Email
Password:
Remember Me  
Forgot Password   New Registration
About us | Register | Plan Details |Font Help| Feedback| Ad Tariff | Faq | Site Map|RSSimageRss  
News Headline
 
Dotcom Spl >> cinebits

விஜய்-அஜித் படங்களில் நடிப்பது எனக்கு கிடைத்த 'ஜாக்பாட்'

சின்னத்திரையில் இருந்து வெள்ளித்திரைக்கு வந்த சினிமா பிரபலங்களில் ரோபோ சங்கரும் ஒருவர். பிரபல தனியார் தொலைக்காட்சியில் காமெடியனாக அறிமுகமாகிய இவருக்கு, தமிழ் படங்களில் நடிக்க வாய்ப்பு வந்ததையடுத்து படங்களில் தொடர்ந்து நடித்து வருகிறார்.

தற்போது, 'பவர் பாண்டி', 'சக்க போடு போடு ராஜா', 'வேலைக்காரன்', 'மன்னர் வகையறா', 'ஜெயிக்கிற குதிர' உள்ளிட்ட பல படங்களில் நடித்து வருகிறார். அதேநேரத்தில் தெலுங்கு படம் ஒன்றிலும் ஒப்பந்தமாகி இருக்கிறார். தெலுங்கில் திரிவிக்ரம் இயக்கத்தில் பவண் கல்யாண் நடிக்கும் 'பிஎஸ்பிகே 23' படத்தில் முக்கிய வேடத்தில் நடிக்க ரோபோ சங்கர் ஒப்பந்தமாகி இருப்பதாக கூறப்படுகிறது.

பவண் கல்யாண் சுருதிஹாசன் நடிப்பில் வெளியாகி உள்ள 'கட்டமராயுடு' படம் ரசிகர்களிடையே நல்ல வரவேற்பை பெற்றுள்ளது. தமிழில் அஜித் நடித்த 'வீரம்' படத்தின் ரீமேக்காக இப்படம் உருவாகி உள்ளது. அடுத்ததாக பவண்கல்யாண் அஜித்தின் 'வேதாளம்' படத்தின் தெலுங்கு ரீமேக்கிலும் நடிக்க உள்ளார்.


மலாபால் தற்போது தமிழ், மலையாளப் படங்களில் பிசியாக நடித்து வருகிறார். 2 வருடங்களுக்கு பிறகு தெலுங்கு படம் ஒன்றிலும் நடிக்கிறார். 'ஆயுஷ்பவன்' என்ற இந்த படத்தில் இந்து வாலிபனை காதலிக்கும் முஸ்லிம் பெண்ணாக அமலாபால் நடிக்கிறார்.

இயக்குனர் சரண்தேஜ் இந்த படத்தை இயக்கி கதாநாயகனாகவும் நடிக்கிறார். இது இவர் இயக்கி நடிக்கும் முதல் தெலுங்கு படம். இந்த படத்தில் அமலாபாலின் காதலுக்கு ஆதரவு அளிக்கும் வேடத்தில் சினேகா உல்லல் நடிக்கிறார்.

இதற்கிடையே அமலாபால் மன நிம்மதிக்காக யோகா, தியானம் ஆகியவற்றில் அமலாபால் தீவிர கவனம் செலுத்தி வருகிறார். தினமும் யோகா, தியானம் ஆகியவற்றை தவறாமல் செய்து வருகிறார். இதனால் மன அமைதி கிடைப்பதாகவும், கவலைகளை மறக்க முடியும் என்றும் கூறியுள்ளார்.

அமலாபால் தினம் காலையில் விதம் விதமாக யோகாசனம் செய்யும் படங்களை இன்ஸ்டாகிராமில் வெளியிட்டு இருக்கிறார். அதில் அனைவருக்கும் வாழ்த்துக்களை தெரிவித்து யோகாசனம் செய்வதை வற்புறுத்தி இருக்கிறார்.


