அன்று சொன்னவை: மகான்களின் பொன்மொழிகள்

தொகுப்பு: சுவாமி கமலாத்மானந்தர்இறைவன்வேடன் மானைக் காட்டி மானைப் பிடிக்கிறான். அதுபோல், இறைவன் நம்மைப்போல் மனித உடல் எடுத்து வந்து, நம்மை வசப்படுத்துவான். அதை உணர்வதே வழிபாடாகும். - ஞானரத்னாவளிஆத்மா அழிவற்றது. நிலையானது. உடலோ மின்னலைக் காட்டிலும் நிலையற்றது. இவ்வாறு உள்ள நிலைமையில் இறைவனை நினைத்து பயனுடைய வாழ்க்கை வாழ்ந்துகொண்டே இருங்கள். - நம்மாழ்வார்உலகம், உயிர்கள், இருபத்து நான்கு தத்துவங்கள் போன்றவை எல்லாமே இறைவன் இருப்பதால்தான் இருக்கின்றன. இறைவனை எடுத்துவிட்டால் அவை எதுவும் இருக்காது. ஒன்றுக்குப் பக்கத்தில் பூஜ்யங்கள் போடுகின்ற அளவுக்கு அவற்றின் மதிப்பு அதிகமாகிறது. ஆனால் அந்த ஒன்று என்ற எண்ணை நீக்கிவிட்டால், வெறும் பூஜ்யங்கள் எத்தனை போட்டாலும் அவற்றுக்கு எந்த மதிப்பும் கிடையாது. - பகவான் ஸ்ரீ ராமகிருஷ்ணர் இறைவனின் இயல்பு குழந்தையின் இயல்பு போன்றது. கெஞ்சிக் கேட்கும் சிலருக்கு இறைவன் அருள் கிடைப்பதில்லை. கேட்காதவர்களை நாடிச் சென்று சில சமயங்களில் இறைவன் அருள் செய்கிறான்.- அன்னை ஸ்ரீ சாரதாதேவியார்.நாம் செம்பினாலும், மரத்தினாலும், கல்லினாலும் இறைவன் - இறைவி விக்ரகங்கள் செய்து தெய்வமாக வணங்குகிறோம். நம் உள்ளத்தில் உறையும் இறைவனையே நாம் அந்த விக்ரகங்களின் மூலம் உணர்கிறோம்.- மந்திராலயம் ஸ்ரீ குருராகவேந்திரர்ஒன்றானவனாகவும், பிரிக்க முடியாதவனாகவும், சாந்தஸ்வரூபியாகவும், உலகில் உள்ள எல்லாவற்றையும் ஆனந்தமயமாகச் செய்பவனாகவும், அன்புமயமாக இருப்பவனுமாகிய இறைவனின் திருப்பாதங்களைத் தொடுங்கள்!- மகான் கபீர்தாசர்கடலில் இருக்கும் மீன் நீரை நாடி எங்கும் போக வேண்டியதில்லை. அதன் உள்ளும் புறமும் நீரே நிறைந்திருக்கிறது. இது போலவே இறைவன் நம் உள்ளத்தில் நீக்கமற நிறைந்திருக்கிறார். அவர் சாந்நித்தியத்தை உணர்வதே நல்ல அர்ச்சனையாகும். -ஒளவையார்கருணைமயமான ஸ்ரீ ஹரி எல்லோருக்கும் எப்போதும் நன்மையே செய்கிறார். அவர் திருவடியை அடைந்தவர்களிடத்தில் பாவம் தங்குவதில்லை. பஞ்சுப்பொதியில் நெருப்புப் பட்டவுடன் அது எரிந்து சாம்பலாகிவிடுகிறது. அதேபோல் எல்லாப் பாவங்களும் பொசுங்கிவிடுகின்றன.- மகான்களுடைய சீரிய உபதேசம்பார்ப்பவனுக்கு மேல் நின்று பார்ப்பவனாகவும், நினைப்பவனுக்குப் பின்னின்று நினைப்பவனாகவும், தாங்குபவனுக்கு மேல் நின்று தாங்குபவனாகவும், பரமாத்மா என்று கூறப்படுபவனாகவும் இந்த உடலில் உறைகின்ற பரம புருஷன் விளங்குகிறான். -பகவான் ஸ்ரீ கிருஷ்ணன்

அன்று சொன்னவை: மகான்களின் பொன்மொழிகள்

Related Stories