Dotcom Special
    Weekly Horoscope
மேஷம் முதல் மீனம் வரை 12 ராசிகளுக்கான ஒருவார பலன்கள்.
20-06-2018 முதல் 26-06-2018 வரை
 மேஷம்
(அசுவினி, பரணி, கிருத்திகை முதல் பாதம் வரை)

குடும்பம்:
பொருளாதார நிலை திருப்தி தரும். என்றாலும் ஆரோக்கியம் பாதிக்கப்படுவதால் மருத்துவச்செலவுகள் ஏற்படக்கூடும். சிலருக்கு அறுவை சிகிச்சை செய்ய வேண்டிய கட்டாயம் ஏற்படும். பயப்படாமல் தைரியமாகச்செய்துகொள்ளலாம். திருமண வயதில் மகன் அல்லது மகள் இருப்பின் அவர்களுக்கான வரன் தேடும் முயற்சிகளை இந்த வாரத்தில் மேற்கொள்ளலாம். அதில் வெற்றி கிடைக்கும். புதிய வாகனம் வாங்கும் யோகம் அமைந்துள்ளது. எனவே அதற்கான முயற்சிகளில் இந்த வாரம் இறங்கலாம். திருமணமான பெண்கள் சிலருக்குக் குழந்தைப் பாக்கியம் கிடைப்பதற்கான சாத்தியக்கூறு உள்ளது. நீதிமன்றத்திலுள்ள வழக்குகள் தங்களுக்குச் சாதகமாக மாறும்.

உத்தியோகம்:
மேலதிகாரியிடம் நற்பெயர் கிடைக்கும். அதன் காரணமாக ஊதிய உயர்வையோ அல்லது பதவி உயர்வையோ இந்த வாரத்தில் எதிர்பார்க்கலாம். அது மனதில் சந்தோஷத்தை ஏற்படுத்தும்.

தொழில்:
தொழில் சம்பந்தமான பிரச்சினைகள் ஏற்பட்டிருந்தால் அது படிப்படியாகச் சரியாகிவிடும். அதை நினைத்து வருந்த வேண்டாம். தாங்கள் பார்த்துவரும் தொழிலில் மட்டும் கவனத்தைச் செலுத்தி வந்தால் போதுமானது.

வியாபாரம்:
விற்பனை நல்லபடி இருக்கும். வருமானம் திருப்தி தரும். நிலுவையிலுள்ள பாக்கிப் பணம் இந்த வாரத்தில் வசூலாவதற்கான வாய்ப்புள்ளது.

பெண்மணிகள்:
செலவுகள் ஏற்பட்டாலும் அதனால் தங்களுக்கு பாதிப்பு ஏற்பட வாய்ப்பில்லை. உத்தியோகம் பார்த்துவரும் பெண்களுக்கு மகிழ்ச்சிகரமான வாரமிது.

அறிவுரை:
உடல்நலனில் கவனம் தேவை.

அனுகூல தினங்கள்: ஜூன் : 20, 21, 22, 23
பிரதிகூல தினங்கள்: ஜூன் : 24, 25, 26

அதிர்ஷ்ட எண்கள்: 2, 3
 ரிஷபம்
(கிருத்திகை 2_ம் பாதம் முதல், ரோகிணி, மிருகசீரிஷம் 2_ம் பாதம் வரை)

குடும்பம்:
பணவரவு நல்லபடி இருந்தும் ஏதோ ஒருவகையில் இந்த வாரம் செலவுகளைச் சந்திக்க வேண்டியிருக்கும். தாயாரின் உடல்நலனில் கவனத்தைச் செலுத்திவர வேண்டியதன் அவசியத்தை இவ்வார கிரகநிலைகள் எடுத்துக்காட்டுகின்றன. இந்த ராசி அன்பர்கள் சிலரின் வாகனம் தொலைந்து, பின்பு நீண்ட தேடலுக்குப் பின்பு கிடைப்பதற்கான வாய்ப்புள்ளது. எனவே கவனம் தேவை. சிலர் தற்போதுள்ள வீட்டிலிருந்து வேறு வீட்டிற்கு மாறுவதற்கான சாத்தியக்கூறு உள்ளது. தாங்கள் சிரமப்படும் தருணத்தில் நெருங்கிய நண்பர் ஒருவரின் உதவி கிடைப்பது நிம்மதியை அளிக்கும்.

