ஆபரேஷன் சீனியர்ஸ்!

விருத்திமான் சாஹா16 ஐ.பி.எல். சீசன்களிலும் ஆடியவர். சி.எஸ்.கே., பஞ்சாப், கே.கே.ஆர். என பெரிய அணிகளோடு பயணப்பட்டிருக்கிறார். அசாத்தியமான விக்கெட் கீப்பிங் திறனுண்டு. பேட்டிங்கிலும் ஓரளவு நம்பிக்கை சேர்ப்பவர். இந்தியாவிற்காக 40 டெஸ்ட்களில் ஆடியவர்… இப்படி சாஹா அனைவருக்குமே பரிச்சயம். எனினும் கடந்தாண்டு குஜராத் அவரை வாங்கியபோது அவர்களது பேட்டிங் யூனிட்டில் உள்ள சின்ன குறைபாடாகவே சாஹா பார்க்கப்பட்டார்.கடந்த சீசனில் 11 போட்டிகளில் ஆடி 122.4 ஸ்ட்ரைக்ரேட்டோடு 317 ரன்களை சாஹா எட்டியிருந்தார். அவர் இதுவரை ஆடியுள்ள முந்தைய 15 ஐ.பி.எல். சீசன்களில் 2014-ம் ஆண்டுக்குப்பின் 300 ரன்களை அவர் கடந்ததும் கடந்தாண்டுதான். இந்த சீசனில் அவரது ஆட்டம் மேலும் மெருகேறியுள்ளது. லக்னோவுக்கு எதிரான போட்டியில் பௌலர்களை துவம்சம் செய்து 43 பந்துகளில் அவர் அடித்த 81 ரன்கள் சாஹாவுக்குள் சாகாமல் உள்ள வேட்கையை காட்சிப்படுத்தியதோடு, குஜராத்தின் தேர்வு தவறல்ல என்பதையும் நிலைநாட்டியது..ப்யூஸ் சாவ்லாசாஹா போலவே 2008-லிருந்து ஐ.பி.எல்லில் ஆடிவருகிறார் ப்யூஸ் சாவ்லா. இருப்பினும் தனது சுழல்பந்து படையை வலுப்படுத்த மும்பை 50 லட்சம் ரூபாய்க்கு அவரை வாங்கியபோது எழாத கேலிக் கணைகளில்லை. உருவத்தால், வயதால், ஆட்டத்திறனால் என ஏதோ ஒன்றை வைத்து கிண்டல்கள் எழுந்தன. அத்தனைக்கும் விக்கெட்களாக அவரது பந்துகள் பதிலளித்து வருகின்றன.திறன் வாய்ந்த பேட்ஸ்மேன்களும்கூட இவரது பந்தை எதிர்கொள்ள திணறுகின்றனர். டெல்லிக்கு எதிரான அவரது 3/22 ஸ்பெல்தான் இந்தத் தொடரில் அவரது அணியின் வெற்றிக் கணக்கு தொடங்குவதற்கான காரணமாகவே இருந்தது. இத்தொடரில் 11 போட்டிகளிலேயே 17 விக்கெட்டுகளையும் வீழ்த்தியும் விட்டார். 2008-ல் நடந்தேறிய அவரது அறிமுக சீசனுக்குப்பின் 17 விக்கெட்டுகளை அவர் வீழ்த்துவது இதுவே முதல் முறை. ட்ரீம் சீசன் இது என்றால் மிகையாகாது..அமித் மிஸ்ரா 2008-ல் இருந்து தொடர்ந்து ஆடி வந்த அமித் மிஸ்ரா கடந்தாண்டு ஐ.பி.எல்லில் மட்டும் காணாமல் போயிருந்தார். இம்முறையோ எப்போதெல்லாம் களம் சுழல்பந்து வீச்சுக்கு ஆதரவளிக்கிறதோ அப்போதெல்லாம் லக்னோ அவரை இறக்கி வெள்ளோட்டம் பார்ப்பதோடு விளைச்சலையும் அனுபவிக்கிறது. பந்து வீசிய ஆறு போட்டிகளில் ஆறு விக்கெட்டுகளை வீழ்த்தியிருக்கிறார். குறிப்பாக, ஆர்.சி.