மர்மத் தொடர்: ராஜ ரகசியம்

- இந்திரா சௌந்தர்ராஜன்32விதிர்த்துப் போயிருந்த ஏ.எஸ்.பி. மணிவண்ணன் மெல்ல சுதாரித்தவராக, “கல்யாணசுந்தரம்... அது அந்த ராமச்சந்திரன் தானா... கன்ஃபர்ம் பண்ணிக் கிட்டீங்களா?’’ என்று கேட்டார்.“அவரேதான் சார்... ஃபாரன்சிக்குத் தகவல் தந்து அவங்க வந்துக்கிட்டிருக்காங்க சார். நம்ப போலீஸ் ஜீப் வரவுமே அக்கம்-பக்கம் கூட்டம் கூடிடிச்சு. பக்கத்து வீட்டுக்காரர்கிட்ட பேச்சுக் -கொடுத்தேன். மனுஷன் தனிஆளாம்! ரொம்ப யாரோடயும் பழகமாட்டாராம். பெரும்பாலும் வெளிநாட்டுலதான் இருப்பார். நிறைய ஃபாரினர்ஸ் வந்துட்டுப் போவாங்கன்னும் சொன்னார் சார்...’’. ‘‘அந்த நபரோட செல்போன், லேப்டாப் இப்படி எதாவது கிடைச்சிச்சா?’’‘‘இல்ல சார்... பாடி தூக்குல தொங்கற விதத்தைப் பார்த்தா தூக்குப் போட்டுக்கிட்ட மாதிரியே தெரியல. யாரோ கொன்னு தொங்கவிட்ருக்காங்க சார்..!’’தற்கொலை பண்ணிக்க நினைக்கற ஒருத்தர்... இவ்வளவு சிரமப்-பட்டு 11 அடி உயர சீலிங் ஊஞ்சல் கிளாம்ப்ல கயிறு மாட்டி, தூக்குப் போட்டுக்கறதுங்கறது பிராக்டி-கலா ரொம்பக் கஷ்டம் சார்... சாத்தியமும் இல்ல. பக்கத்துல மேஜை டேபிளும் இல்ல...!’’“சரி... ஃபாரன்சிக்கை பக்காவா ட்ரேஸ் பண்ணச் சொல்லுங்க. வீடியோவும் எடுத்துடுங்க. ஃபார்மா-லிடிஸ்ல தப்புப் பண்ணிடாதீங்க.’’“ஷ்யூர் சார்... நியூஸ் சேனல்ஸ்ல இருந்தும் வந்துட்டாங்க சார். ஃப்ரீயா விட்டுடலாமா சார்?’’“விட்ருங்க... எந்தக் கேள்விக்கும் கான்க்ரீட்டா பதில் சொல்லாதீங்க. ஏன்னா, நமக்கே இந்த செகண்ட் எதுவும் தெரியாது. ஒண்ணுமட்டும் நிச்சயம்... நீங்க கெஸ் பண்ணமாதிரி இது தற்கொலை இல்ல! இது கொலையாத்தான் இருக்கணும்... இதோட பின்புலமும் ரொம்ப க்ரூஷ்யலாத்தான் இருக்கும்னு நான் நினைக்கறேன்...’’‘‘நிச்சயமா சார்...’’‘‘ஓகே. கேர்ஃபுல்லா டீல் பண்ணுங்க. க்ரவுடையும் வாட்ச் பண்ணுங்க. கொலைகாரன் அப்பாவியா க்ரவுடுக்குள்ளேயும் இருந்துகிட்டு நோட் பண்ணலாம்...’’“ஷ்யூர் சார்...’’கல்யாணசுந்தரத்திடம் பேசி-முடித்த மணிவண்ணன், சில விநாடி-கள் மௌனித்தார். பின் கான்ஸ்-டபிள் ரஹ்மானை அழைத்தார்.“யெஸ் சார்...’’“ரஹ்மான் அந்த மங்கம்மா பங்களா மேட்டர்... இப்ப எதுவரை வந்திருக்கு தெரியுமா?’’ நெற்றியில் மடிப்புகள் விழ கேட்டார்.“அப்படியா சார்... எனிதிங்க் ஹாட்?’’“எல்லாமே ஹாட்தான்! மிஸ்டர் சுந்தர் அப்புறம் அவர் மாமா அழகியபாண்டியனுக்கு ஒரு த்ரெட் கால் வந்திருக்கு. கால் பண்ணின நபரை ட்ரேஸ் பண்ணி, கிட்டப் போனா அவன் பொணமா தூக்குல தொங்கிக்கிட்டு இருக்கான்...’’“கால் பண்ணி அப்படி என்ன சொன்னான் சார்?’’