ராசி பலன் 11.5.2023 முதல் 24.5.2023 வரை

மேஷம் :உயர்வுகள் வரக்கூடிய உன்னத காலகட்டம்க. பாராட்டுகள் கிடைக்கும்க. பணியிடத்துல திறமைக்கு உரிய ஏற்றம் கிட்டும்க. சிலருக்கு புதுப்பணி வாய்ப்பும், அதனால் பெருமையும் சேரும்க. வீட்டுல விசேஷங்கள் வரத் தொடங்கும்க. சுபச் செலவுகள் அதிகரிக்கும்க. வீடு, வாகனம் புதுப்பிக்க சந்தர்ப்பம் அமையும். தொழில் வளர்ச்சி பெறும்க. அரசு, அரசியல் துறையினருக்கு உயர்வுகள் நிலைக்கும்க. பயணத்துல வேகம் வேண்டாம்க. ஒற்றைத் தலைவலி, பற்கள் உபாதை வரலாம்க. ஆறுமுகனை வணங்குங்க. ஆனந்தம் பிறக்கும்..ரிஷபம்:நன்மைகள் அதிகரிக்கக்கூடிய காலகட்டம்க. இந்த சமயத்துல தேவையில்லாத கோபமும், சோம்பலும் மட்டும் கூடாதுங்க. பணியிடத்துல பொறுப்புகள் அதிகரிக்கலாம்க. அது உங்க எதிர்கால ஏற்றத்துக்கான வாய்ப்பு என்பதை உணரணும்க. குடும்பத்துல குதர்க்கம் தவிர்க்கணும்க. குழந்தைகளை அன்பால திருத்துங்க. அரசு, அரசியல் துறையினர்க்கு ஆதரவு நிலைக்கும்க. மூட்டு, நரம்பு, கழுத்து உபாதைகள் வரலாம்க. சிவனை வணங்குங்க. வேண்டியவை ஈடேறும்..மிதுனம்:முயற்சிகள் முழுமையாக இருந்தால், நற்பலன்கள் கிடைக்கக்கூடிய காலகட்டம்க. பணியிடத்துல திட்டமிடலும் நேரம் தவறாமையும் அவசியம்க. இல்லத்துல நிம்மதி நிலவும்க. உங்க வார்த்தைக்கு மதிப்பு அதிகரிக்கும்க. வாழ்க்கைத் துணை உடல்நலத்துல அக்கறை அவசியம்க. வழக்குகள் சாதகமாகத் தீர்வாகும்க. வாரிசுகளால் பெருமை சேரும்க. வர்த்தகம், வாணிபத்துல நேரடி கவனம் அவசியம்க. பயணப் பாதையில் வேகம் வேண்டாம்க. காது, மூக்கு, தொண்டை உபாதைகள் வரலாம்க. பெருமாளை வணங்குங்க. நிம்மதி நிலைக்கும்.. கடகம் :தன்னம்பிக்கையுடன் செயல்பட்டா, கெட்டவை விலகக்கூடிய காலகட்டம்க. தொட்டவை துலங்கணும்னா உங்க செயல்கள்ல சோம்பலைத் தவிர்க்கணும்க. அலுவலகத்துல உங்க திறமை வெளிப்படும்க. மனதுக்குப் பிடித்த இடமாற்றம் கைகூடி வரும்க. குடும்பத்துல சந்தோஷம் மலரும்க. மணப்பேறும் மகப்பேறும் கிட்டும் அறிகுறிகள் தெரியத் தொடங்கும்க. மேலதிகாரிகளிடம் பேசும்போது பணிவு முக்கியம்க. வாகனப் பயணத்துல போதுமான ஓய்வு முக்கியம்க. அஜீரணம், வயிறு உபாதைகள் வரலாம்க. நரசிம்மரை வணங்குங்க. நல்லவை நடக்கும்..சிம்மம் :எண்ணங்கள் ஈடேறக்கூடிய காலகட்டம்க. ஏற்றமும் மாற்றமும் உங்க மனம்போல வரும்க. பயணங்கள் அதிகரிச்சாலும் அது நன்மையே தரும்க. சிலருக்கு வெளிநாடு, வெளியூர் செல்லும் வாய்ப்பு வரும்க. வீட்டுல விசேஷங்கள் இடம்பிடிக்கும்க. செலவுகளுக்கு ஏற்ப வரவும் வரும்க. சிலர் வீடு மாறும் சந்தர்ப்பமும் உண்டுங்க. வாரிசுகளால் பெருமை சேரும்க. வாகனப் பழுதை உடன் சீர் செய்யுங்க. அஜீரணம், பாதம் உபாதைகளைக் கவனியுங்க. இஷ்ட அம்மனைக் கும்பிடுங்க. மகிழ்ச்சி துளிர்க்கும்..கன்னி:உழைப்புக்கு ஏற்ற பலன் கிடைக்கும் காலகட்டம்க. அலுவலகத்துல வீண் சலிப்பைத் தவிர்த்தா, உங்க திறமைக்கு உரிய உயர்வுகள் வரத்தொடங்கும்க. குடும்பத்துல அமைதி நிலவும்க. பெற்றோர் பெரியோர் வார்த்தைகளுக்கு மதிப்பு குடுங்க. பூர்வீகச் சொத்துல விட்டுக் கொடுத்துப் போறது நல்லுதுங்க. அரசு, அரசியல் துறையினருக்கு இப்போதைய பொறுமை எதிர்காலத்துல பெருமையாகும்க. கழிவு உறுப்பு உபாதை, உஷ்ணாதிக்க நோய்கள் வரலாம்க. பைரவரை வணங்குங்க, பெருமைகள் சேரும்..