ரஜினியின் ஆச்சரியம்..கமலின் அட்வைஸ்..விஜய்யின் கிண்டல்..

-மு. ஆதவன்மதுரைக்கு பெருமை சேர்க்கும் பல விஷயங்களில் கு.ஞானசம்பந்தனின் குரலும் ஒன்று. ‘தமிழ்ப்பேச்சு எங்கள் மூச்சு’ நிகழ்ச்சியின் மூலமாக, தமிழகத்தின் அடுத்த தலைமுறைப் பேச்சாளரைத் தேர்வு செய்யும் நடுவர் பொறுப்பில் இருக்கிறார் பட்டிமன்ற நடுவர். கு.ஞானசம்பந்தன். தமிழ்ப்பணிக்காக 'கலைமாமணி', 'தமிழாகரர்' எனப் பல பட்டங்கள் பெற்றிருப்பவரை மதுரையில் அவரது ‘அமுதகம்’ இல்லத்தில் சந்தித்தோம்..உங்கள் பெயர் பொருத்தமாக அமைந்தது எப்படி.?“அங்குச்சாமி தான் என்னோட பேரு தம்பி. தேனி கண்டமனூர்தான் எங்க பூர்வீகம். தமிழாசிரியர் வேலைக்காக மதுரை சோழவந்தான் கிராமத்துக்குக் குடிபெயர்ந்தார் எங்கப்பா பண்டித வித்துவான் கு.குருநாதன். அங்க, ‘திருமுறைக் கழகம்’, ‘செந்நாப்போதார் மன்ற’த்தில் தமிழ் வளர்க்கும் பணியைச் செஞ்சுக்கிட்டிருந்தார்.'திருமுறைக் கழக'த்தில் ஒரு நிகழ்ச்சியப்போ, பதிகம் பாட வேண்டிய ஓதுவார் வராததால எங்கப்பா 'தோடுடைய செவியன்' பதிகத்தை என்னைப் பாட வச்சுட்டார். அப்போ எனக்கு மூன்றரை வயசு. அந்நிகழ்வுக்கு வந்திருந்த 'நாகர்கோவில் சைவ மடாதிபதி' ஆறுமுகம் நாவலர், நான் பாடியதைக் கேட்டு மகிழ்ந்து, திருஞானசம்பந்தரோட பேரை எனக்கு வச்சிட்டார். இப்படி, ஒரே பாட்டுல பேர் வாங்கினவன் நான்.”.உங்கள் பெயர் பொருத்தமாக அமைந்தது எப்படி.?“அங்குச்சாமி தான் என்னோட பேரு தம்பி. தேனி கண்டமனூர்தான் எங்க பூர்வீகம். தமிழாசிரியர் வேலைக்காக மதுரை சோழவந்தான் கிராமத்துக்குக் குடிபெயர்ந்தார் எங்கப்பா பண்டித வித்துவான் கு.குருநாதன். அங்க, ‘திருமுறைக் கழகம்’, ‘செந்நாப்போதார் மன்ற’த்தில் தமிழ் வளர்க்கும் பணியைச் செஞ்சுக்கிட்டிருந்தார்.'திருமுறைக் கழக'த்தில் ஒரு நிகழ்ச்சியப்போ, பதிகம் பாட வேண்டிய ஓதுவார் வராததால எங்கப்பா 'தோடுடைய செவியன்' பதிகத்தை என்னைப் பாட வச்சுட்டார். அப்போ எனக்கு மூன்றரை வயசு. அந்நிகழ்வுக்கு வந்திருந்த 'நாகர்கோவில் சைவ மடாதிபதி' ஆறுமுகம் நாவலர், நான் பாடியதைக் கேட்டு மகிழ்ந்து, திருஞானசம்பந்தரோட பேரை எனக்கு வச்சிட்டார். இப்படி, ஒரே பாட்டுல பேர் வாங்கினவன் நான்.” மதுரைக்கும், பட்டிமன்றத்திற்கும் அப்படியென்ன சம்மந்தம்?“சங்கம் வைத்து தமிழ் வளர்த்த மாநகரம் மாமதுரை. நக்கீரர் சிவனோடும், கண்ணகி பாண்டிய மன்னனோடும் வழக்காடிய மண்ணின் வேரிலிருந்து வந்ததால் இந்த பந்தம் வந்திருக்கலாம். குன்றக்குடி அடிகளார் வழக்காடுமன்றம், பட்டிமன்றத்தைப் பட்டிதொட்டியெங்கும் சேர்த்து விட்டார். தொடக்கத்தில் வழக்காடு மன்றத்தில் வாதம், எதிர்வாதம் எனப் பேசி அப்போதே டபுள் ஆக்ட் பண்ணியிருக்கிறேன். நாடகத்தை வளர்த்த மதுரை மண்ணில் பட்டிமன்ற ரசிகர்களும் அதிகம்.” பட்டிமன்ற பேச்சாளர்கள் நடிக்கவும் வந்துடுறீங்களே.?