ராசி பலன் 25.5.2023 முதல் 7.6.2023

மேஷம்: சோம்பல் இல்லாத முயற்சிகளால் முன்னேற வேண்டிய காலகட்டம்க. பணியிடத்துல திட்டமிட்டுச் செயல்பட்டா, மனம்போல ஏற்றம் ஏற்படும்க. உடனிருக்கும் யாரையும் உதாசீனப்படுத்த வேண்டாம்க. பெரிய மனிதர்கள் சந்திப்பு மகிழ்ச்சி தரும்க. குடும்பத்துல நிம்மதி நிலவும்க. வாழ்க்கைத் துணையுடன் அன்யோன்யம் அதிகரிக்கும்க. வர்த்தகத்துல வரவு அதிகரிக்கும்க. அரசு, அரசியல் சார்ந்தவங்களுக்கு ஆதரவு அதிகரிக்கும்க. புதிய அறிமுகங்களிடம் கவனமா இருங்க. பயணங்கள்ல வேகம் வேண்டாம்க. தலைவலி, வயிறு உபாதைகள் வரலாம்க. கணபதியைக் கும்பிடுங்க, களிப்பு மிகும்.ரிஷபம்: வார்த்தைகள்ல நிதானம் இருந்தா, வாழ்க்கைல முன்னேறும் காலகட்டம்க. அலுவலகத்துல பொறுப்புகள் அதிகரிச்சாலும் புலம்பாம செயல்படுங்க. பிறர் விஷயத்துல நீங்க தலையிட வேண்டாம்க. இல்லத்துல இனிமை இடம்பிடிக்க, இன்சொல் அவசியம்க. வாரிசுகள் உடல்நலத்துல கவனமா இருங்க. செய்யும் தொழில்ல நேரடி கவனம் செலுத்துங்க. முதலீடுகளை முழுகவனத்துடன் செய்யுங்க. அரசு, அரசியல் சார்ந்தவங்க, யாருக்கும் ஜாமீன் தரவேண்டாம்க. வாகனத்தை ஓட்டும்போது கவனச் சிதறல் கூடாதுங்க. பற்கள், நரம்பு உபாதைகள் வரலாம்க. பைரவரைக் கும்பிடுங்க. வாழ்க்கை பசுமையாகும்..மிதுனம்: நன்மைகள் அதிகரிக்கக்கூடிய காலகட்டம்க. அலுவலகத்துல மனம்போல மாற்றமும் ஏற்றமும் ஏற்படும்க. உடனிருப்போர் குறைகளைப் பெரிதுபடுத்த வேண்டாம்க. குடும்பத்துல குதூகலம் இடம்பிடிக்கும்க. வரவு சீராகும்க. இடம், வீடு பிரச்னைகள் சுமூகமா தீர்வாகும்க. செய்யும் தொழில்ல லாபம் சீராகும்க. அரசு, அரசியல்துறையினருக்கு கூடா நட்பு கேடாக முடியும், உடனே விலகுங்க. முதுகுத் தண்டுவடம், கழுத்து உபாதை வரலாம்க. பெண்கள் ஹார்மோன் உபாதை தெரிஞ்சா உடனே சிகிச்சை எடுத்துக்குங்க. சிவனை வழிபடுங்க. வாழ்க்கை சிறக்கும்..கடகம்: அமைதியாகச் செயல்படவேண்டிய காலகட்டம்க. பணியிடத்துப் பொறுப்புகள்ல திட்டமிடலும் நேரடி கவனமும் முக்கியம்க. வீண் குழப்பம் தவிர்க்க, மனதைக் கட்டுப்படுத்துங்க. மனையில மகிழ்ச்சி இடம்பிடிக்கும்க. சுபகாரியங்கள்ல ஆடம்பரம் வேண்டாம்க. உறவுகள் எதையும் உதாசீனப்படுத்த வேண்டாம்க. செய்யும் தொழில்ல புதிய முதலீடு வேண்டாம்க. அரசியல், அரசுத் துறையினர் கையெழுத்திடும்போது கவனமா இருங்க. பயணப்பாதை நட்புகளிடம் நெருக்கம் வேண்டாம்க. தோள்பட்டை வலி, அஜீரண உபாதைகள் வரலாம்க. துர்க்கையைக் கும்பிடுங்க. வாழ்க்கை துளிர்க்கும்..