உத்தியோகம்:
வேலை பார்க்கும் இடத்தில் நன்மைகள் எதையும் இந்த வாரத்தில் எதிர்பார்க்க முடியாது. புதிய வேலைக்கு முயற்சித்துவரும் அன்பர்கள் கடின முயற்சியை மேற்கொண்டால் மட்டுமே அதில் வெற்றி பெற முடியும்.

தொழில்:
புதிய விஸ்தரிப்புக்கான திட்டங்களில் ஈடுபட்டுள்ளவர்கள் அதிக அளவில் பணத்தை முதலீடு செய்யவேண்டாம். எதிர்பார்த்த முன்னேற்றம் இல்லையென்றால் வருந்த வேண்டியிருக்கும். எனவே அமைதியாக இருங்கள்.

வியாபாரம்:
வியாபார ரீதியான வெளியூர் பயணமொன்று சித்திக்கும். அதனால் நன்மை ஏற்படுமா என்பது சந்தேகம்தான். வீண் அலைச்சல் உடல் சோர்வை ஏற்படுத்தக்கூடும்.

பெண்மணிகள்:
குடும்ப நிர்வாகத்தை ஏற்றுள்ள பெண்மணிகளுக்கு உழைப்பு கடுமையாக இருக்கும். வேலைக்குச் சென்று வரும் பெண்கள் பொறுமையைக் கடைப்பிடிக்க வேண்டியது அவசியம்.

அறிவுரை:
எதிலும் சற்று கூடுதல் கவனம் தேவை.

அனுகூல தினங்கள்: ஜூன் : 23, 24, 25, 26
பிரதிகூல தினங்கள்: ஜூன் : 20, 21, 22

அதிர்ஷ்ட எண்கள்: 3, 4
 மிதுனம்
(மிருகசீரிஷம் 3_ம் பாதம் முதல், திருவாதிரை, புனர்பூசம் 3_ம் பாதம் வரை)

குடும்பம்:
மிதுன ராசியினருக்கு உடல் அசதி மற்றும் உஷ்ணம் போன்ற உபாதைகள் ஏற்படுவதற்கான வாய்ப்புள்ளது. எனவே அவசியமற்ற பயணத்தைத் தவிர்த்திடுங்கள். வருமானம் நல்லபடி இருந்தும் சேமிப்பிற்கான வழியில்லையே என்பதை நினைக்கும்போது மனம் வருந்துவீர்கள். குடும்ப ரீதியாகவோ அல்லது தாங்கள் செய்துவரும் தொழில் சம்பந்தமாகவோ முக்கிய முடிவுகளை இவ்வாரம் துணிந்து எடுப்பீர்கள். அதன்மூலம் முன்னேற்றத்திற்கான வாய்ப்புள்ளது. வேலை காரணமாகவோ அல்லது வேறு சில காரணங்களுக்காகவோ கணவன்&மனைவியர் இவ்வாரம் பிரிந்திருக்க நேரிடும். நீதிமன்ற வழக்குகளில் சாதகமான தீர்ப்பை எதிர்பார்க்கலாம்.

உத்தியோகம்:
புதிய வேலைக்கு முயற்சித்து காத்திருக்கும் அன்பர்கள் நற்செய்தியை இந்த வாரத்தில் எதிர்பார்க்கலாம். முக்கிய நபர் ஒருவர் தங்கள் வேலை விஷயமாக உதவ முன்வருவார். அது மகிழ்ச்சியை அளிக்கும்.

தொழில்:
தொழிலதிபர்களுக்கு கடின உழைப்பு ஏற்படினும் அதற்கேற்ற வருமானம் கிடைப்பது ஓரளவு நிம்மதியைத் தரும். புதிய தொழில் தொடங்குவதற்கான முயற்சிகள் சிலவற்றை இந்த வாரத்தில் நீங்கள் மேற்கொண்டு வருவீர்கள்.

வியாபாரம்:
சக வியாபாரிகளுடன் அவ்வப்போது சிறுசிறு பிரச்சினைகள் ஏற்பட்டு பின்பு சரியாகும். அவர்கள் தவறு செய்தாலும் பெருந்தன்மையுடன் நீங்கள் நடந்துகொள்வீர்கள்.

பெண்மணிகள்:
பெண்மணிகளுக்கு முன்னேற்றத்தைத்தரக்கூடிய வாரமாக இது இருக்கும். புதிய வேலைக்கு முயற்சிக்கும் பெண்களுக்கும் அதுபோலவே.

