கிராம தேவதை வழிபாடு!

கிராம தெய்வங்கள் ரம்மியமான கிராமியச் சூழலில் வாழும் மக்கள் தங்களுக்கும், தாங்கள் வசிக்கும் இடத்துக்கும் எவ்வித இடைஞ்சலும், ஆபத்தும் நேராமல் இருக்கவும்; ஒருவேளை அதை எதிர்கொள்ளவிருந்தால், அவற்றை ஊருக்கு எல்லையிலேயே தடுத்து விரட்டவும் ஆற்றல் வாய்ந்த தெய்வங்களை ஆலயங்களில் நிறுவி வழிபடும் வழக்கம் காலம்காலமாய் நிலவி வருகிறது.சில ஊர்களில், பக்திமானாக விளங்கி சித்தியடைந்தவர், இளம்வயதில் இறைவனடி சேர்ந்த தெய்வாம்சம் பொருந்திய பெண் ஆகியோரது ஆவி உடனிருந்து ஊரைக் காக்கும் என நம்பினர். இதனால்தான் கிராம மக்கள் சுடுமண்ணாலான ஆண், பெண் தெய்வங்கள் மற்றும் மிருகங்களின் உருவச் சிலைகளை ஊரின் எல்லையில் நிர்மாணித்தனர். அவற்றில் நல்ல ஆவிகள் குடியிருந்து ஊரை அழிவிலிருந்து காக்கும் எனவும் நம்பினர்.சில சிலைகள் மிரட்டும் பாணியில் கைகளில் கதை, தடி, கத்தி, அரிவாள், கோடாலி, சாட்டை ஆகியவற்றை ஏந்தியவண்ணம் பார்க்கவே பயங்கரமானதாகத் தோற்றமளிக்கும் பெரிய குதிரைகளைப் பக்கத்தில் இருத்தியவாறு காணப்படும். குதிரைகள் இயற்கையாகவே கெட்ட ஆவிகளின் நடமாட்டத்தை உணரக்கூடிய சக்தி பெற்றவையாதலால் அவைகளையும் ஆராதிக்கின்றனர். .சென்னை புரசைவாக்கம் அருகே குயப்பேட்டை ஸ்ரீஆதிமொட்டையம்மன் கோயில், மயிலை முண்டகக்கண்ணி அம்மன், கோலவிழி அம்மன், வடசென்னை தம்புசெட்டி சாலையிலுள்ள காளிகாம்பாள் கோயில் ஆகிய அனைத்தும், முன்காலத்தில் கிராம தேவதைகளாக இருந்து, பின்னர் பிரதான ஆலயங்களாக வளர்ச்சியடைந்தவை. இதுபோலவே, புனேநகரின் கஸ்பா கணபதி, மும்பையின் மும்பாதேவி, மே.வங்கத்தின் தர்மதாக்கூர், பாட்னாவின் படான்தேவி ஆகியோர் காவல் தெய்வங்களாக விளங்குகின்றனர். மகாபாரதம், ராமாயணம் வாயிலாக இந்திரபிரஸ்தத்தின் காலபைரவர், இலங்காபுரியின் இலங்காலட்சுமி அப்பிரதேசங்களின் எல்லைச்சாமிகளாகத் திகழ்ந்தனர் என்றும் அறிகிறோம்.கிருதயுகத்தில் பிரகலாதனாக அவதாரம் செய்தபோது மாஞ்சாலம்மன்தான் அவ னுக்குக் குலதெய்வமாக விளங்கினார். அதனால் மாஞ்சாலம்மனுக்கு தனிச்சன்னதியில் சிலை அமைத்து பிரதிஷ்டை செய்தார் பிரகலாதனின் அம்சமாகத் திகழ்ந்த ஸ்ரீராகவேந்திரர். அனைத்து ராகவேந்திரர் பக்தர்களும் மாஞ்சாலம்மனை நினைத்து பிரார்த்தித்த பிறகுதான் குரு ஸ்ரீராகவேந்திரரை வணங்குகிறார்கள்.தென்னகத்தில் சிருங்கேரி பீடத்தை ஸ்தாபனம் செய்த ஆதிசங்கரர், சிருங்கேரி கிராமத்துக்குக் காவல் தேவதைகளாக காலபைரவர், அனுமன், காளிகாம்பாள் ஆகிய தேவதைகளை பிரதிஷ்டை செய்து, அவர்களுக்கான வழிபாட்டு நியமங்களையும் அமைத்துக் கொடுத்தார்.தமிழகக் கிராமங்களில் முக்கிய கிராமதேவதைகளாக ஐயனார், குதிரைவீரன், கருப்பசாமி, காட்டேரி அம்மன், பச்சையம்மன், எல்லையம்மன், பேச்சியம்மன், அக்னிவீரபத்திரர், நாகப்பசாமி, சன்னாசி, லாடசன்னாசி, சப்பாணி, சப்பாணி கருப்பன், சங்கிலி கருப்பன், சின்ன கருப்பன், சோனை, இடும்பன், வீரபத்திரன், பைரவர், சுடலைமாடன் உள்பட பலர் விளங்குகின்றனர்.