எக்ஸ்குளூசிவ் பிட்ஸ்: லியோ… கிரேட் எஸ்கேப் விஜய் சேதுபதி

சைதன்யா என்கிற சைத்தான்தெலுங்கில் பிசியாக நடித்துக்கொண்டு தமிழ்ப் படங்களைத் தவிர்த்து வந்த கிருத்தி ஷெட்டி, விரைவில் முழுநேர தமிழ் நடிகையாக மாறும் கட்டாயத்துக்குத் தள்ளப்பட்டிருக்கிறார். காரணம், நாகார்ஜுனாவின் வாரிசு நாக சைதன்யாவின் காதல் டார்ச்சர். ‘ஒரு வாரிசு நடிகர் நான் எங்கே போனாலும் என்னை விடாமல் துரத்துகிறார். சில நிமிடங்கள் கூட என்னால் நிம்மதியாக இருக்கமுடியவில்லை’ என்று ஒரு நிகழ்வில் கிருத்தி தனது மன உளைச்சலைக் கொட்டிவிட, அது தொடர்பான பின்னூட்டங்கள் சோஷியல் மீடியாவில் பற்றி எரிந்தன. பிறகு என்னவிதமான பிரஷ்ஷர் வந்ததோ தெரியவில்லை, தனது செய்திக்கு தானே மறுப்பு வெளியிடும் நெருக்கடிக்கு தள்ளப்பட்டார்.இந்நிலையில் தனது நெருங்கிய நட்பு வட்டாரம் கொடுத்த ஆலோசனையின்பேரில், ஏற்கெனவே ஒப்பந்தமாகியுள்ள மூன்று தெலுங்குப் படங்களை முடித்துக்கொடுத்துவிட்டு, அடுத்த ஆண்டு முதல் முழுநேர தமிழ் நடிகை ஆக முடிவெடுத்திருக்கிறாராம் கிருத்தி.காதல் ஒரு சைத்தான்யா...அது ஃப்ளைட் பிடிச்சி சென்னைக்கும் வரும்!.கார் தருவோம்... சேர் தரமாட்டோம்!முதல் மூன்று நாட்கள் வசூலுக்குப் பிறகு ‘மாமன்னன்’ தியேட்டர்களில் காற்று வாங்க ஆரம்பித்த நிலையில், அந்தப் படம் தொடர்பான சர்ச்சைகள் மட்டும் கொஞ்சமும் ஓய்ந்தபாடில்லை. விளம்பர ஷெட்யூல் பிரகாரம் மினி கூப்பர் கார் அன்பளிப்புக்குப் பிறகு, ஏ.ஆர்.ரஹ்மானைச் சந்தித்த உதயநிதி, கீர்த்தி சுரேஷ், மாரி செல்வராஜ் ஆகியோர் அடுத்து வடிவேலுவை சந்தித்து பரஸ்பரம் தங்களைத்தாங்களே பாராட்டிக்கொண் டனர். என்ன காரணத்தாலோ வடிவேலு மீட்டிங்கில் கீர்த்தி ஆப்சென்ட்.இந்த வடிவேலு சந்திப்பின்போது உதயநிதியும் அவரது ரெட்ஜெயண்ட் மேலாளர் செண்பகமூர்த்தியும் ஹாயாக ஷோபாவில் அமர்ந்திருக்க, மாரி செல்வராஜ் ஒரு பிளாஸ்டிக் சேரில் அமர வைக்கப்பட்டிருக்கிறார். இது போதாதா சோஷியல் மீடியா போராளிகளுக்கு? ‘உனக்கு கார் கூட தருவோம். ஆனா சரிக்கு சமமா உட்கார சேர் தரமாட்டோம் என்று சொல்லாமல் சொல்கிறார்களோ?’ என்று கமென்ட் போட்டு வருகிறார்கள்.கன்டென்ட் கொடுத்துட்டே இருக்கீங்களே சாமி..!.தங்கியவர்களால் கடுப்பான தங்கலான்சினிமாவில் சம்பாதிக்கிற காசில் உதவியாளர்களுக்கு நல்ல சம்பளம் கூட கொடுக்க மனசில்லாதவர்கள் மத்தியில் இயக்குநர் பா.