“ஊரைவிட்டுப் போயிடுங்க... போற இடமும் யாருக்கும் தெரியக் கூடாது... இல்ல டோட்டலா நீங்க காலின்னு சொல்லி வார்ன் பண்ணியிருக்கான்..!’’“குழப்புதே சார்... இவங்க ஏன் ஊரைவிட்டுப் போகணும், அதுவும் தலைமறைவா?’’“இதுக்கெல்லாம் பதில் அந்த ராமச்சந்திரன்கறவனுக்குத்தான் தெரியும். ஆனா, அவனைதான் கொன்னு தூக்குல தொங்கவிட்டுட்-டாங்களே?’’“அப்படீன்னா மிஸ்டர் சுந்தர், மிஸ்டர் அழகியபாண்டியனை ஒரு குரூப் வாட்ச் பண்ணிக்-கிட்டிருக்காங்களா சார்?’’“அவங்கள மட்டுமல்ல... மீனாட்சிங்கற அந்த பூர்வஜன்ம பொண்ணு, அப்புறம் அவ ஃபேமிலி-யையும் இதுலச் சேர்த்துக்குங்க...’’“இவங்கள எதுக்கு சார் வாட்ச் பண்ணணும்?’’“இவங்கதானே இப்ப மங்கம்மா பங்களாவோட சம்பந்தப்பட்டு இருக்காங்க...’’“அப்ப அந்த பங்களாவை மிஸ்டர் சுந்தர் தன் ரியல் எஸ்டேட் பிசினஸுக்காக வாங்க-விரும்பறது யாருக்கோ பிடிக்கல... அப்படிதானே?’’“அதுமட்டுமல்ல... இந்த விஷயத்துல ஒரு பெரிய புதையலும் சம்பந்தப்பட்டிருக்கு... சொல்லப்-போனா அந்தப் புதையல்தான் எல்லாத்துக்கும் காரணம்...’’ ‘‘புதையலா?’’“ஆமாம்... புதையல்ங்கற மிஸ்ட்ரி மட்டுமல்ல... பூர்வஜன்மங்கற ஒரு மிஸ்ட்ரியும் இதுல இப்ப இருக்கு...’’“சார்... என்னென்னமோ சொல்றீங்களே சார்...’’“அந்த பங்களாவுக்கே போய் அடிபட்டு வந்தவர் நீங்க... அங்க நடந்ததெல்லாம் அதுக்குள்ள மறந்துபோச்சா?’’“எப்படி சார் மறக்கமுடியும்..? இன்னும் சரியா காலை வீசி நேரா நடக்கமுடியல சார். அங்க நிச்சயம் பெருசா ஏதோ மர்மம் இருக்கு சார்...’’“அதோட தொடர்ச்சி--தான் இப்ப நடந்திருக்கிற கொலை...’’“ஒரு க்ளியர் பிக்சராவே இதுல எதுவும் இல்லையே சார்...’’“அதான் எதிரியோட சாமர்த்-தியம்... நாமதான் பொறுமையா யோசிச்சு ஸ்டெப் பை ஸ்டெப்பா அலசி ஒரு முடிவுக்கு வரணும்.’’“இதுல என்னோட பார்ட்..?’’“சொல்றேன்... உங்க பார்ட் -தான் இனி இதுல ரொம்ப முக்கியமானது...’’“சொல்லுங்க சார்...’’ஏ.எஸ்.பி. மணிவண்ணன் ரஹ்மானுக்கான கடமையை மிக இதமான குரலில் சொல்லி முடித்திட... ரஹ்மான் முகத்தில் ஒரு தெளிவு!மீனாட்சியின் வீட்டுவாசலில் தேங்கிநின்ற காரில் இருந்து சோம்பல் முறித்தபடியே இறங்கிய அழகியபாண்டியனையும் சுந்தரையும் சந்திரசேகர் இறுக்கமாக வரவேற்றார்.உள்ளே ரமேஷ் மட்டும்-இருந்தான். பார்வதியும் மீனாட்சியும் கோயிலுக்குப் போயிருந்தனர்.“என்ன சாப்பிடறீங்க?’’ _ சந்திர-சேகர் உபசரிப்பில் தொடங்கினார்.“அதுக்கெல்லாம் இப்ப மூடு இல்ல சந்திரசேகர் சார். எல்லாத்தையும் போன்ல பேச-வேண்டாம்னுதான் நேர்லயே வந்திருக்கேன்...’’