துலாம் :கவனமாக இருந்தா, கஷ்டங்கள் நீங்கும் காலகட்டம்க. பணியிடத்துல உங்க திறமை உரியவர்களால் உணரப்படும்க. புதிய பொறுப்புகள் அதிகரிக்கலாம்க. அவற்றைத் திட்டமிட்டு நேரம்தவறாமல் செய்தா தேனான எதிர்காலம் காத்திருக்குங்க. வாழ்க்கைத் துணையிடம் வீண் ரோஷம் தவிருங்க. சகோதர உறவுகளால் ஆதாயம் உண்டுங்க. அடிவயிறு, கீழ்முதுகு, அலர்ஜி உபாதைகளை உடனே கவனியுங்க. மகாலக்ஷ்மியைக் கும்பிடுங்க. மங்களங்கள் சேரும்..விருச்சிகம் :சோம்பலை விரட்டினால், நல்லவை நடக்கக்கூடிய காலகட்டம்க. உங்க பணிகளை பிறர் பொறுப்புல விடவேண்டாம்க. இடமாற்றம் வந்தா தவிர்க்காம ஏற்றுக்குங்க. குடும்பத்துல குழப்பங்கள் விலகும்க. வாரிசுகளுடன் வாக்குவாதம் தவிருங்க. குலதெய்வ வழிபாட்டுக்கு முக்கியத்துவம் கொடுங்க. அரசு, அரசியல் துறையினர், பொறுமையால் பெருமை பெறலாம்க. இரவுப் பயணத்தை இயன்றவரை தவிருங்க. எலும்பு, நரம்பு, மூட்டு உபாதைகள் வரலாம்க. ஏழுமலையானைக் கும்பிடுங்க. எண்ணங்கள் ஈடேறும்..தனுசு :பொறுப்பு உணர்வோடு செயல்பட்டு உயர்வுகளைப் பெறவேண்டிய காலகட்டம்க. அலுவலகத்துல எந்தச் சமயத்திலும் வீண் படபடப்பும் பரபரப்பும் தவிருங்க. தானுண்டு தன் வேலை உண்டுன்னு இருக்கறதுதான் நல்லதுங்க. வீட்டுல அமைதி இடம்பிடிக்கும்க. புதிய வரவு, உறவால மகிழ்ச்சி நிறையும்க. செய்யும் தொழில்ல வளர்ச்சி ஏற்படும்க. அரசு, அரசியல் துறையினருக்கு ஆதரவு நிலைக்கும்க. வாகனத்துல வேகம் தவிருங்க. தோல்நிறமாற்றம், அலர்ஜி, அல்சர் உபாதைகள் வரலாம்க. துர்க்கையைக் கும்பிடுங்க. வாழ்க்கை செழிக்கும்..மகரம் :சலிக்காம செயல்பட்டா, சங்கடங்கள் தீரக்கூடிய காலகட்டம்க. சிலருக்கு இடமாற்றம், பதவி மாற்றத்துடன் வரலாம்க. அது எதிர்கால ஏற்றத்துக்கு உதவும்க. மேலிடத்துடன் பேசும்போது துணிவைவிட பணிவே நல்லதுங்க. குடும்பத்துல ஒற்றுமை அதிகரிக்கும்க. பூமியால் ஆதாயம் கிட்டும்க. தொலைதூரப் பயணத்துல லாகிரிக்கு இடம் தருவது கூடவே கூடாதுங்க. கண்கள், தோள்பட்டை, பாதம், மூட்டு உபாதைகள் வரலாம்க. பார்வதியைப் பணியுங்க. நற்பலன்கள் அதிகரிக்கும்..கும்பம் :அமைதியாகச் செயல்பட வேண்டிய காலகட்டம்க. பணியிடத்துல அவசரமும், அலட்சியமும் கூடாதுங்க. பிறர் தவறுக்கு நீங்க பழி ஏற்க நேரிடலாம், கவனமாக இருங்க. குடும்பத்துல குதர்க்கப்பேச்சு கூடாதுங்க. வாழ்க்கைத் துணை வார்த்தைகளுக்கு மதிப்பு குடுங்க. சமையல், குளியல் அறைகள்ல கவனமா இருங்க. செய்யும் தொழில்ல புதிய முயற்சிகளை ஒத்திவையுங்க. அலர்ஜி, பித்த அதிகரிப்பு, ரத்த அழுத்த உபாதைகளை உடனே கவனியுங்க. ராகவேந்திரரை வணங்குங்க, வாழ்க்கை ரம்யமாகும்..மீனம் :தன்னம்பிக்கையும் தைரியமும் அதிகரிக்கும் காலகட்டம்க. இந்த சமயத்துல பணியிடத்துல துணிவைவிட பணிவுதான் நல்லதுங்க. உயர்வுகள் வரும் சமயத்துல யாரையும் உதாசீனப்படுத்த வேண்டாம்க. குடும்பத்துல விசேஷங்கள் வரத்தொடங்கும்க. பணவரவு சீராகும்க. தினமும் சிறிது நேரம், யோகா, தியானம் பழகுங்க. செய்யும் தொழில்ல நிதானம் முக்கியம்க. முதலீடுகளை நேரடியா செய்யணும்க. அடிவயிறு முதல் பாதம் வரையான உறுப்பு உபாதைகள்ல கவனமா இருங்க. ஹனுமனை வணங்குங்க. வாழ்க்கை தழைக்கும்.- யதார்த்த ஜோதிடர் ஷெல்வீ

ராசி பலன் 11.5.2023 முதல் 24.5.2023 வரை

Related Stories