மாணவர்கள் கல்வியில் சிறக்க மகத்தான பரிகாரங்கள்!

மாணவப் பருவம் எல்லோர் வாழ்விலும் மறக்கமுடியாதது. அதேசமயம் அந்தக் காலகட்டமே அவரவர் வாழ்வின் எதிர்காலத்தையும் தீர்மானிப்பதாக அமைகிறது.நீங்கள் எல்லோருமே நன்றாகப் படிக்கும் மாணவர்தான், மாணவிதான். உங்கள் அனைவருக்குமே வாழ்வில் வெற்றி பெறவேண்டும் என்ற ஆர்வம் இருக்கும்.அந்தவகையில் மாணவர்களாகிய நீங்கள் எல்லா நன்மைகளும் பெற்றிடவும், உங்கள் மதிப்பும் மதிப்பெண்ணும் உயர்ந்திடவும் உங்கள் நட்சத்திரத்தின்படி இந்த நூலில் வழிகாட்டப்பட்டுள்ளது.இதில் கூறப்பட்டுள்ளவற்றைக் கடைப்பிடிப்பதோடு, அவரவர் பாடங்களை அனுதினமும் படிப்பதோடு, அர்த்தம் புரிந்தும் படியுங்கள்.உங்களின் முயற்சிகளில் நேர்மையும், முழுமையான நம்பிக்கையும், சோம்பல் இல்லாத உழைப்பும் இருந்தால் கடவுளின் ஆசியும், கிரகங்களின் அனுகிரகமும் நிச்சயம் உங்களுக்குக் கிடைக்கும்.- யதார்த்த ஜோதிடர் ஷெல்வீ.அஸ்வினிதன்னம்பிக்கையும் தைரியமும் மிக்கவர் நீங்கள். கேது தசையில் பிறந்த உங்களின் மாணவப் பருவம், சுக்ர தசை வரை நீடிக்கும். இயல்பாகவே எதையும் சட்டெனப் புரிந்துகொள்ளும் ஆற்றல் உங்களுக்கு உண்டு. அதேசமயம் சோம்பல்தனத்தால் உங்கள் வெற்றிகளுக்கு நீங்களே தடையாக இருப்பீர்கள். எனவே சோம்பலை சோம்பல்படாமல் விரட்டினால் பெரும் சாதனைகள் செய்யலாம்.வெளிநாட்டுக் கல்வி, கல்விக்கடன் தொடர்பான உங்களின் முயற்சிகள் நிச்சயம் ஈடேறும். அதேசமயம் முயற்சிகளைத் தொடங்கும்முன் பக்கத்துக் கோயிலில் உள்ள கணபதியை அறுகு சாத்தி வழிபடுவது சிறப்பான பலன் தரும்.சிறுவயதிலேயே சங்கீதம், ஓவியம், விளையாட்டு என ஏதாவது ஒரு பயிற்சியிலாவது ஈடுபடுவது உங்கள் மனம் ஒன்றிய செயல்பாட்டுக்கு உதவும். மனம் ஒருமைப்பட்டால் மட்டுமே மறதி உங்களை அணுகாமல் இருக்கும். தினமும் உடற்பயிற்சி செய்வதும், மனப்பயிற்சி செய்வதும் நல்லது.திங்கட்கிழமைகளில் காலை 6.15 முதல் 6.45க்குள் 5 அகல்தீபங்களை ஏற்றி இஷ்ட தெய்வத்தை வழிபடுங்கள். நவகிரக சூரியனை வழிபடுவதும் நல்லது. 3 வருடத்துக்கு ஒருமுறை பிள்ளையார்பட்டி சென்று வருவது சிறப்பான நற்பலன் தரும். மாணவப் பருவத்தின் முடிவில் திருக்கொள்ளிக்காடு திருத்தலம் சென்று பொங்கு சனி பகவானை வழிபட்டு வந்தால் தொழில் அமைப்பு சிறப்பாக அமையும்..பரணிமுயற்சிகளால் எதையும் சாதிக்கலாம் என்ற நம்பிக்கை உள்ளவர் நீங்கள். உங்களின் மாணவப்பருவம், சுக்ரதசையில் தொடங்கி, சூரியதசை வரை இருக்கும். சிலருக்கு சந்திர தசை வரை இருக்கலாம்.எதிலும் முழுமையான ஈடுபாட்டுடன் செயல்படக்கூடிய நீங்கள், முக்கியமான சமயங்களில் ஏற்படக்கூடிய திடீர் மனக்குழப்பத்தால் சோர்ந்து விடுவீர்கள். என்றாலும் உடனடியாக அதிலிருந்து விடுபடுவீர்கள். எதையும் உணர்ச்சிவசப்பட்டு சட்டெனத் தீர்மானிப்பதைத் தவிர்த்து திட்டமிட்டுச் செயல்பட்டால் இந்தக் குழப்பத்தைத் தவிர்க்கலாம்.இயல்பாக நல்லவரான நீங்கள், சட்டென உணர்ச்சி வசப்படுவதாலும், யோசிக்காமல் வார்த்தைகளைக் கொட்டுவதாலும் வாய்ப்புகளை இழப்பீர்கள். எனவே, தினமும் சில நிமிடமாவது தியானம் செய்வது நல்லது. வாகனப்பயணத்தில் வேகம் தவிர்ப்பதும் அவசியம். அஜீரணபாதிப்பு, எலும்புத் தேய்மானம், சளித்தொந்தரவுகளில் அலட்சியம் கூடாது.வெள்ளிக்கிழமைகளில் காலை 6.15 முதல் 6.45 வரை இஷ்டதெய்வத்திற்கு தீபம் ஏற்றி வழிபடுங்கள். புதிய முயற்சிகளுக்கு முன் பள்ளி கொண்ட பெருமாளை தரிசியுங்கள். 3 வருடத்திற்கு ஒருமுறை ஸ்ரீரங்கம் சென்று வருவது சிறந்த பலன் தரும். மாணவப் பருவத்தின் இறுதியில், திருநள்ளாறு சென்று சனிபகவானை தரிசனம் செய்து வருவது, செழிப்பான பணி அமைய அடித்தளமாக உதவும்..கிருத்திகைதிட்டமிட்டும் திறமையாகவும் செயல்படக்கூடியவர் நீங்கள். உங்களின் மாணவப்பருவம், சூரியதசை முதல், செவ்வாய் தசை வரை இருக்கும். ஒரு சிலருக்கு ராகு தசையிலும் படிப்பு தொடரலாம். எதையும் யோசித்தும், முழுமையாகத் திட்டமிட்டும் செய்யக்கூடிய நீங்கள் பிடிவாதத்தையும், வீண் கோபத்தையும் தவிர்த்தால் மட்டுமே விசேஷ பலன்களைப் பெறலாம். பெற்றோர் பெரியோர் ஆலோசனைகளை அலட்சியப்படுத்தாமல் ஏற்பது நல்லது. அயல்நாடு சென்று படிக்கும் வாய்ப்பு உங்களுக்கு எளிதாகக் கைகூடும். அதேசமயம் எதிர்பால் நட்புகளால் ஏமாற்றப்படலாம், எச்சரிக்கையாக இருங்கள்.சட்டென உணர்ச்சி வசப்படுவதும், வீண்பிடிவாதமும் உங்கள் இயல்பு. என்றாலும், அதனால் ஏற்படும் தீய விளைவுகளை நினைத்து மனதைக் கட்டுப்படுத்துவதும், விட்டுக் கொடுத்துப் போவதும் நல்லது. காது, மூக்கு, தொண்டை, ஒற்றைத் தலைவலி பாதிப்புகளை உடனுக்குடன் கவனியுங்கள்.புதன்கிழமைகளில் காலை 6.15 முதல் 6.45க்குள் இஷ்டதெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகள் எதையும் தொடங்கும் முன் ராகவேந்திர மகானை தரிசனம் செய்யுங்கள். 