அறிவுரை:
அலைச்சலைக் குறைத்துக்கொள்ளுங்கள்.

அனுகூல தினங்கள்: ஜூன் : 20, 21, 22, 23
பிரதிகூல தினங்கள்: ஜூன் : 24, 25, 26

அதிர்ஷ்ட எண்கள்: 2, 5
 கடகம்
(புனர்பூசம் 4_ம் பாதம் முதல், பூசம், ஆயில்யம் வரை)

குடும்பம்:
பணம் எவ்வளவுதான் வந்தாலும் செலவாகி விடுகிறதே என்ற கவலை மனதிலிருந்துவரும். கடக ராசி அன்பர்கள் சிலர் தற்போதுள்ள வீட்டிலிருந்து வேறொரு வசதியான வீட்டிற்குக் குடிபெயர்வதற்கான வாய்ப்புள்ளது. சிலருக்கு ஊர் மாற்றம் ஏற்படுவதற்கான வாய்ப்புமுள்ளது. பக்தியில் மனம் ஆழ்ந்திருக்கும். அதன்மூலம் பழைமையான திருக்கோயில்களுக்குச் சென்று வருவீர்கள். தாங்கள் சிரமப்படும் தருணத்தில் நெருங்கிய நண்பர் ஒருவரின் உதவி கிடைப்பது ஆறுதலை அளிக்கும். திருமணத்திற்கான முயற்சிகளில் தடைகள் ஏற்பட்டாலும் இறுதியில் சரியாகிவிடும்.

உத்தியோகம்:
வேலைக்குச் சென்றுவரும் அன்பர்கள் சிலருக்கு ஊதிய உயர்வு மற்றும் இதர சலுகைகள் கிடைப்பதற்கான வாய்ப்புள்ளது. தங்களுக்குக் கொடுக்கப்பட்டுள்ள வேலையில் மட்டும் தங்கள் கவனத்தைச் செலுத்த வேண்டியது அவசியம்.

தொழில்:
ரியல் எஸ்டேட் மற்றும் உணவு சம்பந்தப்பட்ட பொருட்களைத் தயாரிப்பவர்கள் ஓரளவு முன்னேற்றத்தை இந்த வாரத்தில் எதிர்பார்க்கலாம். வருமானம் திருப்தி தரும்.

வியாபாரம்:
வியாபார ரீதியான வெளிநாட்டுப் பயணமொன்று வெற்றியைத் தேடித்தரும். அங்கிருந்து பொருட்களை வாங்கிவந்து இங்கு விற்பனை செய்பவர்களுக்கு அனுகூலமான வாரமிது.

பெண்மணிகள்:
குடும்ப நிர்வாகத்தை ஏற்றுள்ள பெண்மணிகளுக்கு சுமாரான வாரமே இது. வேலை பார்த்துவரும் பெண்கள் ஊதிய உயர்வை இந்த வாரம் எதிர்பார்க்கலாம்.

அறிவுரை:
ஆடம்பரச் செலவுகள் செய்ய வேண்டாம்.

அனுகூல தினங்கள்: ஜூன் : 20, 21, 22
பிரதிகூல தினங்கள்: ஜூன் : 23, 24, 25, 26

அதிர்ஷ்ட எண்கள்: 1, 6
 சிம்மம்
(மகம், பூரம், உத்திரம் முதல் பாதம் வரை)

குடும்பம்:
சிம்ம ராசி அன்பர்கள் தங்கள் ஆரோக்கியத்தில் சற்று கவனமாக இருக்க வேண்டியது அவசியம். சிறு உபாதையாக இருப்பினும் மருத்துவரிடம் சென்று சிகிச்சை எடுத்துக்கொள்ளுங்கள். சிறு விஷயத்திற்கும் நீங்கள் எளிதில் உணர்ச்சிவசப்படுவீர்கள். அதனால் மனரீதியான பாதிப்புகள் ஏற்படுவதற்கான வாய்ப்புள்ளது. பண வரவிற்குக்குறைவிராது. என்றாலும் எதிர்பாராத செலவினங்கள் ஏற்படுவதற்கான வாய்ப்புள்ளது. நெருங்கிய நண்பர் ஒருவரால் மறைமுக தொல்லைகள் ஏற்படலாம். எனவே சற்று எச்சரிக்கையுடன் இருக்க வேண்டியது அவசியம்.

