கடவுள் அமைத்து வைத்த மேடை!பாடகர்கள் ரேஷ்மி, வினோத் புதிய முயற்சி!

கிரங்கடிக்கும் குரலுக்கு சொந்தக்காரர் பாடகி ரேஷ்மி. அவர் தன் நண்பர் வினோத் உடன் இணைந்து ஆட்டிசத்தால் பாதிக்கப்பட்ட குழந்தைகள், பார்வை குறைபாடுள்ள மாற்றுத்திறனாளி பெண்கள் என ஏழு பேரை வைத்து ‘சமக்ரதா’ என்ற ஆர்கெஸ்ட்ராவைத் தொடங்கியிருக்கிறார்.‘கடவுள் அமைத்து வைத்த மேடை‘ என்ற தலைப்பில் தி.நகர் வாணி மஹாலில் அண்மையில் நடந்த இந்த நிகழ்ச்சியில் எஸ்.பி.பி. சரணுக்கே சவால் விடும் வகையில் கார்த்திக், சப்னா, ஜோதி, தேஜு, அஷ்வத், பிரேம், சஹானா ஆகிய ஏழு பேரும் டூயட் பாடியது பார்வையாளர்களிடையே பெரும் வரவேற்பைப் பெற்றது. இந்த நிகழ்ச்சியை ஒருங்கிணைத்து சிறப்பாக நடத்திய பாடகர்கள் ரேஷ்மி, வினோத் ஆகியோரை சந்தித்துப் பேசினோம்…வினோத் உங்களைப் பத்தி தெரிஞ்சுக்கலாமா?“ இஞ்சினியர் பை எஜுகேஷன், சிங்கர் பை பேஷன், இதுதான்என்னைப்பத்தின ஒன் லைன். 1998 - ல ராஜா சார் பாடல்களக்கு கோரஸ் பாடற வாய்ப்புக் கிடைச்சது. 96 - லேர்ந்து 2002 வரைக்கும் ராஜா சார் கூடவேதான் டிராவல் பண்ணேன். எம்.எஸ்.வி. சார், வித்யாசாகர் சார் போல ஆல்மோஸ்ட் ஆல் டாப் மியூசிக் டைரக்டர்ஸ்கிட்டயும் பாடியிருக்கேன். ஜேசுதாஸ் சார்கூட கச்சேரியில நிறைய சோலோ சாங் பாடியிருக்கேன். சிங்கர் சுஜாதா என்னோட சொந்த தாய் மாமா பொண்ணு. ஸீ டி.வியில வர்ற ‘சரிகமப’.ங்கிற சங்கீத நிகழ்ச்சியில பர்மனன்ட் ஜூரியா இருக்கேன். ”ரேஷ்மி நீங்க பாடினதுலயே உங்களுக்கு ரொம்பப் புடிச்ச பாடல்கள்என்னென்ன? “நான் பாடின எல்லா பாடல்களுமே எனக்கு ரொம்பப் புடிச்சதுதான்.இருந்தாலும் நான் பாடினதுலயே நிறைய பேருக்குப் புடிச்சது,‘ஆட்டோகிராஃப்’ படத்துல வந்த ’மனசுக்குள்ளே தாகம் வந்துச்சா’ பாடலும், ஜே.ஜே’ படத்துல வந்த ‘உன்னை நினைக்கவே நொடிகள் போதுமே’ பாடலும் தான்.”.ஊரடங்கு சமயத்துல ஆன்லைன்ல இசைக் கச்சேரி நடத்தி எவ்வளவு நிதி திரட்டினீங்க ரேஷ்மி? அதை எப்படி பயன்படுத்தினீங்க? “ என் பேரோட முதல் இரண்டு எழுத்துகளையும்,ரேஷ்மி பேரோட முதல் மூணு எழுத்துக்களையும் சேர்த்து வைரஸ்-கிற ப்ராண்டை க்ரியேட் பண்ணோம். ஆரம்பத்துல ஒண்ணு ரண்டு சிங்கர்களை வச்சு, சில வாரங்களுக்கு மட்டும்தான் அந்த நிகழ்ச்சியை நடத்தத் திட்டமிட்டோம். வந்த பணத்துல வறுமையில வாடின நிறை இசைக் கலைஞர்களுக்கு ஆளுக்கு 1,500 ரூபாய் கொடுத்தோம். மளிகை பொருட்களை வாங்கிக் கொடுத்தோம். மெடிக்கல் எமர்ஜென்சிக்கு பணம் கொடுத்தோம். ஒன்னு ரெண்டு மாசம் நடத்தலாம்னு தொடங்கினநிகழ்ச்சி வாரத்துக்கு நாலு நாள் பண்ணியும் 26 மாசத்துக்கு கண்ட்டினிவ் ஆச்சு. அந்த 26 மாசத்துல மொத்தம் 26 லட்ச ரூபாய் நிதி கிடைச்சது. அதை வச்சு 289 இசைக்கலைஞர்கள் குடும்பத்துக்கு உதவி செஞ்சோம்.” மாற்றுத் திறனாளி பிள்ளைகளுக்கென்றே பிரத்யேக இசைக் கச்சேரியை நடத்தும் எண்ணம் எப்படி வந்தது வினோத்?