3 வருடத்திற்கு ஒருமுறை பஞ்சவடி சென்று அனுமனை ஆராதிப்பது சிறப்பான பலன் தரும். மாணவப் பருவம் நிறைவடைந்ததும், குச்சனூர் சென்று சனிபகவானை தரிசித்து வாருங்கள். குறைவில்லா எதிர்காலம் அமையும்..ரோகிணிஅமைதியான செயல்களால் ஆனந்தம் காணக்கூடியவர் நீங்கள். சந்திர தசையில் பிறந்த உங்களின் மாணவப் பருவம், ராகு தசை வரை தொடரும். எதிலும் பரபரப்பு இல்லாமலும் பதற்றப்படாமலும் செயல்படக்கூடியவர் நீங்கள். அதேசமயம் இதுவா அதுவா என்று சரியாகத் தீர்மானிக்க முடியாமல் குழம்பவும் செய்வீர்கள். அதற்கு உங்களின் அதீத உணர்ச்சிவசப்படலே காரணம். தன்னம்பிக்கை இருந்தாலும் தெளிவான திட்டமிடல் முக்கியம் என்பதை நீங்கள் உணர்ந்தால் எல்லாமே வெற்றியாகும்.வெளிநாட்டுக் கல்வி வாய்ப்புகள் கைகூடி வரும்போது உங்கள் மனக்குழப்பத்தால் அதைத் தவிர்க்க நினைக்கலாம். ஆனால், இறைவனை வழிபட்டும், பெற்றோர் ஆலோசனை கேட்டும் செயல்பட்டால், முன்னேற்றம் முடுக்கி விடப்படும்.ஆடம்பரம், கேளிக்கையில் நாட்டம் உள்ளவர் நீங்கள். படிக்கும் காலத்தில் நட்புகளின் கட்டாயத்திற்காக இரவு நேரக் கேளிக்கை, ஆடம்பரப் பந்தயங்களில் ஈடுபடாமல் இருப்பது அவசியம். நரம்பு உபாதைகள், சுவாசக் கோளாறுகளில் அலட்சியம் கூடாது.திங்கட்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகளின்போது, ராகவேந்திரரை வழிபாடு செய்யுங்கள். 3 வருடத்திற்கு ஒருமுறை திருவண்ணாமலை சென்று தரிசியுங்கள். பள்ளிப்பருவம் முடிந்ததும், திருப்பதி சென்று ஓர் இரவு தங்கியிருந்து வேங்கடவனை தரிசனம் செய்யுங்கள். உங்கள் மனம் போல் வேலை கிடைத்து வாழ்க்கை வெளிச்சமாகும்..மிருகசீரிஷம் விடாமுயற்சியும் துணிவும் உள்ளவர்கள் நீங்கள். செவ்வாய் தசையில் பிறந்த உங்களின் மாணவப் பருவம், ராகு தசை வரை இருக்கும். துணிவுடன் செயல்படக்கூடிய நீங்கள் பணிவும் உங்கள் செயல்களில் இருக்கும்படி பார்த்துக்கொண்டால், வெற்றி உங்கள் வசமாகும். மனதில் ஏற்படும் வீண் குழப்பங்களை வளரவிடாமல் தடுக்க தியானம், யோகா பழகுவது நல்லது. தெளிவான மனதில் பாடங்கள் நன்கு பதியும். நேரடி முயற்சிகளால் வெளிநாட்டுக் கல்வி வாய்ப்பு கைகூடும்.அயல்நாட்டுக் கல்வி வாய்ப்பில் முயற்சிகளில் தேக்கம் கூடவே கூடாது. வங்கிக்கடன் பெற நேர்வழியே நல்லது. குறுக்குவழி விரைவில் பலன் தந்தாலும் அது சீக்கிரமே எதிர்மறைப் பலனையும் தந்துவிடலாம். தவிர்ப்பது நல்லது. இரவு நேரத்தில் வெகு நேரம் கண்விழித்துப் படிப்பதைவிட அதிகாலையில் எழுந்து படிப்பது நல்லது. கூடாத நட்புகளைக் கழட்டிவிடுவதில் தயக்கம் கூடவே கூடாது. அலர்ஜி, காயம்படுதல் போன்றவற்றில் அலட்சியம் தவிர்ப்பது அவசியம்.வெள்ளிக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் தீபம் ஏற்றி வழிபடுங்கள். புதிய முயற்சிகளுக்கு முன் நவகிரக ராகு பகவானை வழிபடுங்கள். 3 ஆண்டிற்கு ஒருமுறை வைத்தீஸ்வரன் கோயில் சென்று வழிபட்டு வாருங்கள். பள்ளிப்பருவம் முடிந்ததும், திருச்செந்தூர் சென்று 39 லட்டுகளை தானமளித்து, பின் உரிய முறைப்படி முருகனை வழிபட்டு வாருங்கள். உரிய பணி கிடைத்து வாழ்க்கை உயர்வாகும்..திருவாதிரைஇயல்பாகவே எதையும் எளிதில் புரிந்துகொள்ளும் ஆற்றல் மிக்கவர்கள் நீங்கள். ராகு தசையில் பிறந்த உங்களின் பள்ளிப்பருவம், குரு தசை வரை தொடரும். கற்றவை எதையும் எளிதாக நினைவில் வைத்துக்கொள்வதும், சரியான சமயத்தில் அதனை உபயோகப்படுத்துவதும் உங்கள் குணம்.வெற்றி எப்போதும் உங்கள் பக்கத்திலேயே இருக்கும் என்றாலும், வீண் பிடிவாதத்தாலும், அநாவசிய கோபத்தாலும் நீங்கள் அதை இழப்பீர்கள். விட்டுக் கொடுத்துப் போவதும், சினம் தவிர்ப்பதும் சீரான நன்மையைத் தரும். விருப்பம் போல் வெளிநாட்டுக் கல்வி வாய்ப்பு வாசல் தேடி வரும். நட்பு வட்டாரத்தில் உங்களுக்கு நற்பெயர் இருக்கும். அதேசமயம் முகத்திற்கு முன் புகழ்ந்து புறம் இகழும் நட்புகளை அடையாளம் கண்டு விலக்குவது நல்லது. உடல்நல பாதிப்பு அடிக்கடி ஏற்படக்கூடியவர்கள் நீங்கள். எனவே, தொற்றுநோய் பாதிப்பு, வயிற்று உபாதைகள், அலர்ஜித் தொல்லைகளில் உடனடி சிகிச்சை எடுப்பது நல்லது. இரவு நேரத்தைவிட அதிகாலையே நீங்கள் படித்திட ஏற்றது.செவ்வாய்க்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல் தீபம் ஏற்றி வழிபடுங்கள். முடிந்தால் மாலையில் ராகுவை வழிபடுவதும் நல்லது. புதிய முயற்சிகளுக்கு முன் பக்கத்துக் கோயிலில் துர்க்கையைத் துதித்து வாருங்கள். மூன்று வருடத்திற்கு ஒருமுறை கதிராமங்கலம் சென்று வனதுர்க்கையை வழிபடுங்கள். மாணவப் பருவம் நிறைந்ததும், திருக்கொள்ளிக்காடு தலம் சென்று பொங்கு சனிபகவானை வழிபடுங்கள். உங்கள் வாழ்வில் வளம் பொங்கும்..புனர்பூசம் தன்னம்பிக்கையும் தளராத முயற்சிகளும் உள்ளவர் நீங்கள். குருதசையில் பிறந்த உங்களின் மாணவப் பருவம், சனிதசை வரை தொடரும். எதையும் உடனுக்குடன் புரிந்துகொள்ளும் ஆற்றல் உள்ளவர் நீங்கள். சீராகவும் சிறப்பாகவும் செய்யக்கூடிய நீங்கள், திட்டமிட்டும் நேரம் தவறாமலும் செயல்படுவதையும் பழக்கப்படுத்திக் கொண்டால் உங்கள் வெற்றிகள் உறுதியாகும்.