உத்தியோகம்:
அலுவலகத்தில் தங்களுக்குக் கோபம் வரும்படியாக சக ஊழியர்கள் சிலர் நடந்துகொள்வார்கள். அச்சமயத்தில் நீங்கள் பொறுமையாக இருக்க வேண்டியது அவசியம். வேலையில் அதிக கவனம் தேவை.

தொழில்:
கடன் வாங்கும் எண்ணத்தை அறவே தவிர்ப்பது நல்லது. எதிர்பார்த்திருந்த இடத்திலிருந்து உதவிகள் கிடைப்பதும் சற்று சிரமம்தான்.

வியாபாரம்:
வியாபார ரீதியான முக்கிய முடிவுகள் எதையும் தங்களால் இந்த வாரத்தில் எடுக்க முடியாது. அவசரத்தில் எடுக்கும் முடிவுகள் பாதிப்பை ஏற்படுத்தக்கூடும்.

பெண்மணிகள்:
குடும்ப நிர்வாகத்தைக் கவனித்துவரும் பெண்மணிகளுக்கு தைரியமில்லாத வாரமிது என்றே சொல்ல வேண்டும். வேலை பார்த்துவரும் பெண்களுக்கு அலுவலகச்சூழ்நிலை மனநிம்மதியைத் தராது.

அறிவுரை:
தியானம் மனதினை ஒருநிலைப்படுத்தும்.

அனுகூல தினங்கள்: ஜூன் : 20, 21, 22
பிரதிகூல தினங்கள்: ஜூன் : 23, 24, 25, 26

அதிர்ஷ்ட எண்கள்: 3, 7
 கன்னி
(உத்திரம் 2_ம் பாதம் முதல் அஸ்தம், சித்திரை 2_ம் பாதம் வரை)

குடும்பம்:
கன்னி ராசியினருக்கு செலவுகள் அதிகரிக்கக்கூடிய வாரமாக இது இருக்கும். குழந்தைகள் மற்றும் மனைவியாலும் எதிர்பாராத வகையில் செலவுகள் ஏற்படுவதற்கான வாய்ப்புள்ளதை சம்பந்தப்பட்ட கிரகநிலைகள் எடுத்துக்காட்டுகின்றன. எனவே கவனம் தேவை. விலையுயர்ந்த பொருளொன்று தொலையவோ அல்லது உடைந்துபோகவோ வாய்ப்புள்ளது. எனவே அவற்றை ஜாக்கிரதையாகக் கையாளுங்கள். கணவன்&மனைவியிடையே சிறுசிறு பிரச்சினைகள் ஏற்பட்டு அதனால் ஒருவரையொருவர் பிரிந்திருக்க நேரிடும். கடின உழைப்பின் காரணமாக நிம்மதியான தூக்கமில்லாமல் சிரம்படுவீர்கள்.

உத்தியோகம்:
அலுவலகத்தில் தங்களுக்குக் கொடுக்கப்பட்டுள்ள வேலையில் அதிக கவனத்தைச் செலுத்திவர வேண்டியது அவசியம். காரணம், அதில் சிறு தவறு ஏற்பட்டாலும் அதைப்பெரிதாக எடுத்துக்கொள்ள வாய்ப்புள்ளதால் ஆகும்.

தொழில்:
தொழில்துறையினருக்கு பணவிரயம் சற்று அதிகமாக ஏற்படக்கூடிய வாரமாக இது இருக்கும் என்பதால் கவனமாக இருக்க வேண்டியது அவசியம். புதிய முயற்சிகளில் ஈடுபட்டுள்ளவர்கள் ஜாக்கிரதையாக இருந்து வரவும்.

வியாபாரம்:
செலவுகள் அதிகமாக இருக்கக்கூடும் என்பதால் லாபத்தை இந்த வாரத்தில் எதிர்பார்க்க முடியாது. எனவே சற்று பொறுமையாக இருந்து வாருங்கள்.

பெண்மணிகள்:
செலவுகள் அதிகரிப்பதால் பெண்மணிகளுக்கு குடும்ப நிர்வாகம் செய்வதில் சிரமம் ஏற்படக்கூடும். அலுவலகம் சென்றுவரும் பெண்களுக்கு நிம்மதியில்லாத வாரமாக இது இருக்கும்.

