அன்று சொன்னவை: மகான்களின் பொன்மொழிகள்

தொகுப்பு: சுவாமி கமலாத்மானந்தர்இறைவன்எந்த மனிதனிடம் சத்தியம், சாந்தம், புலனடக்கம், தைரியம், உறுதி, சோம்பலின்மை, ஆசையின்மை, சமபுத்தி போன்ற குணங்கள் இருக்கின்றனவோ, அவனிடம் அகில உலகமும் நிலைபெற்றுவிட்டன. அவன் உடலில் இறைவன் கோயில் கொண்டிருக்கிறார். - பத்ம புராணம்மக்கள் துன்பம் தலைக்கு மேல் வந்தால் இறைவனை நினைக்கிறார்கள். செல்வம் வந்து நிலைமாறினால் அவர்கள் இறைவனை மறந்துவிடுகிறார்கள். மனிதன் எப்பொழுதும் ஒரே நெறியிலிருந்தால் என்ன குறைந்துவிடும்? மனிதன் இப்படித் திடீரென மாறுவதற்கு காரணம் யார் செய்த பாவமோ தெரியவில்லை.- யோகி வேமன்னா.இறைவன் பரிபூரணமானவன்; ஆனந்தமயமானவன்; நற்குணங்கள் அனைத்திற்கும் கொள்கலனாக இருப்பவன்; தீமைக்கு எதிர்மறை; உலகத்தை ஆக்கிக் காத்து, நீக்கும் அலகிலா விளையாட்டுடையவன்; மற்றைய எல்லாப் பொருள்களிலிருந்தும் வேறுபட்டவன்; தன் இச்சையினால், தான் எண்ணியவற்றைச் செயலாற்றுபவன்; கருணைக் கடல். - ஸ்ரீ ராமானுஜர்உலகம், உயிர்கள், இருபத்து நான்கு தத்துவங்கள் போன்றவை எல்லாமே இறைவன் இருப்பதால்தான் இருக்கின்றன. இறைவனை எடுத்துவிட்டால் அவை எதுவும் இருக்காது. ஒன்றுக்குப் பக்கத்தில் பூஜ்யங்கள் போடுகின்ற அளவுக்கு அவற்றின் மதிப்பு அதிகமாகிறது. ஆனால் அந்த ஒன்று என்ற எண்ணை நீக்கிவிட்டால், வெறும் பூஜ்யங்கள் எத்தனை போட்டாலும் அவற்றுக்கு எந்த மதிப்பும் கிடையாது. - பகவான் ஸ்ரீ ராமகிருஷ்ணர்இறைவனின் திருவடி மலர்கள் வாக்கினால் புகழ்வதற்கும், மனதினால் நினைப்பதற்கும் எட்டாத அரிய பொருள். அது இடைவிடாமல் நினைக்கும் மெய்த்தொண்டர்களின் பழவினைகளை அகற்றி பேரானந்தத் தேனைப் பொழிகின்றன; மெய்யடியார்களைப் பிறவிக்கடலிலிருந்து சிறந்த நெறியாகிய முக்தி கரைக்கு ஏற்றுவிக்கும் தோணியாகிறது. மனதில் நினைக்க நினைக்க இனிக்கும் தன்மை உடையன. - குமரகுருபரர்இன்றைய காலகட்டத்தில் பிறர் பொருள்களை அபகரித்து பணக்காரராகி விடுகிறார்கள். அந்தப் பணத்தில் கோயிலுக்குத் தானம் செய்கிறார்கள். பெற்ற தாயே தன் மகனின் திருட்டுப் பணத்தில் உண்பதை விரும்பாதபோது, அதை எல்லாம்வல்ல இறைவன் விரும்புவாரா? விரும்பவே மாட்டார். ‘எங்கோ இருக்கும் இறைவனுக்கு நம் திருட்டுத்தனம் தெரியுமா?’ என்று பலர் நினைப்பது முட்டாள்தனம். ஏழையின் வியர்வைத் துளியைத் தங்கக்காசாக நினைக்கும் இறைவன், ‘பணக்காரனின் திருட்டுப் பணமான ஒரு கோடியை செல்லாக் காசாகத்தான் நினைப்பார்’ என்பதை மறந்துவிடாதீர்கள்.- ஸ்ரீ மத்வாச்சாரியார் (துவைதம்)நீங்கள் பரம்பொருள். நீங்கள் பரமஒளி வடிவமாக இருக்கிறீர்கள். மங்களமானவற்றுள் மிக்க மங்களமானவர் நீங்கள். எண்ணற்ற நற்குணங்களை நீங்கள் கொண்டிருக்கிறீர்கள். எல்லா மந்திரங்களுக்குள்ளும் மறைவான உட்பொருளாக இருக்கிறீர்கள்.நீங்கள் அனைத்தையும் தாங்குபவர். எல்லா உயிர்களுக்கும் உயிராய் இருப்பவர். நீங்கள் பாதுகாப்பவர். இன்பத்திற்கும் உறைவிடமாக இருக்கிறீர்கள். நீங்கள் கர்த்தாவாகவும், நித்தியராகவும், படைப்பவராகவும், பகைவரை நித்தியமாக வெல்பவராகவும் இருக்கிறீர்கள்.நீங்கள் பக்தர்களிடம் நன்றி உடையவர். பக்தர்களுக்கு வரம் அளிக்கிறீர்கள். நீங்கள் மெய்ப்பொருளாகவும், புகழாகவும், நல்லவர்கள்மீது தாயன்பு உடையவர்களாகவும், எல்லையற்ற பிறவிகளிலிருந்து கரையேற்றுபவராகவும், அறிய இயலாதவராகவும், எல்லா உயிர்களின் நலத்திலும் ஈடுபட்டவராகவும் இருக்கிறீர்கள். - ஸ்கந்தபுராணம்

அன்று சொன்னவை: மகான்களின் பொன்மொழிகள்

Related Stories