தக்காளி சட்னியா? ரத்தமா ? விர்ர்ர் விலை உயர்வு யார் காரணம்?

தங்கம் விலை உயர்கிறதோ இல்லையோ, தக்காளியின் விலை மட்டும் தாறுமாறாக உயர்ந்து வருகிறது. கடந்த ஜூன் மாதம் கிலோ ரூ.40-க்கு விற்கப்பட்ட நிலையில், ஒரே மாதத்தில் விலை ரூ.100-ஐ ரீச் செய்து ரெக்கார்டு செய்துள்ளது. ‘ஒரு தக்காளி இருந்தால் போதும் ரசம் வைத்து இன்றைய நாளை ஓட்டி விடலாமே’ என நினைக்கும் ஏழை தாய்மார்களின் வயிற்றில் புளியைக் கரைத்துள்ளது இந்த திடீர் விலையேற்றம்... தக்காளி விலை இப்படி தாறுமாறாக எகிற என்ன காரணம்? தெரிந்துக்கொள்ள களத்தில் குதித்தோம்.முதல் விசாரணையை மொத்த வியாபாரிகளிடமே துவங்கினோம்... சென்னை தந்தை பெரியார் மார்க்கெட் உரிமம் பெற்ற தக்காளி வியாபாரிகள் சங்க செயலாளர் எஸ்.கே.பரமேஸ்வரனிடம் இந்த விலையேற்றத்துக்கான காரணத்தைக் கேட்டோம்..., .“தக்காளியை மட்டும் கள்ளச்சந்தையில் எந்த காரணத்தை வைத்தும் பதுக்க முடியாது. மார்க்கெட்டுக்கு வரும்தக்காளியைபதுக்கிஅடுத்தநாள்விற்றால்பாதிவிலைக்குத்தான்விற்கமுடியும். இரண்டுமாதத்துக்குமுன்புஒருகிலோதக்காளி 5 ரூபாய்க்குவிற்கப்பட்டபோதிலும்கூட, அதைவாங்குவதற்குஆள்இல்லை.இதனால் பெரும் நட்டத்தை சந்தித்த விவசாயிகள், தக்காளியை பயிரிடமுன்வரவில்லை. இது விலையேற்றத்துக்கான முதல்காரணம். சமீபத்தில்பெய்தமழையில் ‘டன்’ கணக்கில் தக்காளி நாசமாகிவிட்டது. இதுஇரண்டாவதுகாரணம். அதுமட்டுமல்ல. ஒருசிலமாநிலங்களில்அதிகவெயிலால்எதிர்பார்த்தஅளவுக்கு விளைச்சல்இல்லை.அதாவதுஒருசெடியில்இரண்டுகிலோவுக்கு பதிலாக ஒருகிலோ அல்லதுஅரைகிலோ தக்காளி மட்டுமேகாயத்தன..இந்தியாவை பொறுத்தவரை, இப்போதைய நிலவரப்படி கர்நாடகா, ஆந்திரா மற்றும் தெலங்கானாவை தவிர வேறு எந்த மாநிலத்திலும் தக்காளி விளைச்சல் சுத்தமாக இல்லை. இதனால் தான் இந்த விலை. ஆனால் பிற மாநிலங்களை விட தமிழகத்தில்தான் தக்காளி விலை குறைவு. அதேபோல் தமிழகத்திலேயே சென்னையில்தான் குறைவான விலையில் தக்காளி விற்கப்படுகிறது. காரணம் கர்நாடகம் மற்றும் ஆந்திராவுக்கு அருகில் சென்னை இருப்பதால் போக்குவரத்து செலவு குறைவது தான்.தமிழகத்தை பொறுத்தவரை கிருஷ்ணகிரி மாவட்டத்தில் தக்காளி விளைச்சல் அதிகமாக இருக்கும். இப்போது அங்கு தக்காளியை பயிரிட துவங்கிவிட்டனர். இன்னும் இரண்டு மாதத்தில் அறுவடையாகிவிடும். இதை தொடர்ந்து இன்னும் ஒரு மாதத்துக்குள் தக்காளி விலை குறைந்துவிடும். ஆகஸ்ட் மாத இறுதியில் இருந்து செப்டம்பர் மாத முதல் வாரத்துக்குள் விலை படிப்படியாக குறைந்துவிடும்..14 கிலோ அடங்கியது ஒரு பெட்டி. இன்றைய விலை 1400 ரூபாய். ஆனால் இதை சுத்தம் செய்து எடுத்தால் கிலோ 120 ரூபாய்க்கு வரும். எனவே, தக்காளியை விற்று பெரிதாக பணம் பார்க்க முடியாது”என்றார் வருத்தத்துடன்.