ஆராய்ச்சி மனப்பாங்கு உடைய நீங்கள் குறுகிய வட்டத்திற்குள் இருக்கவே ஆசைப்படுவதும் உங்கள் வெற்றிக்குத் தடையாக இருக்கும். புதிது புதிதாகப் பல விஷயங்களைத் தெரிந்துகொள்வதும், கிணற்றுத் தவளையாக இருப்பதைத் தவிர்ப்பதும் அவசியம். அயல்நாட்டுக் கல்வி வாய்ப்பு வரும்போது தவிர்க்காமல் ஏற்பது நல்லது.அலர்ஜி, தொற்று நோய், உஷ்ண பாதிப்புகள், அஜீரணம், சளித்தொல்லை பாதிப்புகளில் உடனடி சிகிச்சை அவசியம். தினமும் குறிப்பிட்ட நேரத்தில் படிப்பதை வழக்கமாக்கிக் கொள்வது நல்லது.வியாழக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல் தீபம் ஏற்றி வழிபடுங்கள். புதிய முயற்சிகளின்போது, பக்கத்திலுள்ள மகானின் பிருந்தாவனம் சென்று வாருங்கள். 3 வருடத்திற்கு ஒருமுறை மந்திராலயம் சென்று ராகவேந்திரரை தரிசியுங்கள். கல்விப்பருவம் முடிந்ததும், மதுரை சென்று மீனாட்சி, சுந்தரேஸ்வரரை அர்ச்சித்து வழிபட்டு வாருங்கள். உங்கள் வாழ்க்கை பசுமையாகும்..பூசம்திட்டமிட்டுச் செயல்பட்டு வெற்றிகளைப் பெறக்கூடியவர் நீங்கள். சனிதசையில் பிறந்த உங்களின் மாணவப் பருவம், புதன்தசை வரை தொடரும். எல்லா செயல்களிலும் திட்டமிட்டுச் செயல்படுவதும், குறிப்பிட்ட நேரத்தில் செய்வதும் உங்கள் குணம். அதேசமயம், உங்கள் தீர்மானம் மட்டுமே சரியானது என்ற விடாப்பிடியான குணம் தவிர்ப்பது அவசியம். இந்த நட்சத்திரக் குழந்தைகளை பெற்றோர் பிறருடன் ஒப்பிட்டுக் குறைசொல்லிப் பேசாமலும், அதிகாரம் இல்லாமல் அன்பு காட்டியும் வளர்த்தால் இவர்கள், மாணவப் பருவத்தில் பல சாதனைகள் புரிவார்கள்.எதிலும் நீங்களே முன் நிற்கவேண்டும் என்ற மனோபாவம் உள்ளவர் நீங்கள். நட்பிலும்கூட நீங்கள்தான் மதிக்கப்படவேண்டும் என நினைப்பீர்கள். முயற்சிகளில் தளராமல் இருந்தால், உங்களுக்கு வெளிநாட்டுக் கல்வி வாய்ப்பு எளிதாகக் கைகூடும். கால்சியம் பற்றாக்குறையால் எலும்புத் தேய்மானம், பற்களில் பாதிப்பு; காது, மூக்கு, தொண்டை உபாதைகள் வரலாம். உடன் மருத்துவம் உத்தமம்.செவ்வாய்க்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகளைத் தொடங்கும் முன், பக்கத்திலுள்ள துர்க்கை கோயிலுக்குப் போய் வாருங்கள். வருடத்திற்கு ஒருமுறை அறுபடை வீடுகளுள் ஏதாவது ஒரு தலத்திற்குச் சென்று வணங்குங்கள். பள்ளிப்பருவம் முடிந்ததும், பட்டீஸ்வரம் சென்று துர்க்கையை தூய மனதோடு துதித்து வாருங்கள். உங்கள் வாழ்வு மணக்கும்..ஆயில்யம்பொறுமையாகச் செயல்பட்டு பெருமை பெறக்கூடியவர் நீங்கள். புதன் தசையில் பிறந்த உங்களின் மாணவப் பருவம், கேது தசை வரை தொடரும். சிலருக்கு சுக்ர தசையிலும் தொடரலாம். அறிவாற்றல் இயற்கையாகவே அதிகம் இருக்கும் உங்களுக்கு அதுவே சில சமயங்களில் அகந்தையாக மாறி வெற்றிக்குத் தடையாகிவிடும். தற்பெருமையும் தலைக்கனமும் தவிர்ப்பது நல்லது. அயல்நாட்டுக் கல்வியில் ஆர்வம் உள்ளவர் நீங்கள். அதற்கு உரிய முயற்சிகளில் ஈடுபடும்போது, மூன்றாம் நபரை நம்பிச் செயல்படுவது எதிர்பாராத பிரச்னைக்கு வழிவகுத்துவிடலாம். எனவே, உரிய நபர்களிடம் மட்டுமே ஆலோசனை கேட்பதும், பெற்றோர் உதவியை மட்டுமே நாடுவதும் நல்லது.சிறுவயது முதலே குறிப்பிட்ட நேரத்தில் படிப்பதையும், ஒரு முறைக்கு இருமுறை எழுதிப் பார்ப்பதையும் வழக்கமாக்கிக் கொள்வது நல்லது. முதுகுத்தண்டுவடம் வலி, கழுத்து எலும்புத் தேய்மானம், கீழே விழுந்து அடிபடுதல் போன்ற பிரச்னைகள் வரலாம். உடன் சிகிச்சை அவசியம்.வியாழக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல் தீபம் ஏற்றி வழிபடுங்கள். புதிய முயற்சிகளுக்கு முன் தட்சிணாமூர்த்தியை வழிபடுங்கள். 3 ஆண்டுக்கு ஒருமுறை ஆலங்குடி திருத்தலம் சென்று தட்சிணாமூர்த்தியையும், குருபகவானையும் கும்பிட்டு வாருங்கள். மாணவப்பருவம் முடிந்ததும், திருப்பதி சென்று கோவிந்தராஜப்பெருமாள், பத்மாவதித் தாயார், வேங்கடவனை தரிசித்து வாருங்கள். உங்கள் வாழ்க்கை ஒளிமயமாகும்..மகம் எதையும் சட்டெனப் புரிந்துகொள்ளும் ஆற்றல்மிக்கவர் நீங்கள். கேது தசையில் பிறந்த உங்களின் மாணவப் பருவம், சுக்ர தசை வரை நீடிக்கும். சிலருக்கு சூரிய தசையிலும் தொடரலாம். சீராகவும் சிறப்பாகவும் எதையும் செய்திடும் ஆற்றல் உங்களுக்கு உண்டு. அதேசமயம் சோம்பல்தனத்தால் உங்கள் வெற்றிகளுக்கு நீங்களே தடையாக இருப்பீர்கள். எனவே சோம்பலை சோம்பல்படாமல் விரட்டினால் பெரும் சாதனைகள் செய்யலாம். அயல்நாட்டுக் கல்வி, கல்விக்கடன் தொடர்பான உங்களின் முயற்சிகள் நிச்சயம் ஈடேறும். புதிய முயற்சிகளைத் தொடங்கும்முன் பக்கத்துக் கோயிலில் உள்ள அனுமனை வழிபடுவது சிறப்பான பலன் தரும்.சிறுவயதிலேயே தியானம், யோகா என ஏதாவது ஒரு பயிற்சியிலாவது ஈடுபடுவது உங்கள் மனம் ஒன்றிய செயல்பாட்டுக்கு உதவும். தினமும் சிறிது நேரமாவது தெய்வீக சிந்தனையோடு இருப்பது நல்லது. வயிறு, ஜீரண உபாதைகளும் தொண்டைப் பிரச்னைகளும் உங்களைத் தாக்கலாம். அலட்சியமில்லாத சிகிச்சை அவசியம்.