லகம் முழுக்க சூப்பர் ஸ்டார் ரஜினிக்கு ரசிகர்கள் ஏராளமாக இருப்பது நாம் அறிந்ததே. குறிப்பாக மலேசியா, சிங்கப்பூர் மற்றும் ஜப்பானில் ரஜினிகாந்துக்கு பயங்கரமான ரசிகர் பட்டாளமே இருக்கிறது. ரஜினியின் 'கபாலி' படம் மலேசியாவில் நடைபெற்ற போது, அங்கு தங்கியிருந்த ஹோட்டல், படப்பிடிப்பு நடந்த இடங்கள் என ரசிகர்கள் அவரை சூழ்ந்து இருந்தனர்.இது ஒருபுறம் இருக்க மலேசியாவின் பிரமரான நஜீப் ரஸாக் மற்றும் அவரது குடும்பத்தினர் ரஜினியின் தீவிர ரசிகர்களாம். இந்நிலையில், இந்தியாவில் 2 நாள் சுற்றுப்பயணம் மேற்கொள்ள வருகை தரும் மலேசியா பிரதமர் நஜீப் ரஸாக், பிரதமர் மோடியை சந்திப்பதற்கு முன் ரஜினியை சந்திக்க விருப்பம் தெரிவித்துள்ளதாக செய்திகள் வெளிவந்தது.

ரசிகர்கள் மன்ற கூட்டம் கூடுவது அரசியல் பிரவேசத்திற்கான முதல் அடி என்று கூறுவதெல்லாம் பொய்யானது. ரசிகர்களுடன் நான் புகைப்படம் எடுத்துக் கொள்ளும் நிகழ்வு ஏப்ரல் 11 முதல் ஏப்ரல் 16 வரை நடைபெறவிருக்கிறது. இந்த நிகழ்வில் நான் கலந்துகொள்ளவிருக்கிறேன். அதற்காகத்தான் ஏப்ரல் 2-ந் தேதி ரசிகர் மன்ற நிர்வாகிகளுடன் ஆலோசனை நடைபெறவிருக்கிறது. '2.ஓ' படத்தில் என்னுடைய பகுதிகளுக்கான பணிகள் அனைத்தும் முடிவடைந்துவிட்டது. தற்போது இறுதிக்கட்ட பணிகள் நடைபெற்று வருகின்றனர். வரும் தீபாவளிக்கு படம் வெளிவரும்.


விஜய்யுடன் 'துப்பாக்கி', 'ஜில்லா' படங்களில் ஜோடியாக நடித்தவர் காஜல் அகர்வால். தற்போது அஜித்தின் 'விவேகம்' படத்தில் அவருடைய ஜோடியாக நடித்துள்ள அவர் அடுத்து விஜய்யின் புதிய படத்திலும் நாயகியாக நடிக்கிறார்.

'விவேகம்' படத்தில் அஜித்தின் மனைவியாக குடும்பபெண் வேடத்தில் நடித்திருக்கிறேன். அதில் குடும்பம் சார்ந்த சென்டிமெண்ட், ரொமான்ஸ் காட்சிகள் எனக்கு உண்டு. அடுத்து விஜய் படத்தில் நடிக்கிறேன்.

விஜய்யுடன் நடிக்கும் படங்களில் எனக்கு எப்போதுமே வெயிட்டான வேடம் கிடைத்து வருகிறது. அதுபோல இந்த படத்திலும் எனது பாத்திரத்துக்கு முக்கியத்துவம் இருக்கிறது. இந்த படத்திலும் நான் அவருடைய காதலிதான். என்றாலும், முக்கியமான வேடம். ஆரம்பத்தில் நாங்கள் சந்தித்துக் கொள்ளும் காட்சிகள் புதுமையாக இருக்கும்.

அதுபோல் வித்தியாசமான சூழலில் எங்களுக்குள் காதல் மலர்வது போல காட்சிகள் உள்ளன. விஜய்யுடன் நான் நடிக்கும் காட்சிகள் வெளிநாடுகளில் படமாக்கப்படுகின்றன. நான் அடுத்த மாதம் இந்த படத்தின் படப்பிடிப்பில் கலந்து கொள்கிறேன்.

இந்த 2017-ம் ஆண்டு தமிழின் முன்னணி நாயகர்களான விஜய், அஜீத் ஆகியோருடன் நடிப்பதை ஜாக்பாட் பரிசுபோல உணர்கிறேன்'' என்றார்.


ர்வதேச இந்திய சினிமா அகாடமி ஒவ்வொரு வருடமும் தமிழ் மற்றும் இதர மொழிகளில் வெளியாகி சாதனை படைத்த படங்கள் மற்றும் கலைஞர்களுக்கு விருதுகள் வழங்கி கவுரவித்து வருகிறது. அந்த வரிசையில், இந்த வருடமும் இந்த விருது வழங்கும் விழா நேற்று தொடங்கி இன்று நடைபெற்று முடிந்துள்ளது.

