Email
Password:
Remember Me  
Forgot Password   New Registration
About us | Register | Plan Details |Font Help| Feedback| Ad Tariff | Faq | Site Map|RSSimageRss  
News Headline
Dotcom Special
    Weekly Horoscope
மேஷம் முதல் மீனம் வரை 12 ராசிகளுக்கான ஒருவார பலன்கள்.
20-04-2014 முதல் 26-04-2014 வரை
 மேஷம்
(அசுவினி, பரணி, கிருத்திகை முதல் பாதம் வரை)

குடும்பம்:
வருமானம் திருப்திகரமாக இருக்கும். செலவுகள் கட்டுக்கடங்கி இருக்கும். அடிக்கடி ஏதாவது ஓர் உடல் உபாதை இருந்துகொண்டிருக்கும். நெருங்கிய உறவினர்களிடையே ஒற்றுமை நிலவும். திருமண முயற்சிகளை மேலும் சிறிது காலத்திற்கு ஒத்திப்போடுவது நல்லது. பழைய கடன்கள் மனஅமைதியைப் பாதிக்கும். வெளியூர் பயணங்களினால் பணம் விரயமாகும். குழந்தைகளின் கல்வி முன்னேற்றம் பற்றிக் கவலை ஏற்படக்கூடும்.

உத்தியோகம்:
பொறுப்புகளில் ஏற்பட்டுவந்த விரக்தி மனப்பான்மை நீங்கும். மேலதிகாரிகளுடன் ஏற்பட்டுவந்த கருத்து வேற்றுமை விலகும். ஒரு சிலருக்கு இடமாற்றமும், அதனால் நன்மையும் ஏற்படும். வேலையில்லாமல் இருந்துவந்த மேஜ ராசியினருக்குச் சிறிது முயற்சியிலேயே நல்ல வேலை கிடைக்கும்.

தொழில்:
கிரகங்கள் படிப்படியாக உதவிகரமான நிலைகளில் மாறிவருவதால், மீண்டும் தொழிலில் நல்ல முன்னேற்றம் ஏற்படும். நிதிநிறுவனங்களின் ஒத்துழைப்பினால் பொருளாதார நிலை சீர்படும். லாபம் படிப்படியாக உயரும்.

வியாபாரம்:
அன்றாட விற்பனையில் நல்ல லாபம் கிடைக்கும். மொத்த வியாபாரத்தில் ஈடுபட்டுள்ள வர்த்தகர்களுக்கு லாபகரமான வாரமிது.

பெண்மணிகள்:
மனநிறைவை அளிக்கும்படியாகச் சஞ்சரிக்கின்றனர் முக்கிய கிரகங்கள். குடும்ப நிர்வாகத்தை மேற்கொண்டுள்ள பெண்மணிகளுக்கு பிரச்சினையில்லாத வாரமிது. வேலைக்குச் சென்றுவரும் பெண்மணிகளுக்கும் அலுவலகச் சூழ்நிலை மனநிறைவைத் தரும்.

அறிவுரை:
இவ்வாரமும் உடல்நலனில் கவனமிருக் கட்டும்.

அனுகூல தினங்கள்: ஏப்ரல் : 20, 21, 22, 26
பிரதிகூல தினங்கள்: ஏப்ரல் : 23, 24, 25

அதிர்ஷ்ட எண்கள்: 4, 6
 ரிஷபம்
(கிருத்திகை 2_ம் பாதம் முதல், ரோகிணி, மிருகசீரிஷம் 2_ம் பாதம் வரை)

குடும்பம்:
இவ்வாரமும் பெரும்பாலான கிரகநிலைகள் உங்களுக்குச் சாதகமாக அமைந்துள்ளன. ஆரோக்கியத்தில் நல்ல அபிவிருத்தி ஏற்படும். விவாக வயதில் பெண் அல்லது பிள்ளை இருப்பின் அவர்களது திருமண முயற்சிகளில் இவ்வாரம் முதல் ஈடுபடலாம். நல்ல வரன் அமையும். சொந்த வீடு அல்லது ஸ்திர சொத்துக்கள் வாங்கும் யோகமும் பலருக்கு உள்ளது. ஜெனனகால கிரகநிலைகள் மற்றும் தற்போதைய தசா, புக்திகள் ஆகியவற்றின் அடிப்படையில் இவை அமையும். பழைய கடன்களிலிருந்து விடுபட சரியான நேரமிது.

உத்தியோகம்:
முக்கிய கிரகங்கள் அனைத்தும் உங்கள் பக்கம்தான் இவ்வாரம் முழுவதும். சிலருக்கு பதவி உயர்வும், சலுகைகள் கூடுதலும், நிர்வாகத்தினரின் பாராட்டுதல்களும் கிடைக்கும்.

