Email
Password:
Remember Me  
Forgot Password   New Registration
About us | Register | Plan Details |Font Help| Feedback| Ad Tariff | Faq | Site Map|RSSimageRss  
News Headline
Dotcom Special
    Weekly Horoscope
மேஷம் முதல் மீனம் வரை 12 ராசிகளுக்கான ஒருவார பலன்கள்.
21-06-2017 முதல் 27-06-2017 வரை
 மேஷம்
(அசுவினி, பரணி, கிருத்திகை முதல் பாதம் வரை)

குடும்பம்:
மேஷ ராசி அன்பர்களுக்கு ஆரோக்கியத்தில் ஏற்பட்டு வந்த குறைபாடுகள் படிப்படியாகக் குணமாகும். மருந்து, மாத்திரைகளைச் சரியான நேரத்திற்குத் தவறாமல் எடுத்துக்கொள்வது அவசியம். பொருளாதார நிலையில் வளர்ச்சியைக் காணமுடியும். அது மனதிற்கு உற்சாகத்தைத் தரும். செலவுகள் கட்டுக்கடங்கியிருக்கும். திருமண முயற்சிகள் கைகூடும். வாகனம் ஓட்டிச் செல்பவர்கள் தலைக்கவசம் அணிந்து செல்வது நல்லது. எதிலும் அலட்சியப் போக்கு வேண்டாம்.

உத்தியோகம்:
வேலை மாற்றம் வேண்டுவோர் அதற்கான முயற்சிகளில் துணிந்து இறங்கலாம். அதனால் வெற்றி கிடைக்கும். பணிபுரிந்து வரும் இடத்தில் ஊழியர்கள் யாரேனும் சிரமப்பட்டுக்கொண்டிருந்தால் அவர்களுக்கு உதவி செய்ய முன்வருவீர்கள்.

தொழில்:
இரும்புத் தொழில் செய்து வருபவர்கள் மிகவும் கவனமாக இருந்து வரவேண்டிய தருணமிது. ஏனெனில் சிறுசிறு விபத்துகள் ஏற்பட சாத்தியக்கூறு உள்ளது.

வியாபாரம்:
விற்பனை நல்லபடி இருக்கும். வருமானம் திருப்தி தரும். புதிய முயற்சிகளில் ஈடுபட்டு அதனால் லாபத்தை எதிர்பார்க்க முடியும். கொடுக்கல்-வாங்கல் சுமுகமாக நடைபெற்றுவரும்.

பெண்மணிகள்:
பெண்மணிகளுக்கு திருப்திகரமான வாரமிது. வேலைக்குச் சென்றுவரும் பெண்களுக்கு அலுவலகத்தில் மனநிம்மதி இருக்கும்.

அறிவுரை:
எவரையும் எளிதில் நம்பிவிட வேண்டாம்.

அனுகூல தினங்கள்: ஜூன் : 21, 22, 23, 27
பிரதிகூல தினங்கள்: ஜூன் : 24, 25, 26

அதிர்ஷ்ட எண்கள்: 5, 6
 ரிஷபம்
(கிருத்திகை 2_ம் பாதம் முதல், ரோகிணி, மிருகசீரிஷம் 2_ம் பாதம் வரை)

குடும்பம்:
ரிஷப ராசி அன்பர்கள் வாழ்க்கையில் இதுவரை காணாத உயர்வை காணப் போகிறீர்கள். அதனால் சந்தோஷத்திற்குக் குறைவிராது. நிதிநிலைமையில் முன்னேற்றத்தைக் காணலாம். கண் அறுவை சிகிச்சை மேற்கொண்டிருந்தால் அதில் இப்போது நல்ல முன்னேற்றம் தென்படும். உற்றார், உறவினர்களுடனான உறவு வலுப்பெறும். தாயாரின் உடல்நலனில் கவனத்தைச் செலுத்தி வருவது நல்லது. சிறு உபாதையானாலும் மருத்துவரிடம் அழைத்துச் செல்லுங்கள். திருமண வயதில் பெண்ணோ அல்லது பிள்ளையோ இருப்பின் அவர்களுக்கான வரன் தேடும் முயற்சிகளை மேற்கொள்ளலாம். நீதிமன்ற வழக்குகள் தங்களுக்குச் சாதகமாக மாறும்.