“சொல்லுங்க சார்... போலீஸ் கம்ப்ளையின்ட் கொடுத்துட்டதா சொன்னீங்க. போலீஸ்ல நம்பள வார்ன் பண்ண நபரைக் கண்டுபிடிச்-சிட்டாங்களா?’’“கண்டுபிடிச்சும் பிரயோஜனம் இல்ல சந்திரசேகர் சார்! அந்த நபரைக் கொலைபண்ணி தூக்குல தொங்கவிட்டு... தற்கொலைங்கற-மாதிரி ஒரு ஸீன் க்ரியேட் ஆகியிருக்கு...’’“மைகாட்... இது என்ன கொடுமை?’’“இது தொடக்கம் மட்டும்தான்... இனிமேதான் நினைச்சுப் பார்க்க முடியாததெல்லாம் இருக்குன்னு எனக்குத் தோணுது.’’“என்ன சார் இப்படி பயமுறுத் தறீங்க?’’“விஷயம் அப்படி... நான் என்ன பண்ணட்டும்?’’“இருக்குற குழப்பம் போதாதா... இன்னும் எவ்வளவோ இருக்குன்னா எப்படி சார்?’’“அப்படிதான்... ஒரு சரித்திர புதையல் சம்பந்தப்பட்ட விஷயம்னா சும்மாவா?’’“அப்ப எல்லாம் அதுக்காகத்-தானா?’’“நூறு கிலோவுக்குக் குறையாத தங்கம்... அவ்வளவும் 350 வருஷத் துக்கு முந்தைய சொக்கத்-தங்கம். அதுவும் மீனாட்சியம்மனுக்-கான தங்கம்.ஆன்ட்டிக் வேல்யூன்னு ஒண்ணு இருக்கு மிஸ்டர் சந்திரசேகர்! அதன்படி அந்தப் புதையல் வெறும் ஐம்பொன்னாவோ, செம்பாவோ இருந்தாலே பலகோடி போகும்! இதுல அது சொக்கத்தங்கம் வேற... நிச்சயம் ஆயிரம் கோடிக்கு மேல போகும் மிஸ்டர் சந்திரசேகர்...’’“சரிதான் சார்.. ஆனா, நமக்கே அது எங்க இருக்குன்னு எதுவும் தெரியாத நிலையில, யாரோ ஒரு குரூப்புக்குத் தெரியவந்து அவங்க ஸ்டார்ட்டிங்கே ஒரு கொலையா இருக்குன்னா, அது எப்படி சார்?’’“அது அப்படிதான்... தெரிஞ்சோ தெரியாமலோ ஒரு ஆர்க்கியா-லஜிஸ்ட் வேற நமக்குள்ள இப்ப வந்துட்டாரு! நம்பள போலவே அவருக்கும் எச்சரிக்கை விடப்-பட்டிருக்கான்னு தெரியல...’’“அவருக்கு ஒரு போன் பண்ணி கேட்டா என்ன?’’“அவசியமில்ல... நாளைக்கு பசுமலை ஹோட்டல்ல சந்திக்கச் சொல்லியிருக்கார் இல்லையா? அது நடந்தா அவருக்கு எந்த எச்சரிக்கையும் வரலைன்னு அர்த்தம். அப்படி வந்திருந்தா அவர்கிட்ட இருந்து நமக்கு போன் வந்திருக்குமே?’’“அப்ப நாளைக்கு நாம அவரை சந்திக்கறோமா சார்..?’’“ஏ.எஸ்.பி. மணிவண்ணன் சார் அவரை கட்டாயம் சந்திக்கச் சொல்றார். அந்தச் சந்திப்பை தொடர்ந்து என்ன நடக்குதுன்னு பார்ப்போம்கறாரு...’’“அப்ப எச்சரிக்கை போனை மைண்ட் பண்ண வேண்டாமா?’’.“பண்ணணும்... ரொம்ப ஜாக்ரதையா...’’“அவன் எச்சரிச்ச மாதிரி நமக்கு ஆபத்து எதாவது ஏற்பட்டா என்ன பண்றது சார்?’’“நிச்சயமா புதையல் ரகசியம் வெளிப்படற வரை எந்த ஆபத்தும் ஏற்படாது சந்திரசேகர் சார்... அதுக்குப் பிறகு வேணும்னா அந்தப் புதையலை அடைய எதாவது நடக்கலாம்.’’அழகியபாண்டியன் தெளிவாக எல்லா கேள்விகளுக்கும் பதில் சொன்னபோதிலும் ரமேஷிடம் மட்டும் கனத்த மௌனம்.