அறிவுரை:
பொறுமை, நிதானம் தேவை

அனுகூல தினங்கள்: ஜூன் : 20, 21, 22
பிரதிகூல தினங்கள்: ஜூன் : 23, 24, 25, 26

அதிர்ஷ்ட எண்கள்: 4, 8
 துலாம்
(சித்திரை 3_ம் பாதம் முதல் சுவாதி, விசாகம் 3_ம் பாதம் வரை)

குடும்பம்:
துலா ராசி அன்பர்களுக்கு பெருமை சேர்க்கக்கூடிய வாரமாக இது இருக்கும் என்பதால் மகிழ்ச்சிக்குக்குறைவிராது. பணவரவு நல்லபடி இருக்கும். வீட்டிற்குத்தேவையான விலையுயர்ந்த பொருட்களை வாங்குவதற்குச்சாதகமான வாரமிது. வெள்ளியால் செய்யப்பட்ட பொருளொன்றையும் இந்த வாரத்தில் வாங்கி மகிழ்வீர்கள். தாங்கள் மேற்கொண்டுவரும் முயற்சிகள் அனைத்திலும் வெற்றி கிடைக்கும். வெகுநாட்களுக்குப் பிறகு தங்கள் சகோதரர் அவர் குடும்பத்துடன் உங்கள் வீட்டிற்கு வந்து செல்வது உற்சாகத்தை அளிக்கும். புதிய வீடு வாங்கும் யோகம் சிலருக்கு உள்ளது.

உத்தியோகம்:
மேலதிகாரியிடம் நற்பெயர் கிடைக்கும். அதன் காரணமாக ஊதிய உயர்வும், பதவி உயர்வும் கிடைக்கப் பெறுவீர்கள். இருப்பினும் சக ஊழியர்கள் தங்கள் மீது வீண்பழி சுமத்துவதற்கான வாய்ப்புள்ளது. எனவே கவனம் தேவை.

தொழில்:
உற்பத்தி நல்லபடி இருக்கும். வருமானம் திருப்தி தரும். புதிய ஒப்பந்தங்களில் கையெழுத்திடும் போது சற்று கவனம் தேவை. அவற்றை நன்கு படித்துப் பார்த்து பின்பு கையெழுத்திடவும். மற்றபடி பிரச்சினை இல்லை.

வியாபாரம்:
தற்போது தாங்கள் வியாபாரம் நடத்தி வருமிடத்தில் பிரச்சினைகள் ஏற்பட வாய்ப்புள்ளது. அதனால் தாங்கள் செய்துவரும் வியாபாரத்தில் கவனத்தைச் செலுத்த முடியாது. அதனால் வருமானம் குறையும்.

பெண்மணிகள்:
செலவுகள் அதிகரிப்பதால் பெண்மணிகளுக்கு குடும்ப நிர்வாகம் செய்வதில் பிரச்சினைகள் ஏற்படலாம். உத்தியோகம் பார்க்கும் பெண்கள் சிறு அளவில் ஊதிய உயர்வொன்றினை இந்த வாரத்தில் எதிர்பார்க்கலாம்.

அறிவுரை:
சேமிப்பிற்கு முயற்சியுங்கள்.

அனுகூல தினங்கள்: ஜூன் : 20, 21, 22
பிரதிகூல தினங்கள்: ஜூன் : 23, 24, 25, 26

அதிர்ஷ்ட எண்கள்: 3, 7
 விருச்சிகம்
(விசாகம் 4_ம் பாதம் முதல் அனுஷம், கேட்டை வரை)

குடும்பம்:
நிதிநிலைமை நல்லபடி இருக்கும். வீண்செலவுகள் எதுவும் இந்த வாரம் ஏற்படுவதற்கில்லை. அதனால் குடும்பச் சூழ்நிலை நல்லபடி இருக்கும். சகோதரர், சகோதரிகளுடன் சண்டைசச்சரவுகள் ஏற்பட்டு பின்பு சரியாகும். வெகுநாட்களுக்குப் பிறகு நெருங்கிய நண்பர் ஒருவரின் சந்திப்பு நிகழ்வது மகிழ்ச்சியளிக்கும். திருமண வயதில் பெண்ணோ அல்லது பிள்ளையோ இருப்பின் அவர்களுக்கான வரன் தேடும் முயற்சிகளை இந்த வாரத்தில் மேற்கொள்ளலாம். அதில் வெற்றி கிடைக்கும். பழைமையான திருத்தலங்களுக்குச் சென்றுவரும் வாய்ப்பு சிலருக்குக்கிடைக்கும். நீதிமன்றத்தில் தங்கள் மீது வழக்குகள் ஏதாவது இருப்பின் அதில் சாதகமான போக்கு தென்படும்.

