கடைசியா ஒரு நல்ல படம் பண்ணணும், அதுவும் உங்க கூட பண்ணணும்! -கேட்ட உதயநிதி, நெகிழும் மாரி செல்வராஜ்

சினிமாவின் மூலம் மக்களை சிந்திக்க வைக்க வேண்டும், ஒடுக்கப்பட்ட மக்களின் உணர்வுகளைப் பேச வேண்டும் என்ற கொள்கையில் உறுதியாக இருப்பவர் இயக்குநர் மாரி செல்வராஜ். ‘பரியேறும் பெருமாள்’ என்ற தனது முதல் படத்திலேயே அதிர்வலைகளை ஏற்படுத்தியவர். ‘கர்ணன்’படம்மூலம்திரையில்ஒருபுரட்சியைஉருவாக்கியவர். இப்போது, உதயநிதிநடிக்கும்கடைசிதிரைப்படமான ’மாமன்னன்’ படத்தைஎடுத்துமுடித்திருக்கிறார். படம்விரைவில் வெளியாகவுள்ளநிலையில், வளசரவாக்கத்தில் உள்ள அவரது அலுவலகத்தில் சந்தித்தோம். எந்தப் பந்தாவும் இன்றி எளிமையும் யதார்த்தமுமாகப் பேசினார்….‘பரியேறும் பெருமாள்’ ‘கர்ணன்‘ போல இன்னும் எத்தனை கோபங்களை அடக்கி வச்சிருக்கீங்க? “கோவம் எல்லாம் இல்ல, என் வாழ்க்கையைப் பத்தி நான் வந்த பாதையைப் பத்தி யோசிச்சுகிட்டே இருக்கும்போது அதுல விடை கிடைச்சது; விடை கிடைக்காததுன்னு சில விஷயங்கள் இருக்கு. கிடைக்காத விடைகளுக்கான விவாதங்களை உருவாக்குவது, கிடைத்த விடைகளுக்கான நியாங்களை மற்றவர்களுடன் விவாதிப்பது... இப்படித்தான் போய்கிட்டிருக்கு. மத்தபடி கோவம் எல்லாம் இல்லை. (புன்னகைக்கிறார்).‘மாமன்னன்’ படமும் உண்மை சம்பவத்தை அடிப்படையா கொண்டதா? ‘மாமன்னன்’ இந்த உலகத்துக்கு என்ன சொல்ல வர்றார்? “உண்மைச் சம்பவம்னு சொல்ல முடியாது. ஆனா உண்மையான மன உணர்வுகளை அடிப்படையா கொண்டது. அது நிறைய பேருக்கு நடந்திருக்கலாம். நிறைய பேர் அதை சொல்ல முடியாம தவிச்சிகிட்டிருக்குற ஒரு விஷயம். நான் சின்ன வயசுல அதைப் பார்த்திருக்கேன், அதை அனுபவிச்சிருக்கேன். அதை சொல்லும்போது சாதாரணமா தெரியும் ஆனா, அது உருவாக்குற விளைவு ரொம்பப் பெருசா இருக்கும். அது எல்லாருக்கும் நடந்திருக்கும், அதுக்கு ஒரு களத்தை அமைச்சு அதை ஒரு விவாதமா மாத்தணும்னு நினைச்சேன். அதைத்தான் மாமன்னன் படத்துல சொல்லியிருக்கேன்.” உதயநிதி, வடிவேலு, ஃபகத் ஃபாசில், ஏ.ஆர். ரஹ்மான் என பிரம்மாண்டமாக அமைந்த இந்தக் கூட்டணிஅனுபவங்களை சொல்லுங்க? “ரொம்ப சுவாரஸ்யமா இருந்தது. உதய் சார், வடிவேலு சார், ஃபகத் ஃபாசில் சார், கீர்த்தி சுரேஷ் இவங்க எல்லாமே வெவ்வேற வகையில முக்கியமான இடத்துல இருக்குறவங்க... அந்த வகையில் கொஞ்சம் சவாலாதான் இருந்துச்சி. சவால்னு சொல்றதை விட ஒரு நல்ல அனுபவமா இருந்துச்சுன்னு சொல்லலாம். .இந்தக்கதைய எழுதும்போது இந்தக் கதாபாத்திரத்தை வடிவேலுசார் பண்ணா நல்லா இருக்கும், வடிவேலுசார் கூட ஃபகத்சார் நடிச்சா எப்படி இருக்கும்னு யோசிச்சேன். அது சாத்தியமே இல்லாத கனவு தான்னு நான் நினைச்சேன். ஆனா உதய் சார், ‘நீங்க பேசுங்க, அவங்க என்ன கேட்டாலும் நான் செஞ்சுத்தர்றேன்’னு சொன்னார். நான் அவங்க கிட்ட பேசினப்போ என் கூட வேலை செய்ய அவங்களும் ஆசைப்பட்டாங்கன்னு தெரிஞ்சுது. அதனால நான் விரும்பின எல்லாரையுமே இந்தப் படத்துல கொண்டு வர முடிஞ்சது.”