வெள்ளிக்கிழமைகளில் காலை 6.15 முதல் 6.45க்குள் 5 அகல்தீபங்களை ஏற்றி இஷ்ட தெய்வத்தை வழிபடுங்கள். ராகவேந்திர மகானை வழிபடுவதும் நல்லது. 3 வருடத்துக்கு ஒருமுறை பிள்ளையார்பட்டி சென்று வருவது சிறப்பான நற்பலன் தரும். மாணவப் பருவத்தின் முடிவில் திருப்பதி சென்று வருவது, குறிப்பாக பத்மாவதி தாயாரைத் தரிசித்து வருவது நல்லது. எப்போதும் மகாலட்சுமியை வழிபட்டு வந்தால் வாழ்க்கை சீராக சிறப்பாக அமையும்..பூரம்ஆர்வமும், அயராத உழைப்பும் உள்ளவர் நீங்கள். உங்களின் மாணவப்பருவம், சுக்ரதசையில் தொடங்கி, சூரிய தசை வரை இருக்கும். சிலருக்கு சந்திர தசை வரை தொடரலாம். எதிலும் முழுமையான ஈடுபாட்டுடன் செயல்படக்கூடிய நீங்கள், பிறரது ஆலோசனைகளைக் கேட்பதால் ஏற்படும் மனக்குழப்பத்தால் சோர்ந்து விடுவீர்கள். என்றாலும் உடனடியாக அதிலிருந்து விடுபடுவீர்கள்.உயர்கல்விக்காக வெளியூர், வெளிநாடு செல்ல நேர்ந்தால் தவிர்க்காமல் ஏற்பது நல்லது. கல்விக்கடனுக்கான முயற்சிகளை நேரடி கவனத்தோடு செய்வது முக்கியம்.இயல்பாக நல்லவரான நீங்கள், சட்டென உணர்ச்சி வசப்படுவதாலும், யோசிக்காமல் வார்த்தைகளைக் கொட்டுவதாலும் வாய்ப்புகளை இழப்பீர்கள். எனவே, தினமும் சில நிமிடமாவது தியானம் செய்வது நல்லது. வாகனப்பயணத்தில் வேகம் தவிர்ப்பதும் அவசியம்.எலும்பு தேய்மானம், முதுகுவலி, மூட்டுவலி உபாதைகளில் அலட்சியம் கூடாது.சனிக்கிழமைகளில் காலை 6.15 முதல் 6.45 வரை இஷ்டதெய்வத்திற்கு தீபம் ஏற்றி வழிபடுங்கள். புதிய முயற்சிகளுக்கு முன் பள்ளிகொண்ட பெருமாளை தரிசியுங்கள். 3 வருடத்திற்கு ஒருமுறை ஸ்ரீரங்கம் சென்று வருவது சிறந்த பலன் தரும். மாணவப்பருவத்தின் இறுதியில், திருக்கொள்ளிக்காடு சென்று பொங்கு சனிபகவானை வழிபட்டு வருவது வளமான வாழ்வு அமைய அடித்தளமாக உதவும்..உத்திரம்முயற்சிகளால் எதையும் சாதிப்பவர் நீங்கள். உங்களின் மாணவப் பருவம், சூரிய தசை முதல் செவ்வாய் தசை வரை இருக்கும். நிதானமாகவும் முழுமையாகத் திட்டமிட்டும் செயல்படக்கூடிய நீங்கள் பிடிவாதத்தையும், வீண் கோபத்தையும் தவிர்த்தால் சாதனைகள் புரிந்து புகழ் பெறலாம். பெற்றோர் பெரியோர் ஆலோசனைகளை அலட்சியப்படுத்தாமல் ஏற்பது நல்லது.வாய் இனிக்கப் பேசும் நட்புகளிடம் ஏமாந்து போவது இந்த நட்சத்திரக்காரர்களுக்கே உரியது. எனவே நட்பில் அதிக கவனம் தேவை. முகஸ்துதி பாடும் நட்புகளைப் புரிந்துகொண்டு ஆரம்பத்திலேயே விலக்குங்கள். அயல்நாடு சென்று படிக்கும் வாய்ப்பு உங்களுக்கு எளிதாகக் கைகூடும். வங்கிக்கடன்கள், உயர்கல்வி முயற்சிகளை பெற்றோர், பெரியோர் ஆலோசனை, உதவி பெற்றுச் செய்யுங்கள்.உணர்ச்சி வசப்படுவதும், பிடிவாதமும் தவிர்த்து மனதைக் கட்டுப்படுத்துவதும், விட்டுக் கொடுத்துப்போவதும் நல்லது. ஏதாவது ஓர் இசைக் கருவியை வாசிக்கப் பழகுங்கள். உங்கள் மனதில் அமைதி நிறையும். ஒற்றைத் தலைவலி, நரம்பு, அலர்ஜி பாதிப்புகளை உடனுக்குடன் கவனியுங்கள்.ஞாயிற்றுக்கிழமைகளில் காலை 6.15 முதல் 6.45க்குள் இஷ்டதெய்வத்தின் முன் 5 அகல் தீபம் ஏற்றி வழிபடுங்கள். புதிய முயற்சிகள் எதையும் தொடங்கும் முன் நரசிம்மரை தரிசனம் செய்யுங்கள். 3 வருடத்திற்கு ஒருமுறை பரிக்கல் தலம் சென்று லட்சுமி நரசிம்மரை ஆராதிப்பது சிறப்பான பலன் தரும். மாணவப்பருவம் நிறைவடைந்ததும், ராமேஸ்வரம் சென்று ஈசனை தரிசித்து வாருங்கள். ஏற்றமிக்க எதிர்காலம் அமையும்..ஹஸ்தம் திட்டமிட்டும் நேரம் தவறாமலும் செயல்பட்டு வெற்றி காணக்கூடியவர் நீங்கள். சந்திர தசையில் பிறந்த உங்களின் மாணவப் பருவம், ராகு தசை வரை தொடரும். எதிலும் நிதானமாகவும் யோசித்தும் செயல்படக்கூடியவர் நீங்கள். அதேசமயம் முக்கியமான விஷயங்களில் சட்டென எதையும் தீர்மானிக்க முடியாமல் குழம்பவும் செய்வீர்கள். அதற்கு உங்களின் அதீத உணர்ச்சிவசப்படலே காரணம். அதைத் தவிர்த்தால் எல்லாமே வெற்றியாகும்.வெளிநாட்டுக் கல்வி வாய்ப்புகள் கைகூடி வரும். ஆனால் இறைவனை வழிபட்டும், பெற்றோர் ஆலோசனை கேட்டும் செயல்பட்டால், முன்னேற்றம் முடுக்கிவிடப்படும். கல்விக்கடன் தொகையைக் கையாளும்போது அலட்சியத்தால் நஷ்டப்பட நேரிடலாம். நேரடி கவனம் முக்கியம். ஆடம்பரம், கேளிக்கைகளில் நாட்டம் உள்ளவர் நீங்கள். படிக்கும் காலத்தில் ஆடம்பரப் பொழுதுபோக்குகளில் ஈடுபடாமல் இருப்பது அவசியம். இது எதிர்கால வாழ்விற்கு மிகமிக முக்கியம். கழிவுப்பாதை உபாதைகள், வயிற்றுக்கோளாறுகளில் அலட்சியம் கூடாது. வாகனத்தில் கவனச்சிதறல் தவிருங்கள்.சனிக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகளின்போது, பெருமாள் வழிபாடு செய்யுங்கள். 3 வருடத்திற்கு ஒருமுறை திருப்பதி சென்று தரிசியுங்கள். பள்ளிப் பருவம் முடிந்ததும், மதுரை மீனாட்சி சொக்கநாதரை தரிசனம் செய்யுங்கள். உங்கள் மனம் போல் வேலை கிடைத்து வாழ்க்கை பிரகாசிக்கும்..