உத்தியோகம்:
வேலை பார்த்துவரும் இடத்தில் சக ஊழியர்களுடன் சேர்ந்து விருந்து, விழாக்களுக்குச் சென்று வருவீர்கள். அதனால் பணம் விரயமாகும். ஆடம்பரச் செலவுகளைத் தவிர்த்திடுங்கள்.

தொழில்:
தொழில் ரீதியான வெளிநாட்டுப் பயணமொன்றை மேற்கொள்ள வேண்டும் என நினைத்திருப்பீர்கள். அதில் சில தடைகள் ஏற்படக்கூடும்.

வியாபாரம்:
வியாபாரம் நல்லபடி நடக்கும். வருமானம் திருப்தி தரும். வாடிக்கையாளர்களைத் திருப்திபடுத்த வேண்டுமென்பற்காக அதிக அளவில் செலவுகள் செய்து பொருட்களை வாங்கவேண்டிய சூழல் உருவாகும்.

பெண்மணிகள்:
குடும்ப நிர்வாகத்தைக் கவனித்துவரும் பெண்மணிகளுக்கு ஆதாயமான வாரமிது என்றே சொல்லவேண்டும். வேலைக்குச் சென்றுவரும் பெண்களுக்கும் மகிழ்ச்சிகரமான வாரம்.

அறிவுரை:
சேமிப்பதற்கு சிறிது முயற்சியுங்கள்.

அனுகூல தினங்கள்: ஜூன் : 21, 22, 23, 24
பிரதிகூல தினங்கள்: ஜூன் : 25, 26, 27

அதிர்ஷ்ட எண்கள்: 1, 2
 மிதுனம்
(மிருகசீரிஷம் 3_ம் பாதம் முதல், திருவாதிரை, புனர்பூசம் 3_ம் பாதம் வரை)

குடும்பம்:
மிதுன ராசி அன்பர்கள் முன்னேற்றத்தை எதிர்பார்க்க மேலும் சிறிது காலம் காத்திருக்க வேண்டும். எனவே பொறுமையாக இருந்து வாருங்கள். நிரந்தர நோயினால் அவதிப்பட்டு வந்தவர்களுக்கு அந்நிலை மாறி நல்ல குணமேற்படும். வருமானம் சுமாராக இருக்கும். இத்தருணத்தில் செலவுகள் அதிகரிப்பது மனவருத்தத்தை அதிகரிக்கும். புதிய வீடு வாங்கும் திட்டமிருப்பின் சற்று தீர ஆராய்ந்து பார்த்து பின்பு வாங்கவும். திருமணமான பெண்மணிகள் சிலருக்கு குழந்தைப் பாக்கியம் கிடைக்கக்கூடும்.

உத்தியோகம்:
புதிய வேலைக்கு விண்ணப்பித்து காத்திருக்கும் அன்பர்களுக்கு அதற்கான முயற்சிகளில் தடைகள் ஏற்பட்டாலும் இறுதியில் தங்களுக்கு அது கிடைத்துவிடும்.

தொழில்:
தொழில்துறையினருக்கு நிலுவையிலுள்ள பாக்கிப் பணம் இப்போது வசூலாவதற்கு வாய்ப்புள்ளது. தொழிலை விரிவுபடுத்துவதற்காகக் கடன் வாங்குவதைத் தவிர்ப்பது நல்லது.

வியாபாரம்:
விற்பனை சுமாராக இருக்கும். என்றாலும் வருமானம் பாதிக்கப்படுவதற்கு வாய்ப்பில்லை. தாங்களே எதிர்பாராத வகையில் இவ்வாரம் நீங்கள் சில உதவிகளைப் பெறமுடியும்.

பெண்மணிகள்:
பெண்மணிகளுக்கு அதிருப்தியான வாரமிது. வேலைக்கு விண்ணப்பித்திருக்கும் பெண்கள் அவசரப்பட வேண்டாம்.

அறிவுரை:
கவனச் சிதறல் ஏற்படாமல் பார்த்துக்கொள்ளுங்கள்.

