்ட் ரன் தொடர் கொலையில் ஈடுபடுவது ஒற்றை ஆள் அல்ல... ஒரு பத்து அல்லது இருபது பேர் கொண்ட கூட்டம்!’’“இவர்கள் திட்டமிட்டு செயல்படுகிறார்கள்!’‘“இவர்கள் என்றால் இவர்கள் யார்? பில்லியன் டாலர் கேள்வி. இவர்களை நாம் கண்டுபிடித்து சிறையில் தள்ளி, களி தின்ன வைப்போம்.’‘“அதற்கு நாங்கள் உறுதுணையாக நிற்போம்.’’“ஒரு ஆங்கில நாளிதழின் பெண் நிருபர் இந்த பைக்கர்ஸ் மரணம் பற்றி ஐந்து வார தொடர் கட்டுரை எழுதியிருந்தார்!’‘அந்தக் கட்டுரைகளை நான் பார்க்க முடியுமா?’‘“உங்கள் மின்னஞ்சல் முகவரிக்கு அந்த ஐந்து கட்டுரைகளை அனுப்புகிறேன்.’’“நன்றி! அந்தப் பெண் நிருபரின் கைபேசி எண் இருக்கிறதா?’‘“இந்தக் கட்டுரைகள் கடுமையான கண்டனத்துக்கு ஆளாயின. அவர் தன்னுடைய கட்டுரைகளில் ஆளும் மத்திய கட்சியைத்தான் சாடியிருந்தார். ஐந்தாவது வாரக் கட்டுரை முடிவில் அவர், பணி செய்த பத்திரிகையிலிருந்து பணி நீக்கம் செய்யப்பட்டார்.’‘“ஓகே... ஓகே... தொடர்ந்து நாம் அனைவரும் தொடர்பில் இருப்போம். எந்தப் புதிய தகவல் கிடைத்தாலும் எனக்குத் தெரிவியுங்கள். எனது கைபேசி எண் இதோ...’‘கூட்டம் முடிந்தது. அனைவரும் கலைந்தனர். சுஸோட் ஷாமா கிராமத்து பிரமுகர் டியாரா கையில் ஒரு துண்டுச் சீட்டைத் திணித்தார். “நாளை காலை ஆறு மணிக்கு போன் பண்ணிவிட்டு என் கிராமத்துக்கு வாருங்கள்... உங்களுக்கு ஒரு புதிருக்கான விடை கிடைக்கும்!’‘அந்தப் பெரியவரை பார்த்து கண்சிமிட்டி பறக்கும் முத்தம் ஒன்றை அனுப்பினாள் ஸிஜா.“நன்றி பெருசு!’‘ . 16 பூமியைப் புணரும் பனிப்பொழிவுகிறங்கிய பூமியின் இயற்கை பசுமைகாத்திருந்து காதுகள் துளைக்கும் வண்டுகண்ணறியாக் காத்திருப்பு விடியலே!- ஹரிணிசிந்து நதிக்கரையின் மீது அந்த அழகிய கிராமம் அமைந்திருந்தது.கிராமத்துக்குள் டியாராவின் கார் பிரவேசித்தது. காரை டியாரா ஓட்டினான். பின்னிருக்கையில் தேஜி, ஸிஜா.கிராமத்தின் நுழைவாயிலில் கார் தயங்கி நின்றபோதுதான் அது நிகழ்ந்தது. டியாராவின் காரை பனி தள்ளும் இயந்திரம் முட்டி மோதி தள்ளியது.கார் பல சாமர் சால்ட்கள் அடித்து மல்லாந்தது.கார் கண்ணாடியை உடைத்துக் கொண்டு டியாரா, தேஜி, ஸிஜா வெளியேறினர். கேட்டர் பில்லர் தொடர்ந்து காரை தள்ளி அதளபாதாளத்தில் தள்ளியது.