தொழில்:
தொழில் அபிவிருத்தியில் சிறந்த முன்னேற்றம் ஏற்படும். தொழிலை விரிவுபடுத்துவதற்கும், புதிய துறைகளில் ஈடுபடுவதற்கும் அனுகூலமான வாரமிது.

வியாபாரம்:
சக கூட்டாளிகளுடன் ஏற்பட்டுவந்த பிரச்சினைகள் பரஸ்பர சமரசத்தில் முடியும். வியாபாரம் அபிவிருத்தி அடையும். ஏற்றுமதி - இறக்குமதித் துறையில் ஈடுபட்டுள்ள அன்பர்களுக்கு மிகவும் அனுகூலமான வாரமிது.

பெண்மணிகள்:
இவ்வாரம் முழுவதும் கிரகநிலைகள் உங்களுக்குச் சாதகமாகதான் சஞ்சரிக்கின்றன. ஆதலால் கவலை இல்லாத வாரமிது என உறுதியளிக்கிறோம். வேலை பார்க்கும் பெண்மணிகளுக்கும் முன்னேற்றத்தை அளிக்கும்படி கிரகநிலைகள் அமைந்துள்ளன.

அறிவுரை:
சேமிப்பிற்கும், உங்கள் வாழ்க்கைத் தரத்தை உயர்த்திக் கொள்வதற்கும் கிரகநிலைகள் சாதகமாக அமைந்துள்ளன. பயன்படுத்திக்கொள்வது உங்கள் திறன்.

அனுகூல தினங்கள்: ஏப்ரல் : 23, 24, 25, 26
பிரதிகூல தினங்கள்: ஏப்ரல் : 20, 21, 22

அதிர்ஷ்ட எண்கள்: 1, 9
 மிதுனம்
(மிருகசீரிஷம் 3_ம் பாதம் முதல், திருவாதிரை, புனர்பூசம் 3_ம் பாதம் வரை)

குடும்பம்:
கிரகங்கள் தொடர்ந்து நன்மை செய்ய இயலாத நிலையில்தான் இவ்வாரமும் சஞ்சரிக்கின்றன. குடும்பப் பிரச்சினைகள் கவலையை அளிக்கும். அடிக்கடி மனதில் டென்ஷன் ஏற்படும். சிறு விஜயங்களுக்குக்கூட மனதில் கோபம் உண்டாகும். கணவர்-மனைவியிடையே ஒற்றுமைக் குறைவு ஏற்படும்.

உத்தியோகம்:
உங்கள் உணர்ச்சிகளைக் கட்டுப்படுத்திக் கொள்ள வேண்டிய வாரமிது. மேலதிகாரிகளின் நியாயமற்ற மனப்போக்கு கவலை அளிக்கும்.

தொழில்:
கடின உழைப்பும், வீண் அலைச்சலும், அரசாங்க அதிகாரிகளினால் தொல்லைகளும் ஏற்படக்கூடும். நிம்மதி குறைந்த வாரமிது என்பதைக் கிரகநிலைகள் எடுத்துக்காட்டுகின்றன.

வியாபாரம்:
போட்டிகள் அதிகரிக்கும். லாபத்தை தக்க வைத்துக்கொள்ள மிகவும் கடுமையாக உழைக்க வேண்டியது வரும். லாபம் பாதிக்கப்படும். புதிய முயற்சிகள், முதலீடுகள் ஆகியவற்றை இவ்வாரம் தவிர்ப்பது உங்கள் எதிர்கால நன்மைக்கு மிகவும் உகந்தது.

பெண்மணிகள்:
குடும்பப் பிரச்சினைகளினால் மனதில் விரக்தியும், வேதனையும் உண்டாகும். குழந்தைகளின் எதிர்கால நலனைப் பற்றியும் கவலை உண்டாகும். கணவரின் உடல்நலன் பாதிக்கப்படுவதற்கும் வாய்ப்புள்ளது. வேலை பார்க்கும் பெண்மணிகளுக்கும் அலுவலகச் சூழ்நிலை கவலை அளிக்கும்.

அறிவுரை:
எத்தகைய சூழ்நிலையிலும் மனதைத் தளரவிடாமல் இஷ்டதெய்வத்தைப் பூஜித்து வாருங்கள்.