அனுகூல தினங்கள்: ஜூன் : 24, 25, 26, 27
பிரதிகூல தினங்கள்: ஜூன் : 21, 22, 23

அதிர்ஷ்ட எண்கள்: 7, 9
 கடகம்
(புனர்பூசம் 4_ம் பாதம் முதல், பூசம், ஆயில்யம் வரை)

குடும்பம்:
குடும்பத்தில் பிரச்சினைகள் ஏற்பட்டாலும் அது பெரிய அளவில் பாதிப்பை ஏற்படுத்தாது. இருப்பினும் கூடியவரை வீண் விவாதங்களைத் தவிர்ப்பது நல்லது. வருமானம் ஓரளவு திருப்தி தரும். செலவுகள் ஏற்பட்டாலும் தங்களால் அதைச் சமாளித்துவிட முடியும். விருந்து, விழாக்களில் தங்கள் உற்றார், உறவினர்களைச் சந்தித்து மகிழ்வீர்கள். கடக ராசி அன்பர்கள் சிலர் தங்களின் பிரார்த்தனையை நிறைவேற்றுவதற்காகத் திருக்கோயில்களுக்குச் சென்று வருவீர்கள். திருமண வயதிலுள்ள கடக ராசி அன்பர்களுக்கான வரன் தேடும் முயற்சிகளில் இவ்வாரம் இறங்குவதன் மூலம் நல்ல வரன் அமையக்கூடும்.

உத்தியோகம்:
வேலைக்குச் சென்றுவரும் அன்பர்களுக்கு கிடைக்க வேண்டிய சலுகைகள் கிடைப்பதில் தடங்கலும், தாமதமும் ஏற்படக்கூடும். சக ஊழியர்களினாலும் இவ்வாரம் சில பிரச்சினைகள் ஏற்பட வாய்ப்புள்ளது. கவனம் தேவை.

தொழில்:
தொழில்துறையினருக்கு மனநிம்மதி குறைந்த வாரமாக இது இருக்கும். காரணம், அரசு உயரதிகாரிகளினால் கொடுக்கப்படும் அழுத்தமே ஆகும்.

வியாபாரம்:
விற்பனையை அதிகரிக்க வேண்டுமென்பதற்காகப் பாடுபட்டு உழைத்து வருவீர்கள். அந்த உழைப்பு வெற்றியைத் தேடித்தரும். என்றாலும் பொறுமை காக்க வேண்டியது அவசியம்.

பெண்மணிகள்:
குடும்ப நிர்வாகத்தை ஏற்றுள்ள பெண்மணிகளுக்கு பிரச்சினையில்லாத வாரமிது. வேலை பார்த்துவரும் பெண்கள் அலுவலகத்தில் பொறுமையைக் கடைப்பிடித்து வரவும்.

அறிவுரை:
பேசும்போது கவனம் தேவை.

அனுகூல தினங்கள்: ஜூன் : 24, 25, 26
பிரதிகூல தினங்கள்: ஜூன் : 21, 22, 23, 27

அதிர்ஷ்ட எண்கள்: 4, 5
 சிம்மம்
(மகம், பூரம், உத்திரம் முதல் பாதம் வரை)

குடும்பம்:
குடும்பத்தில் பணவரவு சுமாராகத்தான் இருக்கும். செலவுகள் இவ்வாரம் அதிகரிக்கும். என்றாலும் அதைச் சமாளித்துவிடுவீர்கள். குடும்பத்திலுள்ள அனைவர்களிடமும் அனுசரணையாக நடந்துகொள்வீர்கள். சிம்ம ராசி அன்பர்கள் சிலர் தங்களின் பழைய வாகனத்தைக் கொடுத்துவிட்டு புதிய வாகனம் வாங்குவதற்கான முயற்சிகளில் ஈடுபடுவீர்கள். அதில் சிறுசிறு தடங்கல்கள் ஏற்பட்டு பின்பு சரியாகும். ஆரோக்கியம் அபிவிருத்தியடையும். மனைவியின் உடல்நலன் பாதிக்கப்படக்கூடும். எனவே கவனம் தேவை. திருமணத்திற்காக வரன் தேடிக்கொண்டிருப்பவர்களுக்கு நல்ல வரன் அமையும். நீதிமன்றத்தில் தங்கள் மீது வழக்குகள் ஏதாவது இருப்பின் அதில் சாதகமான போக்கு தென்படும்.

உத்தியோகம்:
வேலை பார்த்துவரும் அன்பர்களுக்கு கிடைக்கவேண்டிய ஊதிய உயர்வு ஒன்று கிடைப்பதில் தாமதம் ஏற்பட்டாலும் இறுதியில் தங்களுக்கு அது கிடைத்துவிடும். கவலைப்படாதீர்கள்.