உத்தியோகம்:
வேலை பார்த்துவரும் அன்பர்களுக்கு அலுவலகத்தில் கடின உழைப்பு ஏற்படக்கூடும். என்றாலும் அதற்கேற்ற முன்னேற்றம் இருப்பதால் கவலை வேண்டாம்.

தொழில்:
தொழில் ரீதியான வெளியூர் பயணமொன்று சித்திக்கும். அதன்மூலம் ஆதாயம் கிடைக்கும். தாங்கள் எதிர்பார்த்த வருமானம் கிடைக்கப் பெறுவீர்கள்.

வியாபாரம்:
வியாபாரிகளுக்கு நன்மையளிக்கக்கூடிய வாரமாக இது இருக்கும். விற்பனையும், லாபமும் நல்லபடி இருப்பதால் நீங்கள் கவலைப்பட வேண்டாம்.

பெண்மணிகள்:
பெண்மணிகளுக்கு மனநிறைவான வாரமிது என்றே சொல்ல வேண்டும். பணிக்குச் சென்றுவரும் பெண்களுக்கு பெருமையளிக்கக்கூடிய வாரமிது.

அறிவுரை:
விவாதம் செய்ய வேண்டாம்.

அனுகூல தினங்கள்: ஜூன் : 23, 24, 25, 26
பிரதிகூல தினங்கள்: ஜூன் : 20, 21, 22

அதிர்ஷ்ட எண்கள்: 2, 6
 தனுசு
(மூலம், பூராடம், உத்திராடம் 1_ம் பாதம் வரை)

குடும்பம்:
நிதிநிலை சற்று ஏற்றத்தாழ்வுடன் காணப்படும். அதனால் செலவுகள் செய்யும்போது கவனம் தேவை. மற்றபடி பிரச்சினைகள் ஏற்படுவதற்கான வாய்ப்பில்லை. நெருங்கிய உறவினர்களிடமோ அல்லது நண்பர்களிடமோ கோபப்பட்டுப்பேசாதீர்கள். தந்தைவழி சொத்து சம்பந்தமான பிரச்சினையொன்று தலைவலியை ஏற்படுத்தும். செலவுகள் அதிகரிப்பதால் கடன் வாங்க வேண்டிய நிர்பந்தம் ஏற்படலாம். அத்தருணத்தில் கடன் வாங்காதீர்கள். பின்பு அவற்றை அடைக்க முடியாமல் சிரமப்பட நேரிடும். விவாக வயதிலுள்ளவர்களுக்கு மனதிற்குப்பிடித்த வரன் அமையும். கணவன்&மனைவி ஒருவருக்கொருவர் விட்டுக்கொடுத்து நடந்துகொள்வது நல்லது.

உத்தியோகம்:
வேலைக்குச் சென்றுவரும் அன்பர்கள் சிலருக்கு அலுவலகத்தில் முக்கிய பொறுப்புகள் வழங்கப்படலாம். அதனால் தங்கள் பெயர் பிரபலமடையும். அது தங்களுக்கு உற்சாகத்தைத் தரும்.

தொழில்:
தொழிலதிபர்களுக்கு நன்மை தரக்கூடிய வாரமிது என்றே சொல்ல வேண்டும். உற்பத்தி நல்லபடி இருக்கும். லாபம் உயரும். புதிய முயற்சிகள் வெற்றியைத் தரும்.

வியாபாரம்:
வாடிக்கையாளர்களின் வருகை அதிகரிக்கும். பழைய வாடிக்கையாளர்களும் திரும்ப வருவார்கள். அது மகிழ்ச்சியை அளிக்கும். விற்பனை சுமுகமாக நடைபெறும்.

பெண்மணிகள்:
பெண்மணிகளுக்கு வெற்றிகரமான வாரமிது. வேலைக்குச் சென்றுவரும் பெண்களுக்கு விருப்பங்கள் நிறைவேறக்கூடிய வாரமாக இது இருக்கும்.

அறிவுரை:
உணர்ச்சிவசப்படுவதைத் தவிர்ப்பது நல்லது.