தமிழ் மற்றும் மலையாள சினிமாவுக்காக நடந்த இந்த விழாவில் தமிழில் விஜய் நடிப்பில் வெளிவந்த 'தெறி', மாதவன் நடிப்பில் வெளிவந்த 'இறுதிசுற்று' ஆகிய படங்கள் தலா மூன்று விருதுகளை வாங்கியுள்ளன. 'தெறி' படம் சிறந்த துணை நடிகை, சிறந்த வில்லன், சிறந்த இயக்குனர் ஆகிய விருதுகளை வாங்கியுள்ளது. 'இறுதிசுற்று' சிறந்த படம், சிறந்த நடிகர், சிறந்த நடிகை என மூன்று பிரிவுகளில் விருது பெற்றிருக்கிறது.


ணிரத்னம் இயக்கத்தில் 20 வருடங்களுக்கு முன்னர் வெளியான படம் 'இருவர்'. மோகன்லால், பிரகாஷ் ராஜ், நாசர், ஐஸ்வர்யா ராய், தபு, கௌதமி உள்ளிட்ட பலரும் நடித்து அரசியல் பின்னணியில் உருவாகிய இப்படம் ரசிகர்களிடையே நல்ல வரவேற்பை பெற்றது.

இந்நிலையில். மோகன்லால்-பிரகாஷ்ராஜ் இணைந்து மலையாளத்தில் புதிய படம் ஒன்றில் நடிக்க ஒப்பந்தமாகி உள்ளனர். 'ஒடியன்' என்று பெயரிடப்பட்டுள்ள இப்படத்தை ஸ்ரீகுமார் இயக்குகிறார். இப்படத்தில் மோகன்லாலுக்கு வில்லனாக பிரகாஷ் ராஜ் நடிக்க உள்ளார்.

மஞ்சு வாரியர் முன்னணி கதாபாத்திரத்தில் நடிக்க உள்ள இப்படத்திற்கு, எம்.ஜெயச்சந்திரன் இசையமைக்க உள்ளார். வருகிற 2018-ஆம் ஆண்டில் இப்படம் திரைக்கு வர உள்ளது.


சிம்பு தற்போது ஆதிக் ரவிச்சந்திரன் இயக்கத்தில் 'அன்பானவன் அசராதவன் அடங்கதவன்' படத்தில் நடித்து வருகிறார். இப்படத்தில் சிம்பு மூன்று வேடங்களில் நடித்து வருகிறார். மதுர மைக்கேல், அஸ்வின் தாத்தா என்ற இரு வேடங்கள் தெரிய வந்துள்ள போதிலும், மூன்றாவது கதாபாத்திரத்தை மிகவும் சஸ்பென்சாக வைத்திருக்கிறார்கள்.

இந்நிலையில், முந்தைய இரண்டு கதாபாத்திரங்களுக்கும் ஸ்ரேயா, தமன்னா ஆகியோரை ஹீரோயினாக நடித்துள்ளனர். மூன்றாவது கதாபாத்திரத்திற்கு யார் ஹீரோயின்? என்பதும் இதுவரை சஸ்பென்சாகவே இருந்து வந்தது. கடந்த சில தினங்களுக்கு முன்பு 'தீராத விளையாட்டு பிள்ளை', 'வைகை எக்ஸ்பிரஸ்' ஆகிய படங்களில் நடித்த நீது சந்திராதான் மூன்றாவது ஹீரோயின் என்று செய்தி வெளிவந்தது.

ஆனால், தற்போது சிம்புவுடன் சிலம்பாட்டம் படத்தில் நடித்த சானாகான் தான் மூன்றாவது கதாநாயகி என்று செய்தி வெளியாகியுள்ளது. இதனை சானா கானும் அதிகாரப்பூர்வமாக தெரிவித்துள்ளார். சிம்பு நடித்து வரும் இப்படத்தின் டீசர்கள் வெளியாகி ரசிகர்களிடையே பெரும் வரவேற்பை பெற்றுள்ளது.

சமீபத்தில் சிம்பு அளித்த பேட்டியில், இப்படத்தில் மூன்று கதாபாத்திரங்களை தாண்டி நான்காவதாகவும் ஒரு கதாபாத்திரம் இடம்பெறுகிறது என்று கூறிய செய்தி இப்படத்தின் மீதான எதிர்பார்ப்பை மேலும் அதிகமாக்கியுள்ளது.


'டுகளம்' படத்தில் நடித்த டாப்ஸி ஆக்‌ஷன் நாயகியாக நடித்துள்ள இந்தி படம் 'நாம்ஷபானா'. இது தமிழில் 'நான்தான்  ‌ஷபானா' என்ற பெயரில் திரைக்கு வருகிறது. இதில் டாப்ஸியுடன் அக்‌ஷய்குமார், பிரிதிவிராஜ், மனோஜ்பாஜ்பாய், அனுபம்கேர்  உள்பட பலர் நடித்துள்ளனர்.இந்த படத்தின் அறிமுக நிகழ்ச்சி சென்னையில் நடந்தது. இதில் பங்கேற்ற டாப்ஸி பேசும்போது….