தொழில்:
தொழிலை விரிவுபடுத்துவதற்கான முயற்சிகளில் சிலர் ஈடுபட்டிருப்பீர்கள். நிதிநிறுவனங்களிடமிருந்து எதிர்பார்த்திருந்த உதவி கிடைப்பதில் தடங்கலும், தாமதமும் ஏற்படக்கூடும்.

வியாபாரம்:
போட்டிகளைச் சமாளிப்பதற்காகப் பாடுபட்டு உழைக்க வேண்டியிருக்கும். புதிய முயற்சிகளில்கால் பதிக்கும்போது அதிக கவனம் தேவை.

பெண்மணிகள்:
குடும்ப நிர்வாகத்தைக் கவனித்துவரும் பெண்மணிகளுக்கு அதிர்ஷ்டகரமான வாரமிது. வேலைக்குச் சென்றுவரும் பெண்களுக்கு சுமாரான வாரம்.

அறிவுரை:
பொறுமை, நிதானம் தேவை.

அனுகூல தினங்கள்: ஜூன் : 21, 22, 23
பிரதிகூல தினங்கள்: ஜூன் : 24, 25, 26, 27

அதிர்ஷ்ட எண்கள்: 3, 6
 கன்னி
(உத்திரம் 2_ம் பாதம் முதல் அஸ்தம், சித்திரை 2_ம் பாதம் வரை)

குடும்பம்:
பொருளாதார நிலை நல்லபடி இருக்கும். இருப்பினும் உடல்நலன் பாதிக்கப்பட்டு அதனால் மருத்துவச் செலவுகள் ஏற்பட வாய்ப்புள்ளது. குடும்ப ரீதியாகவோ அல்லது தொழில் சம்பந்தமாகவோ முக்கிய முடிவுகள் எடுக்கும்போது அதிக கவனம் தேவை. கன்னி ராசி அன்பர்கள் இவ்வாரம் புண்ணிய காரியங்களை மேற்கொள்வீர்கள். திருமண வயதில் பெண் அல்லது பிள்ளை இருப்பின் அவர்களுக்கான வரன் தேடும் முயற்சிகளை மேற்கொள்ளலாம். அதில் வெற்றி கிட்டும். நீதிமன்ற வழக்குகளில் முன்னேற்றத்தை எதிர்பார்க்க முடியாது.

உத்தியோகம்:
வேலைக்குச் சென்றுவரும் அன்பர்களுக்கு அலுவலகத்தில் கடின உழைப்பு ஏற்பட்டாலும் அதற்கேற்ற முன்னேற்றம் இருப்பதால் நிம்மதியான வாரமிது.

தொழில்:
தொழில்துறையினர் இவ்வாரம் பாடுபட்டு உழைக்க வேண்டியிருக்கும். மற்றபடி பிரச்சினை எதுவும் ஏற்படுவதற்கில்லை. ஏற்றுமதி-இறக்குமதித் தொழில் சிறப்பாக நடைபெற்று வரும்.

வியாபாரம்:
வியாபாரத்தை விரிவுபடுத்துவதற்காக பணத்தை அதிக அளவில் செலவு செய்யவேண்டாம். ஏனெனில் எதிர்பார்த்த அளவிற்கு லாபம் இருக்குமா என்றால் சந்தேகம்தான்.

பெண்மணிகள்:
குடும்பத்தை நிர்வகிக்கும் பெண்களுக்கு சுமாரான வாரமே. வேலைக்குச் சென்றுவரும் பெண்கள் அலுவலகத்தில் 'தானுண்டு; தன் வேலையுண்டு' என்றிருப்பது நல்லது.

அறிவுரை:
ஆரோக்கியத்தில் கவனம் தேவை.