இரஞ்சித் அவரது படங்களைப் போலவே தரமான ரகம். உதவி இயக்குநர்கள் படிக்க ’கூகை’ நூலகம், பொருளாதாரரீதியாக வருவாய் ஈட்டித்தராத இலக்கிய மாத இதழ் ‘நீலம்’, டிசம்பர் மாதங்களில் தலித் கலைஞர்களின் ‘மார்கழியில் மக்கள் இசை’ எனும் நிகழ்ச்சிகள், இன்னும் சில இளைஞர்களுக்கு சுய தொழில் செய்ய உதவி என்று அவர் தனது வருவாயின் ஒரு பகுதியை மனதார செலவு செய்பவர்.இதே நோக்கத்தில் அவர் சென்னை, எக்மோர் பகுதியில் இலக்கியக் கூட்டங்கள், சிறிய அளவிலான இசை நிகழ்ச்சிகள் நடத்த ‘நீலம் பப்ளிகேஷன்ஸ்’ ஒன்றைத் தொடங்கி, அந்த அலுவலகத்தில் சிலர் தங்கிக்கொள்ளவும் அனுமதித்திருந்தார். இங்கேதான் ஒரு சிக்கல். அப்படி தங்க அனுமதிக்கப்பட்டவர்களில் சிலர், இரவில் கலையை ஓவராக வளர்க்கும் மிதப்பில் கண்ட கண்ட போதை சமாச்சாரங்களை ஏற்றிக்கொண்டு, அருகில் இருப்பவர்கள் அலறித்துடிக்கும் அளவுக்கு, சங்கீதக் கூத்தடிக்க ஆரம்பித்தார்களாம். அத்தகவல் ஓரிரு வாரங்களில் பா.இரஞ்சித்தை அடைய, கடுமையாக எச்சரித்த அவர், போதைப்பார்ட்டிகளை வெளியேற்றி, ‘இனி இங்கு தங்குபவர்கள் ஒழுக்கமாக இருப்பதாக இருந்தால் மட்டுமே தங்கலாம்’ என்று கறார் காட்டியிருக்கிறாராம்.தங்கலானை கொதிகலன் ஆக்காதீங்க பாஸ்!.தில்லானா தில்லானா தித்திக்கும் மடோனா‘லியோ’வில் அவர் நடிக்கிறார், இவர் நடிக்கிறார் என்று ஜாக்கி சான், மெல் கிப்ஷன், டாம் ஹேங்ஸ் தவிர மற்ற எல்லாரையும் இணைத்துவிட்டார்கள். இந்த லிஸ்டில் கடைசியாக வந்து சேர்ந்திருப்பவர் பிரபல இந்தி இயக்குநரும் நடிகருமான அனுராக் காஷ்யப். ஆக்சுவலாக இந்த கேரக்டரில் விஜய் சேதுபதியை எப்படியாவது நடிக்கவைத்துவிடலாம் என்ற முடிவில்தான் அக்காட்சிகளை பெண்டிங்கில் வைத்துக்கொண்டே வந்தாராம் லோகேஷ் கனகராஜ். ஆனால், எஸ்.ஜே.சூர்யா, கவுதம் மேனன் ,சஞ்சய் தத் தொடங்கி கடமுடா வில்லன்களுக்கு மத்தியில் நான் என்ன செய்தாலும் எடுபடாது. அதுவும் போக ரெண்டே ஸீன்தான் இருக்கு. வேண்டாமே’ என்று செல்லமாக எஸ்கேப் ஆனாராம் வி.சே. ஆனால், இப்படத்தின் முழு ஸ்க்ரிப்ட்டும் தெரிந்தவர் என்கிற வகையில், த்ரிஷா, மிஷ்கின் தொடங்கி நடிகை மடோனா செபாஸ்டின் வரை ‘லியோ’வுக்கு பலரையும் சஜஸ்ட் செய்தவரே விஜய் சேதுபதிதான் என்றும் அதிலும் மடோனா ‘லியோ’ படப்பிடிப்புக்கு வந்தபோதெல்லாம் வி.சே. தனது காரில் கொண்டுவந்துதான் ஷூட்டிங் ஸ்பாட்டில் டிராப் பண்ணினார் என்றும் கிசுகிசுக்கிறார்கள் படக்குழுவினர்.’காதலும் கடந்துபோகும்’ டைம்ல பிக் அப் பண்ணுனது... இன்னும் டிராப் பண்ணாம இருக்கார் போல!