பக்தர் தபால்

பிரார்த்தனை புரியும் உதடுகளைவிட பிறருக்கு உதவும் கரமே மேலானது என்ற தத்துவத்தை உணர்த்துவதுபோல், மற்றவர்களுக்கு நம்மால் முடிந்த உதவிகளைச் செய்யவேண்டும் என்பதை வலியுறுத்திய, நல்லதே நடக்கும் என்ற தலைப்பில் வெளிவந்த தலையங்கம் அருமை!-ஆர்.உமாராமர், மணலிவிளை. ஏ.இளங்கோவன், வாழைப்பந்தல். இறைவன் தூணிலுமிருப்பார் என்ற தெய்வீக அதிசயத்தை நிகழ்த்திய பகவான் ஸ்ரீமகாவிஷ்ணுவின் மகத்தான அவதாரமான ஸ்ரீநரசிம்மரின் மகத்துவங்களைத் தொகுத்து சிறப்பிதழாக வழங்கிய பக்தி ஸ்பெஷலின் பணி பிரமிக்க வைத்துவிட்டது.- த. சத்தியநாராயணன், அயன்புரம். குருவுக்கும் குருவான திருக்கோஷ்டியூர் நம்பியிடம் கோபத்தை வெளிப்படுத்தியதன் மூலம் கிடாம்பி ஆச்சான் ஸ்ரீ ராமானுஜனிடம் கொண்டிருந்த அசைக்கமுடியாத குருபக்தி இவ்வுலகுக்குத் தெரியவந்ததை குமுதம் பக்தி ஸ்பெஷல் மூலம் படித்து அறிந்தோம்.-ஜி.ஜெயராம், திண்டிவனம். திருமருகல் இரத்தினகிரீஸ்வரர் தலவரலாற்றுத் தகவலோடு இறைவனின் தரிசனத்தையும் கண்டு இம்மையில் இறையருள் பெற்றோம்.- சங்கீதசரவணன், மயிலாடுதுறை. சீர்காழியில் பூமியிலிருந்து கிடைத்த தெய்வப் புதையல் வாயிலாக அற்புதமான கட்டுரை ஒன்று எங்களுக்குக் கிடைத்தது.- வெ. லட்சுமிநாராயணன், வடலூர். என்.ஜே.ராமன், செல்வமருதூர். உங்களைச் செல்வந்தராக்கும் உன்னத பூஜைகள் இணைப்புப் புத்தகம் வாசகர்களுக்கு அரிய வரப்பிரசாதம்.- கே. பிரபாவதி, கன்னியாகுமரி. எஸ். ஆர். ஹரிஹரன், சென்னை. கோ.தியாகராஜன், கீழ்வேளூர். நரசிம்ம ஜெயந்தி, சித்ரா பௌர்ணமி குறித்த செய்திகள் இதழுக்கு மணிமகுடமாக விளங்கியது. நரசிம்மர் வீற்றிருந்து அருள்பாலிக்கும் திருத்தலங்களை அறிந்து மகிழ்ந்தோம். -சாய் அ. தமிழ், வைத்தீஸ்வரன் கோவில். மருதூர் மணிமாறன், இடையன்குடி. வல்லம் மாதவப்பெருமாள், யோக நரசிம்மர் ஆலயம் மற்றும் திருமருகல் இரத்தினகிரீஸ்வரர் ஆலயம் உள்ள திக்கினைக் காட்டியிருந்த குமுதம் பக்தி ஸ்பெஷலிற்கு கோடான கோடி நன்றிகள்!- இரா. வளையாபதி, தோட்டக்குறிச்சி. தரணி போற்றும் தலமரங்களில் ஆலமரத்தின் சிறப்புகளை அறிந்தேன். மகிழ்ந்தேன்.- எஸ். வளர்மதி, கொட்டாரம். சி.பாஸ்கர், கோவில்பட்டி.

பக்தர் தபால்

Related Stories