பி-க்கு எதிரான போட்டியில் மூன்றே ஓவர்களை உள்ளடக்கிய அவரது 2/21 ஸ்பெல் 126 ரன்களுக்கு அவர்களை சுருட்டியது. டூ ப்ளஸ்ஸிஸிற்கு அவர் வீசிய லெக் பிரேக் லைன் அண்ட் லெந்த் கனகச்சிதமாக இருந்தால், ஸ்டாக் டெலிவரியைக் கொண்டே எதிரியை வீழ்த்தலாம் எனக் காட்டியது. ஐ.பி.எல். வரலாற்றில் அதிக விக்கெட்டுகளை எடுத்தவர்கள் பட்டியலிலும் இது அவரை மூன்றாவது இடத்திற்கு 172 விக்கெட்களோடு எடுத்துச் சென்றுள்ளது. இதையும் தாண்டி களத்தில் பௌலிங் மற்றும் ஃபீல்டிங்கின் போதும் 41 வயதிலும்கூட அவர் வெளிப்படுத்தும் ஆற்றல்தான் ஒப்பீடற்றது..விஜய் ஷங்கர்தமிழக வீரர்தான் என்றாலும் தமிழ் கிரிக்கெட் ரசிகர்களுக்கே விஜய் ஷங்கரின் மேல் பெரிதாக ஈர்ப்பு இல்லை. ஒருபடி மேலே போய் 2019-ம் ஆண்டு உலகக்கோப்பையில் விஜய் ஷங்கருக்கு வாய்ப்பளிக்கப்பட அவரை விமர்சனங்கள் துளைத்தன. சன்ரைசர்ஸுக்கு அவர் ஒருசில நல்ல இன்னிங்ஸ்களை ஆடியபோதும், தமிழக அணிக்காக டொமெஸ்டிக் கிரிக்கெட்டில் ரன்களைக் குவித்த போதும்கூட அந்த விமர்சனங்கள் வாயடைக்கவில்லை. அதெற்கெல்லாம் இந்த சீசனின் இரு இன்னிங்கஸ்களில் ஒட்டுமொத்தமாக பதில் சொல்லியிருக்கிறார்.குஜராத்துக்காக ஆடிவரும் அவரது ஆட்டமுறை மெட்டோடு பயணிக்கும் வரிகளாக அணியின் தேவைக்கேற்றாற்போல் தகவமைத்துக் கொள்ளப்படுகிறது. சி.எஸ்.கே., டெல்லிக்கு எதிராக மெதுவாகத் தொடங்கியவர், கே.கே.ஆருக்கு எதிராக 21 பந்துகளில் அதிவேகமாக அரைசதம் அடித்திருந்தார். அந்தப் போட்டியில் குஜராத் அதிர்ச்சித் தோல்வியடைந்திருக்க மறுபடியும் இரு அணிகளும் மோதிக் கொண்ட போட்டியில் மில்லரைக்கூட வேடிக்கை மட்டும் பார்க்க வைத்து 24 பந்துகளில் அரைசதத்தை மட்டுமல்ல... இலக்கையும் எட்ட வைத்து போட்டியை வெல்ல வைத்தார் விஜய் ஷங்கர்..மோஹித் ஷர்மா2013 - 2015-ல் சி.எஸ்.கே-வோடு சிறப்பாக இருந்தது மோஹித்தின் பயணம். 20, 23 விக்கெட்டுகளை முதல் இரு சீசன்களில் எடுத்து மிரட்டியிருந்தார். அவரால் அணியும், அணியால் அவரும் பயனடைய வளர்பிறை கண்டது கரியர். ஆனால், அதன் பின்னர் கிடைத்த பஞ்சாப் அணியுடன் பயணிக்கும் வாய்ப்பில் கொஞ்சமாக அவரது பந்துவீச்சு தேய்பிறை கண்டு ஒரு கட்டத்தில் காணாமலே போனது. 2018-க்குப்பின் ஆடிய இரு சீசன்களில் ஒரு போட்டியில் மட்டுமே பங்கேற்றார். கடந்த இரு சீசன்களாக ஆடவே இல்லை. சில சமயங்களில் சேரும் இடம் பொறுத்தே தங்கத்திற்கும் மரியாதை. மோஹித்துக்கும் அதுவே நடந்துள்ளது.