எக்ஸ்குளூசிவ் பிட்ஸ்: செக்ஸ் வித் எக்ஸ்

‘எப்ப சார் மாமன்னன் 2’?பட புரமோஷனுக்கு என்னதான் ஒற்றுமையாக அலைந்தாலும் உதயநிதிக்கும் மாரி செல்வராஜுக்கும் மத்தியில் எடிட்டிங் சமயம் ஏகப்பட்ட மனத்தாங்கல்களாம். குறிப்பாக வடிவேலு, எம்.எல்.ஏ. பதவிக்கு விலைபோய் தனது சமூகத்தைச் சேர்ந்த மூன்று சிறுவர்களின் மரணத்துக்காக காலம் முழுக்க கள்ள மவுனம் காப்பது தொடர்பாக சில காட்சிகளை வைத்திருந்தாராம் மாரி செல்வராஜ். ஏற்கெனவே படத்தில் இடம்பெற்றிருக்கும் பல சம்பவங்கள் தி.மு.க.வை நேரடியாக அட்டாக் பண்ணும் நிலையில், அந்தக் காட்சிகள் இடம் பெற்றால் கட்சியின் மானம் கடுமையாகப் பாதிக்கப்படும் என்று உதய் அடம்பிடித்து அக்காட்சிகளை நீக்கச் சொன்னாராம். .உதயநிதி சொன்ன இன்னொரு திருத்தத்துக்கும், வாங்கிய பெரும் சம்பளத்துக்காகவே, வேறு வழியில்லாமல் தலையாட்டவேண்டி வந்ததாம் மாரிக்கு. கதைப்படி க்ளைமேக்ஸில் வடிவேலுவை முதல்வர் ஆசனத்தில் அமரவைத்து அழகு பார்க்கவே இயக்குநர் விரும்பினாராம். அப்படிச் செய்தால் எதிர்காலத்தில் தான் முதல்வராக அமரும்போது ’ அண்ணாச்சி மாமன்னன்ல காட்டுனது என்னாச்சி’ என்று ட்ரோல் செய்வார்கள் என்று யோசித்து, ‘சபாநாயகர் பதவியே போதுங்க…’ என்று ஒடுக்கப்பட்டாராம் இயக்குநர்.எனவே, ஆர்வக்கோளாறு மிகுதியில் அலைபாயும் மீடியா மக்களே ‘ ப்ரபா ஒயின்ஸை எப்ப திறப்பீங்க மாதிரி, எக்ஸ்கியூஸ் மி ‘மாமன்னன் 2’ இருக்கா’ன்னு மைக்கை நீட்டாதீங்க....ஏப்ரல் 14ல் ‘இந்தியன் 2’நிஜமாகவே, மெய்யாலுமே, ‘ஷ்ஷ்...அப்பாடா’ என்று தயாரிப்பு நிறுவனம் நிம்மதிப் பெருமூச்சு விடுமளவுக்கு இறுதிக்கட்ட ஷூட்டிங்கை எட்டிவிட்டது கமல், ஷங்கரின் ‘இந்தியன்2’. ஜூன் 30 தொடங்கி ஜூலை 6 வரை நடக்கும் ஒருவாரப் படப்பிடிப்போடு ஆல் இஸ் வெல்! இனி மிச்சமிருப்பது ஒரே ஒரு பாடல்காட்சி மட்டுமே. ஆந்திர மாநிலம், தலக்கோனம் அடர்ந்த வனப்பகுதியில் நடைபெறவிருக்கும் இந்த ஒருவாரப் படப்பிடிப்புக்கு சென்னையிலிருந்து தினமும் ஒரு ஹெலிகாப்டரில் பயணிக்கவிருக்கிறாராம் கமல். இதற்காகவே அந்த வனப்பகுதியில் ஒரு ஹெலிபேட் அமைக்கப்பட்டுள்ளது. காலை 6 மணிக்கு கமலை பிக் அப் பண்ணும் ஹெலிகாப்டர், படப்பிடிப்பு முடிந்ததும் தினமும் இரவு 7 மணிக்கு சென்னையில் டிராப் செய்துவிடும். இப்போதைய நிலவரப்படி படம் வரும் ஆண்டு ஏப்ரல் 14 ரிலீஸ் ஆவதற்கான அறிகுறிகள் பிரகாசமாக இருக்கின்றன என்கிறார்கள்..ஆங்கிரி ஆங்கர்‘ஆரோஹணத்தில் தொடங்கிய லக்ஷ்மி ராமகிருஷ்ணன் தனது 5 வது படமாக ‘ஆர் யூ ஓகே பேபி?’ படத்தை இயக்கி ரிலீஸுக்குத் தயாராக நிற்கிறார். ‘சொல்வதெல்லாம் உண்மை’ நிகழ்ச்சியின் ஆங்கராகவே ரொம்ப ஆங்கிரியாக இவர் நடித்திருக்கும் இப்படத்துக்கு இசை இளையராஜா. முதல் நாள் கம்போசிங்கில் பயபக்தியுடன் ராஜாவின் இருக்கைக்குப் பக்கத்தில் தரையில் அமர்ந்திருந்த படங்கள் சோஷியல் மீடியாவில் வைரலாகவே, அடுத்த சந்திப்புக்குப் போகும்போதெல்லாம் ‘நீங்க தரையில உட்காரவேண்டாம். சேர்லயே உட்காருங்க’ என்று சொன்னதை சங்கடத்துடன் பகிர்ந்துகொண்டார் என்னம்மா லக்ஷிம்மா. ‘யுத்தம் செய்’ படத்தில் மிஷ்கினின் இயக்கத்தில் முக்கிய ரோலில் நடித்த லக்ஷ்மி, பழிக்குப் பழியாக தனது ‘ஆர் யு ஓகே.பேபி’யில் மிஷ்கினை நடிக்கவைத்திருக்கிறார்..கள்ளக்காதலனாக ஒரிஜினல் காதலன் கடந்த இரு தினங்களாக ட்விட்டர் தளம் காமாக்னியால் கொழுந்துவிட்டு எரிந்துகொண்டிருக்கிறது. காரணம், விடலைப்பையன்கள் விரகதாபத்துடன் ஷேர் செய்யும் தமன்னாவின் ‘செக்ஸ் வித் எக்ஸ்’ எபிசோடின் லிப் கிஸ் காட்சிகள்தான். சுமார் 16 ஆண்டுகளில் 60க்கும் மேற்பட்ட படங்களில் நடித்திருக்கும் தமன்னா கிளாமரான காட்சிகளில் நடித்திருக்கிறாரே ஒழிய, உதட்டோடு உதடு கவ்வும் லிப்லாக் காட்சிகளில் நடித்ததில்லை. நெட்ஃபிளிக்ஸ் தயாரித்திருக்கும் இந்த ‘லஸ்ட் ஸ்டோரிஸ் பார்ட் 2’வின் ‘செக்ஸ் வித் எக்ஸ்’ எபிசோட்தான் தமன்னாவுக்கு இப்படி உதடு கடி வாங்குவதில் முதல் அனுபவம். அப்படிக் கடித்தவர் தமன்னாவின் பாய் ஃப்ரெண்ட் விஜய் வர்மாதான் என்பதால் கொஞ்சம் ஓவராகவே ஒத்துழைத்து, நம் போன்ற இளைஞர்களை பெரும் மன உளைச்சலுக்கு ஆளாக்கியிருக்கிறார் தமன்னா. - முத்துராமலிங்கன்