புஞ்சைப்புளியம்பட்டி - காரப்பாடி

நலம் தரும் நவகாளியம்மன்!-க.ரவீந்திரன்அசுரர்களை ஒடுக்க அம்மனின் ஒன்பது சக்திகளும் ஒன்றிணைந்தன. அவளே நவகாளியம்மன் எனப்படுகிறாள். அண்டியவரை அரவணைத்துக் காக்கும் இந்த அன்னைக்கு ஈரோடு மாவட்டம், புஞ்சைப்புளியம்பட்டி அருகில் காரப்பாடி என்ற கிராமத்தில் சிறிய கோயில் ஒன்றுள்ளது.பல வருடங்களாக மூலவராக நவகாளியம்மனும், கருப்பண்ணசாமியும் இங்கு அருள்பாலித்து வந்த நிலையில், சமீபத்தில் புதியதாக 71 அடி உயரத்தில் கான்கிரீட்டிலான விஸ்வரூப நவகாளியம்மன் சிலையும், புதிய மூலவர் சிலையும், வேறு சில தெய்வங்களும் பிரதிஷ்டை செய்யப்பட்டு கும்பாபிஷேகம் கோலாகலமாக நடைபெற்றது. இதுவே தமிழ்நாட்டில் நவகாளியம்மனுக்கு அமைக்கப்பட்ட உயரமான சிலையாகக் கருதப்படுகிறது. பக்தர் ஒருவரின் கனவில் வந்து சொன்னபடி இந்த பிரமாண்டமான சிலை உருவாக்கப்பட்டதாம்..மூன்றடுக்கு கோபுர விதானத்தோடு கிழக்கு நோக்கி நவகாளியம்மன் மூலவராகக் காட்சி தருகிறார். பழைய கற்சிலை ஆதி நவகாளியம்மனாக பக்தர்களால் அழைக்கப்படுகிறார்.அம்மனின் இடதுபுறம் வள்ளி, தெய்வானை சமேத சுப்பிரமணியரும், வலதுபுறம் விநாயகரும், அதன் அருகே அரச மர விநாயகரும் தனி சந்நதிகளில் தரிசனம் தருகிறார்கள்.சுமார் ஐந்நூறு ஆண்டுகளுக்கு முன்பே இப்பகுதியில் கருப்பண்ணசாமி வழிபாடு நடைபெற்றதாகச் சொல்லப்படுகிறது. அதை நினைவுபடுத்தும் வகையில் ஆதி கருப்பண்ணசாமி சந்நதி உள்ளது. இவரை நான்கு காவலர்களும் இரண்டு குதிரைகளும் கம்பீரமாகக் காவல் காக்கின்றனர். அங்கே சப்த கன்னியர்களையும் காணமுடிகிறது..விஸ்வரூப நவகாளி அம்மனுக்குப் பின்புறம் தனி சந்நதிகளில் நவகிரகங்களும், காலபைரவரும் காட்சி தருகின்றனர். கருவறைக்கும் விஸ்வரூப நவகாளிக்கும் நடுவே வராகி அம்மன் காட்சி தருகிறார். வேப்ப மரத்தடியில் பூவாடைக்காரி எழுந்தருளியுள்ளார்.ஒவ்வொரு பௌர்ணமி அன்றும் காலை எட்டு மணி முதல் மதியம் மூன்று வரை கருவறைக்குள் பெண்கள் சென்று நவகாளியம்மனுக்கு பால் அபிஷேகம் செய்ய அனுமதிக்கப்படுகிறார்கள். ஒவ்வொரு அமாவாசைக்கும் அம்மனுக்கு வரமிளகாய் யாகம் நடைபெறுகின்றது. அன்று பக்தர்களுக்கு அன்னதானமும் வழங்கப்படுகிறது.நவகாளியம்மனை வணங்கினால் திருமணப்பேறு, குழந்தைப்பேறு கிடைக்கும்; தொழில் விருத்தியாகும்; குடும்பப் பிரச்னைகள் அகலும்; நலமான வாழ்வு கிட்டும்என்பது பக்தர்களின் நம்பிக்கை.எங்கே இருக்கு?ஈரோடு மாவட்டம், சத்தியமங்கலம் – புஞ்சைப்புளியம்பட்டி சாலையில், அணையப்பாளையம் பிரிவில் இறங்கவேண்டும். அங்கிருந்து அரை கி.மீ. தூரத்தில் காரப்பாடி கிராமத்தில் நவகாளியம்மன் கோயில் உள்ளது. புஞ்சைப்புளியம்பட்டியிலிருந்து 4 கி.மீ.தரிசன நேரம்காலை 8 - மதியம் 12

புஞ்சைப்புளியம்பட்டி - காரப்பாடி

Related Stories