முதல் காதலனை இப்பவும் மீட் பண்றேன்! - ஷகீலா செம ஜாலி பேட்டி

ஆபாசப் படங்களின் மூலம் தமிழ் ரசிகர்களுக்கு அறிமுகமான ஷகீலா இன்று பலரும் பார்த்து வியக்கும் இண்டலக்சுவல் ஆங்கர். சமூக அவலங்களை, அந்தரங்க உண்மைகளை, பாலியல் ரீதியான உளவியல் பிரச்னைகளை சங்கோஜமின்றி, நாகரிகமாக, அவர் உரையாடும் விதம் அவரை பற்றிய இமேஜையே அடியோடு மாற்றி விட்டது. மனதுக்குப் பட்டதை வெளிப்படையாகப் பேசும் ஷகீலாவிடம், பர்சனலாக சில விஷயங்களைப் பேசினோம்....சின்ன வயசுல உங்க லட்சியம் என்னவா இருந்துச்சு? “ஸ்கூல் படிக்கும் போது, ‘உன்னோட aim என்ன?’னு டீச்சர் கேட்டாங்க. Aim அப்படின்னா என்னனு எனக்குத் தெரியல. என் பக்கத்துல இருந்தவங்கள்லாம் டாக்டர், டீச்சர்னு ஏதேதோ சொன்னாங்க. அதனால, aimனா வேலை சம்பந்தப்பட்டதுனு தெரிஞ்சிக்கிட்டேன். என்னைப் பொறுத்தவரைக்கும் அப்பா பிசினஸ் பண்ணிக்கிட்டு இருந்தார், அம்மா ஹவுஸ் ஒய்ஃப். அதனால, நான் எழுந்து ‘ஹவுஸ் ஒய்ஃப்’னு சொன்னேன். சொல்லப்போனா, எட்டாவது படிக்கிற வரைக்கும் சீக்கிரம் கல்யாணம் பண்ணிக்கணும்னுதான் நெனச்சேன். அதுக்கு அப்புறம்தான் போலீஸ்ல சேரணும்னு ஆசைப்பட்டேன். ஆசைப்பட்டேனே தவிர, நடக்காதுன்னு எனக்கே தெரியும். ஏன்னா, அதுக்கும் படிக்கணும். எனக்கும் படிப்புக்கும் தான் ஏழாம் பொருத்தமாச்சே...”.உங்க முதல் காதல்? “13 வயசுல நான் பெரிய மனுஷி ஆகும் போது, எதிர்வீட்ல இருந்த சுரேஷ் ரெட்டி மேல காதல் உண்டாச்சு. அவனை சூரினுதான் கூப்பிடுவோம். என் வீட்டு கிச்சன்ல இருந்து பார்த்தா, அவன் பெட்ரூம் தெரியும். சமோசா, லட்டு, பாதாம் மில்க் மூணும் வாங்கியாந்து தினமும் எனக்குக் குடுப்பான். அதுவும் யாருக்கும் தெரியாம மொட்டை மாடிக்கு வரச் சொல்லி குடுப்பான். நானும் எல்லாத்தையும் தின்னுட்டு வந்துடுவேன். என்னைவிட ரெண்டு மூணு வயசுதான் பெரியவன். இது ஒரு லவ். இதை லவ்னு சொல்றதானே எனக்குத் தெரியல. ஏன்னா, நாங்க ‘ஐ லவ் யூ’னு சொல்லிக்கிட்டதே கிடையாது. ஆனா, இப்போ வந்து ‘லவ் பண்றேன்’னு சொல்றான்.”.இன்னமும் அவரோட ‘டச்’ல இருக்கீங்களா? “நிச்சயமா. இப்போ அவன் பெங்களூர்ல இருக்கான். மாசத்துக்கு குறைஞ்சது மூணு முறையாவது கால் பண்ணி பேசுவான். சென்னை வரும்போதெல்லாம் என் வீட்டுக்கு வருவான். அவனுக்கு வஞ்சிரம் மீன் வறுவல், மீன் குழம்பு, உளுந்து பச்சடி பிடிக்கும். அதை சமைச்சுக் கொடுப்பேன். ‘யார் கேட்டாலும் நாந்தான் முதல் காதலன்னு சொல்லணும்’னு சொல்லிக்கிட்டே இருப்பான். போன் பேசி முடிக்கும் போதெல்லாம் ‘லவ் யூ பேபி’னு சொல்லிட்டுத்தான் போனை வைப்பான்.”கல்யாணம் பண்ணிக்கணும்னு எப்போவாச்சும் ஆசைப்பட்டுருக்கீங்களா? “லவ்ல கமிட்டாகுற ஒவ்வொரு முறையும் ஆசைப்பட்டுருக்கேன். இப்பவும் ஆசைப்படுறேன். இப்போ கடைசியா விழுந்த லவ் முடிவுக்கு வருது. அடுத்த காதலனாவது கல்யாணம் பண்ணிக்கிறானான்னு பார்க்கலாம்.”.