“என்ன ரமேஷ்... எதுவுமே பேசாம இறுக்கமாவே இருக்கீங்களே?’’“நிம்மதியா இருக்கோம் சார்... திடீர்னு வாழ்க்கை, புதையல், கொலைனு இப்படி திசைதிரும்பினா எப்படி சார்?’’“என்ன பண்ணலாம்? அப்படியே விட்டுட்டு அவங்கவங்க வேலையைப் பாப்போமா?’’“பாத்துதானே சார் ஆகணும்? எதுக்கு சார் வேலியில போற ஓணானை எடுத்து நாம வேட்டிக்-குள்ள விட்டுக்கணும்?’’“அப்ப நீங்க பயப்படறீங்கன்னு சொல்லுங்க...’’“ஒருபக்கம் எச்சரிக்கை- இன்னொரு பக்கம் கொலை. பயப்-படாம இருக்க நான் என்ன இரும்பு மனுஷனா சார்?’’“நானும் ஒண்ணும் இரும்பு மனுஷன்-லாம் இல்ல ரமேஷ். அதேசமயம் தெரிஞ்சோ, தெரி யாமலோ நம்ப லைஃப்ல விநோ தமா சில விஷயங்கள் நடக்கத் தொடங்கிடுச்சு. இதுல இருந்து நாம விலக நினைச்சாலும் அது முடியாதுன்னுதான் நினைக்கறேன்.’’“ஏன் முடியாது?’’“உங்க தங்கைக்கு இனியும் பூர்வஜன்ம நினைவுகள் தோணா துன்னு உங்களால உறுதியா சொல்ல முடியுமா?’’“தோணினா தோணிட்டுப் போகட்டும். அதுக்கு ஏன் முக்கியத்-துவம் கொடுக்கணும்?’’“நான் தெரியாமத்தான் கேக்கறேன்... அந்தத் தங்கப்-புதையல் இருக்கற இடம் இப்ப உங்க தங்கைக்குத் தெரியவருதுன்னு வைங்க. நீங்க சும்மா இருந்துடு-வீங்களா?’’“அது உண்மையா இருக்கற-பட்சத்துல அரசாங்-கத்துக்குச் சொல்லிட்டா போச்சு...’’“அரசாங்கம்னா யார்கிட்ட..?’’“அதை அந்த விஷயம் தெரியவரும்-போது யோசிக்கலாம் சார். இப்பவே எதுக்கு அதை நினைச்சு மண்டைய உடைச்சிக்கணும்?’’“அப்ப நீங்க இந்த விஷயத்துல டோட்டலா ஒதுங்க விரும்பறீங்க. அப்படித்தானே?’’“ஆமாம்... தொடக்கத்துல இருந்தே இதைத்தான் நான் சொல்லிக்கிட்டு வரேன். நாங்க டிப்பிக்கல் மிடில் கிளாஸ்... எங்க வாழ்க்கை ஒண்ணும் ஆக்ஷன் சினிமா இல்லை, ரிஸ்க் எடுக்கறதுக்கு...’’ரமேஷ் நறுக்குத் தெறித்தாற்-போல சொன்னான். அழகிய-பாண்டியன் திரும்பி சுந்தரைப் பார்த்தார்.“என்ன மாமா... என் பதில் என்னன்னு உங்களுக்குத் தெரியணுமா?’’“ஆமாம்... உன் கருத்தென்ன?’’“நீங்க சொல்லுங்க மாமா... நான் என்ன பண்ணட்டும்?’’“அந்த பங்களாவை வாங்கி மால் கட்ட ஆசைப்பட்டது நீதானே? நீதான் முடிவெடுக்கணும்...’’“வேண்டாம் மாமா... விட்ரு வோம்...’’“நல்லா யோசிச்சு சொல்லு...’’“இதுல யோசிக்க என்ன இருக்கு? சொத்து வாங்கறதுங்கறது ஒரு விருத்தியான விஷயம். ஆனா, அந்த வகைல இங்க நிறைய குழப்பங்கள்... மர்மங்கள்... இப்படி ஒரு சொத்து வேணுமா?’’“அப்ப நீயும் ஒதுங்கற முடிவுக்கு வந்துட்டே... அப்படித்தானே?’’“ஆமாம்...’’“ஒரு வகைல இது நல்ல முடிவுதான்... போகட்டும், நாளைக்கு அந்த ஆர்க்கியாலஜிஸ்ட் ஆனந்தமூர்த்தியை பசுமலை ஹோட்டல்ல சந்திக்கப் போறியா, இல்லையா?’’