பேசமுடியாதவரை பேசவைக்க அருள் புரியும் தெய்வம் என்று, கிராம மக்கள் வணங்கித் துதிக்கும் பேச்சி அம்மன், சரஸ்வதியின் அவதாரமாவாள். மதுரை சிம் மக்கல்லில் இவளுக்குக் கோயில் உள்ளது. பக்தர்களின் மனவிருப்பத்துக்கு இசைந்து அருள் தருபவளான இசக்கி அம்மன், பார்வதியின் அவதாரமாவாள். இவளுக்கு முப்பந்தல், ஆரல்வாய்மொழி, கன்னியாகுமரியில் ஆலயம் உள்ளது..இப்போது சில முக்கிய கிராமதெய்வங்களைப் பார்ப்போம்.மதுரை வீரன்: மனிதனும் தெய்வமாகலாம் என்பதற்குச் சிறந்த உதாரணம் 17-ஆம் நூற்றாண்டில் வாழ்ந்த இவ்வீரன். வாரணவாசி பாளையம் ராணிக்கு கொடிசுற்றி குழந்தை பிறக்க, அது நாட்டுக்குக் கேடு விளைவிக்கும் என்பதால், அச்சிசுவைக் காட்டில் விட்டுவிடுகின்றனர். வேடுவத் தம்பதியால் வீரன் எனப் பெயரிடப்பட்டு வளர்ந்தவன் மன்னனின் படையில் சேர்கிறான். இளவரசி பொம்மி அவன் மீது காதல் கொள்ள, அதை ஏற்காத மன்னன் வீரனுக்குத் தண்டனையளிக்க, பொம்மி காப்பாற்றி விடுகிறாள். மன்னனும் மனம் மாறி, மதுரையில் திருடர்களின் கொட் டத்தை அடக்க அனுப்பி வைக்கப்படுகிறான். அங்கு அரசவை நடனமங்கையும், திருமலை நாயக்கரின் மனதுக்குகந்த வெள்ளையம்மாவை மணக்கிறான். அதை அரசன் விரும்பாததாலும், கொள்ளையருடன் கூட்டு வைத்தவன் என்ற புகார் எழுந்ததன் அடிப்படையிலும் மாறுகால், மாறுகை வாங்கப்பட்டு வீரமரணமடைகிறான். அவனுடன் இரு மனைவியரும் உயிர் துறக்கின்றனர். அவனை வழிபட்டால் தீயசக்திகளிடமிருந்து ஊரைக் காப்பான் என்ற நம்பிக்கையில் காவல் தெய்வமாகப் பல கிராமங்களில் கொண்டாடப்படுகிறான்.வெள்ளையம்மாள், பொம்மி என மனைவியர் இருபுறமிருக்க, மதுரைவீரன் சிலை நடுவே நிற்பது போல் வடிவமைக்கப்படுகிறது. ஓங்கிய அரிவாளுடனும் முறுக்கிய மீசையுடனும் கம்பீரமாக இவன் காட்சியளிக்கிறான்.காத்தவராயன்: 14-ஆம் நூற்றாண்டில் திருச்சிக்கு அருகில் வாழ்ந்திருந்த காவல்காரன். அம்மன் கோயில்களில் முதன்மைக் காவல்தெய்வமாக வழிபடப்படுபவன். காத்தவராயனை வழிபட்டு அவன் அனுமதி இருந்தால் மட்டுமே அம்மனின் அருள் கிடைக்கும் என்பது நம்பிக்கை.பெரிய முண்டாசு, பார்த்தாலே பயத்தை ஏற்படுத்தும் கண்கள், மிரட்டும் மீசை என்று நின்றுகொண்டிருக்கும் காத்தவராயன், தன் கையில் பூச்செண்டை வைத்திருக்கிறார். அந்தப் பூச்செண்டு காதலின் அடையாளம். அந்தப் பூச்செண்டின் மீது கிளி ஒன்று அமர்ந்திருக்கிறது. அவனுக்கு ஒரு பக்கம் சிவப்பு நிறப் பட்டு உடுத்தியிருப்பவள் ஆரியமாலா. மற்றொருபுறம் கரும்பச்சை நிறப்பட்டு உடுத்தியிருப்பவள் ஓந்தாயி. மூவருக்கும் வலப்புறத்தில் பெரியண்ணனும், இடப்புறத்தில் மதுரைவீரனும் காத்தவராயனைப் போல் காவல்காரர்களுக்குரிய தோரணையுடன் நின்று