வணக்கம் - ஆசை நிறைவேறட்டும்!

பக்தி: 25ஆசி: 12இறைவனுக்கு வணக்கம். இதய பாரதத் தாய்க்கு வணக்கம்.இன்பத் தமிழ்ச் சோலைக்கு வணக்கம்.இனிய தமிழ் பக்தர்களுக்கு வணக்கம்.நிம்மதி!சந்தோஷம்!உற்சாகம்!இந்த உலகில் ஆசைப்படாதவர்கள் என்று யாருமே இருக்கமுடியாது. செல்வம், நிலம், வீடு, உணவு, உடை உள்பட எதன் மீதும் ஆசை ஏற்படலாம்.சற்றுக் கூர்ந்து கவனித்தால் அது எங்கிருந்து முளைக்கிறது என்று புலப்பட்டு விடும். அதை நாமே பார்த்திருப்போம் அல்லது அதைப் பற்றி யாராவது நமக்குச் சொல்லியிருப்பார்கள். நினைத்ததை அடைந்துவிட்டால் நாம் அடையும் மகிழ்ச்சிக்கு அளவே இல்லை.ஆசை இயற்கையாக எல்லோருக்கும் இருக்கும் உணர்வுதான். குறைவாக, மிதமாக, அதிகமாக என ஆட்களைப் பொறுத்து அது வேறுபடும்.தேவையின் பொருட்டுதான் எல்லா வகையான தேடுதல்களும் தொடங்குகின்றன. ’’மற்றவர்களுக்கு சுலபமாகக் கிடைக்கிறது; எவ்வளவு பாடுபட்டாலும் நமக்கு ஏன் அது கிடைக்கவில்லை?’’ என்ற கேள்வி சிலருக்கு எழுகிறது. கிடைத்தவர்களைவிட தான் எந்த வகையில் குறைந்து போனேன் என்று சராசரி மனிதர்கள் நினைப்பார்கள். இன்னும் சொல்லப்போனால், ’அவர்கள் தன்னைவிடக் குறைவான திறமை உள்ளவர்கள்’ என்ற எண்ணம் பலருக்கு உண்டு. அது உண்மையாக இருக்கக் கூட வாய்ப்புள்ளது.அது அவர்களின் உடன் பிறந்தவர்களாகவோ அல்லது தெரிந்தவர்களாகவோகூட இருக்கலாம். இதற்கு என்ன பதில் சொன்னாலும், அவர்கள் திருப்திக் கொள்ள மாட்டார்கள். தனக்குக் கிடைக்கவில்லை என்ற வருத்தம்தான் மேலோங்கி இருக்கும். அதுவே பொறாமையாக மாறி அவர்கள் மீது வெறுப்பை உண்டு பண்ணும். அது தான் சராசரி மனிதர்களின் குணம்.’’மற்றவர்களைவிட கூடுதல் திறமை உள்ள எனக்கு ஏன் அது கிடைக்கவில்லை?’’ என்ற கேள்வி மனதில் எழுந்தாலும், நீங்கள் கண்டிப்பாக இயங்கிக் கொண்டுதான் இருக்க வேண்டும். சிலருக்கு உடனே அங்கீகாரம் கிடைக்கும்; சிலருக்கு சில காலம் சென்ற பிறகு தான் கிடைக்கும். சிலருக்குக் கிடைக்காமல் போகவும் வாய்ப்பு உள்ளது.ஏன் இந்த முரண்பாடு என்று உங்களுக்குள் ஒரு கேள்வியும் எழும். நீங்கள் விருப்பப்பட்டு எதைப் பற்றியும் சிந்திக்காமல் செயல்படும் போது உங்களுக்கு ஒரு மகிழ்ச்சி உண்டாகும். அது தான் அதற்கு சன்மானம். அதை அனுபவிக்கும் போது தான் அதன் அர்த்தம் புரியும். அதற்கு இணையாக எதுவும் கிடையாது. அதுவும் நீங்கள் செய்யும் செயல் பிறருக்குப் பயனளிக்கும் என்றால் அளவு கடந்த மகிழ்ச்சி ஏற்படும்.ஆசையே துன்பத்திற்குக் காரணம் என்பது புத்தரின் போதனை. இருந்தாலும் பசி எடுத்தால் உணவின் மீது தானே ஆசை எழுகிறது. இப்படி ஆசைப்படுவதற்கு நிறைய உதாரணங்களைச் சொல்லிக் கொண்டே போகலாம். உண்மை என்னவென்றால், உலகில் உள்ள ஒவ்வொருவரும் ஆசைக்கு அடிமைப்பட்டுத்தான் கிடக்கிறோம்.நியாயமான ஆசையை அடைய விரும்புவதில் தவறில்லை. அப்படிப்பட்டவர்களுக்கு இறை சக்தி கண்டிப்பாக துணை நிற்கும். நம்மையும் அந்த இறை சக்தி துணை நின்று வழி நடத்தட்டும். பக்தியுடன் ஆசிரியர்

வணக்கம் - ஆசை நிறைவேறட்டும்!

Related Stories