சினிமா விமர்சனம்: பிச்சைக்காரன் 2

விபத்தில் அம்மா அப்பாவை இழந்து அனாதையாகும் சிறுவனும் சிறுமியும் சமூக விரோதிகளிடம் சிக்கி பிரிந்து விடுகின்றனர். தங்கையை பிரிவதற்கு காரணமான ரவுடியை கொன்றுவிட்டு ஜெயிலுக்குப் போகிறான் அண்ணன். இருபது வருடம் சிறை தண்டனை அனுபவித்து விட்டு வெளியில் வந்ததும் மீண்டும் தன் தங்கையை தேடுகிறான்... அவள் கிடைத்தாளா? தேடும் பொழுது எதிர்பாராமல் என்ன நடக்கிறது? என்பதுதான் பிச்சைக்காரன் - 2.பணக்காரன், பிச்சைக்காரன் என இரண்டு வேடங்களில் விஜய் ஆண்டனி. முதல் பாதியில் பணக்கார விஜய் குருமூர்த்தியின் மிடுக்கும், காதலும் கிளாஸ். பின் பாதியில் பிச்சைக்காரன் சத்யா மாஸ்.முன் பாதியில் ஃபிரேமிங், லைட்டிங், எடிட்டிங் என இயக்குநர் விஜய் ஆண்டனி தெறிக்க விடுகிறார். பின் பாதியில் நடிகர், எழுத்தாளர் விஜய் ஆண்டனி நெகிழவைக்கிறார், பல இடங்களில் நெளியவும் வைக்கிறார்..நாயகி காவ்யா தாபர் நடிப்பு, கவர்ச்சி இரண்டிலும் அசத்துகிறார். சண்டை காட்சிகள் அதிரடி. ‘நேத்து நைட் கனவுல...’ பாட்டுக்கு தியேட்டரில் ஒன்ஸ்மோர் கேட்கிறது. யோகி பாபு காமெடி, பாயாசத்துல முந்திரி. ராதாரவி, மன்சூரலிகான், ஒய்.ஜி.மகேந்திரன், ஹரிஷ் பேரடி ஓ.கே.கோர்ட் சீன் காட்சிகள் ரொம்ப நீளம். வழக்கமாக ஆள் மாறாட்டம் செய்வதற்கு முகத்தை மாற்றுவார்கள். இதில் மூளையையே மாற்றி விடுகிறார்கள். நம்பித்தான் ஆகணும்! பாதி படத்திலேயே வில்லன்களை ஹீரோ போட்டுத்தள்ளி விடுவதால் அதற்குப் பின் திரைக்கதையில் விறுவிறுப்பு குறைந்துவிடுகிறது. ஆண்டி பிகிலி விளக்கமெல்லாம் கொஞ்சமும் எடுபடவில்லை.ஒரே படத்துல தன்னோட இமேஜ், சம்பளம் எல்லாத்தையும் உயர்த்திரணும்னு விஜய் ஆண்டனி திட்டம் போட்டு உழைத்திருக்கிறார், அதை கொஞ்சம் சிந்தித்து, புத்திசாலித்தனமாக செய்திருக்கலாம்..பிச்சைக்காரன் 2 – ரொம்ப பேசறான்2.5 ஸ்டார்

சினிமா விமர்சனம்: பிச்சைக்காரன் 2

Related Stories