அம்மா நினைச்சா பசங்களை மாத்த முடியும்!

- இயக்குநராகும் ராஜ்மோகன்யூ டியூபில் நன்கு பார்த்துப் பழகிய முகம், ராஜ்மோகன். இவருடைய தமிழுக்கும் குரலுக்கும் ரசிகர்கள் பலர் உண்டு. சமூகப் பிரச்னைகளைத் தைரியமாகத் தன்னுடைய வீடியோக்களில் பேசக்கூடியவர். .நடிகராக சில படங்களில் தலைகாட்டியவர், தற்போது ‘பாபா பிளாக் ஷீப்’ படத்தின் மூலம் இயக்குநராக அறிமுகமாகிறார். படத்தில் தலைப்பே நம்மை ஈர்க்க, படம் பற்றி ராஜ்மோகனிடம் பேசினோம்....இந்தப் படத்தில் நீங்கள் சொல்ல நினைக்கும் விஷயம் என்ன? “சண்டை போட்டுக்கிட்டே இருக்குற ரெண்டு ஸ்கூல் பசங்களுக்கு இடையில எப்படி நட்பு உருவாகுது அப்படிங்கிறதுதான் ‘பாபா பிளாக் ஷீப்’ படத்தின் கதை. இந்தத் தலைமுறை பசங்க எப்போதும் விரக்தியிலேயே இருப்பாங்க. ஒண்ணு, அடிப்பாங்க. இல்லேன்னா, தற்கொலை பண்ணிப்பாங்க. அவங்க ஸ்டைல்லயே போய், அதை எப்படி டீல் பண்ணலாம்கிறதை இந்தப் படத்துல சொல்லியிருக்கோம். வெறும் நகைச்சுவையா மட்டுமே இல்லாம, அடர்த்தியாவும் விஷயத்தைச் சொல்லிருக்கோம்.”.‘பாபாபிளாக்ஷீப்’னுஇந்தப்படத்துக்குத்தலைப்புவைக்கஎன்னகாரணம்? “வெளிப்படையா சொல்லணும்னா, பிளாக்ஷீப் சேனல் பசங்கதான் முக்கியமான கேரக்டர்கள்ல நடிச்சிருக்காங்க. இதுதவிர, இந்தப் பாடலுக்குனு ஒரு அர்த்தம் இருக்கு. புரட்சிகரமான இந்தப்பாடல்ல, ஒருசின்னவிஷயம் எப்படி ஒற்றுமையைக் கொண்டு வந்துச்சுனு சொல்லிருப்பாங்க. இந்தரெண்டு காரணத்துக்காகத்தான் அப்படிதலைப்புவெச்சோம். இந்தப்படம் முழுக்கயாரு அந்த பிளாக்ஷீப்னு தேடிக்கிட்டே இருப்பாங்க. படம் முழுக்க ஒரு விசாரணை போய்க்கிட்டே இருக்கும். அதுஸ்டூடண்டா? டீச்சரா? -ங்கிற சஸ்பென்ஸ் இருக்கும்.”உங்கலைஃப்லநடந்தவிஷயங்களும்இந்தப்படத்துலஇருக்கா? “ஆமா... சின்னவயசுல ஸ்கூல்ல நிறைய சண்டைகள் போடுவேன். அதெல்லாம் இந்தப் படத்துல இருக்கு. மூணு வருஷத்துக்கு முன்னாடி ஒரு ஸ்கூல்ல பெரிய சம்பவம் ஒண்ணு நடந்துச்சு. அது என்னை ரொம்ப வேபாதிச்சது. ‘யாராவது தடுத்திருக்கலாமே... காப்பாத்திருக்கலாமே...’ணுதோணுச்சு. அந்த உண்மைச் சம்பவத்தையும், கொஞ்சம் கற்பனையும் சேர்த்து தான் இந்தப் படத்தை உருவாக்கியிருக்கோம்.”.படத்துல யாரெல்லாம் நடிச்சிருக்காங்க? “அபிராமி, அம்மு அபிராமி, ஆர்.ஜே. விக்னேஷ்காந்த், நரேந்திர பிரசாத், சுப்பு பஞ்சு, ஓஏகே சுந்தர், வினோதினி வைத்யநாதன், மதுரை முத்துனு மக்களுக்கு நல்லாத் தெரிஞ்ச நிறைய பேரு இந்தப் படத்துல நடிச்சிருக்காங்க. இதுவரைக்கும் முக்கியமான கதாபாத்திரங்கள்ல நடிச்ச அம்மு அபிராமியை, இந்தப் படத்துல ஹீரோயினா அறிமுகப்படுத்திருக்கோம். மதுரை முத்து காமெடிக்கு, எடிட்டிங்லயே விழுந்து விழுந்து சிரிச்சோம். அவரோட சிக்னேச்சர் காமெடிகள் படத்துல நிறைய இருக்கு. ஜூன் மாதம் படம் ரிலீஸ்.”