சினிமாவில், சினிமாவைத் தாண்டி நிறைய கத்துக்கிட்டேன்! -விக்ரம் பிரபு சுளீர் பேட்டி

- வாசுகி ராஜா நடிப்புக்கே இலக்கணம் வகுத்த நடிகர் திலகத்தின் பாரம்பரியத்திலிருந்து வந்தாலும் தலைக்கனம் இல்லாமல் தரையில் காலூன்றி நடக்கும் எளிய, அன்பான மனிதர் விக்ரம் பிரபு. முதல் படத்திலேயே முப்பது பேரை அடித்து மாஸ் ஹீரோ ஆகிவிட வேண்டும் என்று அல்லு சில்லு நடிகர்கள் எல்லாம் ஆசைப்படும் சூழலில், ‘கும்கி’யில் ஆரம்பித்து விரைவில் வெளியாக இருக்கும் ‘பாயும் ஒளி நீ எனக்கு’ வரை சுமார் 20 படங்களில் நடித்து விட்ட விக்ரம் பிரபு, இன்னமும் தன்னை ஒரு நல்ல நடிகனாக முன்னிறுத்துவதிலேயே முனைப்பாக இருக்கிறார். அந்த முயற்சியில் பொன்னியின் செல்வன் இவருக்கு மகுடம் என்றால் அதில் வைரம் தான் ‘பாயும் ஒளி நீ எனக்கு’ என்று பலரும் சொல்ல, நாமும் அவரை சந்தித்து அது பற்றி கேட்டோம்... . ‘பாயும் ஒளி நீ எனக்கு…’ - பாரதியோட வரிகள்ள தலைப்பே கவிதையா இருக்கே, படம் எப்படி இருக்கும்? “கவிதைங்கிறது உண்மை, ஆனா இது பயங்கர ஆக்ஷனான படம்.மனிதர்களுக்கு தேவைகள்னு ஒண்ணு இருக்குல்ல...அப்படிப்பட்ட அடிப்படைத் தேவைகள் பூர்த்தியடைஞ்சு காதல், குடும்பம்னு சின்னச் சின்ன விஷயங்களால சந்தோஷமா இருக்குற ஒருத்தனுக்கு, திடீர்னு அவனால சமாளிக்க முடியாத ஒரு விஷயம் நடந்ததுன்னா என்ன நடக்கும் அப்படீங்கிறதுதான் அடிப்படை. தியேட்டர்ல வந்து எக்ஸ்பீரியன்ஸ் பண்ற மாதிரி ஒரு விஷுவல் ட்ரீட்டா இதைப் பண்ணியிருக்கோம். லைட்டிங்கா இருக்கட்டும், சவுண்டா இருக்கட்டும், நிறைய விஷயங்களை பிரதானமா வச்சு டெக்னிக்கலா இந்தப் படத்தை எடுத்துகிட்டு வந்திருக்கோம். இந்தப் படம் எனக்கு டைரக்டர் கார்திக் அத்வைத்தோட ஒரு நீண்ட பயணமா இருந்தது. சென்னையில, ஹைதராபாத்ல உள்ள பெரிய கட்டடங்களுக்கு நடுவுலன்னு நிறையா ப்ளான் பண்ணி எடுத்திருக்கோம். ரொம்ப பிரயத்தனப்பட்டு எல்லா வேலைகளையும் முடிச்சிட்டு வந்து உட்கார்ந்து படத்துக்கான தலைப்பை யோசிச்சோம். ‘லைட்’ங்கிற ஒரு விஷயத்தை வச்சு நிறையா விளையாடியிருக்கறதால அதுக்கேத்த பேரா வைக்கணும்னு முடிவு பண்ணி பொயட்டிக்கா இந்தப் பெயரை வச்சிருக்கோம்.”.