அனுகூல தினங்கள்: ஜூன் : 22, 23, 24
பிரதிகூல தினங்கள்: ஜூன் : 21, 25, 26, 27

அதிர்ஷ்ட எண்கள்: 1, 3
 துலாம்
(சித்திரை 3_ம் பாதம் முதல் சுவாதி, விசாகம் 3_ம் பாதம் வரை)

குடும்பம்:
துலா ராசி அன்பர்கள் இவ்வாரம் சற்று பொறுமையாக இருந்து வருவது நல்லது. அவசரப்பட்டு முடிவுகள் எதையும் எடுக்கவேண்டாம். நிதிநிலைமை நல்லபடி இருக்கும். திருமணத்திற்கான வரன் தேடும் முயற்சிகளை வாரத்தின் பிற்பகுதியில் மேற்கொள்ளலாம். வெளியிடங்களுக்குச் செல்லும்போதோ அல்லது பயணம் மேற்கொள்ளும்போதோ தங்கள் பணம் மற்றும் உடைமைகளைப் பத்திரமாய் பார்த்துக்கொள்ளவும். ஏனெனில் களவுபோக வாய்ப்புள்ளது. நீதிமன்ற வழக்குகளில் முன்னேற்றம் ஏற்படும்.

உத்தியோகம்:
வேலைக்குச் சென்றுவரும் அன்பர்கள் அலுவலகத்தில் 'தானுண்டு; தன் வேலையுண்டு' என்றிருந்து வருவது நல்லது. மேலதிகாரியிடமோ அல்லது சக ஊழியர்களிடமோ கோபப்பட்டுப் பேசவேண்டாம்.

தொழில்:
சக பாகஸ்தர்களுடன் பிரச்சினைகள் ஏற்படக்கூடும். கூடியவரை வீண் விவாதங்களில் ஈடுபடாமலிருப்பது நல்லது. எதிர்பார்த்திருந்த இடத்திலிருந்து பணஉதவி கிடைப்பதில் தாமதம் ஏற்படுவதால் தாங்கள் திட்டம் போட்டு வைத்திருந்த வேலைகளில் தொய்வுநிலை காணப்படும்.

வியாபாரம்:
கொடுக்கல்-வாங்கலில் ஈடுபடுவதைத் தவிர்ப்பது நல்லது. ஏனெனில் பிரச்சினைகள் ஏற்பட வாய்ப்புள்ளது. புதிய முயற்சிகளிலும் இவ்வாரம் ஈடுபட வேண்டாம்.

பெண்மணிகள்:
அக்கம்பக்கத்தினருடன் சண்டை சச்சரவுகள் ஏற்பட வாய்ப்புள்ளது. கவனம் தேவை. வேலை பார்த்துவரும் பெண்களும் அலுவலகத்தில் முன்னேற்றத்தை எதிர்பார்க்க முடியாது.

அறிவுரை:
பயணம் மேற்கொள்ளும்போது கூடுதல் கவனம் தேவை.

அனுகூல தினங்கள்: ஜூன் : 24, 25, 26
பிரதிகூல தினங்கள்: ஜூன் : 21, 22, 23, 27

அதிர்ஷ்ட எண்கள்: 2, 5
 விருச்சிகம்
(விசாகம் 4_ம் பாதம் முதல் அனுஷம், கேட்டை வரை)

குடும்பம்:
விருச்சிக ராசி அன்பர்கள் பிறரிடம் கோபப்பட்டுப் பேசுவதைத் தவிர்த்திடுங்கள். குடும்ப ரீதியாக முக்கிய முடிவுகள் எதையும் எடுக்கமுடியாமல் சிரமப்படுவீர்கள். காரணம், தேவையற்ற கோபமும், மனக் குழப்பமுமே ஆகும். குடும்பத்தில் பணவரவிற்குக் குறைவிராது. அதனால் செலவுகள் ஏற்பட்டாலும் அதைச் சமாளித்துவிடுவீர்கள். புதிய வாகனம் வாங்கும் எண்ணத்தை இவ்வாரம் சற்று தள்ளிப் போடவும். பழைய கடன்கள் இருப்பின் அவற்றை சிறுகச் சிறுக அடைத்து விடுவீர்கள். திருமண முயற்சிகள் கைகூடும். பெரியோர் ஆசியும், மகான்களின் தரிசனமும் கிட்டும்.

உத்தியோகம்:
வேலை பார்த்துவரும் இடத்தில் சக ஊழியர்களுடன் மோதல் போக்கு ஏற்படக்கூடும். தாங்கள் தவறே செய்யவில்லை என்றாலும் விட்டுக்கொடுத்து போவது தங்களுக்கு நன்மையை அளிக்கும்.

தொழில்:
தொழில் ரீதியான முக்கிய முடிவுகள் எடுக்கும்போது அதிஜாக்கிரதையாக இருந்து வருவது அவசியம். ஏனெனில் சில தருணங்களில் அவசர முடிவுகள் பாதிப்பை ஏற்படுத்தக்கூடும்.