சிம்மம்: அல்லவை விலகி நல்லவை நடக்கக்கூடிய நேரம்க. பணியிடத்துல துணிவைவிட பணிவு அவசியம்க. உடனிருப்போர் வார்த்தைகளுக்கு மதிப்பு குடுங்க. வீட்டுல விசேஷங்கள் வரத்தொடங்கும்க. சகோதரவழி உறவுகளால பெருமை சேரும்க. குடும்ப விஷயங்களைப் பொது இடத்துல பேசவேண்டாம்க. வர்த்தகத்துல வளர்ச்சி ஏற்படும்க. அயல்நாட்டு வர்த்தக முதலீட்டைத் தவிருங்க. அரசு, அரசியல் சார்ந்தவங்க முகஸ்துதிக்கு மயங்குவதைத் தவிருங்க. வாகனப் பயணத்துல உடைமைகளை கவனமா பார்த்துக்குங்க. கண்கள், அலர்ஜி உபாதைகள் வரலாம்க. ரங்கநாதரைக் கும்பிடுங்க. வாழ்க்கை ரம்யமாகும்..கன்னி: அமைதியாகச் செயல்படவேண்டிய காலகட்டம்க. பணியிடத்துல படபடப்பும் பரபரப்பும் வேண்டாம்க. யாரோட கட்டாயத்துக்காகவும் குறுக்குவழி முயற்சிகள்ல ஈடுபடவேண்டாம்க. குடும்பத்துல நிம்மதி நிலவணும்னா வார்த்தைகள்ல நிதானம் அவசியம்க. பிரிஞ்சிருந்த உறவுகள் வந்து சேரும்க. வீடு, மனை பத்திரங்கள்ல கவனமா இருங்க. செய்யும் தொழில்ல முழுமையான கவனம் அவசியம்க. அரசு, அரசியல் சார்ந்தவங்க, யாருக்கும் ஜாமீன் தரவேண்டாம்க. வாகனத்துல வேகம் வேண்டாம்க. தொற்றுநோய்கள், நரம்பு, மூட்டு உபாதைகள் வரலாம்க. நரசிம்மரை தரிசனம் செய்யுங்க. நல்லதே நடக்கும்..துலாம்: தொட்டது துலங்கக்கூடிய காலகட்டம்க. பணியிடத்துல மேலதிகாரிகள் ஆதரவு மனதுக்கு மகிழ்ச்சிதரும்க. பணவரவு சீராகும்க. வீட்டுல புதிய வரவும் உறவும் மகிழ்ச்சி தரும்க. வரவு அதிகரிக்கும்போது சேமிக்கறது நல்லதுங்க. வீடு, வாகன யோகம் கிட்டும்க. சிலரோட வாரிசுகளுக்கு வெளியூர், வெளிநாடு செல்லும் வாய்ப்பு கிட்டும்க. செய்யும் தொழில்ல ஆதாயம் அதிகரிக்கும்க. அரசு, அரசியல் சார்ந்தவங்க, புறம்பேசும் நட்புகளிடம் எச்சரிக்கையா இருங்க. வாகனத்துல பழுது ஏதுமிருந்தா உடனே சீர் செய்யுங்க. பூச்சிகள் தொல்லை, சளித் தொந்தரவு வரலாம்க. இஷ்டப்பட்ட அம்மனை வணங்குங்க. எண்ணங்கள் ஈடேறும்..விருச்சிகம்: பேச்சுல நிதானமும் செயல்கள்ல கவனமும் இருக்கவேண்டிய காலகட்டம்க. அலுவலகத்துல பணிகள் எதிலும் கவனமான செயல்பாடு முக்கியம்க. இடமாற்றம் வந்தா மறுக்காம ஏற்றுக்குங்க. இல்லத்துல விட்டுக் கொடுத்துப் போகும் குணம் அவசியம்க. வாழ்க்கைத்துணையுடன் வீண் வாக்குவாதம் வேண்டாம்க. விலை உயர்ந்த பொருட்களை பாதுகாப்பா வைச்சுக்குங்க. செய்யும் தொழில்ல தளராத முயற்சிகள் முக்கியம்க. அரசு, அரசியல் சார்ந்தவங்க சட்டப்புறம்பின் நிழல்லகூட ஒதுங்காதீங்க. இரவுப் பயணத்துல இடைவழியில இறங்கவேண்டாம்க. அலர்ஜி, அஜீரணப் பிரச்னைகள் வரலாம்க. ஆறுமுகனை வணங்குங்க. ஆனந்தம் நிலைக்கும்..