அனுகூல தினங்கள்: ஏப்ரல் : 20, 24, 25, 26
பிரதிகூல தினங்கள்: ஏப்ரல் : 21, 22, 23

அதிர்ஷ்ட எண்கள்: 2, 5
 கடகம்
(புனர்பூசம் 4_ம் பாதம் முதல், பூசம், ஆயில்யம் வரை)

குடும்பம்:
சனி, ராகுவின் கூட்டுச் சேர்க்கையினால் ஏற்பட்ட அர்த்தாஷ்டக தோஷம் படிப்படியாகக் குறைந்துகொண்டே வருவதால் இதுவரை ஏற்பட்டுவந்த குடும்பப் பிரச்சினைகள் இனி நல்லபடி தீரும். மனதில் அமைதி ஏற்படும். கணவர்-மனைவியி டையே மீண்டும் ஒற்றுமை நிலவும். முக்கியமாக பண நெருக்கடி தீரும். ஆரோக்கியம் அபிவிருத்தி அடையும். திருமண முயற்சிகளி ல் ஏற்பட்டு வந்த தடங்கல்கள் விலகும். கடன் தொல்லைகள் குறையும். தாயின் ஆரோக்கியத்தில் முன்னேற்றம் ஏற்படும்.

உத்தியோகம்:
மனதை அரித்துவந்த பல அலுவலகப் பிரச்சினைகள் நீங்கும். தற்காலிகப் பணிகளில் உள்ள அன்பர்கள் பணி நிரந்தரம் செய்யப்படுவார்கள். வேலையில் மாற்றம் விரும்பும் கடக ராசியினர் அதற்கான முயற்சிகளை இனி மேற்கொள்ளலாம்.

தொழில்:
நலிவுற்ற தொழிலை மீண்டும் நிலைநிறுத்த ஆதரவாக நிதியுதவிகளும், அரசாங்க ஆதரவும் தேடிவரும். தடைபட்டிருந்த உற்பத்தியை மீண்டும் தொடங்குவதற்கு ஏற்ற சூழ்நிலை உருவாகும்.

வியாபாரம்:
சென்ற வாரத்தில் நிலவிய மந்தநிலையில் இவ்வாரம் நல்ல மாற்றம் ஏற்படுவதை அன்றாட விற்பனையில் காண இயலும்.

பெண்மணிகள்:
குடும்ப நிர்வாகப் பொறுப்பை ஏற்றுள்ள பெண்மணிகளுக்கு நம்பிக்கையையும், மகிழ்ச்சியையும் அளிக்கும் வாரமாகும். வேலை பார்க்கும் பெண்மணிகளுக்கு மிகவும் அனுகூலமான வாரமிது.

அறிவுரை:
கற்பனையான கவலைகளை விலக்கி மனதை நிம்மதியாக வைத்துக்கொள்ளுங்கள்.

அனுகூல தினங்கள்: ஏப்ரல் : 20, 21, 22, 26
பிரதிகூல தினங்கள்: ஏப்ரல் : 23, 24, 25

அதிர்ஷ்ட எண்கள்: 3, 6
 சிம்மம்
(மகம், பூரம், உத்திரம் முதல் பாதம் வரை)

குடும்பம்:
இவ்வாரமும் நன்மைகள் நீடிக்கின்றன. பொருளாதாரநிலை திருப்திகரமாக உள்ளது. குடும்பப் பிரச்சினைகள் அனைத்தும் நல்லபடி தீரும். அதிக அலைச்சலினாலும், குடும்பப் பொறுப்புகளினாலும் உடலில் அசதியும், ஆயாசமும் ஏற்படும். முடிந்தபோதெல்லாம் சிறிது ஓய்வு எடுத்துக்கொள்வது நல்லது. திருமண வயதில் பெண் அல்லது பிள்ளை இருப்பின் நல்ல வரன் அமைய கிரகநிலைகள் அனுகூலமாகச் சஞ்சரிக்கின்றன.

உத்தியோகம்:
ஜீவனாதிபதியும், ஜீவனகாரகரும் சிறந்த சுபபலம் பெற்று சஞ்சரிப்பதால் உத்தியோகத்தில் மேன்மை ஏற்படும். மேலதிகாரிகள், நிர்வாகத்தினரின் ஆதரவு கிடைக்கும். சக ஊழியர்கள் ஒத்துழைப்பார்கள். வெளிநாடுகளில் வேலை பார்த்துவருபவர்களுக்கு வேலை மாற்றம் ஏற்படுவதற்கும், அதனால் வருமானம் உயர்வதற்கும் சாத்தியக்கூறு உள்ளது.

தொழில்:
நியாயமற்ற போட்டிகள் இனி இராது. உற்பத்தி அதிகரிக்கும். வருமானம் உயரும். ஒரு சில தொழிலதிபர்கள் வெளிநாடு சென்று வருவதற்கும், அதன்மூலம் தொழில் அபிவிருத்திய டைவதற்கும் கிரகநிலைகள் உதவிகரமாக அமைந்துள்ளன.

வியாபாரம்:
சிறந்த அபிவிருத்தியை அளிக்கக்கூடிய பொன்னான நேரமிது. லாபம் படிப்படியாக உயர்வதை அன்றாட விற்பனையில் பார்க்கலாம்.

