அபூர்வ சந்திப்பு: குந்தவை... கேரக்டரும் ஹெவி…காஸ்ட்யூமும் ஹெவி!

-நடிகை லட்சுமி தமாஷ்!சென்ற இதழ் தொடர்ச்சி...லட்சுமி: மேல் நாடுகளில் மேஜிக் கலைக்கு வரவேற்பு எப்படி இருக்கிறது?பாக்கியநாதன்: மேல் நாடுகளில் அரசாங்கமே இதை நல்ல முறையில் வளர்ப்பதற்கு ஏற்பாடு செய்கிறார்கள். யுத்தத்திற்குக்கூட மேஜிக் பயன்படுகிறது. லாரன்ஸ் ஆஃப் அரேபியா-- புகழ்பெற்ற ஆங்கிலேய தளபதி- வார்கவுன்சிலின் வேண்டுகோளின்படி இங்கிலாந்து சண்டையில் வெற்றி பெற, ஐந்து மெஜிஷியன்களை அழைத்து அரபு நாட்டுக்கு அனுப்பினார்கள். அவர்களும் அந்த நாட்டுக்குப் போய், பல சூப்பர் நாச்சுரல் பவர்ஸ் வித்தைகளைக் காட்டி அந்நாட்டு மக்களை முதலில் கவர்ந்து கொண்டார்கள். அப்புறம் இன்ன நாள் இன்ன இடத்தில் பகைவர்கள் வந்து தாக்குவார்கள். இன்ன இடத்தில் முன்னேற்பாடாக இருந்தால் அவர்களை முறியடிக்கலாம் என்று சொல்வது-- இந்த மெஜீஷியன்கள் பேச்சைக் கேட்டு இவர்கள் போவது- அவர்கள் சண்டையிட வந்து சண்டையிட்டுத் தோற்றுப்போவது போல ஓடுவது இப்படி ப்ரீஅரேஞ்ச்டாக இரண்டு மூன்று முறை நடத்தியவுடன், அந்நாட்டு மக்கள் மனத்தில் இந்த மெஜிஷியன்கள் சொல்வது போலத்தான் நடக்கும் என்கிற ஆழ்ந்த நம்பிக்கை பிறந்து விட்டது. .கடைசியாக இந்த நிபுணர்கள், “இன்ன தேதியில் பகைவர்கள் வந்து தாக்கப் போகிறார்கள். இந்த முறை உங்களால் அவர்களை எதிர்த்துச் சண்டையிட முடியாது- சண்டையிட்டாலும் உங்களால் வெற்றி பெற முடியாது- எதிர்த்துச் சண்டையிட்டால் எல்லோரும் அழிந்துதான் போகவேண்டும்’ என்பதாகச் சொல்லிச் சொல்லி அந்நாட்டு மக்களையே டீமாரலைஸ் பண்ணிவிட்டார்கள். ஆக்சுவலாக அந்தத் தேதியில் அந்நாட்டின் மீது பகைவர்கள் படையெடுத்து வந்தபோது அவர்களை எதிர்த்துச் சண்டையிட மன உறுதி இல்லாது அந்நாட்டவர்கள் ஆயுதங்களைக் கீழே போட்டுவிட்டுக் கோழைகளைப் போல ஓடி ஒளிந்திருக்கிறார்கள். எனவே லாரன்ஸ் ஆஃப் அரேபியா, திட்டமிட்டபடி வெற்றி பெற்றார்.ல: ரொம்ப த்ரிலிங்காக இருக்கிறதே?பா: லண்டனில், ‘ஃபாதர் ஆப் த மாடர்ன் மேஜிக் ஆர்ட்ஸ்’ எனப் பெயர் பெற்றிருந்த மாஸ்கலைன், நெருப்பைத் தொடுவது- உடம்பில் பெட்ரோலை ஊற்றிக்கொண்டு கொளுத்திக் கொள்வது போன்ற வித்தைகளை லண்டன் தியேட்டர் ஒன்றில் காட்டிக் கொண்டிருந்தார். வார் மினிஸ்டர் அவரை வரவழைத்து இது எப்படி சாத்தியம் என்று கேட்டபோது, இன் த இன்ட்ரஸ்ட் ஆப் த கன்ட்ரி அந்த ரகசியத்தை அவர்களுக்குத் தெரிவித்தார். அவரது ஃபார்முலாப்படி ஆயின்மென்ட் ட்யூப்புகள் தயாரிக்கப்பட்டு கன்னர்களுக்கு வழங்கப்பட்டன..ல: எங்க வீட்டிற்குக்கூட ஒருவர் வந்தார்- நீங்கள் எந்த வாசனை வேண்டும் என்றாலும் அந்த வாசனை வீடு பூராவும் அடிக்கும்படியாக மேஜிக் செய்து காட்டினார். ஒருசமயம் உனக்கு என்ன பூ வேண்டும் என்றார். சாதிப்பூ என்றேன். அப்படி இப்படி என்னவோ கையைப் பிசைந்தார். ஒரு பந்து சாதிப்பூ வந்தது.