பட்டமும் பல கோடி சொத்தும்!

இங்கிலாந்து ராணியின் மறைவிற்குப் பின்னர் மன்னர் ஆகியிருக்கிறார் சார்லஸ். அதற்கான விழா பிரம்மாண்டமாக நடந்ததை உலகமே பார்த்தது. அதில் உற்றுப் பார்த்த ஒரு விஷயம், சார்லஸின் இரண்டாவது மகன் ஹாரியின் மனைவி மேகன், மாமனாரின் மணிமுடி வைபவத்துக்கு வரவில்லை என்பதுதான். அரச பரம்பரையானாலும் குடும்பச் சண்டை என்பது தவிர்க்க முடியாததுதான்..வந்திருந்த ஹாரியும், மூன்றாவது வரிசையில் அமர்ந்து கொண்டிருக்க, மொத்த கேமிராவும் அவரையே வட்டமடித்தன. தீனி எதாவது கிடைக்குமா என்றுதான்… காரணம், ஸ்பேர் என்று தான் எழுதிய நூலில் அரச குடும்பத்தின்மீது ஹாரி நிறைய சேற்றை வாரி இரைத்திருந்தார்.தங்கள் தாய் டயானா இறந்த பிறகு தானும் தன் சகோதரர் வில்லியமும் தந்தை சார்லஸிடம், “தயவுசெய்து கமீலாவை மணந்து கொள்ள வேண்டாம்”என்று கெஞ்சியதாக அதில் கூறியிருந்தார். தன் தாய் இறந்த சமயத்தில் தன் தந்தை தன்னை ஆறுதலாக அணைத்துக்கொள்ளக் கூட இல்லை என்றும் குறிப்பிட்டிருந்தார்.போதாக்குறைக்கு ஹாரியின் மனைவி மேகனும் தன் பங்குக்கு அரச குடும்பத்தின் மீது சில குற்றச்சாட்டுகளை ஏற்கனவே சுமத்தியிருந்தார். அரச குடும்பத்தில் இனவெறி உண்டு என்றார்(மேகன் கருப்பரினத்தைச் சேர்ந்த அம்மாவுக்கும் வெள்ளையர் இனத்தைச் சேர்ந்த அப்பாவுக்கும் பிறந்தவர்). அரச குடும்பத்தினர் பொய் கூறுவது உண்டு என்றும் அவர்களது சில போக்கின் காரணமாக தற்கொலை எண்ணம் கூட தனக்கு தோன்றியதாகவும் மேகன் முன்பு கூறியது பெரும் பரபரப்பை உண்டாக்கியது..ஹாரியும் மேகனும் அமெரிக்காவில் கலிபோர்னியாவில் வசிக்கிறார்கள். விழா முழுவதும் ஒருவித இறுக்கத்துடன் இருந்தார் ஹாரி. அவர் முகத்தில் செயற்கையான சிரிப்பே காணப்பட்டது. பட்டமேற்பு விழா நடைபெற்ற அடுத்த நொடியே அங்கிருந்து கிளம்பிவிட்டார் ஹாரி. (தன் குழந்தையின் நான்காவது பிறந்தநாளில் கலந்துகொள்ள!)இந்த சண்டை சச்சரவுகள் ஒருபுறமிருக்க, சார்லஸுக்கு வந்து சேர்ந்திருப்பது மகுடம் மட்டுமல்ல, மிக ஏராளமான சொத்துக்களும் தான். அது மூச்சடைக்க வைக்கும் பட்டியல். ஆனால் எதையும் விற்க முடியாது, நல்லா அனுபவிச்சுட்டு அடுத்து வர்றவங்ககிட்ட குடுத்துட்டு போயிடணும். அந்த சொத்தில இருந்து வர்ற வருமானம்கூட அரசாங்கத்துக்குத்தான் போயிடுமாம். அதுக்கப்புறம் அவங்க குடுக்குறத வாங்கிட்டு சந்தோஷமா இருக்க வேண்டியது தான்.மறைந்த எலிசபெத் மகாராணியின் அந்தரங்க சொத்தின் மதிப்பு 500 மில்லியன் டாலர் என்று பிரபல வணிக இதழ் ஃபோர்ப்ஸ் மதிப்பிட்டிருக்கிறது. அதாவது 50 கோடி டாலர். மகாராணியின் நகைகள், முதலீடுகள், ஸ்காட்லாந்து மற்றும் நோர்ஃபோக் ஆகிய இடங்களில் உள்ள அவரது வீடுகள், அவரிடம் உள்ள கலைப் பொருள்கள் ஆகியவற்றின் மொத்த மதிப்பு இது.