வியாபாரம்:
வியாபாரிகள் சற்று கவனமாக இருந்துவர வேண்டிய தருணமிது. மக்கள் கூட்டம் அதிகம் இருக்கும் தருணத்தில் பொருட்கள்மீது அதிக கவனத்தைச் செலுத்த வேண்டியது அவசியம்.

பெண்மணிகள்:
பணவரவு நல்லபடி இருப்பதால் பெண்மணிகளுக்கு குடும்ப நிர்வாகம் செய்வதில் பிரச்சினைகள் ஏற்படாது. வேலைக்குச் சென்றுவரும் பெண்களுக்கு பொறுமை மிகவும் அவசியம்.

அறிவுரை:
ஆலய தரிசனம் மனதினை ஒருநிலைப்படுத்தும்.

அனுகூல தினங்கள்: ஜூன் : 21, 26, 27
பிரதிகூல தினங்கள்: ஜூன் : 22, 23, 24, 25

அதிர்ஷ்ட எண்கள்: 6, 7
 தனுசு
(மூலம், பூராடம், உத்திராடம் 1_ம் பாதம் வரை)

குடும்பம்:
பொருளாதார நிலையில் முன்னேற்றம் ஏற்படக்கூடும். இதுநாள் வரை ஏற்பட்டு வந்த செலவுகள் அனைத்தும் இனி குறைய ஆரம்பிக்கும். குடும்பச் சூழ்நிலையும் மனநிறைவைத் தரும். சகோதரர் அல்லது சகோதரிகளுடனான மனக் கசப்புகள் நீங்கி, உறவு வலுப்பெறும். அது தங்களுக்கு திருப்தியை அளிக்கும். தனுசு ராசி அன்பர்கள் சிலர் புனித யாத்திரையை மேற்கொள்வீர்கள். திருமண வயதிலுள்ள தனுசு ராசி அன்பர்களுக்கான வரன் தேடும் முயற்சிகளில் தடைகள் ஏற்பட்டாலும் பின்பு சரியாகிவிடும். அதனால் கவலைப்பட வேண்டாம். ஆரோக்கியம் நல்லபடி இருக்கும்.

உத்தியோகம்:
வேலை பார்த்துவரும் அன்பர்கள் சிறு ஊதிய உயர்வு ஒன்றை இந்த வாரத்தில் எதிர்பார்க்கலாம். வேலைப்பளுவினால் இருந்துவந்த மனஅழுத்தம் இவ்வாரம் குறையும். புதிய வேலைக்கு விண்ணப்பித்து காத்திருக்கும் அன்பர்களுக்கு வேலை கிடைக்கும்.

தொழில்:
ஏற்றுமதி-இறக்குமதித் தொழில் செய்து வருபவர்களுக்கு அனுகூலமான வாரமிது. எதிர்பார்த்த முன்னேற்றம் இருப்பது மனநிறைவை அளிக்கும்.

வியாபாரம்:
போட்டிகள் இருக்கும். இருப்பினும் அதை எளிதில் சமாளித்துவிடுவீர்கள். சக வியாபாரிகளுடன் மோதல் போக்கு ஏற்படுவதால் மனச் சங்கடம் ஏற்படக்கூடும்.

பெண்மணிகள்:
பெண்மணிகளுக்கு பிரச்சினையில்லாத வாரமிது. வேலை பார்த்துவரும் பெண்களுக்கு சக ஊழியர்களின் உதவி கிடைப்பது மனநிறைவைத் தரும்.

அறிவுரை:
சேமிப்பிற்கு முயற்சியுங்கள்.

அனுகூல தினங்கள்: ஜூன் : 21, 22, 23, 24
பிரதிகூல தினங்கள்: ஜூன் : 25, 26, 27

அதிர்ஷ்ட எண்கள்: 2, 4
 மகரம்
(உத்திராடம் 2_ம் பாதம் முதல், திருவோணம், அவிட்டம் 2_ம் பாதம் வரை)