பா: அதுபோல நானும் செய்கிறேன். இட் இஸ் ஆல் மேஜிக்.ல: அது எப்படி?பா: முன்னாடியே இதுபோல உங்களை பிரமிக்க வைக்கப் பூவை வாங்கி வைத்திருக்க வேண்டும். இல்லாத ஒன்றை வரவழைக்க முடியாது. இருப்பதைத்தான் வரவழைத்துக் கொடுக்க முடியும்.ல: டைரக்டர் ஏ.பி.என். சொன்னார்... ஒரு தரம் காவி உடை அணிந்த சாமியார் ஒருவர் ஸெட்டுக்கு வந்து சிவாஜியைப் பார்த்தாராம். ‘உங்க பேர் என்ன?’ என்று கேட்டதற்கு, சிவாஜின்னு சொன்னார். அது இல்லை. அம்மா அப்பா வைத்த பெயர்? ‘கணேசன்.’ ‘அப்படியா? உங்க கையைத் திறந்து பாருங்க’ன்னு சொன்னாராம்! சிவாஜி கையிலே ஒரு வெள்ளி கணேசன் விக்ரஹம் திடீரென்று இருந்ததாம்! இந்த மாதிரி வித்தையெல்லாம் செய்து காண்பித்தால், எங்க பவர் குறைந்துபோய்விடும்னு அவரே சொல்லிவிட்டுப் போய்விட்டாராம்!பா: இது எல்லாம் மேஜிக்தான். இந்தத் துறையில் நான் முப்பது வருஷங்களாக இருக்கிறேன். எனக்கே கூடப் பல கடிதங்கள்- டெலிபோன்கள் வருகின்றன. ‘கேட்ட பணத்தைக் கொடுக்கிறேன். என் பெண் டேஞ்ஜராக இருக்கிறாள். பேய் பிடித்திருப்பதாகச் சொல்கிறார்கள். வந்து அவளைக் காப்பாற்ற வேண்டும்’ என்கிறார்கள்.ல: (சிரித்துக்கொண்டே) மெஜீஷியன் வேப்பிலை அடிக்கிற சாமியாரா என்ன?பா: நான் ஆனஸ்டா, ‘அது போல எல்லாம் செய்ய முடியாது. செய்வதாக யாராவது சொன்னாலும் நம்பி ஏமாறாதீர்கள். யூ கன்சல்ட் யுவர் டாக்டர்’ என்று சொல்லி விடுவேன். எனக்கு ஸூப்பர் நேச்சுரல் பவர் எதுவும் கிடையாது. என் போன்று மேடையில் மேஜிக் செய்பவர்கள் உண்மை வாழ்க்கையில் மந்திர சக்தி, ஸூப்பர் நேச்சுரல் பவர் இருப்பதாகச் சொல்ல மாட்டார்கள். உங்களுக்கு ரசிகர் தபால் நிறைய வரும் இல்லையா?.ல: சாதாரணமாக ஒரு நாளைக்கு 40-50 ரசிகர் கடிதம் வரும். புதுப்படம் ரிலீஸ் ஆகும்போது என் நடிப்பை விமரிசனம் செய்து இன்னும் நிறையக் கடிதம் வரும். நிறைய ரூபாய் நோட்டு வரும்; அதுவும் புது நோட்டு, (சிரிப்பு) எனக்குப் பரிசு இல்லை. அதிலே கையெழுத்துப் போடச் சொல்லிக் கேட்டு அனுப்புவாங்க-- ப்ராம்ப்டாக அவற்றைத்- திருப்பி அனுப்பி வைத்துவிடுவேன். மிலிடெரி ஆபீஸர்கள், ஜவான்கள் கிட்டேயிருந்தும் கடிதங்கள் நிறைய வரும். ஆனால் ஒரு விஷயம் பாருங்க, எனக்குக் காதல் கடிதங்கள் வருவதேயில்லை. எனக்குக் குழந்தை சாந்த மீனா பிறந்ததும் மறுநாளே மயிலாப்பூர் இஸபெல்லா நர்ஸிங் ஹோமுக்கு ஏராளமாகக் கடிதங்கள். எல்லாவற்றிலும் குங்குமம், விபூதி, புஷ்பம், பிரசாதங்கள் வந்தன. பேப்பரில் நியூஸ் போட்டிருந்ததைப் பார்த்து உடனே அன்புடன் அனுப்பி விட்டார்கள். அது சரி, மேஜிக் எல்லாம் இந்திய நாட்டுக் கலையா?