திருநங்கைகளை மகள்களாகத் தத்தெடுப்பதற்கு என்ன காரணம்? “நான் அவங்களை தத்தெடுத்துக்கிறதுக்கு முன்னாடி, அவங்க அம்மாவா என்னைத் தத்தெடுத்துக்கிறாங்க. என்னைப் பார்த்ததுமே அம்மாவா ஃபீல் பண்ற அவங்களோட உணர்வை நான் மதிக்கிறேன். திருநங்கையா மாறுனதுக்கு அப்புறம், அவங்களோட சொந்த அம்மாவை, ‘அம்மா’னு கூப்பிடுற பாக்கியம் எத்தனை பேருக்குக் கிடைச்சிருக்குனு தெரியல. என்னை அம்மானு கூப்பிடுறது அவங்களுக்கு சந்தோஷம்னா, அதைக் கேட்கும்போது அதைவிட நான் சந்தோஷப்படுறேன். ஒருவேளை எனக்குக் குழந்தை பிறந்து, அது திருநங்கையா மாற ஆசைப்பட்டிருந்தா, இருக்குறதுலயே பெஸ்ட் ஆபரேஷன் பண்ணி பொம்மை மாதிரி மாத்தி, கல்யாணம் பண்ணி வெச்சிருப்பேன்.”காதல் - காமம் இரண்டும் ஒன்றா? வேறு வேறா? “என்னைப் பொறுத்தவரைக்கும், காதல்ங்கிறது காமத்துல ஆரம்பிச்சு, காமத்துல தான் போய் முடியுது. ஒருத்தரைப் பிடிச்சிருக்குன்னா, முதல்ல அவர்கிட்ட பேசுவோம். போன் நம்பர் வாங்கி, மணிக்கணக்கா பேசுவோம். அப்புறம் அது காதலா மாறும். கல்யாணம் பண்ணிக்கலாம்னு முடிவெடுக்குறதுக்குள்ள முத்தத்துல தொடங்கி மொத்தமாவே எல்லாம் முடிஞ்சிடும். அதுக்குப் பிறகும் சில பேர் கல்யாணம் பண்ணிக்கிறாங்க. கல்யாணமே பண்ணிக்கிட்டாலும், ஃபர்ஸ்ட் நைட்டுங்கிற இடத்துல காமம் ஆரம்பிக்குது. ரெண்டுமே ஒண்ணு இல்லாம இன்னொண்ணு இல்ல.”.உங்களை நெனச்சு நீங்களே பெருமைப்படுற விஷயம் ஏதாவது இருக்கா? “நிறைய இருக்கு. சினிமா பின்புலமே இல்லாம சினிமாவுக்கு வந்தேன். இப்போ இண்டஸ்ட்ரில என்னைத் தெரியாதுனு யாராவது சொல்றாங்கன்னா, அவங்க பொய் சொல்றாங்கனு அர்த்தம். அப்படி எல்லாருக்குமே தெரிஞ்ச ஆர்ட்டிஸ்ட்டா இருக்குறது எனக்குப் பெருமைதான். ஒரு கை கொடுக்குறது இன்னொரு கைக்குத் தெரியாதது மாதிரி சில விஷயங்கள் பண்ணிக்கிட்டு இருக்கேன். அது என் மனசுக்குத் திருப்தியா இருக்கு. அப்புறம், நான் பழிவாங்குற டைப். என்னை மாதிரி வேற யாரும் பழிவாங்க முடியாதுன்னு பெருமையா சொல்லிப்பேன்.”‘எல்லாத்தையும் விட்டுட்டு வந்துடு. உன்னை நான் பார்த்துக்கிறேன்’னு யாராச்சும் சொல்லிருக்காங்களா? “சத்தியமா இது என்கிட்ட கேட்க வேண்டிய கேள்வி. கொரோனாவுக்கு முன்னாடி ஒருத்தர் அப்படி சொன்னாரு. அவர் ரொம்ப நல்ல மனிதர். ஆந்திர மாநிலம் நெல்லூர்ல இருக்காரு. ‘இதெல்லாம் விட்டுட்டு வந்துடு. நான் பார்த்துக்கிறேன்’னு சொன்னாரு. ஆனா, அதுக்கு அவர் போட்ட கண்டிஷன்ஸ் இருக்கே... அப்பப்பா... என்னோட மொபைல் நம்பரை மாத்திடணும். என் ஃப்ரெண்ட்ஸ் யாருக்கும் புது நம்பர் கொடுக்கக் கூடாது. வாடகை வீட்லதான் என்னை வெச்சிப்பார். வீட்டு வேலைகளுக்குக்கூட ஆள் வெச்சுக்காம, எல்லாத்தையும் நாந்தான் செய்யணும். ஆனா, கல்யாணம் பண்ணிக்கிறேன்னு சொல்லல. அன்னியோட அவருக்கு பெரிய கும்பிடு போட்டுட்டு விலகிட்டேன். ஆனாலும், என்னையும் ஒருத்தர் அப்படி கேட்டாருங்கிற சந்தோஷம் எனக்கு இருக்கு. இந்த சமயத்துல அவருக்கு நன்றி சொல்லிக்கிறேன்.”.டைம் மெஷின் கிடைச்சா, வாழ்க்கையோட எந்த காலகட்டத்துக்குப் போகணும்னு நினைக்குறீங்க? “எங்கப்பா சாகுறதுக்கு முன்னாடி நான் போய், எப்படியாவது அவரைக் காப்பாத்திடணும். அவர் இறந்த ஒன்றரை வருஷம் கழிச்சுத்தான் நான் படங்கள்ல நடிக்க ஆரம்பிச்சேன். நான் சம்பாதிச்ச காசையெல்லாம் அவர்கிட்ட குடுத்து, அவரை பிசினஸ் பண்ண வெச்சிருக்கணும். அவரை சந்தோஷமா பார்த்துருக்கணும்.”- சி. காவேரி மாணிக்கம்படங்கள்: கே.கஸ்தூரிவிரிவான பேட்டிக்கு...குமுதம் டிஜிட்டலில்