பெயர் தெரியாமல் அல்ல... அவரை மறந்தே போயிருந்தவர்களுக்கு குஜராத் அவரை மறுபடியும் அறிமுகப்படுத்தியதோடு விலாசமும் தந்துள்ளது. பஞ்சாப்புடனான அவரது 2/18 ஸ்பெல்லும் லக்னோவுடனான 2/17 ஸ்பெல்லும் அணியை வெல்ல வைத்தது மட்டுமல்ல அவரை ஆட்டநாயகனாக்கியும் அழகு பார்த்தது. களத்தில் பல கடினமான கேட்ச்களையும் பிடித்து அசத்தி வருகிறார்..இஷாந்த் ஷர்மாமற்றவர்களை விட சற்று அதிகமாகவே சாதித்தவர் என்றாலும், இந்திய அணி ஜெர்சி அவருக்கு விடை தந்து பல ஆண்டுகள் ஆகிவிட்டன. 2019-ல் இருந்து டெல்லி கேப்பிடல்ஸுடன் இருந்தாலும் பெரிதாக வாய்ப்புத் தரப்படவில்லை. நடப்பு சீசனிலும் ஐந்து போட்டிகளில் வரிசையாக தோற்றிருந்த டெல்லி வெளிநாட்டு வீரர்களுக்கான ஸ்லாட்டினை சரிசெய்ய இஷாந்தை கே.கே.ஆருக்கு எதிராகக் களமிறக்கியது. வாய்ப்புக் கிடைத்த முதல் போட்டியிலேயே அணியை வெல்ல வைத்த 2/19 ஸ்பெல்லை இஷாந்த் வீசினார்.விஜய் ஷங்கருக்கு இஷாந்த் வீசிய Knuckle Ball பற்றி ஸ்டெய்ன் உள்ளிட்ட அத்தனை பேரும் பாராட்டித் தீர்க்கின்றனர். 7.53 என்ற அவரது எக்கானமியும் ரன்கள் கசிவை ஒரு முனையில் இருந்து தடுப்பதும் அவரது இடத்தை அணியில் நிரந்தரமாக்கி உள்ளது..அணியில் நிரந்தரமாக்கி உள்ளது.அஜிங்யா ரஹானே2020-ல் ஆஸ்திரேலியாவில் பெற்ற சரித்திர வெற்றியோடு ரஹானேவுடனான நமது நினைவுகள் அறுபட்டுவிட்டன. ரஹானேவினை சி.எஸ்.கே வாங்கியபோதுகூட டெஸ்டுக்கே ஒத்து வராத இவரையா டி20-ல் ஆடவைக்கிறார்கள் என்றே விமர்சனங்கள் வந்தன. மும்பைக்கு எதிரான போட்டியில் அவர் களமிறக்கப்பட்டு 27 பந்துகளில் 61 ரன்களை விளாசிய போதும் மும்பையைச் சேர்ந்தவர் என்பதால் வான்கடேயினை கையகப்படுத்துகிறார் என்றே பலரும் பேசினர். ஆனால், ரஹானே ஒன்டே ஒண்டராக முடிந்து போகாமல் அத்தனை பேரையும் ஸ்தம்பிக்க வைத்துள்ளார். தனது பேட்டின் குரலை தேசிய தேர்வுக்குழு வரையும் கேட்க வைத்து உலக டெஸ்ட் சாம்பியன்ஷிப் வரை எட்டி விட்டார். ஃபீல்டராகவும் அசத்துகிறார்.வேகப்பந்து வீச்சை ஒருகை பார்ப்பதோடு கிரிக்கெட் புக் ஷாட்களை மட்டுமல்ல, அன்ஆர்தடாக்ஸ் ஷாட்களையும் கூட அவரது பேட் அத்தனை நளினத்தோடு இயற்றுகிறது. ரஹானேவின் செகண்ட் ரவுண்ட் அமர்க்களமாக ஆரம்பித்துள்ளது.`You Can't Write Him Off' என்கிற ஆங்கிலப்பதம் மேலே சொன்ன ஒவ்வொருவருக்கும் பொருத்தும். தங்களது கரியரை முடிந்ததென அறிவிக்க வைக்கப்பட்ட முற்றுப்புள்ளிகளை காற்புள்ளிகளாக ஆக்கியதுடன் மீண்டும் லோட் செய்யப்பட்ட துப்பாக்கி போல அடுத்த வேட்டைக்கு கிளம்பி உள்ளார்கள்!

ஆபரேஷன் சீனியர்ஸ்!

Related Stories