“நாங்க ஆன்லைன் இசை நிகழ்ச்சி நடத்தறதைக் கேள்விப்பட்டு, மஸ்கட்ல ஸ்பெஷல் சில்ரன்காகவே ஒரு இன்ஸ்டிடியூஷனை நடத்தற காயத்ரி நரசிம்மன், ஆட்டிஸ குழந்தைகள் கலந்துகிட்ட மியூசிக் காம்படிஷனுக்கு எங்களை ஜட்ஜா கூப்டாங்க. அந்த நிகழ்ச்சியில இந்தக் குழந்தைங்களோட டேலண்ட்டை நாங்க பார்த்து அசந்து போயிட்டோம். அதுக்கப்புறம் கோவையில சிறப்புக் குழந்தைகளுக்காகவே ஒரு பள்ளிக்கூடத்தை நடத்தற காயத்ரி சம்பத், தன் பள்ளிக் குழந்தைங்களோட இசை நிகழ்ச்சிக்கு எங்களை சிறப்பு விருந்தினரா கூப்ட்டிருந்தாங்க. அங்க இருந்த பிள்ளைகளோட திறமை எங்களை என்னவோ பண்ணுச்சு. அதன் விளைவுதான் இந்தக் குழு.”.வினோத், எதுக்காக இப்படி ஒரு இசை நிகழ்ச்சிய நடத்தினீங்க, அதை எப்படி வெற்றிகரமா நடத்த முடிஞ்சது? “ஆட்டிஸத்தால் பாதிக்கப்பட்ட, பாடும் திறமையுள்ள குழந்தைகளின் பேரண்ட்ஸ் எப்படியெல்லாம் கஷ்ட்ப்படறாங்கன்னு யோசிச்சுப் பார்தோம்.அவங்க காலத்துக்கு அப்புறம் அந்தக் குழந்தைகளையார் பார்த்துக்குவாங்க அப்படீங்கிற கேள்வியும் வந்தது. அதுக்கு ஒரே வழி மற்ற பாடகர்கள்போல அவங்களையும் சமமா நடத்தணும், அவங்களுக்கு வாய்ப்புக் கொடுக்கறதோட அதுக்கு சன்மானமும் கொடுக்கணும். பெரிய பெரிய இசைக்கலைஞர்கள் வாசிப்புல அவங்களையும் பாட வைக்கணும். இந்த மூன்று விஷங்களுக்காகதான் இந்த நிகழ்ச்சியை நடத்தினோம்.அதுக்காக தான் இந்த ஆர்கெஸ்ட்ராவுக்கு ‘சமக்ரதா’ (Inclusiveness) -னு பேரு வச்சோம்.”ரேஷ்மி, கச்சேரி பண்ணதுக்காக சன்மானம் கொடுத்தப்போ அந்தப் பிள்ளைகள், அவங்க பெற்றோர் எப்படி ஃபீல் பண்ணாங்க? “அவ்ளோ பெரிய ஸ்டேஜ்ல, பெரிய பெரிய மியூஸீஷியன்ஸ் வாசிக்க எஸ்.பி.பி. சரண் கூட டூயட் பாடினதே அவங்களுக்கு அவ்ளோ சந்தோஷமா இருந்தது. பாடினதுக்கான சன்மானத்தை கொடுத்தப்போ அவங்களுக்கு ரொம்ப ரொம்ப சந்தோஷம். அவங்கள்லயே ஒரு பெண் ரொம்ப வறுமை நிலையில இருக்காங்கன்னு புரிஞ்சுகிட்டு அந்தப்பொண்ணுக்கு இன்னொரு பொண்ணோட அப்பா டிரஸ் வாங்கிக் கொடுத்திருக்கார். இப்போ நாங்க கொடுத்த சன்மானத்துலயும் ஆளுக்கு கொஞ்சம் ஷேர் பண்ணி அந்தப் பொண்ணுக்கு கொடுத்தப்போ, எங்களுக்கும் நெகிழ்ச்சியா இருந்தது.” - வாசுகி ராஜா

கடவுள் அமைத்து வைத்த மேடை!பாடகர்கள் ரேஷ்மி, வினோத் புதிய முயற்சி!

Related Stories