. ‘இனி நடிக்கப் போறதில்லை’ன்னு அறிவிக்கறதுக்கு முன்னாடி, கடைசியாக உங்க படத்துல நடிச்சிடணும்னு உதயநிதி உறுதியா இருந்தாராமே? அதைப் பத்தி சொல்லுங்க... “ உதய் சார் ‘பரியேறும் பெருமாள்’ பார்த்தப்பவே படம் பண்ணலாம்னு கேட்டார். அப்போ நான் ’கர்ணன்’ பட வேலைகள்ல இருந்தேன். அப்புறம் நான் துருவ் விக்ரமை வச்சு ஒரு படத்தைத் தொடங்கறதுக்கு எல்லா ஏற்பாடையும் பண்ணிட்டேன். அந்த நேரத்துலதான் உதய் சார் கூப்ட்டு, ‘சார் நான் படம் பண்றதையே நிப்பாட்டிடலாம்னு இருக்கேன், கடைசியா ஒரு நல்ல படம் பண்ணணும்’ அதுவும் உங்க கூட பண்ணணும்னு ஆசைப்படறேன், பண்ணலாமா?’ன்னு கேட்டார். ஆனா அதுக்கப்புறம் கமல் சார் கேட்டாருங்கிறதுக்காக அதை கடைசிப் படமா வச்சுக்கலாமான்னு நினைச்சார். அப்புறம் என்ன நெனைச்சாருன்னு தெரியல,இதுதான் கடைசி படம்னு அறிவிச்சிட்டார்.”வடிவேலு ரீ எண்ட்ரி கொடுத்த காமெடி படம் வரவேற்பைப் பெறலை, இந்தப் படத்துலயாவது காமெடி பண்ணியிருப்பார்னு பார்த்தா, சீரியஸா தெரியறாரே? “இதுல மறைக்கறதுக்கு ஒண்ணும் இல்ல. வடிவேலு சார் நகைச்சுவை எதுவும் பண்ணலை. ஏன்னா எனக்கும் அப்படி எழுத வராது. இதுவரைக்கும் நீங்க பார்த்த வடிவேலு சார் இந்தப் படத்துல இருக்க மாட்டார். அவரிடம் பேசிய போது, ‘இந்தப் படத்துல துளி நகைச்சுவைக்கூட இல்லையா’ன்னு கேட்டார். ஆனாலும் கதையைக் கேட்டதும், ‘நானும் இப்படி ஒரு படம் பண்ணணும்னு தான் நினைக்கறேன்’னு முழு மனசோட ஒத்துக்கிட்டார்.”.’வாழை’ படம் பத்தி சொல்லுங்க, அது எப்போ வெளியாகும்? “‘மாமன்னன்’ ஜூன் மாசக் கடைசியில வெளியாகுது, ‘வாழை’ படத்தை சர்வதேச திரைப்பட விழாக்களுக்கு அனுப்பிகிட்டிருக்கேன். அதனால இந்த வருஷக் கடைசியில வெளியாகும்.”சாதிய ஒடுக்குமுறைகளையும் வலிகளையும் மட்டும்தான் எடுக்கணும்னு உறுதியா இருக்கீங்களா? வேற மாதிரி படங்களும் எடுப்பீங்களா? “அப்படி இல்ல, (உறுதியான குரலில் மறுக்கிறார்) நான் பண்றது சாதிய ஒடுக்குமுறைகளுக்கு எதிரான படங்கள்னு சொல்ல முடியாது. நான் ஒரு வாழ்க்கையை பதிவு பண்றேன், அந்த வாழ்க்கையில அது ஒரு அங்கமா இருக்கு அவ்ளோதான். நாம ஒருத்தரோட வாழ்க்கையைப் பதிவு பண்ணும்போது அதுல காதல், துரோகம், நட்பு எல்லாமே இருக்கு. ஆனா அதுல பெரிய பிரச்னையா சாதிய ஒடுக்குமுறைகள் இருக்கறதுனால எல்லா ஊடகங்களும் அதை எடுத்துகிட்டு பேசறாங்க அதனால அப்படித் தோணுது.”.நடிக்கணும்னு வந்த நீங்க, இயக்குநராயிட்டீங்க, இப்பவாவது உங்க நடிப்பு ஆசையை நிறைவேத்திக்கிற எண்ணம் இருக்கா? “நான் நடிக்கணும்னு வரலை. திரைப்படம்னாலே அதுல நடிக்கறது மட்டும்தான்னு நினைச்சுகிட்டிருந்தேன். இங்க வந்து பார்த்தப்புறம் திரையில வேற ஒரு உலகத்தை உருவாக்கணும், நிறைய கதை சொல்லணும்கிறதுலதான் எனக்கு ஈடுபாடு வந்தது. அதனாலதான் இதைத் தேர்ந்தெடுத்தேன். மத்தபடி எனக்கு நடிக்கிற எண்ணம் இல்லை.”உங்க படிப்பு, இளமைக்காலம், குடும்பம் குழந்தைகள் பத்தி தெரிஞ்சுக்கலாமா? “நான் கருங்குளம் அரசுப் பள்ளியிலதான் படிச்சேன். அது ரொம்ப சுதந்திரமான நல்ல அனுபவத்தைக் கொடுத்த பள்ளிக்கூடம். அதுக்கப்புறம் திருநெல்வேலி சட்டக் கல்லுரியில படிச்சேன். பாதியிலேயே படிப்பை விட்டுட்டு வந்துட்டேன். மனைவி திவ்யா அரசுப் பள்ளியில ஆசிரியரா இருக்கறாங்க. எங்களுக்கு ‘நாஸ்தன்கா’ன்னு ஒரு பொண்ணும், ‘யுவான்’னு ஒரு பையனும் இருக்காங்க.”

கடைசியா ஒரு நல்ல படம் பண்ணணும், அதுவும் உங்க கூட பண்ணணும்! -கேட்ட உதயநிதி, நெகிழும் மாரி செல்வராஜ்

Related Stories