அனுகூல தினங்கள்: ஜூன் : 20, 21, 26
பிரதிகூல தினங்கள்: ஜூன் : 22, 23, 24, 25

அதிர்ஷ்ட எண்கள்: 3, 5
 மகரம்
(உத்திராடம் 2_ம் பாதம் முதல், திருவோணம், அவிட்டம் 2_ம் பாதம் வரை)

குடும்பம்:
மகர ராசி அன்பர்கள் பணம் மற்றும் பொருட்களைப் பத்திரமாகப் பார்த்துக்கொள்ள வேண்டியது அவசியம். காரணம், தங்களின் அலட்சியத்தால் அவை தொலைந்துபோக வாய்ப்புள்ளது. மனதில் ஏற்படும் தேவையற்ற கவலையினால் நிம்மதி இருக்காது. குழந்தைகள் தங்கள் சொல்பேச்சுக்கேட்டு நடந்துகொள்ளாதது மனக் கவலையை அதிகரிக்க செய்யும். திருமண வயதிலுள்ள மகர ராசியினருக்கு நல்ல வரன் அமையும். அதற்கான முயற்சிகளை வாரத்தின் பிற்பகுதியில் மேற்கொள்ளலாம். வேலை காரணமாகவோ அல்லது வேறு சில காரணங்களுக்காகவோ கணவன்& மனைவியர் இவ்வாரம் பிரிந்திருக்க நேரிடும். மொத்தத்தில் நிம்மதியில்லாத வாரமிது உங்களுக்கு.

உத்தியோகம்:
வேலைக்குச் சென்றுவரும் அன்பர்கள் அலுவலகத்தில் முன்னேற்றம் எதையும் இந்த வாரத்தில் எதிர்பார்க்க முடியாது. எனவே பொறுமையாக இருங்கள்.

தொழில்:
புதிய விஸ்தரிப்புத் திட்டங்களில் இந்த வாரம் இறங்க வேண்டாம். சக பாகஸ்தர்களுடன் சண்டைசச்சரவுகள் ஏற்பட வாய்ப்புள்ளதால் கவனம் தேவை.

வியாபாரம்:
வியாபாரம் சம்பந்தமான முக்கிய முடிவுகள் எடுப்பதை சற்று தள்ளிப்போடவும். அவசர அவசரமாக முடுவுகள் எதையும் எடுக்க வேண்டாம்.

பெண்மணிகள்:
குடும்ப நிர்வாகத்தைக் கவனித்துவரும் பெண்மணிகளுக்கு சாதகமில்லாத வாரமிது. வேலை பார்த்துவரும் பெண்களுக்கும் அதுபோலவே.

அறிவுரை:
அவசர முடிவுகளைத் தவிர்க்கவும்.

அனுகூல தினங்கள்: ஜூன் : 24, 25, 26
பிரதிகூல தினங்கள்: ஜூன் : 20, 21, 22, 23

அதிர்ஷ்ட எண்கள்: 1, 7
 கும்பம்
(அவிட்டம் 3_ம் பாதம் முதல், சதயம், பூரட்டாதி 3_ம் பாதம் வரை)

குடும்பம்:
இந்த ராசி அன்பர்கள் வாரத்தின் முதல் மூன்று நாட்கள் மிகவும் ஜாக்கிரதையாக இருக்க வேண்டியது அவசியம். அச்சமயத்தில் கடன் கொடுக்கவோ அல்லது கடன் வாங்கவோ வேண்டாம். அதேபோன்று பிறருக்காக ஜாமீன் கையெழுத்திட வேண்டாம். அதனால் சில பிரச்சினைகளை நீங்கள் சந்திக்க வேண்டியிருக்கும். தந்தைவழியில் கிடைக்கவேண்டிய உதவி எதையும் இந்த வாரத்தில் நீங்கள் எதிர்பார்க்க முடியாது. மனத்தெளிவு இருக்காது. வெளியிடங்களுக்குச்செல்லும்போதோ அல்லது வெளியூர் பயணங்கள் மேற்கொள்ளும் போதோ தங்கள் பணம் அல்லது பொருள் களவுபோக வாய்ப்புள்ளது. எனவே சற்று கூடுதல் கவனம் தேவை.

உத்தியோகம்:
வேலை பார்க்குமிடத்தில் 'தானுண்டு;தன் வேலையுண்டு' என்றிருந்து வருவது நல்லது. பிறர் விஷயத்தில் தாங்கள் தலையிடாமல் இருப்பதும் நல்லது.