“மக்களிடத்தில் அறிமுகம் ஆனவர்கள், கூச்சம் இருக்காது என இயக்குனர்கள் நம்புவது காரணமாக இருக்கலாம். ‘பிகில்’ பட வாய்ப்பு வந்த சமயத்துல அமெரிக்க நிகழ்ச்சிக்கு ஒத்துக்கிட்டிருந்தேன். நயன்தாராவுக்கு அப்பா கேரக்டர்ன்னு சொன்னதும், அதைக் கேன்சல் பண்ணிட்டேன். சர்ச்ல நயன்தாராவை நான் கூட்டிட்டு வர்ற சீன் எடுத்தப்போ என் மனைவியோடு பேசிட்டிருந்த விஜய், ‘அமெரிக்காவுக்கு பேசக்கூப்புட்டா போக வேண்டியதுதான. இங்க வந்து நயன்தாரா கையைப் புடிச்சுக்கிட்டு இருக்காரு!’ என கிண்டலடித்திருக்கிறார். சினிமாவுல தான் இத்தகைய நட்புக்கள் சாத்தியம். எம்.ஜி.ஆர் - சிவாஜி, ரஜினி - கமல், விஜய் கூடவெல்லாம் பழகிட்டேன். தல மட்டும்தான் பாக்கி (சிரிக்கிறார்). ”.முன்னாள் முதல்வர் ஜெயலலிதா குறித்து..“என் மீது அன்பு வைத்திருந்தவர் அவர். நிகழ்ச்சிக்காக நான் வெளிநாட்டுக்குச் சென்றிருந்த சமயத்தில், சித்திரைப் பிறப்பு பட்டிமன்றம் நான் தான் நடத்த வேண்டுமெனச் சொல்லி, ரெண்டரை லட்சத்துக்கு ஃபிளைட் டிக்கெட் போட்டு, வரவழைத்து விட்டார். கலைஞர் கருணாநிதி, எம்.ஜி.ஆர்., ஜெயலலிதா என 3 முதல்வர்களின் அன்பையும் பெற்றவன் என்பது எனக்கான பெருமை.”'யூ டியூபர்' ஆகவும் இருக்கிறீர்கள். அச்சு, காட்சி ஊடகம் உங்கள் பார்வையில்..?“மேடை, வானொலி, பத்திரிகை, டி.வி.,யில் இருந்து இப்போது சமூக வளைதளங்களிலும் இயங்குகிறேன். மேடையில் 'தனிநபர் ஸ்டாண்ட்அப் காமெடி'யை அறிமுகப்படுத்தியது நான் தான். மாறிக்கொண்டே இருக்கும் ஊடகங்களின் தன்மைக்கேற்ப, நாம அப்டேட்டடா இருக்கணும். இல்லாட்டி நம்மளை அவுட் டேட்டடா ஆக்கிடுவாங்க!.”உங்களுக்கும் கமல்ஹாசனுக்குமான நட்பு..? “20 வருட நட்பு. திறமை எங்கே இருந்தாலும் அங்கீகரிப்பார். நான் தயங்கியபோதும் 'விருமாண்டி', 'உத்தம வில்லன்' படங்களில் வாய்ப்புக் கொடுத்தார். சினிமா, உலக விஷயங்கள் என ஆக்கப்பூர்வமாகப் பேசுவோம். “'எத்தனை நாளுக்குத்தான் வெளி மேடைகளையே தேடிட்டு இருப்பீங்க? உங்களுக்கென ஒரு தளத்தை உருவாக்குங்க!'ன்னு சொன்னது கமல்ஹாசன் தான். அதன்பின்தான் என் பெயரிலேயே சேனல் தொடங்கினேன். என் மகன் குரு, தங்கை மகன் சந்தோஷ் உதவியால் ஐந்து ஆண்டுகளில் சேனல் நல்ல வளர்ச்சி அடைந்திருக்கிறது. அதில் எனக்கும் பங்கு இருக்கிறது என உரிமையோடு சொல்வார் கமல்.”