குடும்பம்:
பணவரவிற்குக் குறையிராது. என்றாலும் எதிர்பாராத திடீர்ச் செலவுகள் ஏற்படக்கூடும். இருப்பினும் அதைச் சமாளித்துவிடுவீர்கள். குடும்பத்தில் அவ்வப்போது பிரச்சினைகள் உண்டாகும். கூடியவரை விட்டுக்கொடுத்து நடந்துகொள்வது நல்லது. குடும்ப உறுப்பினர்களுடன் விருந்து, கேளிக்கை போன்றவற்றிற்குச் செல்லலாம் என திட்டம் போட்டு வைத்திருப்பீர்கள். கடைசி நேரத்தில், ஏதோ காரணத்தினால் அதில் நீங்கள் கலந்துகொள்ள முடியாதபடி சூழ்நிலை நிலவும். மனைவியின் உடல்நலன் பாதிக்கப்படக்கூடும். எனவே கவனம் தேவை. புதிய ஆடை, ஆபரணம் வாங்குவதற்கு சிறந்த வாய்ப்புள்ளது.

உத்தியோகம்:
வேலையிலிருந்து ஓய்வு பெற்றவர்களுக்கு நிலுவையிலுள்ள பாக்கிப் பணம் கிடைப்பதற்கு மேலும் சிறிது காலம் பிடிக்கும். எப்படியும் அது கிடைத்துவிடும். அதற்காக வருந்தவேண்டாம்.

தொழில்:
தொழில் ரீதியான வெளிநாட்டுப் பயண மொன்றை மேற்கொள்வீர்கள். அதனால் நன்மை ஏற்படும். சக பாகஸ்தர்களுடன் பிரச்சினைகள் ஏற்பட்டிருந்தால் இப்போது சரியாகி நல்லிணக்கம் உண்டாகும்.

வியாபாரம்:
விற்பனை அதிகரித்து காணப்படும். லாபமும் திருப்தி தரும். கொடுக்கல்-வாங்கல் சுமுகமாக நடைபெற்று வருவதால் கவலையில்லாத வாரமிது உங்களுக்கு.

பெண்மணிகள்:
குடும்ப நிர்வாகத்தை ஏற்றுள்ள பெண்மணிகளுக்கு மனஉளைச்சல் இருக்கக்கூடும். பணிக்குச்சென்றுவரும் பெண்களுக்கு கவலையில்லாத வாரமிது.

அறிவுரை:
ஆடம்பரச் செலவுகள் செய்ய வேண்டாம்.

அனுகூல தினங்கள்: ஜூன் : 21, 22, 23, 24
பிரதிகூல தினங்கள்: ஜூன் : 25, 26, 27

அதிர்ஷ்ட எண்கள்: 3, 6
 கும்பம்
(அவிட்டம் 3_ம் பாதம் முதல், சதயம், பூரட்டாதி 3_ம் பாதம் வரை)

குடும்பம்:
கும்ப ராசி அன்பர்கள் பணம் மற்றும் உடைமைகளைப் பத்திரமாகப் பார்த்துக்கொள்வது அவசியம். நிதிநிலையில் மாற்றம் இருக்காது. செலவுகள் அனைத்தும் கட்டுக்கடங்கியிருக்கும். இந்த ராசி அன்பர்கள் சிலர் தங்களது பிரார்த்தனையை நிறைவேற்றுவதற்காகத் திருக்கோயிலுக்குச் சென்று வருவீர்கள். திருமண வயதில் பெண் அல்லது பிள்ளையிருப்பின் அவர்களுக்கான வரன் தேடும் படலத்தில் இறங்குவதன் மூலம் நல்ல வரன் அமையக்கூடும். வாகனம் ஓட்டிச் செல்லும்போது கைபேசியை உபயோகிக்காதீர்கள். எதிலும் அலட்சியம் வேண்டாம்.

உத்தியோகம்:
மேலதிகாரியிடம் நற்பெயர் கிடைக்கும். அதன் காரணமாக பதவி உயர்வு, சிறிய அளவில் ஊதிய உயர்வு போன்றவற்றை எதிர்பார்க்கலாம். சக ஊழியர்கள் தங்களுக்கு ஆதரவாக இருந்து வருவார்கள்.

தொழில்:
தொழில்துறையினருக்கு நன்மையளிக்கக்கூடிய வாரமாக இது அமையும். காரணம், எதிர்பார்த்த உற்பத்தியும், வருமானமும் இருப்பதனால். புதிய விஸ்தரிப்புத் திட்டங்களில் ஈடுபடுவதனால் சிறந்த முன்னேற்றம் காத்துள்ளது.