சித்திரைமன உறுதியும், ஞாபகசக்தியும் உள்ளவர்கள் நீங்கள். செவ்வாய் தசையில் பிறந்த உங்களின் மாணவப் பருவம், ராகுதசை வரை இருக்கும். தன்னம்பிக்கையுடன் செயல்படக்கூடிய நீங்கள் தலைக்கனம் உங்கள் செயல்களில் இல்லாமல் பார்த்துக்கொண்டால், வெற்றி உங்கள் வசமாகும். சட்டென்று வார்த்தைகளை விடுவதையும், யோசிக்காமல் தீர்மானிப்பதையும் தவிருங்கள்.மனதில் ஏற்படும் வீண் குழப்பங்களை வளரவிடாமல் தடுக்க தியானம், யோகா பழகுவது நல்லது. இளம் வயதிலேயே நீச்சல் பழகுவதும், உடலில் இருந்து வியர்வை நன்கு வெளியேறும்படியான உடற்பயிற்சிகளைச் செய்வதும் உங்கள் சிந்திக்கும் திறனை அதிகப்படுத்தும். மனதில் பாடங்கள் நன்கு பதியும்.இரவு நேரத்தில் வெகு நேரம் கண்விழித்துப் படிப்பதைவிட அதிகாலையில் எழுந்து படிப்பது நல்லது. வீண்பெருமை பேசும் நட்புகளைக் கழட்டிவிடுவதில் தயக்கம் கூடவே கூடாது. அலர்ஜி, ரத்தத் தொற்று, காய்ச்சல் போன்றவற்றில் அலட்சியம் தவிர்ப்பது அவசியம்.புதன்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் தீபம் ஏற்றி வழிபடுங்கள். புதிய முயற்சிகளுக்கு முன் சிவபிரானை வழிபடுங்கள். 3 ஆண்டிற்கு ஒருமுறை ஸ்ரீசைலம் சென்று வழிபட்டு வாருங்கள். பள்ளிப்பருவம் முடிந்ததும், திருப்பதி சென்று பெருமாள், பத்மாவதி தாயார், கோவிந்தராஜ பெருமாளை தரிசித்துவிட்டு வாருங்கள். உரிய பணி கிடைத்து வாழ்க்கை உன்னதமாகும்..சுவாதிசட்டெனப் புரிந்துகொள்ளும் சமயோஜித புத்தி உள்ளவர் நீங்கள். ராகு தசையில் பிறந்த உங்களின் பள்ளிப்பருவம், குரு தசை வரை தொடரும். படிப்பதை எளிதாக நினைவில் வைத்துக்கொள்வதும், சரியான சமயத்தில் அதனை உபயோகப்படுத்துவதும் உங்கள் குணம். வெற்றி எப்போதும் உங்கள் பக்கத்திலேயே இருக்கும் என்றாலும், அலட்சியத்தாலும் அநாவசிய கோபத்தாலும் நீங்கள் அதை இழப்பீர்கள். முழு கவனத்துடன் திட்டமிட்டுச் செயல்படுவதும், சினம் தவிர்ப்பதும் சீரான நன்மையைத் தரும். வெளிநாட்டுக் கல்வி வாய்ப்பு வாசல் தேடி வரும்.நட்பு வட்டாரத்தில் உங்களுக்கு நற்பெயர் இருக்கும். அதேசமயம் கூடா நட்புகளையும் திசைதிருப்பும் நட்புகளையும் அடையாளம் கண்டு விலக்குவது நல்லது. உடல்நல பாதிப்பு அடிக்கடி ஏற்படக்கூடியவர்கள் நீங்கள். எனவே, சுகாதாரமில்லாத உணவுப் பொருட்களைத் தவிர்ப்பது நல்லது. வயிற்று உபாதைகள், தொற்றுநோய் தொல்லைகளில் உடனடி சிகிச்சை எடுப்பது நல்லது. அதிகாலை நேரமே நீங்கள் படித்திட ஏற்றது.திங்கட்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல் தீபம் ஏற்றி வழிபடுங்கள். புதிய முயற்சிகளுக்கு முன் பக்கத்து கோயிலில் துர்க்கையை தரிசியுங்கள். மூன்று வருடத்திற்கு ஒருமுறை பூவரசன் குப்பம் சென்று நரசிம்மரை வழிபடுங்கள். மாணவப் பருவம் நிறைந்ததும், ராமேஸ்வரம் சென்று சிவபிரானை வழிபடுங்கள். உங்கள் வாழ்வில் ஒளி பிறக்கும்..விசாகம்அமைதியும் ஆர்வத்துடன் கற்கும் குணமும் உள்ளவர் நீங்கள். குருதசையில் பிறந்த உங்களின் மாணவப் பருவம், சனி தசை வரை தொடரும். பலரால் பாராட்டப்பட்டாலும் அதனால் கர்வம் அடையாத குணம் உள்ளவர். அதேசமயம் அந்த அதீத நம்பிக்கையால், கடைசி நிமிடம் வரை எதையும் ஒத்திப் போடுவதும், பிறகு அவசர அவசரமாகச் செயல்படுவதுமே உங்கள் குறை என்பதை உணர்வது நல்லது.எவருடனும் எளிதில் பழகாத மனப்பாங்கு உடைய நீங்கள் குறுகிய வட்டத்துக்குள் இருக்கவே ஆசைப்படுவதும் உங்கள் வெற்றிக்குத் தடையாக இருக்கும். புதிது புதிதாகப் பல விஷயங்களைத் தெரிந்துகொள்வதும், கிணற்றுத் தவளையாக இருப்பதைத் தவிர்ப்பதும் அவசியம். உணர்ந்து செயல்படுவது உத்தமம். அயல்நாட்டுக் கல்வி வாய்ப்பு வரும்போது தவிர்க்காமல் ஏற்பது நல்லது.சுவாசப் பிரச்னை, ஒவ்வாமை, பற்களில் பாதிப்பு போன்றவற்றில் உடனடி சிகிச்சை அவசியம். தினமும் குறிப்பிட்ட நேரத்தில் படிப்பதை வழக்கமாக்கிக் கொள்வது நல்லது.வியாழக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல் தீபம் ஏற்றி வழிபடுங்கள். புதிய முயற்சிகளின்போது, பக்கத்திலுள்ள மகானின் பிருந்தாவனம் சென்று வாருங்கள். 3 வருடத்திற்கு ஒருமுறை மந்திராலயம் சென்று ராகவேந்திரரை தரிசியுங்கள். கல்விப்பருவம் முடிந்ததும், திருச்செந்தூர் சென்று ஆறுமுகனை அர்ச்சித்து வழிபட்டு வாருங்கள். உங்கள் வாழ்க்கை வளமையாகும்..அனுஷம்கவனமாகவும் முழுமையாக முயற்சித்தும் வெற்றியைப் பெறக்கூடியவர் நீங்கள். சனி தசையில் பிறந்த உங்களின் மாணவப்பருவம், புதன் தசை வரை தொடரும். படிப்பிலும் பிற விஷயங்களிலும் திட்டமிட்டுச் செயல்படுவதும், குறிப்பிட்ட நேரத்தில் செய்வதும் உங்கள் குணம். அதேசமயம், உங்கள் தீர்மானம் மட்டுமே சரியானது என்ற விடாப்பிடியான குணம் தவிர்ப்பது அவசியம்.