இங்கிலாந்தை ஆட்சி செய்பவருக்கு என்றே உள்ள சொத்துகள் அடுத்தடுத்த அரசருக்குத்தான் செல்லும். லண்டனில் உள்ள பல சொத்துக்கள், வேல்ஸ் மற்றும் வட அயர்லாந்தில் கடற்பகுதியில் உள்ள சொத்துக்கள் ஆகியவை இதில் அடக்கம். (அந்த விதத்தில் இவை இப்போது சார்லஸை அடையும். அடுத்து அவரது மூத்த மகன் வில்லியமுக்குச் செல்லும்). இவற்றின் மதிப்பு சுமார் 16 பில்லியன் டாலர்..1760ல் செய்துகொண்ட ஒப்பந்தப்படி இந்த சொத்துக்களின் மூலம் பெறப்படும் வருமானம் எல்லாம் பிரிட்டிஷ் அரசுக்கு சென்றுவிடும். அதேசமயம் மாதாமாதம் அரசர் அல்லது அரசிக்கு பிரட்டிஷ் அரசு ஒரு குறிப்பிட்ட தொகையை அளிக்கும். இதை சாவரின் கிராண்ட் (sovereign grant) என்பார்கள்.மேற்படி சொத்துக்கள் மூலம் அரசுக்கு ஆண்டுக்கு 31 கோடி டாலர் வருமானம் வருகிறது. அதிலிருந்து அரச குடும்பத்துக்கு அளிக்கப்படும் தொகை ஆண்டுக்கு சுமார் எட்டரை கோடி டாலர். இந்த தொகையின் மூலம்தான் பக்கிங்காம் அரண்மனையில் நிர்வாகச் செலவுகள் (ஊழியர்கள் ஊதியம் உட்பட) மேற்கொள்ளப்படுகின்றன. இந்த சொத்துக்களை விற்கும் அதிகாரம் அரச பரம்பரையில் யாருக்கும் கிடையாது.அந்த சொத்துக்களில் முக்கியமானது எலிசபெத் ராணி தங்கி அலுவலக வேலைகளையும் பார்த்த பக்கிங்ஹாம் அரண்மனை. அதன் தற்போதைய மதிப்பு 7 பில்லியன் டாலர் என்கிறார்கள். (ஒரு பில்லியன் என்றால் 100 கோடி). 775 அறைகள் கொண்ட அரண்மனை இது..மற்றொரு முக்கியமான அரண்மனை வின்சர் அரண்மனை. ஆயிரம் ஆண்டுகளுக்கு முந்தையது. இதில் ஆயிரம் அறைகள் உண்டு. இதன் மதிப்பு சுமார் 32 கோடி டாலர். இந்த அரண்மனையின் நிலத்தில்தான் மறைந்த எலிசபெத் மகாராணியின் கணவரான பிலிப்பின் உடல் புதைக்கப்பட்டது. இதுபோல் இன்னும் பல அரண்மனைகள் உண்டு…சார்லஸைத் திருமணம் செய்வதற்கு முன்பே வேறொருவரை விவாகரத்து செய்தவர் கமீலா. இது கத்தோலிக்க மதத்துக்கு எதிரானது. சார்லஸ்-கமீலாவுக்கு குழந்தையும் இல்லை (கமீலாவுக்கு அவரது முதல் திருமணத்தின் மூலம் குழந்தை உண்டு. ஆனால் அந்த வாரிசுக்கு ஒருபோதும் அரச வாரிசுரிமையோ அரச குடும்பத்தின் சொத்தோ கிடைக்காது).ஒருவேளை எலிசபத் மகாராணி ஏதாவது உயில் எழுதி வைத்திருந்தால்? அது ரகசியமாக சீல் செய்யப்பட்டு வைக்கப்பட்டிருக்கிறது. எனவே வாரிசுகள் யார் யாருக்கு என்ன பங்கு என்பது பொதுவெளிக்கு வராது. எனினும் அந்த உயில் ஹாரிக்கு சாதகமாக இருக்கும் என்று கூற முடியவில்லை. காரணம் மகாராணி உயிருடன் இருக்கும்போதே தனது இளைய பேரன்மீது அதிருப்தியுடன் இருந்தார் என்கின்றனர். அதான் அவரும் விழாவுக்கு வந்த வேகத்தில் திரும்பியிருக்கிறார் போல…

பட்டமும் பல கோடி சொத்தும்!

Related Stories