’‘ என்ன, உங்க பிரச்னையைத் தீர்க்கமுடியாதுன்னு சொன்னது அதிர்ச்சியா இருக்கா? அதுக்கு ஒரு காரணம் இருக்கு! அதுக்கு முன்னால ஒரு கேள்வி...” சொன்ன மகான் நிறுத்த, ‘என்ன?’ என்பதுபோல் பார்த்தார்கள் அவர்கள்.

”உங்க குலதெய்வக் கோயிலுக்கு நீங்க போகறது உண்டா?” மகான் கேட்க, அப்படியே நடுங்கிப்போனார்கள்.

இல்லை சுவாமி. நான் சின்னப்பையனா இருந்தப்போ அப்பா, அம்மா கூட்டிகிட்டுப் போயிருக்காங்க. கல்யாணம் செய்துகிட்டு நான் தனியா வந்ததுக்குப் பிறகு குல தெய்வக் கோயிலுக்குப் போகவே இல்லை..” தழுதழுப்பாகச் சொன்னார், குடும்பத் தலைவர்.

அவரை ஏற இறங்கப் பார்த்தார் பரமாசார்யார். ‘‘ஆக குலதெய்வத்தையே மறந்துட்டே..அப்படித்தானே?” கேட்ட மகான், “இப்போ சொல்லப்போறதை எல்லாருமே கொஞ்சம் கவனமா கேளுங்க!” என்று கூறிவிட்டு, சொல்லத் தொடங்கினார்.

“ஒவ்வொருவரோட குலத்திலும் குலதெய்வம் என்றொரு சுவாமி இருக்கும். அவரவர் பரம்பரையில் முன்னோர்கள் கும்பிட்ட அந்த தெய்வம், அந்த வம்சத்தில் வந்தவர்கள் தன்னை மறக்காமல் கும்பிடுவார்கள் என்று காத்துக்கொண்டிருக்கும். நீங்கள் அது இருக்கும் இடத்துக்கு வருவீர்கள் என்று உங்கள் முன்னோரும் நினைத்திருப்பார்கள்.

இதனால், குலதெய்வக் கோயிலுக்குப் போய்க் கும்பிடும்போது, அந்த தெய்வத்தின் அனுகிரஹத்தோடு, உங்கள் முன்னோரின் ஆசிர்வாதமும் கிடைக்கும்.

அப்படிக் காத்திருக்கும் குலதெய்வத்தைக் கும்பிடாமல் மறக்கும்போதுதான் குடும்பத்தில் பிரச்னைகள் தலைதூக்கும். இது உங்களுக்குத் தன்னை நினைவுபடுத்துவதற்காக அந்த தெய்வமே ஏற்படுத்தும் சோதனைதான். இது சின்னச் சின்னதாக இருக்கும்போதே புரிந்துகொண்டு அதன்பிறகாவது குலதெய்வத்தை தரிசித்து குறையில்லாமல் கும்பிடுவது அவசியம்.

அப்படிச் செய்யாமல், பிரார்த்தனை, பரிகாரம் என்றெல்லாம் எங்கெங்கோ சென்று கும்பிட்டாலும் எந்தப் பலனும் கிடைக்காது.” சொன்ன மகான், அந்தப் பணக்காரக் குடும்பத்தினரைப் பார்த்தார்.

“உங்க குடும்பத்துக்கும் குலதெய்வப் பிரார்த்தனைதான் பாக்கி இருக்கு. முதல்ல அதைச் செய்துட்டு வாங்க. எல்லாம் நல்லபடியா நடக்கும்!”

மகான் சொன்னபடியே அவர்கள் குலதெய்வக் கோயிலுக்குச் சென்று கும்பிட்டதையும், மனக்குறைகள் எல்லாம் நீங்கி மகிழ்வோடு மீண்டும் வந்து மகானைக் கும்பிட்டதையும் சொல்லவேண்டுமா என்ன?

ஜோக்ஸ்