கொண்டிருக்கிறார்கள். அவனை அடையாளப்படுத்த கழுமரம் அல்லது பலிபீடம் அமைக்கப்பட்டிருக்கும். “காத்தவராயன் கழுவேற்றப்பட்ட கதை அவனுடைய முன் ஜன்மத்தோடு தொடர்புடையது. பார்வதிதேவி, காமாட்சியாகப் பூமியில் அவதரிக்க, தேவிக்கு உதவி செய்யும் சப்தகன்னியர் மேல் காதல் கொள்கிறான். அதனால், அவன் ஏழு பிறவி எடுத்து, ஒவ்வொரு பிறவியிலும் சப்தகன்னியரில் ஒருத்தியை காதலித்துக் கழுவேற தேவி அவனுக்குச் சாபமிடுகிறார். அப்படி இந்தப் பிறவியில் சேப்பிள்ளையான் எனும் காவல் அதிகாரியோட வளர்ப்பு மகன், பரிமணம் என்கிற காத்தவராயனாக, கின்னரி வாத்தியத்தை வாசிப்பதில் வல்லவனாக வளர்கிறான். அதே காலத்தில் ஒரு வேதியருக்கு சப்தகன்னியரில் ஒருத்தி ஆர்யமாலாவாக அவதரித்திருந்தாள். காத்தவராயனோட கின்னரி வாசிப்பில் மயங்கிய ஆர்யமாலா, அவனைக் காதலிக்க, அவளுடன் ஊரை விட்டே ஓடிவிடுகிறான். திருச்சி பாளையக்காரர் ஆரியப்பூராசன், குலம் விட்டு குலம் மாறி திருமணம் செய்ததை ஏற்கமறுத்து அவனைக் கழுவேற்றி விடுகிறார். காத்தவராயன் காலமானதைக் கேட்ட ஆரியமாலாவும் மூர்ச்சையாகி விழுந்து உயிர் விடு கிறாள்..பாச்சூர் கிராமம் வாத்தலையிலிருந்து 11 கி.மீ. தொலைவில் இருக்கிறது. அங்குதான் காத்தவராயன் கழுமரம் ஏற்றப்பட்ட ’கழுமேடை’இருக்கிறது. காத்தவராயன் ஏறிய 60 அடி கழுமரம் இன்றும் இருக்கிறது. ஒவ்வொரு வருடமும் பங்குனி மாதம் பௌர்ணமியின்போது காத்தவராயன் கழுமரம் ஏறும் விழா நடைபெறுகிறது. இந்த இடத்திலும் காத்தவராயனுக்குக் கோயில் இருக்கிறது. ஆனால், இங்கு எந்தச் சிலையும் காணப்படவில்லை. மாறாக, பிடி மண்ணையே காத்தவராயனாக வணங்குகிறார்கள். காத்தவராயனுக்கு நடுகல் ஒன்றையும் நட்டு வழிபட்டுக் கொண்டிருக்கிறார்கள். மரணத்துக்குப் பிறகு சாமியாகி, பல்லாயிரக்கணக்கான மக்களுக்குக் காவல்தெய்வமாக விளங்குகிறான்.முக்கொம்பு அருகே காவிரி வடகரையில் அமைந்திருக்கிறது வாத்தலை கிராமம். இங்குதான் காத்தவராயன் கோயில் இருக்கிறது. காத்தவராயனுக்காக அமைக்கப் பட்டிருக்கும் கோயில்களில் முதன்மையானது இது. இங்கிருந்து பிடி மண் எடுத்துச் சென்றுதான் வேறு ஊர்களில் காத்தவராயனுக்குக் கோயில் எடுப்பிக்கிறார்கள்.கிராமதேவதையான முனீஸ்வரர், சிவபெருமானின் நெற்றியில் இருந்து வெளிப் பட்டவர் என்றும்; அவர் சிவமுனி, மகாமுனி, ஜடாமுனி, நாதமுனி, தரமுனி, வாழும்முனி மற்றும் தரமாமுனி என ஏழு அவதாரங்களை எடுத்ததாகவும் ஐதிகம். அவரை மரம், நடுகல், உருவ வடிவில், மனைவி காட்டேரி அம்மனுடன் வணங்குகிறார்கள். இருந்தாலும் அவருடைய பெயர் கிராமத்துக்குக் கிராமம் வேறுபட்டு அழைப்பதைக் காணமுடிகிறது.நம் வாழ்வு துலங்கிட குலதெய்வ வழிபாடும், ஊர்செழிக்க கிராமதேவதையைப் பூசிப்பதும் இன்றியமையாதது என்பதை ஒவ்வொருவரும் உணரவேண்டும். -பாகன்

கிராம தேவதை வழிபாடு!

Related Stories