என் கேள்விக்கு என்ன பதில்?... முளைப்பாரிக்கு முக்கியத்துவம் ஏன்?

சிதிலமடைந்த கோயில்களுக்குச் சென்று சாமி கும்பிடலாமா?- த. சத்தியநாராயணன், அயன்புரம்.கோயில் சிதிலமடைந்து இருந்தாலும், உள்ளே சுவாமிக்கு பூஜைகள் நடந்துவந்தால், நாம் கண்டிப்பாகச் சென்று தரிசிக்கலாம். அதோடு, அந்தக் கோயிலின் திருப்பணிக்கு அவரவரால் இயன்றதைச் செய்வதும் அவசியம். இதனால் நம்முடைய சந்ததிக்கே புண்ணியம் சேரும். பூஜையறையின் கதவில் மணிகள் வைப்பது சரியா?- வசந்தா மாரிமுத்து, சிட்லபாக்கம்.பூஜையறையில் கதவுகளில் மணிகளைப் பொருத்துவது சரியே! ஏனென்றால், சுவாமிக்கு பூஜை செய்வதற்காக காலையில் அந்தக் கதவுகளைத் திறக்கும்போது எழக்கூடிய அந்த மணிகளின் ஓசை ஒரு சுப்ரபாதமாகவே ஒலிக்கிறது எனச் சொல்லலாம். மணி ஓசை கேட்கும் இடத்தில் தீய அதிர்வுகள் இருக்காது. நல்ல அதிர்வுகள் நிறையும் என்பதால் நல்லதே நடக்கும். இதுவும் நன்மையே. தலைக்கு எண்ணெய் தேய்த்துக் குளிப்பதை எந்த நாட்களில் தவிர்க்க வேண்டும்?- டி.எஸ்.என், சென்னை. தலைக்கு எண்ணெய் தேய்த்துக்கொள்வதை ஆண்கள் புதன், சனிக்கிழமைகளில் செய்யவேண்டும். அதேசமயம் அந்த நாட்களில் அமாவாசை, ஏகாதசி, துவாதசி வந்தால் தவிர்க்கவேண்டும். பெண்கள், செவ்வாய், வெள்ளிக் கிழமைகளில் தைல ஸ்நானம், அதாவது எண்ணெய் தேய்த்துக் கொள்ளலாம். அவர்களும் அமாவாசை, ஏகாதசி, துவாதசி தவிர்க்க வேண்டும்..தீட்சை, திருமணம், கோயில் திருவிழா போன்ற நிகழ்வுகளில் ‘முளைப்பாரி’க்கு முக்கியத்துவம் கொடுப்பது ஏன்?- கே. பிரபாவதி, மேலகிருஷ்ணன்புதூர்.முளைப்பாரி என்பது, பஞ்சபாலிகை எனப்படும். அதாவது பிரம்மா, இந்த்ரன், வருணன், சோமன், யமன் என்ற ஐந்து தேவதைகளை ஆவாஹனம் செய்து, நவதானியங்களை ஊறவைத்து, ஔஷதி மந்திரங்களை ஜபித்துத் தெளிக்கப்படுவது. அவை செழித்து வளர்வதுபோல இதுபோன்ற நற்காரியங்களும் தொடர்ச்சியாக வளர்ந்து வரும் எங்கும் நன்மைகிட்டும் என்பது தாத்பர்யம். அதனால்தான் முளைப்பாரிக்கு நல்ல காரியங்களில் முக்கியத்துவம் தரப்படுகிறது.சனிக்கிழமை நீராடுவது சிறப்பானது என்று சொல்லப்படுவது ஏன்?- எஸ். நாராயணன், சென்னை.சனிக்கிழமைகள், சனிபகவானின் ஆதிக்கத்துக்கு உரிய நாட்கள். சனைச்சரனுக்கு உரிய தானியம் எள்ளு. எள்ளில் இருந்து எடுக்கப்படும் எண்ணெய், நல்லெண்ணெய். எனவேதான் சனிக்கிழமைகளில் நல்லெண்ணெய் தேய்த்துக்குளிப்பது, எள்ளுசாதம் நிவேதனம் செய்வது இவையெல்லாம் சிறந்ததாகச் சொல்லப்பட்டுள்ளது. - மோகன் குருஜி

என் கேள்விக்கு என்ன பதில்?... முளைப்பாரிக்கு முக்கியத்துவம் ஏன்?

Related Stories