இந்த நட்சத்திரக் குழந்தைகளை பெற்றோர் பிறருடன் ஒப்பிட்டுக் குறைசொல்லிப் பேசாமலும், அதிகாரம் இல்லாமல் அன்பு காட்டியும் வளர்த்தால் இவர்கள், மாணவப் பருவத்தில் பல சாதனைகள் புரிவார்கள். எதிலும் நீங்களே முன் நிற்க வேண்டும் என்ற மனோபாவம் உள்ளவர் நீங்கள். உங்களைவிட அறிவில் குறைந்த மாணவர்களுக்கு கற்றுத்தரும் பழக்கத்தை மேற்கொண்டீர்களானால் நட்பும் ஜெயிக்கும்; நீங்களும் வெல்லலாம். உங்களுக்கு வெளிநாட்டுக்கல்வி வாய்ப்பு எளிதாகக் கைகூடும். காது, மூக்கு, தொண்டை, தோள்பட்டை வலி உபாதைகள் வரலாம். உடன் மருத்துவம் உத்தமம்.வியாழக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகளைத் தொடங்கும் முன், பக்கத்திலுள்ள சிவன் கோயிலுக்குப் போய் வாருங்கள். வருடத்திற்கு ஒருமுறை திருக்கொள்ளிக்காடு தலத்திற்குச் சென்று பொங்கு சனியை வணங்குங்கள். பள்ளிப்பருவம் முடிந்ததும், நாமக்கல் சென்று அனுமனை தூய மனதோடு துதித்து வாருங்கள். உங்கள் வாழ்வில் மகிழ்ச்சி துளிர்க்கும்..கேட்டைமுயற்சிகளால் தடைகளை முறியடித்து முன்னேற்றம் காணக்கூடியவர் நீங்கள். புதன் தசையில் பிறந்த உங்களின் மாணவப் பருவம், கேது தசை வரை தொடரும். சிலருக்கு சுக்ர தசையிலும் தொடரலாம். இயல்பாகவே எதையும் கூர்ந்து கவனிப்பதும், சட்டெனப் புரிந்துகொள்வதும் உங்கள் குணம். அதேசமயம் வீண் புகழ்ச்சிக்கு மயங்குவதால், அறிவே சிலசமயங்களில் அகந்தையாக மாறி வெற்றிக்குத் தடையாகிவிடும். தற்பெருமையும் தலைகனமும் தவிர்ப்பது முக்கியம்.அயல்நாட்டுக் கல்வி முயற்சிகளில் ஈடுபடும்போது, உரிய நபர்களிடம் மட்டுமே ஆலோசனை கேட்பதும், பெற்றோர் உதவியை மட்டுமே நாடுவதும் நல்லது. சிறுவயது முதலே குறிப்பிட்ட நேரத்தில் படிப்பதையும், ஒருமுறைக்கு இருமுறை எழுதிப் பார்ப்பதையும் வழக்கமாக்கிக் கொள்வது நல்லது.முதுகுத்தண்டுவடம் வலி, கழுத்து எலும்புத் தேய்மானம், கீழே விழுந்து அடிபடுதல் போன்ற பிரச்னைகள் வரலாம். உடன்சிகிச்சை அவசியம்.புதன்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகளுக்கு முன் பெருமாளை வழிபடுங்கள். 3 ஆண்டுக்கு ஒருமுறை திருவெண்காடு திருத்தலம் சென்று இறைவனையும் புத பகவானையும் கும்பிட்டு வாருங்கள். மாணவப்பருவம் முடிந்ததும் ஸ்ரீரங்கம் சென்று பள்ளிகொண்ட பெருமாளை தரிசித்து வாருங்கள். உங்கள் வாழ்க்கை பசுமையாகும்..மூலம் இயல்பாகவே எதையும் சட்டெனப் புரிந்துகொள்ளும் ஆற்றல் மிக்கவர் நீங்கள். கேது தசையில் பிறந்த உங்களின் மாணவப் பருவம், சுக்ர தசை வரை நீடிக்கும். புத்திசாலியான நீங்கள் அவசரம், அலட்சியத்தால் உங்கள் வெற்றிகளுக்கு நீங்களே தடையாக இருப்பீர்கள். எனவே முழு கவனத்துடன் செயல்பட்டால் பெரும் சாதனைகள் செய்யலாம். நட்பில் கவனம் இருக்கட்டும்.வெளிநாட்டுக் கல்வி, கல்விக்கடன் தொடர்பான உங்களின் முயற்சிகள் நிச்சயம் ஈடேறும். முயற்சிகளைத் தொடங்கும்முன் பக்கத்துக் கோயிலில் உள்ள துர்க்கையை வழிபடுவது சிறப்பான பலன் தரும்.உங்களை உயர்த்திப் பலர் புகழும்போது மகிழும் நீங்கள், பிறரது தவறுகளைச் சுட்டிக்காட்டும்போது அமைதியாகச் செயல்படுவது நல்லது. தினமும் சிறிதளவாவது உடற்பயிற்சி செய்வது மனப்பயிற்சியாக இருக்கும். நரம்பு உபாதை, ஒற்றைத்தலைவலி, ரத்தசோகை போன்ற பிரச்னைகள் எளிதாக உங்களைத் தாக்கலாம். அலட்சியமில்லாத சிகிச்சை அவசியம்.செவ்வாய்க்கிழமைகளில் காலை 6.15 முதல் 6.45க்குள் 5 அகல் தீபங்களை ஏற்றி இஷ்ட தெய்வத்தை வழிபடுங்கள். துர்க்கையை வழிபடுவதும் நல்லது. 3 வருடத்துக்கு ஒரு முறை பட்டீஸ்வரம் துர்க்கையை தரிசித்து வருவது சிறப்பான நற்பலன் தரும். மாணவப் பருவத்தின் முடிவில் காளஹஸ்தி சென்று இறைவனையும் இறைவியையும் வழிபட்டு வந்தால் உங்கள் வாழ்க்கை உன்னதமாக அமையும்..பூராடம்விடா முயற்சியால் வெற்றியை அடையமுடியும் என்ற நம்பிக்கை உள்ளவர் நீங்கள். உங்களின் மாணவப்பருவம், சுக்ர தசையில் தொடங்கி, சூரிய தசை வரை இருக்கும். சிலருக்கு சந்திர தசை வரை தொடரலாம். எதிலும் முழுமையான ஈடுபாட்டுடன் செயல்படக்கூடிய நீங்கள் உணர்ச்சிவசப்பட்டு சட்டெனத் தீர்மானிப்பதைத் தவிர்த்து திட்டமிட்டுச் செயல்பட்டால் இந்த சாதனைகள் படைக்கலாம்.உயர்கல்விக்காக வெளிநாடு செல்ல வாய்ப்பு வரும்போது, பெற்றோர் பெரியோர் ஆலோசனை கேட்பது நல்லது. கல்விக் கடனுக்கான முயற்சிகளை நேரடி கவனத்தோடு செய்வது பயன் தரும்.இயல்பாகவே புத்திசாலியான நீங்கள், சட்டென உணர்ச்சி வசப்படுவதாலும், யோசிக்காமல் செயல்படுவதாலும் வாய்ப்புகளை இழப்பீர்கள். எனவே, தினமும் சில நிமிடமாவது தியானம் செய்வது நல்லது. வயிற்றில் பூச்சிகளால் தொல்லை, கழிவுப்பாதை உபாதை, தொற்றுநோய் பாதிப்புகளில் அலட்சியம் கூடாது.புதன்கிழமைகளில் காலை 6.15 முதல் 6.45 மணிக்குள் இஷ்டதெய்வத்திற்கு முன் தீபம் ஏற்றி வழிபடுங்கள். புதிய முயற்சிகளுக்கு முன் பள்ளி கொண்ட பெருமாளை தரிசியுங்கள். 3 வருடத்திற்கு ஒருமுறை திருவனந்தபுரம் சென்று அனந்த பத்மனாப பெருமானை தரிசிப்பது சிறந்த பலன் தரும். மாணவப் பருவத்தின் இறுதியில், திருப்பதி சென்று ஓர் இரவு தங்குவதும், திருவேங்கடவனை தரிசிப்பதும், தித்திப்பான வாழ்வு அமைய உதவும்..