சிறு வியாபாரி சுரேஷ்குமார், “தக்காளி விலை மலிவாக இருக்கும் போது சாதாரணமாக தினமும் 50 கிலோ வரை விற்கும். இப்போது 10 கிலோவுக்கே நாக்கு தள்ளுகிறது. தினமும் தக்காளியை வாங்கக்கூடிய வாடிக்கையாளர்கள் 5 நாட்களுக்கு ஒரு முறை தான் வாங்குகிறார்கள். ஒரு கிலோ, இரண்டு கிலோ என வாங்கியவர்கள் கால் கிலோ, அரை கிலோவுக்கு மாறிவிட்டார்கள்.” என்றார் சோகத்துடன். சரி; தக்காளியை தினமும் வாங்கும் குடும்பத்தலைவிகள் நிலமை என்ன? தினக்கூலியான புஷ்பராணியிடம் கேட்டோம்... “தக்காளி விலை எதிர்பாக்காத அளவுக்கு ஏறிடுச்சு.. எங்களை மாதிரி அடித்தட்டு மக்கள் ரொம்ப கஷ்டத்தை அனுபவிக்கிறோம். எங்களுக்கு ஒரு நாளைக்கு வருமானமே 300, 400 தான் கிடைக்கும். அதுல தக்காளியே ஒரு கிலோ 120 ரூபாய்வரை விற்றால் என்ன செய்வது? தக்காளி விலையை கட்டுக்குள் வர மத்திய, மாநில அரசுகள் ஏதாவது செய்ய வேண்டும்’ என்றார் ஆதங்கத்துடன். .இந்த விவகாரம் தொடர்பாக அரசு என்ன செய்ய முடியும்? பொருளாதார நிபுணர் நாகப்பனிடம் கேட்டோம்... “அரசாங்கம் நினைத்தால் இந்த இரண்டின் விலையை கட்டுப்பாட்டுக்குள் கொண்டு வரலாம். முதலில் தக்காளி வெங்காயத்தின் தேவையை முன்கூட்டியே கணித்து உற்பத்தியை திட்டமிட வேண்டும். வரும் காலத்தில் தேவை என்னவாக இருக்கும் எவ்வளவு உற்பத்தி செய்யலாம் என்கிற விபரங்களை அரசு விவசாயிகளுக்கு தெரியப்படுத்த வேண்டும். அதன் மூலம் அவர்கள் தேவைக்கு அதிகமாக உற்பத்திசெய்து நஷ்டமடைவதும் தடுக்கப்படும்; குறைவாக உற்பத்திசெய்து விலையேற்றத்தால் பொதுமக்கள் பாதிப்படைவதும் தவிர்க்கப்படும்.கூடவே பதுக்கலையும் அரசு தீவிரமாக கண்காணிக்க வேண்டும். அதுபோக அவசர காலத்தில் அரசாங்கமே விவசாயிகளிடம் நேரிடையாக கொள்முதல் செய்து, மக்களுக்கு குறைந்த விலையில் வினியோகிக்க வேண்டும். தக்காளியை தற்போது அப்படித்தான் செய்து வருகின்றனர். ஆனால் இது தற்காலிக தீர்வு.” என்று முடித்தார்..உலக விஷயம் தெரிந்தவர்களோ, “ ஒரு பொருளின் விலையேற்றத்தை முன்னிலைப்படுத்தி, தொடர்ந்து நிகழும் மற்றப் பொருள்களின் விலையேற்றத்தை மறைக்கும் அரசியலும் இதில் உண்டு. இப்பொழுது உணவுப்பொருள் விற்பனையில் அதிக ஆர்வம் காட்டும் கார்பரேட்டுகள் விரைவில் உற்பத்தியையும் தங்கள் கட்டுப்பாட்டுக்குள் முழுமையாக கொண்டுவர முயற்சிசெய்து வருகின்றனர்..அவர்கள்தான் எதிர்காலத்தில் தாங்கள் உற்பத்தி செய்யும் பொருட்களை அதிக லாபத்தில் விற்கவேண்டும் என்பதற்காக அத்தியாவசிய பொருட்களின் விலையை திட்டமிட்டு உயர்த்தியும் குறைத்தும் வருகின்றனர். விலை குறையும் போது விவசாயி உற்பத்தியிலிருந்து தானாக வெளியேறி விடுவான்.அதேசமயம் எப்பொழுதாவது விற்கும் அதிக விலைக்கு மக்கள் மனதை தயார் செய்து அதையே நிரந்தர விலையாக மாற்றி விடலாம் என்பதும் அவர்கள் திட்டம். விதையில்லாத காய்கறிகள் வந்தபோதே மக்களும் விவசாயிகளும் விழித்திருக்க வேண்டும்! ” என்று நம் கற்பனைக்கு எட்டாத பீதியை கிளப்புகின்றனர்.சோறு முக்கியமடா சொக்கா… - அபிநவ் கணேஷ்