‘அனிச்ச பூவே அழாதே’ பாடல் ரொம்ப அருமையா இருக்கு, மற்ற அம்சங்களைப் பத்தி சொல்லுங்க... “நன்றி, இந்தப் படத்தைப் பொறுத்தவரைக்கும், வாணி போஜன், வேல ராமமூர்த்தி சார், விவேக் பிரசன்னா, தனஞ்ஜெயா இப்படி ஸ்ட்ராங்கான ஆர்டிஸ்ட்ஸ் ரொம்ப நல்லா வொர்க் பண்ணியிருக்காங்க. மியூஸிக், யங் டேலண்ட் சாகர். ரொம்ப நல்லா பண்ணியிருக்கார். இயக்குநருக்கும் இசையமைப்பாளருக்கும் தமிழ் சினிமான்னா ரொம்பப் புடிச்சிருக்கு. அதனால ஏதோ ஒரு பாட்டை வச்சோம்னு இல்லாம, கதையோட பொருந்தி டிஸ்கிரைப் பண்ணி கதையை நகர்த்திகிட்டுப் போற மாதிரி அழகா பண்ணியிருக்காங்க.”.‘கும்கி‘யிலேர்ந்து ‘பாயும் ஒளி நீ எனக்கு‘ வரை இந்தப் பயணம் எப்படி இருக்கு? “‘கும்கி’ எனக்கான அடையாளத்தைக் கொடுத்த படம். அதுக்கப்புறம் படங்களைத் தேர்ந்தெடுக்கறதுல சில தடுமாற்றங்கள் தவறுகள் இருந்தது. யார்கூட வொர்க் பண்ணணும், யார்கூட வொர்க் பண்ணக் கூடாது என்பது போன்ற கடினமான பாடங்களைக் கத்துக்கிட்டேன். அதுக்கப்புறம் தான்டாணாக்காரன் மாதிரியான நல்ல படங்களை தேர்ந்தெடுத்து நடிக்கிற பக்குவம் வந்திருக்கு. அந்த மாதிரி சினிமாவில் சினிமாவைத் தாண்டி நிறைய கத்துக்கிட்டேன். இன்னமும் கத்துக்க வேண்டிய விஷயங்கள் நிறைய இருக்கு. நாம கீழ விழுந்தா தூக்கிவிட யாரும் வரலைன்னாலும், நம்பிக்கையோட நிமிர்ந்து நின்னா தலைக்கணம்னு சொல்றதுக்கு நூறு பேர் வராங்க. வெற்றிகளை அனுபவமாவும், தோல்விகளை பாடமாவும் எடுத்துக்கறேன்.".வரலாற்றுச் சிறப்புமிக்க ‘பொன்னியின் செல்வன்’ படத்துலயும், முதன் முறையா உங்க அப்பாவோடயும் சேர்ந்து நடிச்ச அனுபவம் எப்படியிருந்தது? " ‘க்ரேட்ஃபுல் ஃபார் த ஆப்பர்சூனிட்டி’ ன்னு சொல்லுவாங்க இல்ல, அப்படி இருந்தது. நான் வொர்க் பண்ணதே 15 டேஸ் தான். ஆனா, கோவிட் குவாரன்டைன்னால 30 டேஸ் ஆகிடுச்சு. அந்த 30 டேஸ்ங்கிறது இப்போ நினைச்சுப் பார்த்தாலும் திரும்பக் கிடைக்காத ஒரு விஷயம். மணி சார் ஒரு விஷயத்தை இப்படித்தான் வேணும்னு சொல்லி, அதை நான் சரியாசெஞ்சப்போ தோள்ல தட்டிக் கொடுத்தது எல்லாம் எனக்கு ரொம்ப புடிச்சிருந்தது. முதல் பார்ட்ல கடைசியா நானும் அப்பாவும் ஒண்ணா வர்ற சீனைதான் முதல் நாள் பேங்காக்ல ஷூட் பண்ணார். இரண்டாவது பார்ட்டைப் பார்த்தப்புறம் திரைத்துறையில உள்ள வயசுல பெரியவங்ககூட கூப்ட்டு பாராட்டிப் பேசினப்போ சந்தோஷமா இருந்தது. மணி சார்கூட வொர்க் பண்ணது மறக்க முடியாத அனுபவம்.”