.ரஜினிகாந்த் உங்களிடம் ஏதோ சந்தேகம் கேட்டாராமே..? “ ‘மன்மதன் அம்பு’ பட பிரிவியூ ஷோவில், ‘அம்மா வரலையா?’ என கமல் என்னிடம் கேட்டார். ‘சந்நியாசம் போனாக் கூட குடும்பத்தோட தான் போவேன்!’னு சொல்லி, அவரிடம் என் குடும்பத்தினரைக் காட்டினேன். அதைக் கேட்டுக் கொண்டிருந்த ரஜினி சார் ஓடிவந்து, “எப்டி.. எப்டி.. எப்டி..? சந்நியாசத்துக்கு குடும்பத்தோட போலாமா?”ன்னு ஆச்சரியமாகக் கேட்டார். நான், 'பாதயாத்திரைக்கு போறது மாதிரி சொன்னேன் சார்!' என்றதும், விழுந்து விழுந்து சிரித்து விட்டார். அன்றிரவே போன் செய்து, ‘போறபோக்குல எவ்ளோ பெரிய விஷயத்தைச் சொல்லிட்டீங்க!’ன்னும் சிலாகித்துப் பேசினார்.” நடிகர் திலகம் உங்களோட ரசிகராமே..? “அமெரிக்காவுல சிகிச்சை முடிச்சிட்டு வீடு திரும்பியிருந்த சிவாஜி சார், வி.என். சிதம்பரம் வீட்டுக் கல்யாணத்துக்கு வந்திருந்தார். கல்யாணத்துல நான் பேசுறதா ஏற்பாடு. ‘இதென்ன தண்டனையா?’ன்னு சலிச்சுக்கிட்டவர், வாட்சைக் காட்டி 10 நிமிஷத்துக்கு மேல பேசக்கூடாதுன்னு சொல்லிட்டார். ‘எங்கப்பா கிட்ட, பேராசிரியர்கள்கிட்ட படிச்ச தமிழை விட உங்களோட படங்கள்ல கத்துக்கிட்ட தமிழ்தான் அதிகம்’ன்னு ஆரம்பிச்சு, அவர் நடிச்ச காமெடிப் படங்களைப் பட்டியலிட்டுப் பேசினேன். ஒரு மணிநேரம் ரசிச்சுச் சிரிச்சவர், என்னை மதுரை வரைக்கும் காரில் அழைத்து வந்தார். ‘ரொம்ப நாள் கழிச்சு மாமா இன்னைக்குத்தான் கண் கலங்கச் சிரிச்சிருக்காங்க!’ என கமலாம்மா நெகிழ்வாகச் சொன்னதில் நெக்குருகிப் போனேன்.”.'நகைச்சுவை மன்றம்' குறித்து...“1991ல் டாக்டர் சேதுராமன், எளிய மக்களுக்கும் நகைச்சுவை சென்று சேர வேண்டுமெனச் சொல்லி, மதுரையில் நகைச்சுவை மன்றம் தொடங்க இடம் கொடுத்தார். அமெரிக்கா உட்பட 20க்கும் மேற்பட்ட ஊர்களில் 32 ஆண்டுகளாக சிரி(ற)ப்பாக இயங்கி வருகிறது. 'ரோபோ' சங்கர், 'என்னம்மா' ராமர், 'ஈரோடு' மகேஷ், 'சுட்டி' அரவிந்த் என சின்னத்திரை காமெடி நிகழ்ச்சிகளில் கலக்கும் பலரும் இங்கிருந்து வந்தவர்கள்தான்.”பட்டிமன்ற நடுவர் டு தமிழ்ப்பேச்சு அரங்க நடுவர்..?“இதுவும் ஒரு தமிழ்ப்பணி தான். எங்கள் காலத்தில் இந்த வாய்ப்புக் கிடைக்கவில்லை. லைட் இல்லாமல், தரையில் அமர்ந்தெல்லாம் பட்டிமன்றம் பேசியிருக்கிறோம். இன்று பேச்சும், அதற்கான களமும் பெரிதாக இருக்கிறது. மேடை கிடைக்காத புதிய தலைமுறையின் அற்புத பேச்சாளர்களை உலகுக்கு அறிமுகப்படுத்தும் அற்புத பணி இது.

ரஜினியின் ஆச்சரியம்..கமலின் அட்வைஸ்..விஜய்யின் கிண்டல்..

Related Stories