"இந்த படத்தில் ஜேம்ஸ் பாண்ட் பாணியில் பெண் உளவாளியாக நடிக்கிறேன். இது ஹீரோயினுக்கு முக்கியத்துவம் உள்ள படம்.  'டோனி' படத்தை இயக்கிய நீரஜ்பாண்டே இந்த கதையை எழுதி தயாரித்திருக்கிறார். இது நான் இந்தியில் நடிக்கும் 6-வது படம்.  தமிழிலும் இந்த படம் 'நான்தான்ஷபானா' என்ற பெயரில் வருவது மகிழ்ச்சி. இந்த படத்தில் அக்‌ஷய் குமார் கவுரவ வேடத்தில் வருகிறார். உளவாளி வேடத்துக்காக ஒரு வருடம் பயிற்சி எடுத்தேன். 4  சண்டைகாட்சிகள் வருகின்றன. இதற்காக ஜப்பானிய மார்‌ஷல் ஆர்ட்ஸ் படித்தேன். ஹார்மகா, ஜப்பான், ஜூடோ போன்ற  தற்காப்பு கலைகளையும் கற்றேன். அனைத்து சண்டை காட்சியிலும் டூப்போடாமல் உயிரை பணயம் வைத்து நடித்தேன். சண்டை  காட்சிகள் யதார்த்தமாக இருக்கும். இந்த படத்தை பார்க்கும் பெண்களுக்கு தற்காப்புகலை கற்கும் ஆர்வம் வரும்.

'ஆடுகளம்', 'காஞ்சனா-2' படம் பற்றி இப்போதும் பேசுகிறார்கள். தமிழ் படங்களில் நடிக்க ஆர்வமாக இருக்கிறேன். கால்ஷீட்  உடனே கொடுக்க முடியாததால் அது நடக்கவில்லை. இனி வருடத்துக்கு ஒரு தமிழ் படத்திலாவது நடிக்க விரும்புகிறேன்.

பிரபல மலையாள ஹீரோ பிரித்விராஜ் இதில் வில்லனாக நடித்திருக்கிறார். இது என் திரையுலக வாழ்வில் முக்கியமான பலம்"  என்றார்.


முத்திரகனி நடித்து, இயக்கி, தயாரித்து வெளிவந்த 'அப்பா' படம் அனைத்து ரசிகர்கள் மத்தியிலும் பெரும் வரவேற்பை பெற்றது. இந்நிலையில், இப்படத்தை மலையாளத்திலும் சமுத்திரகனி ரீமேக் செய்து வருகிறார். இப்படத்தின் படப்பிடிப்பு சமீபத்தில் தொடங்கியது. மலையாளத்தில் இப்படத்திற்கு 'ஆகாச மிட்டாயீ' என்று பெயர் வைத்துள்ளனர்.

சமுத்திரகனி நடித்த கதாபாத்திரத்தில் ஜெயராம் நடிக்கிறார். அவருக்கு ஜோடியாக வரலட்சுமி ஒப்பந்தமாகியிருந்தார். இந்நிலையில், இப்படத்தில் இருந்து வரலட்சுமி திடீரென விலகியுள்ளதாக செய்திகள் வெளியாகியுள்ளது. இதுகுறித்து, வரலட்சுமியே தனது விளக்கத்தை கூறியுள்ளார்.

இதுகுறித்து அவர் கூறும்போது, ஆணாதிக்கம், நற்பண்பு இல்லாத தயாரிப்பாளர்களுடன் பணியாற்றுவதற்கு என்னால் முடியாது என்று கூறி வெளியே வந்துள்ளதாக அவர் கூறியுள்ளார். தன்னுடைய இந்த முடிவுக்கு ஓகே சொன்ன ஜெயராம், சமுத்திரகனி ஆகியோருக்கும் நன்றி தெரிவித்துள்ளார்.


RSS Movies Shop

This website can secure your private information using a SSL Certificate. Information exchanged with any address beginning with https is encrypted using SSL before transmission.


About us | Register | Font Help | Feedback | Ad Tariff | Faq | Site Map
Copyright © 2010 Noble Broadcasting Corporation Private Limited . Allrights reserved.
Best view under 1024x764 Resoultion.