அபிராமி அருள்புரிவாள்!

பக்தி: 25ஆசி: 11எது எந்தக் காலத்திலும் அழியாமல் நிரந்தரமாக இருக்கிறதோ அதுதான் உண்மை. இந்தப் பிரபஞ்சத்தில் உள்ள எந்தப் பொருளும் தோன்றி மறையும் தன்மை படைத்தது.நாம் வாழும் காலத்தில் நம் கண் முன்னே தோன்றி அழியும் பொருட்களைப் பார்க்கிறோம். நமது காலத்திற்குப் பின்பு அழியும் பொருட்களும் உண்டு. ஆனால் அவை அனைத்திற்கும் அழியும் தன்மை உண்டு என்பதே உண்மை.அப்படி அழியாத வஸ்து ஒன்று இருக்கிறதா என்ற கேள்வி எழும்.இல்லாமல் எப்படி இருக்கும்? இருக்கிறது.அதுதான் பிரம்மம்.எது நீரினாலும், நெருப்பினாலும் அல்லது எதைக் கொண்டும் அழிக்கப்பட முடியாதோ அது தான் பிரம்மம்.நம் ஒவ்வொரு ஜீவனிலும் அது இருக்கிறது. அதைப் பார்க்க முடியுமா என்றால் முடியும். அவ்வாறு நமக்கு பிரம்மத்தைக் காண்பிப்பவர்களே குரு என்ற ஸ்தானத்தில் இருப்பவர்கள். அந்த பிரம்மத்தினை அடையும் வித்தையே பிரம்ம வித்யை. அத்தகைய பிரம்மவித்யை நம் பாரத பூமியில் வாழையடி வாழையாகச் சான்றோர் மூலம் பயிற்றுவிக்கப்பட்டு வருகிறது.சரி, பிரம்மத்தை ஏன் ஜீவர்கள் அடைய வேண்டும்? அப்படி அடையாவிட்டால் என்ன இழப்பு வந்து விடும்?உலகில் நாம் மகிழ்ச்சியுடன் வாழ பதினாறு வகையான செல்வங்கள் வேண்டும். அபிராமி பட்டர் பதிகத்தில்,"கலையாத கல்வியும், குறையாத வயதுமோர்கபடு வாராத நட்பும்கன்றாத வளமையுங் குன்றாத இளமையும்கழுபிணியிலாத உடலும்சலியாத மனமும் அன்பு அகலாத மனைவியும்தவறாத சந்தானமும்தாழாத கீர்த்தியும் மாறாத வார்த்தையும்தடைகள் வாராத கொடையும்தொலையாத நிதியமும் கோணாத கோலும் ஒருதுன்பமில்லாத வாழ்வும்துய்ய நின் பாதத்தில் அன்பும் உதவி பெரியதொண்டரொடு கூட்டு கண்டாய்அலையாழி அறிதுயிலும் மாயனது தங்கையேஆதிகடவூரின் வாழ்வே!அமுதீசர் ஒருபாகம் அகலாத சுகபாணிஅருள்வாமி அபிராமியே!’’என்கிறார் அபிராமி பட்டர்.இப்பாடலில் உள்ளது போன்றதொரு நிறைவான வாழ்க்கை அமைந்தாலும் அன்னை அபிராமியின் திருப்பாதங்களில் அன்பு செய்வது முக்கியமானதாகும்.அது ஒன்றே நாம் அனைவரும் குருவருளைப் பெறவும், அந்தக் குருவருள் வாயிலாக நமக்குள் இருக்கும் பிரம்மத்தை உணரவும் வழிவகுத்து, நிலையான பேரின்ப வாழ்வினை அருளும்.நாம் அனைவரும் அந்த நிரந்தர இன்பத்தை அடைய அபிராமி அருள் புரியட்டும். பக்தியுடன் ஆசிரியர்

அபிராமி அருள்புரிவாள்!

Related Stories