அபிராமிக்கு இந்தப் படத்துல என்ன கதாபாத்திரம்? “அவங்க அம்மா கேரக்டர்ல நடிச்சிருக்காங்க. ரொம்பவே கனமான கதாபாத்திரம் அது. அவங்க மாதிரி ஒரு அம்மாகிட்ட மனசுவிட்டுப் பேசுனா, தவறான பாதையில போற பல மாணவர்கள் காப்பாத்தப்படுவாங்க. புத்திமதியா இல்லாம, ஃப்ரெண்ட்லியா சொல்றாப்ல இருக்கும். சமூகத்துல நாங்க கேட்க விரும்புன கேள்விகளை, அபிராமி கதாபாத்திரம் மூலமா கேட்டுருக்கோம். அவங்க கேட்குற கேள்விகள்தான், இந்தப் படத்தின் போக்கையே மாற்றும்.”.ஸ்கூலை மையமா வெச்சு நிறைய படங்கள், வெப் சீரிஸ் வந்தாச்சு. இந்தப் படத்துல என்ன வித்தியாசம் காட்டிருக்கீங்க? “ ‘பன்னீர் புஷ்பங்கள்’ படத்துல ஆரம்பிச்சு, சமீபத்துல வெளியான ‘சிறுவன் சாமுவேல்’ வரைக்கும்... சின்னப் பசங்களோட பாசம், காதல், பருவ வயது பிரச்னைகள்னு நிறைய விஷயங்களைப் பேசியிருக்கு. ஆனா, 2k கிட்ஸ் சந்திக்கிற பிரச்னைகளை இந்தப் படம் பேசுது. பப்ஜி விளையாட்டுக்காக பசங்க ஏன் சண்டை போட்டுக்கிறாங்க, ஏன் ஒண்ணு சேராம தனித்தனியாவே இருக்காங்க மாதிரியான விஷயங்களை இந்தப் படம் பேசுது. நம்ம வீட்டுல எல்லாருமே தினம் தினம் சந்திக்கிற பிரச்னைகளை, குறிப்பா, கொரோனாவுக்குப் பிந்தைய பிரச்னைகளைப் பற்றித்தான் பேசியிருக்கோம். உங்களோட பிரதிநிதிகளா நின்னு, சமூகத்தை நோக்கி நாங்க சில கேள்விகளை கேட்டுருக்கோம்.”.குழந்தைகள் படம் எடுக்குறோம்னு, பெரியவங்க பிரச்னைய அதுல திணிச்சிடுறாங்களே... “இந்தப் படத்துல அந்தக் குழப்பம் இருக்காது. பசங்களுக்கு வர்ற பிரச்னையை, அவங்களே எப்படி சரிசெஞ்சுக்குறாங்கனு படத்துல சொல்லிருக்கேன். இந்தக் காலத்துக் குழந்தைகள், ரொம்பவே அறிவா இருக்காங்க. என் பையன் மூணாவது படிக்கிறான்; வீட்ல ஸ்மார்ட் டிவி ஒழுங்கா வேலை செய்யலைன்னா, அவனே சரி பண்ணிடுறான். நான் மூணாவது படிக்கும்போது மயிலிறகு குட்டி போடும்னு காத்துக் கெடந்தேன். ஆனா, இந்த அறிவை 2k கிட்ஸ் எப்படிப் பயன்படுத்திக்கிறாங்க அப்படிங்குறதுதான் பிரச்னையே. அதேமாதிரி எமோஷனலா ரொம்ப வீக்கா இருக்காங்க. அதை இந்தப் படத்துல டீல் பண்ணிருக்கோம்.”ஆர்.ஜே., வி.ஜே., யூ டியூபர், இப்போ திடீர்னு இயக்குநர் அவதாரம் எடுத்தது எப்படி? “ஆர்.ஜே., வி.ஜே. எல்லாம் தானா கிடைத்த வாய்ப்புகள். ஆனா, நான் தேடிக்கிட்டு இருந்த வாய்ப்பு, இயக்கம்தான். சின்னதும் பெருசுமா.10 படங்கள்ல நடிச்சிட்டேன். ஒரு அசிஸ்டண்ட் டைரக்டரா நான்கைந்து படங்கள்ல ஒர்க் பண்றது மாதிரி, நான் யூ டியூப்ல வீடியோ எடுத்து எடுத்து நிறைய விஷயங்களைக் கத்துக்கிட்டேன். சோசியல் மீடியாவுல எனக்கு இருக்குற முகத்தை, சினிமாவுல நான் அப்படியே காட்டிட முடியாது. அங்க திரைமொழி கொஞ்சம் வித்தியாசப்படும். அதைத்தான் நானும் அட்டண்ட் பண்ணிருக்கேன். படம் ஆரம்பிச்ச கொஞ்ச நேரத்துலயே நீங்க ராஜ்மோகனை மறந்துடுவீங்க.”- சி.காவேரி மாணிக்கம்

அம்மா நினைச்சா பசங்களை மாத்த முடியும்!

Related Stories