‘‘யு.கே.ஜி. குழந்தைக்கு உக்ரைன் பற்றி என்னடீ தெரியும்? ரஷ்ய அதிபருக்கே இன்னும் சரியாத் தெரியல.’’

‘‘குழந்தைக்கு ஒரு சர்டிபிகேட் கொடுப்பாங்க. ஸ்கூல் டாப்பரா இருந்தா மெடல் கொடுப்பாங்க.’’

‘‘ஸ்கூல் டாப்பர்னு எப்படிக் கண்டுபிடிப்பாங்க?’’

‘‘ ‘பா பா ப்ளாக் ஷீப்’ நர்சரி ரைமை பே பேன்னு அழாமச் சொன்னா ஸ்கூல் டாப்பர். குழந்தைக்கு கிராஜுவேஷன் டிரெஸ் வாங்கணும், மணல் கலர்ல!’’

‘‘வால் வெச்ச சதுரத் தொப்பியும் இருக்குமே?’’

‘‘ஆமா... இன்னும் மூணு நாள்ல ஸ்கூல்ல டிரெஸ் ரிகர்சல் இருக்கு.’’

‘‘முதல் நாள் ராத்திரி ஜானவாசம் எல்லாம் உண்டா?’’

‘‘விழா அன்னிக்கு கால் மணி நேரம் முன்னால சீட்ல போய் உக்காந்துடணும்.’’

‘‘கால் மணி முன்னாலயா? நானெல்லாம் அந்தக் காலத்துல பெல் அடிச்சு, கால் மணி நேரம் கழிச்சுதான் ஸ்கூலுக்கே போவேன்.’’

‘‘போட்டோ ஷூட் வேற ஏற்பாடு செஞ்சிருக்கு.’’

‘‘கிராஜுவேஷன் விழாலயா?’’

‘‘அன்னிக்கு மட்டும் இல்லேம்மா. முதல் நாள் முட்டுக்காடு ஏரில ப்ரீ கிராஜுவேஷன் போட்டோ ஷூட்கூட இருக்கு. வேன் ஏற்கெனவே ஏற்பாடு பண்ணிட்டாங்க.’’

‘‘வேன்தானா? கேரவன் ஏற்பாடு செய்யலாமே!’’

‘‘அந்தக் குழந்தையோட சித்தி கிராஜுவேஷன் செரிமனிக்கு ஜெர்மானிலேருந்து வர்றாங்க.’’

‘‘சூப்பர்!’’

‘‘சித்தி குழந்தையோட கிராஜுவேஷன் செரிமனிக்கு காஞ்சனா ஜெர்மனி போகப் போறா!’’

‘‘ஓ... பரஸ்பர பட்டமளிப்பு விஜயம்!’’

கிராஜுவேஷன் செரிமனி நாளும் வந்தது.

‘‘பேபி ப்ரீத்தி...’’ என்று மேடைக்கு அழைத்தார் பிரின்ஸிபால். போட்டோ எடுக்க செல்போனை தயார் நிலையில் வைத்திருந்தாள் காஞ்சனா.

மேடையில் ஏறிய பேபி ப்ரீத்தி, பிரகாசமான விளக்கு ஒளியைப் பார்த்ததும் ‘பே’ என்று பெரிய குரலில் அழ ஆரம்பித்து, வேகமாக மேடையைவிட்டு ஓடினாள்.

(அரட்டைதொடரும்)

பெண்கள் பகுதி: கிராம தெய்வம் சிறப்புக் கோலங்கள்!