உத்திராடம் அமைதியாகவும் திட்டமிட்டும் செயல்படக் கூடியவர் நீங்கள். உங்களின் மாணவப்பருவம், சூரியதசை முதல் செவ்வாய், தசை வரை இருக்கும். ஒரு சிலருக்கு ராகு தசையிலும் படிப்பு தொடரலாம். கவனமாகவும், நேரம் தவறாமலும் எதையும் செய்யக்கூடிய நீங்கள் பிடிவாதத்தையும், வீண் கோபத்தையும் தவிர்த்தால் விசேஷ பலன்களைப் பெறலாம். பெற்றோர், ஆசிரியர் ஆலோசனைகளை அலட்சியப்படுத்தாமல் ஏற்பது நல்லது.வெளிநாட்டுக்கல்வி வாய்ப்பு உங்களுக்கு எளிதாகக் கைகூடும். அதேசமயம் புதிய அறிமுகங்களிடம் ரகசியம் பகிர்ந்தால் ஏமாற்றப்படலாம். எச்சரிக்கையாக இருங்கள். வங்கிக்கடன் முயற்சிகளை பெற்றோர் உதவியுடன் செய்யுங்கள். மனதைக் கட்டுப்படுத்துவது நல்லது. ஏதாவது ஒரு விளையாட்டில் ஈடுபடப் பழகுங்கள். உங்கள் மனம் தானாகவே அமைதியாகும். கண்கள், நரம்பு, ஒற்றைத் தலைவலி பாதிப்புகளை உடனுக்குடன் கவனியுங்கள்.வியாழக்கிழமைகளில் காலை 6.15 முதல் 6.45க்குள் இஷ்டதெய்வத்தின் முன் 5 அகல் தீபம் ஏற்றி வழிபடுங்கள். புதிய முயற்சிகள் எதையும் தொடங்கும் முன் பக்கத்துக் கோயில் அம்பாளை தரிசனம் செய்யுங்கள். 3 வருடத்திற்கு ஒருமுறை திருவானைக்காவல் சென்று அகிலாண்ட நாயகியை ஆராதிப்பது சிறப்பான பலன் தரும். மாணவப்பருவம் நிறைவடைந்ததும், மேல்மலையனூர் சென்று அங்காள பரமேஸ்வரியை அகம் ஒன்றி வழிபடுங்கள். உங்கள் வாழ்க்கை மேன்மை பெறும்..திருவோணம்தன்னம்பிக்கையோடு செயல்பட்டு வெற்றிபெறக்கூடியவர் நீங்கள். சந்திர தசையில் பிறந்த உங்களின் மாணவப் பருவம், ராகு தசை வரை தொடரும். படிப்பில் முழுமையான முயற்சிகளை மேற்கொள்ளும் நீங்கள், தன்னம்பிக்கை இருந்தாலும் தெளிவான திட்டமிடல் முக்கியம் என்பதை உணர்ந்தால் எல்லாமே வெற்றியாகும்.அதீத நம்பிக்கையால் எதிலும் கடைசி நேரத்தில் அவசரமாகச் செயல்படுவதும் உங்கள் குணம். அதைத் தவிர்த்து படிப்படியாக முயற்சிகளைத் தொடர்வதும், குறிப்பிட்ட நேரத்தில் செய்து முடிப்பதும் நன்மை தரும்.வெளிநாட்டுக் கல்வி வாய்ப்புகள் கைகூடி வரும்போது பெற்றோர் ஆலோசனை கேட்டுச் செயல்பட்டால், முன்னேற்றம் முடுக்கிவிடப்படும். கல்விக்கடன் தொகையைப் பெற முறையான முயற்சிகள் மட்டுமே உதவும். மன அழுத்த உபாதைகள், எலும்புத் தேய்மானம், நரம்புக் கோளாறுகளில் அலட்சியம் கூடாது.வெள்ளிக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகளின்போது அனுமனை வழிபாடு செய்யுங்கள். 3 வருடத்திற்கு ஒருமுறை சங்கரன் கோவில் சென்று கோமதி அம்மனை தரிசியுங்கள். பள்ளிப்பருவம் முடிந்ததும், ஸ்ரீரங்கம் சென்று பள்ளிகொண்ட பெருமாளை தரிசியுங்கள். உங்கள் மனம் போல் வேலை கிடைத்து வாழ்க்கை வெளிச்சமாகும்.அவிட்டம்ஞாபகசக்தியும் கற்பூர புத்தியும் உள்ளவர்கள் நீங்கள். செவ்வாய் தசையில் பிறந்த உங்களின் மாணவப் பருவம், ராகுதசை வரை இருக்கும். துணிவுடன் செயல்படக்கூடிய நீங்கள் பணிவும் உங்கள் செயல்களில் இருக்கும்படி பார்த்துக்கொண்டால், வெற்றி உங்கள் வசமாகும்.மனதில் ஏற்படும் வீண் குழப்பங்களை வளரவிடாமல் தடுக்க தியானம், யோகா பழகுவது நல்லது. இளம் வயதிலேயே ஏதாவது ஒரு கலையைப் பழகுவதும், உடலில் இருந்து வியர்வை நன்கு வெளியேறும்படியான உடற்பயிற்சிகளைச் செய்வதும் உங்கள் சிந்திக்கும் திறனை அதிகப்படுத்தும். தெளிவான மனதில் பாடங்கள் பதியும்.நட்புகளின் கட்டாயத்திற்காக எதையும் செய்யாமல், உங்கள் பெற்றோர், ஆசிரியர் வழிகாட்டல்படி நடப்பது சிறந்தது. அயல்நாட்டுக் கல்வி வாய்ப்பு முயற்சிகளால் கைகூடும். தினமும் அதிகாலையில் எழுந்து படிப்பது நல்லது. கூடாத நட்புகளைக் கழட்டிவிடுவதில் தயக்கம் கூடவே கூடாது. தேமல், ரத்தத் தொற்றுநோய், வயிறு உபாதைகளில் அலட்சியம் தவிர்ப்பது அவசியம்.வெள்ளிக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் தீபம் ஏற்றி வழிபடுங்கள். புதிய முயற்சிகளுக்கு முன் லட்சுமி நரசிம்மரை வழிபடுங்கள். 3 ஆண்டிற்கு ஒருமுறை திருப்பதி சென்று வழிபட்டு வாருங்கள். பள்ளிப்பருவம் முடிந்ததும், அகோபிலம் சென்று நரசிம்மரை ஆராதித்து வாருங்கள். உரிய பணி கிடைத்து வாழ்க்கை உன்னதமாகும்..சதயம்சட்டென எதையும் புரிந்துகொள்ளும் ஆற்றல்மிக்கவர்கள் நீங்கள். ராகு தசையில் பிறந்த உங்களின் பள்ளிப்பருவம், குரு தசை வரை தொடரும். கற்றவை எதையும் எளிதாக நினைவில் வைத்துக்கொள்வதும், சரியான சமயத்தில் அதனை உபயோகப்படுத்துவதும் உங்கள் குணம். அதனால் ஆணவம் அதிகரித்துவிடாமலும், அலட்சியம் வந்துவிடாமலும் பார்த்துக்கொண்டால் மற்றவர்களின் ஆதரவும் அதிகரிக்கும். உங்கள் மதிப்பும் உயரும்.வெற்றி எப்போதும் உங்களுக்கு எட்டும் தொலைவிலேயே இருக்கும் என்றாலும், வீண் பிடிவாதத்தாலும், அநாவசிய கோபத்தாலும் நீங்கள் அதை இழப்பீர்கள். விட்டுக்கொடுத்துப் போவதும், சினம் தவிர்ப்பதும் சீரான நன்மையைத் தரும்.