தனுசு: நிதானமாகச் செயல்படவேண்டிய காலகட்டம்க. அலுவலகத்துல அவசரமும் அலட்சியமும் கூடாதுங்க. புகழ்ந்து பேசும் நட்புகளிடம் கவனமா இருங்க. இல்லத்துல இனிமை இடம்பிடிக்கும்க. வாழ்க்கைத் துணை வார்த்தைகளுக்கு மதிப்பு குடுங்க. சுபகாரியங்கள்ல முழுமையான முயற்சி அவசியம்க. தினமும் சூரிய உதயத்துக்கு முன் எழுந்து பழகுங்க. செய்யும் தொழில்ல புதிய முதலீட்டைத் தவிருங்க. அரசு, அரசியல் சார்ந்தவங்க அடக்கமா செயல்படுங்க. பயணப்பாதையில சாலைவிதிகளை மதியுங்க. மூட்டுத் தேய்மானம், கால்சியம் குறைபாடு உபாதைகள் வரலாம்க. பெருமாளை வணங்குங்க. பெருமைகள் சேரும்..மகரம்: அல்லவை விலகி நல்லவை நடக்கக் கூடிய காலகட்டம்க. பணியிடத்துல மனம்போல மாற்றங்கள் ஏற்படும்க. இந்த சமயத்துல ஆணவம் அதிகரிச்சுடாம பார்த்துக்கிட்டா, ஆனந்தம் நிலைக்கும்க. இல்லத்துல இனிமை இடம்பிடிக்கும்க. தினமும் அதிகாலைல எழுந்து குலதெய்வத்தைக் கும்பிடறவங்களுக்கு நிம்மதி நிலைக்கும்க. வீடு, மனை யோகம் வந்தா பத்திரங்கள்ல கவனமா இருங்க. அரசு, அரசியல் சார்ந்தவங்க பேச்சுல வரம்பு மீறாம இருங்க. செய்யும் தொழில் சீரான லாபம் தரும்க. பயணப்பாதையில லாகிரிக்கு இடம் தருவதைத் தவிருங்க. காய்ச்சல், சளி உபாதைகள் வரலாம்க. அனுமனைக் கும்பிடுங்க. ஆனந்தம் உருவாகும்..கும்பம்: முயற்சிகளால் முன்னேறவேண்டிய காலகட்டம்க. பணியிடத்துல வீண் ரோஷமும் வேண்டாத கோபமும் கூடாதுங்க. மேலிடத்துக்கு எதிரான விளையாட்டுப் பேச்சையும் தவிருங்க. குடும்பத்துல ஒற்றுமை உருவாகும்க. வயதுல மூத்தவங்க வார்த்தைகளுக்கு மதிப்பு குடுங்க. செலவுகளை திட்டமிட்டுச் செய்யுங்க. வாரிசுகளை அன்பால திருத்துங்க. செய்யும் தொழில்ல முதலீடுகளை நிதானிச்சு செய்யுங்க. அரசு, அரசியல் சார்ந்தவங்க பொறுமை, அமைதியைக் கடைப்பிடிங்க. ஒற்றைத்தலைவலி, பித்த அதிகரிப்பு, வயிறு உபாதைகளை உடனே கவனியுங்க. தட்சிணாமூர்த்தியைக் கும்பிடுங்க. வாழ்க்கை தழைக்கும்..மீனம்: அவசரமும் அலட்சியமும் கூடாத காலகட்டம்க. பணியிடத்துல எல்லாம் தெரியும்கற நினைப்பும் ஏனோதானோ செயல்களும் வேண்டாம்க. வார்த்தைகள்ல நிதானமா இருங்க. குடும்பத்துல குதர்க்கப் பேச்சு கூடாதுங்க. வாழ்க்கைத் துணை உடல்நலத்துல கவனம் செலுத்துங்க. வரவு சீராக இருந்தாலும் செலவழிக்கறது நேராக இருந்தா சேமிப்பு உயரும்க. செய்யும் தொழில்ல நிதானம் முக்கியம்க. அரசு, அரசியல் சார்ந்தவங்க, யாரோட கட்டாயத்துக்காகவும் சட்டப்புறம்புக்கு சம்மதிக்க வேண்டாம்க. முதுகு, அடிவயிறு உபாதைகள் வரலாம்க. ராகவேந்திரரைக் கும்பிடுங்க. வாழ்க்கை ரம்யமாகும். - யதார்த்த ஜோதிடர் ஷெல்வீ

ராசி பலன் 25.5.2023 முதல் 7.6.2023

Related Stories