இரண்டு டன் எடையுள்ள கலப்பின எருதான டுஜோவின் மீது அவன் அமர்ந்திருந்தான். திபெத்திய பாரம்பரிய ஆடைகளை அணிந்திருந்தான். தலையில் சிவப்புநிற தொப்பி கையில் ஈட்டி.“ஜுலே!’‘“ஜுலே!’‘“துப்பறிவாளனே... உன்னை லடாக் மலைப்பிரதேசம் வரவேற்கிறது!’‘“நீ யார்? உன்னைப் பற்றி விரிவாக சொல்...’’“என் பெயர் கெய்ஸங். நான் ஒரு திபெத்தியன். தலாய்லாமாவின் தீவிர ஆதரவாளன்... நானும் என்னுடைய நண்பர்களும் சேர்ந்துதான் 143 பைக்கர்களை கொன்றோம். இப்ப உங்க மூன்று பேரையும் கொல்லப் போகிறோம்!’’ விசில் அடித்தான்.பத்துக்கும் மேற்பட்ட எருதுகளில் ஆட்கள் முளைத்தனர்.“எதற்காக இந்தக் கொலைகள்?’‘“நீயே தொண்ணூறு சதவிகிதம் யூகித்திருப்பாய். ஒரு பக்கம் சீன அரசாங்கம். எங்கள் நிலப்பகுதியை விழுங்கி கபளீகரம் பண்ண பார்க்கிறது. இன்னொரு பக்கம் இந்திய அரசாங்கம் எங்களுக்கான அடிப்படை வசதிகளைகூட செய்ய மறுக்கிறது. லடாக் அரசியல் பெரும் சூதாட்டம். குடிக்க தண்ணீர் இல்லை. உபயோகிக்க மின்சாரம் இல்லை. மோசமான சாலை வசதி. மருத்துவ வசதி அறவே இல்லை. தவிர, ஒலி மாசு, பிளாஸ்டிக் மாசு. மொத்தத்தில் லடாக் மூக்கறுந்த சூர்ப்பணகை போல விகாரமாய் நின்று ஒப்பாரி வைக்கிறது. சுபிட்சமாய் பூத்துக்குலுங்கும் ஒரு இடத்தை பார்க்க சுற்றுலா பயணிகள் வந்தால் பாராட்டலாம். படுத்த படுக்கையாய் கிடக்கும் நோயாளியை பார்க்கவா லட்சக்கணக்கில் சுற்றுலா மக்கள் கூட்டம்? நாங்கள் திபெத்தியர்கள் வீரம் பொருந்தியவர்கள். இந்திய ராணுவத்தில் பணி புரிகிறோம். எங்களுக்கு லடாக்கின் மீது அசுர காதல் உண்டு. எங்களுக்கான அரசியலை சீர் செய்த பிறகு எங்களுக்கான அடிப்படை வசதிகளை செய்து கொடுத்த பின் அரசாங்கம் சுற்றுலா மக்களை லடாக்குக்குள் அனுமதிக்கட்டும்.’‘“ஜனநாயக முறையில் கேட்டு பெறுவதுதானே சரி?’‘“இங்கே ஜனநாயகம் பக்கவாதம் வந்து முடங்கிப்போய் கிடக்கிறது. வேறு வழியே இல்லாமல்தான் வன்முறையை கையில் எடுத்தோம்!’’“வன்முறையை கைவிடுங்கள். நான் உங்க கோரிக்கைகளை அரசாங்கத்திடம் பேசுகிறேன்.’’“அவர்கள் செய்யமாட்டார்கள்!’‘“உன்னை அடித்து இழுத்துக் கொண்டு போய் காவல்துறையிடம் ஒப்படைக்க போகிறேன்.’‘கெய்ஸங் சிரித்தான்.அவனுடைய சிரிப்பு, மலை முகடுகளில் பட்டு எதிரொலித்தது.“நீங்கள் மூவரும் பிணமாக அதளபாதாளத்தில் தூக்கி எறியப்படப் போகிறீர்கள்!’‘“நீ வீரமான திபெத்தியன் என்றால் என்னுடன் ஒத்தைக்கு ஒத்தை மோது. நீ தோற்றால் எங்களிடம் சரணடைய வேண்டும்!’