கர்நாடகத் தேர்தல்: மக்கள் தந்த பாடம்!

நடந்து முடிந்த கர்நாடகத் தேர்தலில் கடந்த சனிக்கிழமை (13.5.2023) அன்றைய வாக்கு எண்ணிக்கையின்படி 134 இடங்களுடன் அறுதிப்பெரும்பான்மையைப் பெற்றுள்ளது, காங்கிரஸ் கட்சி.நீண்டகாலத்துக்குப் பிறகு காங்கிரஸுக்கு கர்நாடக மக்கள் பரிசளித்திருப்பதோடு, Ô40 சதவிகித ஊழல் கட்சி’ என்று பா.ஜ.க.வை வீட்டுக்கு அனுப்பியிருக்கிறார்கள்.தென்னிந்தியாவைப் பொருத்தவரை, கர்நாடக மாநிலம் மட்டுமே இதுநாள்வரை பா.ஜ.க.வுக்கு நம்பிக்கையளிக்கும் மாநிலமாக இருந்தது. அதனாலேயே தம்வசம் இருக்கும் ஒரு தென்னக மாநிலமும் கைநழுவிப் போகக்கூடாது என்பதற்காக மோடி, அமித் ஷா உட்பட பல பா.ஜ.க. தலைவர்கள் சுற்றிச்சுழன்று தேர்தல் பணிபுரிந்தனர்.ஆனால், கடந்த காலங்களில் அநாகரிக அரசியல், குதிரை பேரங்கள், எம்.எல்.ஏ.க்கள் கடத்தல் என அவலங்கள் தொடர்ந்ததையெல்லாம் பார்த்துப் பார்த்து சலித்துப்போயிருந்த கர்நாடக மக்கள், தற்போது பா.ஜ.க.வுக்குத் தக்க பதிலடி கொடுத்திருக்கிறார்கள்.இது, கர்நாடகத்தின் கடந்தகால பா.ஜ.க. அரசுக்கு மட்டுமல்ல; ஊழல் செய்யும் எந்த அரசுக்கும் பொருந்தும். மேலும், வாக்களிக்கும் மக்கள் அரசியல்வாதிகள் தரும் வாக்குறுதிகளைவிட, அவர்களின் கடந்தகாலச் செயல்களைக் கூர்ந்து கவனிக்கத் தொடங்கிவிட்டார்கள் என்பதையே தற்போதைய கர்நாடகத் தேர்தல் முடிவுகள் காட்டுகின்றன.இனிமேலும், அரசியல் கட்சிகள் கடைசிநேர நாடகங்களை மட்டுமே நம்பாமல், ஆரம்பம் முதலே மக்கள் பணிகளைச் செய்தால் மட்டுமே ஜெயிக்க முடியும். இதுவே இந்த கர்நாடகத் தேர்தல் முடிவுகள் மூலம் மக்கள் சொல்லியிருக்கும் பாடம்!

கர்நாடகத் தேர்தல்: மக்கள் தந்த பாடம்!

Related Stories