நட்பு வட்டாரத்தில் முகத்திற்கு முன் புகழ்ந்து முதுகுப் பக்கம் இகழும் நட்புகளை அடையாளம் கண்டு விலக்குவது நல்லது. வெளிநாட்டுக் கல்வி முயற்சி, கல்விக்கடன் முயற்சிகள் மனம்போல் கிட்டும். முதுகு எலும்பு பாதிப்பு, வயிற்று உபாதைகள், சுவாசத் தொல்லைகளில் உடனடி சிகிச்சை எடுப்பது நல்லது.புதன்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகளுக்கு முன் பக்கத்து கோயிலில் துர்க்கையைத் துதித்து வாருங்கள். மூன்று வருடத்திற்கு ஒருமுறை திருநாகேஸ்வரம் சென்று வழிபடுங்கள். மாணவப் பருவம் நிறைந்ததும் வைத்தீஸ்வரன் கோயில் சென்று சுவாமி, அம்பாளோடு அங்காரகனையும் வழிபடுங்கள். உங்கள் வாழ்வு செழிப்பாகும்..பூரட்டாதிஇயல்பாகவே எதையும் சட்டெனப் புரிந்துகொள்ளும் ஆற்றல் உள்ளவர் நீங்கள். குருதசையில் பிறந்த உங்களின் மாணவப்பருவம் சனிதசை வரை தொடரும். புத்திசாலித்தனமும் ஞாபக சக்தியும் உள்ளவர் நீங்கள். பலரால் பாராட்டப்படுமளவு பெருமை பெறுவீர்கள். அதேசமயம் சோம்பலால் கடைசி நிமிடம் வரை எதையும் ஒத்திப்போடுவதும், பிறகு அவசர அவசரமாகச் செயல்படுவதுமே உங்கள் குறை என்பதை உணர்வது நல்லது.அயல்நாட்டுக் கல்விவாய்ப்புகள் வரும்போது நீங்கள் அதைத் தவிர்ப்பது உங்கள் வெற்றிக்குத் தடையாக இருக்கும். புதிது புதிதாகப் பல விஷயங்களைத் தெரிந்துகொள்வதும் கிணற்றுத் தவளையாக இருப்பதைத் தவிர்ப்பதும் அவசியம். உணர்ந்து செயல்படுங்கள். கல்விக்கடன்கள் முறையான முயற்சிகளால் கைகூடும். நட்பில் அதீத நெருக்கம் தவிர்ப்பது அவசியம்.அலர்ஜி, அஜீரணம், சளித்தொல்லை பாதிப்புகளில் உடனடி சிகிச்சை அவசியம். தினமும் அதிகாலையில் படிப்பதை வழக்கமாக்கிக் கொள்வது நல்லது.வியாழக்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல் தீபம் ஏற்றி வழிபடுங்கள். புதிய முயற்சிகளின்போது, பக்கத்திலுள்ள சிவாலயம் சென்று வாருங்கள். 3 வருடத்திற்கு ஒருமுறை சங்கரன்கோவில் சென்று ராகவேந்திரரை தரிசியுங்கள். மாணவப்பருவம் முடிந்ததும், திருச்செந்தூர் சென்று முருகனை அர்ச்சித்து வழிபட்டு வாருங்கள். உங்கள் வாழ்க்கை பசுமையாகும்..உத்திரட்டாதிதன்னம்பிக்கையுடன் செயல்பட்டு வெற்றிகளைப் பெறக்கூடியவர் நீங்கள். சனிதசையில் பிறந்த உங்களின் மாணவப்பருவம், புதன்தசை வரை தொடரும். திட்டமிட்டும் குறிப்பிட்ட நேரத்திலும் செய்வதும் உங்கள் குணம். அதேசமயம், உங்கள் தீர்மானம் மட்டுமே சரியானது என்ற விடாப்பிடியான குணம் தவிர்ப்பது அவசியம். பிறரைப் பாராட்டும் குணமும் இருந்தால் பலரின் பாராட்டு உங்களுக்குக் கிட்டும்.இந்த நட்சத்திரக் குழந்தைகளை பெற்றோர் யாருடனும் ஒப்பிட்டுக் குறைசொல்லிப் பேசாமலும், அன்பு காட்டியும் வளர்த்தால் இவர்கள் மாணவப் பருவத்தில் சாதனைகள் பல புரிவார்கள்.எதிலும் முதன்மையானவராகத் திகழவேண்டும் என்ற மனோபாவம் உள்ளவர் நீங்கள். நட்பு வட்டாரத்தில் எதிர்பாலரிடம் அதிக நெருக்கம் தவிருங்கள். முயற்சிகளில் தளராமல் இருந்தால், உங்களுக்கு வெளிநாட்டுக்கல்வி வாய்ப்பு எளிதாகக் கைகூடும்.ரத்தசோகை, அடிவயிறு உபாதைகள் வரலாம். உடன் மருத்துவம் உத்தமம்.திங்கட்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல்தீபம் ஏற்றி வழிபடுங்கள். புதிய முயற்சிகளைத் தொடங்கும் முன், பக்கத்திலுள்ள அம்மன் கோயிலுக்குப் போய் வாருங்கள். மூன்று வருடத்திற்கு ஒருமுறை மந்திராலயம் சென்று ராகவேந்திரரையோ ஷீரடி சென்று சாயிபாபாவையோ வணங்குங்கள். பள்ளிப்பருவம் முடிந்ததும், ஸ்ரீரங்கம் சென்று ரங்கநாதரை தூய மனதோடு துதித்து வாருங்கள். உங்கள் வாழ்வு ரம்யமாகும்..ரேவதிபொறுமையாகச் செயல்பட்டு பெருமை பெறக் கூடியவர் நீங்கள். புதன் தசையில் பிறந்த உங்களின் மாணவப் பருவம், கேதுதசை வரை தொடரும். சிலருக்கு சுக்ர தசையிலும் தொடரலாம். இயல்பாகவே அறிவாற்றல் மிக்கவர் நீங்கள். அதேசமயம் வீண் புகழ்ச்சிக்கு மயங்குவதால், அறிவே சிலசமயங்களில் அகந்தையாக மாறி விடும். தற்பெருமையும் தலைக்கனமும் தவிர்ப்பது நிலையான வெற்றிக்கு வழியாக அமையும்.அயல்நாட்டுக் கல்விக்கு உரிய முயற்சிகளில் ஈடுபடும்போது, தகுந்த நபர்களிடம் மட்டுமே ஆலோசனை கேட்பதும், பெற்றோர் உதவியை மட்டுமே நாடுவதும் நல்லது. கல்விக்கடனை பிறர் கட்டாயத்திற்காக வேறு எந்த முதலீட்டிலும் ஈடுபடுத்தாமல் இருப்பது நல்லது.சிறுவயது முதலே அதிகாலை நேரத்தில் படிப்பதையும், பெற்றோர் பெரியோர் ஆலோசனை கேட்பதையும் வழக்கமாக்கிக் கொள்வது நல்லது.அலர்ஜி, ரத்த அழுத்த மாறுபாடு, பரம்பரை நோய் பிரச்னைகள் வரலாம். உடன் சிகிச்சை அவசியம்.திங்கட்கிழமைகளில் காலை 6.15 முதல் 6.45க்குள் இஷ்ட தெய்வத்தின் முன் 5 அகல் தீபம் ஏற்றி வழிபடுங்கள். புதிய முயற்சிகளுக்கு முன் தட்சிணாமூர்த்தியை வழிபடுங்கள். 3 ஆண்டுக்கு ஒரு முறை திருப்பதி சென்று வாருங்கள். மாணவப்பருவம் முடிந்ததும், திருவனந்தபுரம் அனந்தபத்மநாபனை தரிசித்து வாருங்கள். உங்கள் வாழ்க்கை ஒளிமயமாகும்.

மாணவர்கள் கல்வியில் சிறக்க மகத்தான பரிகாரங்கள்!

Related Stories