வியாபாரம்:
விற்பனை நல்லபடி இருக்கும். வருமானம் திருப்தி தரும். வியாபாரிகளுக்கு நிலுவையிலிருந்த பாக்கிப்பணம் இப்போது வசூலாவதற்கு சிறந்த வாய்ப்புள்ளது.

பெண்மணிகள்:
பொருளாதார நிலை ஓரளவே திருப்திகரமாக இருப்பதால் சிறுசிறு பிரச்சினைகள் ஏற்பட்டு விலகும். உத்தியோகத்திற்குச் சென்றுவரும் பெண்களுக்கு எவ்வித கஷ்டமும் இராது.

அறிவுரை:
வீண் வாக்குவாதங்களில் ஈடுபடாமலிருப்பது நல்லது.

அனுகூல தினங்கள்: ஜூன் : 24, 25, 26, 27
பிரதிகூல தினங்கள்: ஜூன் : 21, 22, 23

அதிர்ஷ்ட எண்கள்: 1, 9
 மீனம்
(பூரட்டாதி 4_ம் பாதம் முதல், உத்திரட்டாதி, ரேவதி வரை)

குடும்பம்:
பொருளாதார சூழ்நிலை திருப்திகரமாக இருக்கும். என்றாலும் தேவையற்ற வீண் செலவுகளும் ஏற்படும். மீன ராசியில் பிறந்துள்ளவர்களுக்கு வரன் தேடும் முயற்சிகளில் இந்த வாரம் தாராளமாக இறங்கலாம். உடல்நலனில் எவ்வித பிரச்சினையும் இராது. என்றாலும் தாயின் ஆரோக்கியத்தில் சற்று எச்சரிக்கையாக இருப்பது அவசியம். வெளியூரிலிருந்து வரும் உறவினர் ஒருவரால் சிறு உதவிகள் கிடைக்கக்கூடும். அது மனதிற்கு மகிழ்ச்சியை உண்டாக்கும். நீதிமன்றத்தில் வழக்குகள் ஏதாவது இருப்பின், அது 'உள்ளது உள்ளபடியே' என்ற நிலையில் இருக்கும்.

உத்தியோகம்:
உயரதிகாரிகளின் பாராட்டுதல்கள் கிடைக்கும். என்றாலும் சக ஊழியர்களிடம் சற்று எச்சரிக்கையாக இருப்பது அவசியம். ஊதிய உயர்வு கிடைப்பதற்கும் வாய்ப்புள்ளது.

தொழில்:
வருமானம் உற்சாகத்தை அளிக்கும். புதிய முயற்சிகளில் இந்த வாரம் இறங்கினால் அனுகூலமாக அமையும். ஆயினும் சக கூட்டாளிகளுடன் சற்று அனுசரணையாக நடந்துகொள்வது நல்லது.

வியாபாரம்:
விற்பனை நல்லபடி இருக்கும். வங்கியிடமிருந்து வரவேண்டிய கடனுதவிகள் இந்த வாரம் வந்து சேரும். புதிதாக வியாபாரம் தொடங்க முயற்சிப்பவர்கள் அதனைச் சற்று தள்ளிப்போடுவது நல்லது. பழைய கடன்கள் ஏதாவது இருப்பின், அதில் ஒரு பகுதி இந்த வாரம் அடைபடும்.

பெண்மணிகள்:
குடும்ப நிர்வாகத்தைக் கவனிக்கும் பெண்களுக்கு மகிழ்ச்சியான வாரமிது. வேலைக்குச் சென்றுவரும் பெண்களுக்கும் அனுகூலமான வாரமாக இருக்கும்.

அறிவுரை:
வீண்செலவுகளைக் குறைத்துக்கொள்வது அவசியம்.

அனுகூல தினங்கள்: ஜூன் : 24, 25, 26, 27
பிரதிகூல தினங்கள்: ஜூன் : 21, 22, 23

அதிர்ஷ்ட எண்கள்: 2, 7

RSS Movies Shop

This website can secure your private information using a SSL Certificate. Information exchanged with any address beginning with https is encrypted using SSL before transmission.


About us | Register | Font Help | Feedback | Ad Tariff | Faq | Site Map
Copyright © 2010 Noble Broadcasting Corporation Private Limited . Allrights reserved.
Best view under 1024x764 Resoultion.

Error. Page cannot be displayed. Please contact your service provider for more details. (17)