மகாபெரியவா: பசுவை வேணாம்னு சொன்ன பரமாசார்யா!

-பி.ராமகிருஷ்ணன்அன்றைய தினம் ரொம்பவே ஆனந்தமா இருந்தா மகாபெரியவா. காரணம், அன்னிக்கு வரலக்ஷ்மி விரத தினம்கறதால ஸ்ரீமடத்துல நிறைய பொம்மனாட்டிகள் சேர்ந்து மகாலக்ஷ்மியோட துதிகளைச் சொல்லிண்டு இருந்தா.கனகதாரா துதியைப்பாடி ஸ்வர்ண ஆம்லத்தை (தங்க நெல்லிக்கனி) வர்ஷிக்க வைச்ச ஆதிசங்கர மகானோட பாரம்பர்யத்துல வந்தவராச்சே அதனால, அந்தத் துதிகளையெல்லாம் ரொம்பவே ரசிச்சுக் கேட்டுண்டு இருந்தார் பெரியவா..அப்போ, அங்கே வந்தார் ஒரு பக்தர். மகானை நமஸ்காரம் பண்ணின அவர், ஸ்ரீ மடத்துக்குத் தான் கோதானம் செய்ய விரும்பறதாகவும், அதுக்காக ஒரு பசுவையும் கன்றையும் கூட்டிண்டு வந்திருக்கறதாகவும் சொன்னார்.அவரை ஒரு தரம் ஏற இறங்கப் பாத்தார், பெரியவா. “பேஷா, உள்ளே கொண்டுவரச்சொல்லு!” அப்படின்னு பெரியவா சொல்லப் போறார்னு எல்லாரும் எதிர்பார்த்தா. ஆனா, பெரியவா என்ன சொன்னார் தெரியுமா? “வேண்டாம்... நீ கொண்டு வந்திருக்கறதா சொன்னியே, அது மடத்து வாசல்ல நிற்கற பசுவும் கன்னும்தானே... அது வேண்டாம்... மாட்டுக்காரனையே கூட்டிண்டு போய்டச் சொல்லு!” அப்படின்னார்.எல்லாருக்கும் திகைப்பு. வெள்ளிக்கிழமை அதுவும் வரலக்ஷ்மி பூஜை தினத்துல மகாலக்ஷ்மியே தேடிண்டு வர்ற மாதிரி, பசுவும் கன்றும் வந்தா யாராவது வேண்டாம்னு சொல்வாளா? பெரியவா ஏன் இப்படிச் சொல்றார்னு அதிர்ச்சி. பசுவை தானம் தரவந்தவருக்கோ, ஒரேடியா பதைபதைச்சுது. ஏன் பெரியவா இப்படிச் சொல்றார்னு புரியாம அவரும் தவிச்சார்.எல்லாரும் திருதிருக்கறதைப் புரிஞ்சுண்டவர் மாதிரி, பெரியவாளே பேச ஆரம்பிச்சா....“என்ன சுக்ரவாரம், வரலக்ஷ்மி வ்ரதம் இன்னிக்குப்போய் கோ மாதாவை வேண்டாம்னு சொல்றேனேன்னு யோசிக்கறேளா?இவர் கூட்டிண்டு வந்திருக்காரே பசுவும் கன்னும் அது மாதாவும் குழந்தையும் இல்லை... புரியலையா, பசுவோட வந்திருக்கற கன்னுக்குட்டி அது ஈன்றது இல்லை. அதனாலதான் வேண்டாம்னேன் புரிஞ்சுதா?”பெரியவா சொல்ல, ஆச்சரியத்தோட எல்லாரும் ஸ்ரீமடத்து வாசலுக்குப் போனா. மாட்டுக்காரன்கிட்டே விசாரிச்சா.அவன் தயங்கித் தயங்கி “ஆமாங்க... இந்த மாடு இன்னும் ஈனவேயில்லை. இந்தக் கன்னுக்குட்டியோட தாய்ப்பசு சீக்காயி செத்துடுச்சு. நான் தான் ரெண்டையும் ஒண்ணா சேர்த்துக் குடுத்துடலாம். தானம்தானே யார் பார்க்கப்போறாங்கன்னு நினைச்சுட்டேன்... உள்ளே இருக்கற சாமி, தெய்வம் மாதிரி எல்லாத்தையும் தெரிஞ்சுவைச்சிருக்காரு!” அப்படின்னு தப்பை ஒப்புத்துண்டான்.அதுக்கப்புறம் அவனே போய் உண்மையான தாயும் சேயுமான பசுவையும் கன்றையும் அழைச்சுண்டு வந்தான். இப்போ மகாபெரியவா ரொம்ப சந்தோஷமா அதுகளை ஏத்துண்டு, தானம் தந்தவரை பரிபூரணமா ஆசிர்வதிச்சார்.