.நடிகர் திலகத்தோட பேரன், இளைய திலகத்தோட மகனுக்கு நடிப்பு ரத்தத்துலயே ஊறியிருக்கும், உங்க ரோல் மாடல் யார்?(சிரிக்கிறார்) “தெரியலைங்க, ரத்தத்துலயே ஊறியிருக்கும்னு நீங்க சொல்றீங்க, ஆனா ஒவ்வொரு விஷயத்தையும் கஷ்டப்பட்டுதான் பண்றேன். ஏன்னா, ‘நீ டாக்டர் ஆகு, இஞ்சினியர் ஆகு‘ன்னு எல்லார் வீட்டுலயும் சொல்றது போல தான் எங்க வீட்டுலயும் சொன்னாங்க. ஆனா அதையெல்லாம் தாண்டி நடிப்புல எனக்கு இருந்த பாஷனாலதான் நான் இதுக்குள்ளயே வந்தேன். சின்ன வயசுலேர்ந்தே தாத்தா அப்பாவைப் பார்த்து வளர்ந்தாலும், யாரையும் ரோல் மாடலா வச்சுக்கணும்னு நினைச்சதில்லை. அப்படிப் பண்ணா காப்பி அடிக்கற மாதிரி ஆயிடுமோங்கிற பயம் எனக்கு. வீட்லயும் யாரும் எதையும் கத்துக் கொடுக்கலை. நீயே போய் கத்துக்கோ, அப்பதான் உனக்கான இடம் கிடைக்கும்னு மட்டும் சொன்னாங்க. அப்படி நானேதான் தட்டுத் தடுமாறி கத்துக்கிட்டு வந்திருக்கேன்.”.யதார்த்தமான படங்கள், ஆக்ஷன் படங்கள்… உங்களோட சாய்ஸ் எது?இரண்டுமே... ஏன்னா எந்த கம்ஃபர்ட் ஸோன்லயும் என்னை சுருக்கிக்க விரும்பலை. ஒரு நடிகனா எல்லா வகையான படங்களையும் பண்ணணும்னுதான் விரும்பறேன்.”நீங்கநடிச்சபடங்கள்ளஉங்களுக்குஅதிகசவாலாஅமைஞ்சபாத்திரம்எது? “ ‘கும்கி’ படத்துக்காக யானைகள் காப்பகத்துல போய் பயிற்சி எடுக்கப் போனப்ப, முதல் இரண்டு நாள் தான் பயமா இருந்தது அப்புறம் அது போயிடுச்சி. ஆனா இதுவரைக்கும் நடிச்ச படங்கள்லயே நான் செத்துப் பொழைச்சேன்னா அது டாணாக்காரனுக்குதான். ஆனா அந்தப் படம் கொரோனா லாக்டவுன்லமாட்டி ஓ.டி.டி- யில வெளியானதுல எனக்கு ரொம்பவே வருத்தமா இருந்தது. ஏன்னா அந்தப் படத்துல வர்றபரேட் எல்லாம் தியேட்டர்ல பார்க்க வேண்டியது.”.‘வேட்டையாடு விடையாடு‘ படத்தை ரீ ரிலீஸ் பண்றாங்களே,அதைப்போல டாணாக்காரனையும் பண்ணிட வேண்டியதுதானே? “நானும் கேட்டுகிட்டுதான் இருக்கேன். இதுக்கு மேலபுரொடியூசர்கிட்டேயிருந்து படத்தை நான் தான் வாங்கணும். பார்க்கலாம்.” என்று சிரித்தபடி விடைகொடுத்தார்.