தொழில்:
புதிய தொழில் தொடங்குவதற்கான முயற்சிகளை மேற்கொண்டுவரும் சமயத்தில் அதிக கவனம் தேவை. நிதிநிறுவனங்களின் ஒத்துழைப்பு கிடைக்காது. எனவே பொறுமை தேவை.

வியாபாரம்:
வியாபார ரீதியான பயணமொன்று அலைச்சலை ஏற்படுத்துமே தவிர்த்து அதனால் ஆதாயம் கிடைக்க வாய்ப்பில்லை. எனவே நிதானம் தேவை.

பெண்மணிகள்:
பெண்மணிகள் பொறுமையாக இருந்துவர வேண்டிய தருணமிது. வேலைக்குச் சென்றுவரும் பெண்கள் முன்னேற்றத்தை எதிர்பார்க்க முடியாது.

அறிவுரை:
விரக்தி மனப்பான்மையை விட்டொழியுங்கள்.

அனுகூல தினங்கள்: ஜூன் : 23, 24, 25, 26
பிரதிகூல தினங்கள்: ஜூன் : 20, 21, 22

அதிர்ஷ்ட எண்கள்: 4, 8
 மீனம்
(பூரட்டாதி 4_ம் பாதம் முதல், உத்திரட்டாதி, ரேவதி வரை)

குடும்பம்:
திருமண வயதிலுள்ள மீன ராசி அன்பர்களுக்கான வரன் தேடும் முயற்சிகளை வாரத்தின் பிற்பகுதியில் மேற்கொள்ளலாம். அதில் வெற்றி கிடைக்கும். பணவரவு நல்லபடி இருப்பதால் நீங்கள் கவலைப்பட வேண்டாம். அவ்வப்போது சிறுசிறு உடல் உபாதைகள் ஏற்பட்டாலும் அவை அனைத்தும் எளிய மருத்துவ சிகிச்சையினால் சரியாகும். வீட்டின் அருகே வசித்து வருபவர்களுடன் சண்டைசச்சரவுகள் உண்டாகும். எனவே கவனம் தேவை. தங்களிடம் கடன் கேட்டு சிலர் நச்சரிப்பார்கள். அதனால் கோபமடைவீர்கள்.

உத்தியோகம்:
அலுவலகத்தில் சக ஊழியர்களிடம் பழகும்போது கூடுதல் கவனம் தேவை. தங்கள் சொந்த பிரச்சினையை அவர்களிடம் பகிர்ந்துகொள்ள வேண்டாம்.

தொழில்:
சக பாகஸ்தர்களுடன் வீண் பிரச்சினைகள் ஏற்படவாய்ப்புள்ளது. எனவே வீண் விவாதம் செய்ய வேண்டாம். ஏற்றுமதித் துறையினர் கவனமாக இருக்கவேண்டிய வாரமிது.

வியாபாரம்:
போட்டிகள் இருக்கும். அதைச் சமாளிப்பதற்கான புதிய யுக்திகளை மேற்கொள்வீர்கள். கடன் வாங்கும் எண்ணத்தை விட்டொழியுங்கள். அதனால் பிரச்சினைகள் ஏற்பட்டு வியாபாரத்தில் கவனத்தைச் செலுத்த முடியாதபடி சூழ்நிலை ஏற்படலாம்.

பெண்மணிகள்:
குடும்ப நிர்வாகத்தை ஏற்றுள்ள பெண்மணிகளுக்கு மனக் கவலைகள் அதிகரிக்கக்கூடிய வாரமாக இது இருக்கும். வேலைக்குச் சென்றுவரும் பெண்களுக்கு அலுவலகச் சூழ்நிலை மனநிம்மதியைத் தராது.

அறிவுரை:
மனதிலிருந்துவரும் கவலைகளை அகற்றிடுங்கள்.

அனுகூல தினங்கள்: ஜூன் : 20, 21, 25, 26
பிரதிகூல தினங்கள்: ஜூன் : 22, 23, 24

அதிர்ஷ்ட எண்கள்: 3. 5

RSS Movies Shop

This website can secure your private information using a SSL Certificate. Information exchanged with any address beginning with https is encrypted using SSL before transmission.


About us | Register | Font Help | Feedback | Ad Tariff | Faq | Site Map
Copyright © 2010 Noble Broadcasting Corporation Private Limited . Allrights reserved.
Best view under 1024x764 Resoultion.