‘ஸிஜா முன் வந்தாள். “தலைவா... இவனை என்கிட்ட விடுங்க!’‘.‘‘வா... என்னிடம் மோதி பார்!’‘ ஸாமோ ஹங் மாதிரி ஸ்டான்ஸ் அமைத்தாள்.ஒரு மிகப்பெரிய வட்டத்திற்குள் எருதில் அமர்ந்திருக்கும் கெய்ஸங்கும் ஸிஜாவும். ‘காந்தாரா’ கடவுள் போல ஓலமிட்டபடி எருது நோக்கி பாய்ந்தாள் ஸிஜா. பேய்த்தனமான மோதல்!எருது காற்றில் சிதறியது.பெரும் சப்தமாய் வீழ்ந்தது.பின்னுக்கு பல்டி அடித்து ஈட்டியுடன் சீறினான் கெய்ஸங்.இரு முஷ்டிகளை முறுக்கி உயர்த்தி உறுமினாள் ஸிஜா.வெட்டுக்கிளி பாய்ந்து அவனுடைய நடுநெஞ்சில் உதைத்தாள். பின்னுக்கு இருபதடி தரை தேய்த்து விழுந்தான்.டிஸ்யூம்!பொங்கார்!ஹக்கும்!பேங் பேங்!சரமாரியாய் அடித்து உதைத்து தாக்கி கெய்ஸங்கை அப்படியே தலைக்கு மேல் தூக்கினாள்... தட்டாமாலை சுற்றினாள்.விசிறி எறிந்தாள்.பாய்ந்து அவனுடைய வலது கக்கத்தில் காலை கொடுத்து அவனுடைய வலது கையை முறுக்கி ஒடித்தாள்.வலி தாளாமல் ஓலமிட்டான்.கழுத்தை இடதுகையை இருகால்களை சடக்சடக் என்று ஒடித்தாள். எலும்புகள் பெரும் சப்தத்துடன் முறிந்தன.ஆறு கால்களும் இரு கொடுக்குகளும் ஒடிக்கப்பட்ட நண்டு போல கிடந்தான் கெய்ஸங்.கெய்ஸங்கின் சகாக்களை பார்த்து துப்பாக்கியை நீட்டினாள் தேஜி. “சுட்ருவேன்... மரியாதையா சரணடைஞ்சிருங்க!’‘முரண்டினவர்களை இருமுறை சுட்டாள்.பத்துக்கும் மேற்பட்ட காவல்துறை, சாலை போக்குவரத்து காவல்துறை வாகனங்கள் வந்து தரையைத் தேய்த்து நின்றன.“நீங்கள் அனைவரும் கைது செய்யப்படுகிறீர்கள்!’‘கிராமத்து மக்கள் குழுமியிருந்தனர்.-விமானத்தில் டியாரா அண்ட் கோ போய்க் கொண்டிருக்கும்போது மத்திய உள்துறை அமைச்சர் பத்திரிகையாளர்களிடம் பேசினார்.“லடாக் வளர்ச்சிக்கு 4,000 கோடி நிதி ஒதுக்கப்படுகிறது. லடாக் கார்கில்லை இரு எம்.பி. தொகுதிகளாக பிரிக்கிறோம். சட்டசபை தேர்தலுக்கான அறிவிப்பு இன்னும் இரு வாரங்களில் வெளிவரும். லடாக் சாலைகளில் நூறு மீட்டருக்கு ஒரு சி.சி.டி.வி. பொருத்தப்படும். சீன அச்சுறுத்தலை இரும்புக்கரம் கொண்டு நசுக்குவோம். லடாக்குக்கு 5ஜி சேவை வெகு சீக்கிரம் வரும்!’‘அரூப சத்யசஞ்சீவி சிரித்தான்.எங்கள் உயிர் தியாகம் லடாக்கை புத்துயிர் பெற வைக்கட்டும்!’ (முற்றும்) . - ஆர்னிகா நாசர்

லப்டப் லடாக்

Related Stories