பா: ஆதியில் இங்கும் இருந்திருக்கலாம். அவையெல்லாம் மாறிவிட்டன. இப்போதுள்ள மாடர்ன் மேஜிக்ஸ் எல்லாம் பெரும்பாலும் கிரேக்க நாட்டிலிருந்து வளர்ந்ததுதான். இதோ பாருங்கள் (ப்ரொட்டிராக்டர் போல கட் பண்ணப்பட்ட இரண்டு அட்டைகளை எடுத்தார். ஒன்று சிவப்பு- மற்றொன்று வெள்ளை. ஒன்றன் மேல் ஒன்றை வைத்து) இதில் எது சிறியது?ல: (சற்று நேரம் உற்றுப் பார்க்கிறார்.) மேலே இருப்பதுதான்.பா: நோ. இரண்டும் ஒரே சைஸ். ஒன்றன் மேல் ஒன்றை வைக்கிறபோது அருகில் உள்ளதோடு ஒப்பிட்டு பார்க்கிற கண்ணின் இயல்பினால் ஒன்றைவிட ஒன்று சின்னதாக இருப்பது போல தோன்றுகிறது. நாங்கள் உங்களது கண்ணின் பலவீனத்தைப் பயன்படுத்திக்கொண்டு, ‘இதோ பாருங்கள். இரண்டையும் சமமாக்குகிறேன்’ என லெக்சர் அடித்து, இடது கையினால் இழுப்பது போல பாவனை செய்து ஒன்றன் மேல் ஒன்றாக வைத்துக் காட்டி அப்ளாஸ் வாங்கிப் போகிறோம்.ல: சென்னையில் அமெரிக்க மெஜிஷியன்கள் வந்துகூட பர்ஃபாமன்ஸ் கொடுத்ததைப் பார்த்தேன்.பா: அமெரிக்காவில் இதை நன்றாகப் பல துறைகளுக்கும் பயன்படுத்துகிறார்கள். ரொம்ப டிமிட் ஆக யாரோடும் பேசுவதற்கு மிகவும் சங்கோஜப்படுகிற பையன்களை ஸ்கூல்களிலிருந்து பொறுக்கி எடுத்து- ஒரு இருபது பேருக்கு- மேஜிக் வித்தையைக் கற்றுக்கொடுக்க அனுப்பினார்கள். அந்த ஸ்டூடெண்ட்ஸ் அந்த வித்தையைப் பயின்று பிறருக்குச் செய்துகாட்ட முற்படுகிறபோது அவர்களுக்கே ஒரு செல்ஃப் கான்ஃபிடென்ஸ் ஏற்பட்டதோடு, அவர்களது கோழைத்தன்மையே அகன்று விட்டது. அந்த இருபது பேரில் பதினெட்டுப் பேர், இன்றைக்கு டாப் சேல்ஸ்மென்னாக வாழ்க்கை நடத்துகிறார்கள். நீங்கள் இப்போ என்ன படம் நடித்துக் கொண்டிருக்கிறீர்கள்?ல: ராஜராஜ சோழன். தமிழில் முதல் முதலாக ஸினிமாஸ்கோப் படம். ரொம்பப் பிரமாதமாகப் போய்க் கொண்டிருக்கிறது. அதில் எனக்குக் ‘குந்தவை’ பாத்திரம். ஹெவி ரோல். ஐ மீன் காரெக்டரும் ஹெவி, காஸ்ட்யூமும் ஹெவி.பா: சினி ஃபீல்டில் உங்களுக்கு ஏற்பட்ட அனுபவங்கள் ரொம்ப இன்ட்ரெஸ்டிங்காக இருக்குமே!ல: இந்தத் துறையில் நான் ஒரு த்ரீ இயர்ஸ் ஓல்டு பேபிதானே..!பா: அவுட்டோர் ஷூட்டிங்கிலே சுவையான நிகழ்ச்சி..ல: அவுட்டோரிலே என்ன பெரிய எக்ஸ்பீரியன்ஸ்? டூயட்தான் நிறையப் பாடறோம்! படப்பிடிப்பிலே ஏற்பட்ட சுவையான நிகழ்ச்சிகளை ‘வானொலி நிகழ்ச்சி ஒன்றில் ரேடியோவிலே சொல்லியிருக்கேன். உங்கள் வீட்டுக்கு வந்து உங்கள் வித்தைகள் எல்லாவற்றையும் பார்க்க வேண்டும் போல் இருக்கிறது.பா: ஆல்வேஸ் வெல்கம். நான் கோடம்பாக்கம் ப்ரிட்ஜுக்கு அருகில் உள்ள மகாலிங்கபுரத்தில் இருக்கிறேன். கண்டிப்பாக உங்கள் கணவரையும் அழைத்து வரவேண்டும்.(திரு. பாக்யநாத் விடைபெற்றுக்கொண்டு கிளம்புகிறார்.)அடுத்து...........

அபூர்வ சந்திப்பு: குந்தவை... கேரக்டரும் ஹெவி…காஸ்ட்யூமும் ஹெவி!

Related Stories