“எதுக்கு? அதான் ஒதுங்கறதுன்னு முடிவு செய்தாச்சே?’’“அப்ப சந்திக்கப் போறதில்ல..?’’“ஆமாம்...’’“மிஸ்டர் ரமேஷ்... நீங்க?’’“இனி இது சம்பந்தமா யாரையும் எதுக்காகவும் எங்கேயும் சந்திக்கவோ பேசவோ நாங்களும் தயாரில்லை சார். இதை அப்படியே மறந்துடுவோம்.’’“அப்படி மறந்து உங்க போக்குல போகமுடியும்னு நம்பறீங்களா?’’“நிச்சயமா...’’“உங்க தங்கைக்குத் திரும்ப அந்த பூர்வஜன்ம நினைவுகள் திரும்ப வந்தா?’’“அதைக் கனவா நினைச்சு கடக்கச் சொல்லிடுவேன்.’’“சரி... இப்ப எடுத்த இந்த முடிவுல எவ்வளவு தூரம் நீங்க உறுதியா இருக்கீங்கன்னு நான் பாக்கறேன். அப்ப நாங்க புறப்படறோம்...’’அழகியபாண்டியனும் சுந்தரும் புறப்பட்டனர். ரமேஷ் வாசல்வரை சென்று வழியனுப்பிவிட்டு வந்தான். காரில் அவர்கள் கிளம்பும்போது எதிரில் மீனாட்சியும் பார்வதியும் கோயிலில் தரிசனம் முடித்துவிட்டுத் திரும்பியிருந்தனர். மீனாட்சி, சுந்தரை சற்று வெட்கத்துடன் பார்த்தாள். அவனும் சிரித்துக் கொண்டே காரைக் கிளப்பினான்.இருவரும் உள்நுழைந்தனர்.“என்னங்க... ரெண்டுபேரும் எதுக்குங்க வந்துட்டுப் போறாங்க?’’“எல்லாத்தையும் விட்ருவோம்... ஒதுங்கி அவங்கவங்க வழியில அவங்கவங்க போவோம்னு சொல் லிட்டுப் போறாங்க.’’“அப்படீன்னா?’’“என்ன அப்படின்னா... தமிழ்லதானே சொல்றேன். இனி, அந்த பூர்வஜன்ம நினைப்பு வந்தாலும் மீனாட்சி அதைப்பற்றி பேசக்கூடாது. அதை ஒரு கனவுன்னு நினைச்சு கடந்துடணும்.’’“அப்ப போன்பண்ணி எச்சரிக்கை செய்தவன் பேச்சை நாம ஏத்துக்கிட்டதா ஆயிடுங்களே..?’’“நீ என்ன சொல்றே... இதை விடக்-கூடாதுங்கறியா?’’“எனக்கு என்ன சொல்-றதுன்னு தெரியலீங்க...’’“எதுவும் சொல்லாதே... போய் வேலையை பார். மீனா உனக்கும்தான்... உனக்குள்ள எதாவது தோணி னாலும் வெளிய சொல்லாதே. நாம இனி இதைப்பற்றி பேசவே கூடாது.’’சந்திரசேகர் கண்டிப்பான குரலில் சொல்லிவிட்டு விலகிக்-கொண்டார். மீனாட்சி மட்டும் ஒரு மாதிரி ஏமாற்றமாகவும் ஓர் இனம்புரியாத தவிப்பாகவும் உணர்ந்தபோது, அவளுக்குள் திரும்பவும் அந்த ஜன்ம நினைவின் அலைமோதல்.‘அங்கா... அந்த தங்கக்கவசம் என் மீனாட்சிக்குப் போய் சேர்ந்தே தீரணும். என் பேரன் கைல மட்டும் அது கிடைச்சிடவே கூடாது. எப்ப மீனாட்சி உடம்பை அந்தக் கவசம் அலங்கரிக்குதோ அப்பதான் என் ஆத்மாவுக்கு சாந்தி ஏற்படும். அதுவரை என் ஆத்மா அலைஞ்சுக் கிட்டேதான் இருக்கும்... இது மீனாட்சி மேல சத்யம்!’மீனாட்சிக்குள் மங்கம்-மா ளின் குரல் பெரிதாகவே ஒலிக்கத் தொடங்கியது!ரகசியம் தொடரும்...

மர்மத் தொடர்: ராஜ ரகசியம்

Related Stories