பக்தி செய்தி: இலக்கியங்களில் வைகாசி!

- ஆர். சந்திரிகாவைகாசி என்று சொல்வதையே விசாகம் என்றும் சொல்வதுண்டு. விசாகம் என்றால் மலர்ச்சி என்று பொருள். வசந்தருதுவாக இளவேனில் காலம் என்று வைகாசி பருவ காலம் அழைக்கப்பட்டு வருகிறது. நம் முன்னோர்கள் சித்திரை மாதத்தை மது மாதம் என்றும், வைகாசி மாதத்தை ‘மாதவ மாதம்’ என்றும் நிர்ணயம் செய்து இருக்கிறார்கள். மாதவ மாதம் என்ற தனிச்சிறப்பு பன்னிரு தமிழ் மாதங்களில் வைகாசிக்கு மாத்திரமே உண்டு. வைகாசி மாத தெளிந்த குளிர்ந்த நீராடல் பூரணத்துவமானது என்கிறது சாஸ்திரம்.விஷ்ணுஸ்மிருதியில் இந்த வைசாக ஸ்நானம் பற்றி உயர்வாகப் பேசப்படுகிறது. பிருத்வி சந்திரோதயம் என்ற நூல் பிரம்மசர்யம், உறக்கம், விழிப்பு ஆகிய மூன்றும் தரும் மாதவ மாதம் வைகாசி என்று விவரிக்கிறது. மதனரத்னம் என்ற நூல் பிரசித்தமானது. இந்நூலில் வைகாசி மாதமும், களந்திகா தானமும் இணைத்து விசேஷமாகச் சொல்லப்பட்டிருக்கிறது. களந்திகா என்பது தாரா பாத்திரத்தைக் குறிப்பதாகும். களந்திகா தானம் வைகாசி மாதத்தின் சிறப்பு, புண்ணிய பலன்கள் நல்கும் தன்மை ஆகியவை பற்றியதாகும். வாமனபுராணத்தில் வைகாச சுக்லத்விதீயை சிறப்பித்துச் சொல்லப்பட்டிருக்கிறது. இதம் விஷ்ணுர் விசக்ரமே என்ற மந்திரம், வைகாசி த்விதீயையில் உச்சாடனம் செய்வது மகத்துவமானதாகச் சொல்லப்பட்டுள்ளது. தைத்ரிய பிராம்மணத்திலும் மீமாம்ஸ சாஸ்திரத்திலும் வைகாசி மாதத்தின் பல்வேறு அம்சங்கள் நுட்பமுடனும் கவிதாநயமுடனும் சித்தரிக்கப்பட்டுள்ளன. பத்மபுராணத்திலேயும் வைகாசி மாதம் பற்றிச் சொல்லப்படுகிறது. அதில் உள்ள ஒரு சுலோகம், ‘ஆயுள், செல்வம், மக்கட்செல்வம் அனைத்தும் தரவல்ல இளவேனில் காலம் வைகாசி’ என்கிறது. ரத்னமாலா என்ற தொன்மையான நூலில் வைகாசி விசாகம் பற்றிப் பல விவரங்கள் காணப்படுகின்றன..வேத ஜோதிட சாஸ்திரத்தில் அஸ்வினி முதல் ரேவதி வரையுள்ள 27 நட்சத்திரங்கள் உள்ளன. இதில் விசாக நட்சத்திரம் ஞானத்திற்குரிய நட்சத்திரம் என்றும், குருபகவானின் ஆதிக்கத்தில் வரும் நட்சத்திரம் என்றும் சொல்லப்பட்டுள்ளது. முருகன் புகழ் பாடும் பன்னிரு திருமுறைகள் என்ற தொகுப்பில் விசாகன் என்று போற்றப்படும் முருகன் புகழ் பலவாறாக வர்ணிக்கப்படுகிறது. அது விசாகத்தின் பெருமையைக் கூறுவதாகவும் உள்ளன.முதல் திருமுறை திருப்பரங்குன்றம் திருப்புகழ். இரண்டாவது திருமுறை திருச்செந்தூர் திருப்புகழ். மூன்றாம் திருமுறை திருவாவினங்குடி திருப்புகழ். நான்காம் திருமுறை திருவேரகம் திருப்புகழ். ஐந்தாம் திருமுறை திருத்தணி திருப்புகழ். ஆறாம் திருமுறை சுவாமிமலை திருப்புகழ். ஏழாம் திருமுறை மற்ற குன்றுதோறாடல் முருகன் தலங்களுக்குரியது. எட்டாம் திருமுறை கந்தரந்தாதி, கந்தரலங்காரம் போன்றவை. ஒன்பதாம் திருமுறை திருவகுப்பு. பத்தாம் திருமுறை கந்தர் அனுபூதி, பதினோராம் திருமுறை சங்க இலக்கியங்கள் தொடங்கி, தற்கால இலக்கியங்கள் வரை உள்ள முருகன் பாடல்கள், பன்னிரண்டாம் திருமுறை அருணகிரிநாதர், நக்கீரர், அகத்தியர், வண்ணச்சரபம் தண்டபாணி சுவாமிகள், பாம்பன் சுவாமிகள் என்று பல அடியார்கள் முருகன் புகழ் பாடிய வரலாறு பல உண்டு. முருகனுக்குரிய இந்த பன்னிரண்டு திருமுறைகளையும் தொகுத்தளித்தவர் புலவர் தேனூர் வரகவி சொக்கலிங்கம் ஆவார்.

பக்தி செய்தி: இலக்கியங்களில் வைகாசி!

Related Stories