பெண்மணிகள்:
உற்சாகமான வாரமிது அனைத்து பெண்மணிகளுக்கும். ஆரோக்கியத்தில் நல்ல அபிவிருத்தி காணலாம். உத்தியோகத்திற்குச் சென்றுவரும் பெண்மணிகளுக்கும் சிறந்த முன்னேற்றத்தை அளிக்கக்கூடிய வாரமாகும்.

அறிவுரை:
கிரகங்கள் சற்று தாராளமாகவே இவ்வாரம் வழங்கப்போவதால், எதிர்காலத்திற்கென்று சிறிது சேமித்து வையுங்கள்.

அனுகூல தினங்கள்: ஏப்ரல் : 20, 21, 22, 23
பிரதிகூல தினங்கள்: ஏப்ரல் : 24, 25, 26

அதிர்ஷ்ட எண்கள்: 7, 9
 கன்னி
(உத்திரம் 2_ம் பாதம் முதல் அஸ்தம், சித்திரை 2_ம் பாதம் வரை)

குடும்பம்:
பெரும்பான்மையான கிரகங்கள் அனுகூலமற்ற நிலைகளில் சஞ்சரிப்பதால் இவ்வாரமும் வரவைவிட செலவுகளே அதிகமாக இருக்கும். ஆரோக்கியம் குறைவினால் மருத்துவ சிகிச்சை ஏற்படுவதற்கு வாய்ப்புள்ளது. திருமண முயற்சிகளில் பலன் ஏற்படுவது சற்று கடினம். நெருங்கிய உறவினர்களுக்கிடையே வாக்குவாதமும், பொறாமையும் ஏற்படும். கூடியவரையில் ஒருவருக்கொருவர் அனுசரித்து நடந்துகொள்வது நன்மையை அளிக்கும்.

உத்தியோகம்:
கிரகநிலைகள் சாதகமாக மாறுவதற்கு இன்னும் சிறிது காலம் பிடிக்கும். இவ்வாரம் முழுவதும் உங்கள் கடமைகளிலும், பொறுப்புகளிலும் கவனத்துடன் செயல்பட வேண்டிய அவசியத்தைக் கிரகநிலைகள் எடுத்துக் காட்டுகின்றன. அலுவலகச் சூழ்நிலையினால் உங்கள் எதிகாலத்தைப் பற்றி அச்சமும், சந்தேகமும் ஏற்படும். உங்கள் விருப்பத்திற்கு மாறான இடமாற்றம் ஏற்படுவதற்கும் சாத்தியக்கூறு உள்ளது.

தொழில்:
உற்பத்தி பாதிக்கப்படும். குறித்த காலகட்டத்திற்குள் சரக்குகள் ஏற்றுமதி செய்ய முடியாதபடி பல தடங்கல்கள் ஏற்படும். நிதிநிறுவனங்களினாலும் பிரச்சினையே. எதிர்பார்த்த அளவிற்கு இவ்வாரம் ஆர்டர்கள் கிடைப்பது கடினம்.

வியாபாரம்:
வியாபாரத்தில் ஏற்பட்டுள்ள மந்தநிலை நீடிக்கிறது. வார இறுதியில் நிதி நெருக்கடி ஏற்படுவதற்கும் சாத்தியக்கூறு உள்ளது.

பெண்மணிகள்:
குடும்பப் பிரச்சினைகளினால் மனநிம்மதி குறையும். வேலை பார்க்கும் பெண்மணிகளுக்கும் அலுவலகப் பிரச்சினை கவலை அளிக்கும்.

அறிவுரை:
இவ்வாரமும் ஆரோக்கியத்தில் கவனம் வேண்டும்.

அனுகூல தினங்கள்: ஏப்ரல் : 20, 21, 22, 26
பிரதிகூல தினங்கள்: ஏப்ரல் : 23, 24, 25

அதிர்ஷ்ட எண்கள்: 4, 5
 துலாம்
(சித்திரை 3_ம் பாதம் முதல் சுவாதி, விசாகம் 3_ம் பாதம் வரை)

குடும்பம்:
ஜென்ம ராசியில் ராகு, சனி கூட்டுச் சேர்க்கையினால் ஏற்பட்டு வந்த உடல் உபாதைகள் படிப்படியாக குறைந்து மீண்டும் ஆரோக்கியத்தில் அபிவிருத்தி காணமுடியும். வருமானம் திருப்திகரமாக இருக்கும். கணவர்-மனைவியிடையே பரஸ்பர ஒற்றுமை அதிகரிக்கும். குழந்தைகள் நலனில் ஏற்படும் முன்னேற்றம் மகிழ்ச்சியை அளிக்கும்.

உத்தியோகம்:
வேலைச்சுமை அதிகமாக இருந்தாலும் நல்ல முன்னேற்றத்தை இவ்வாரம் எதிர்பார்க்கலாம். மேலதிகாரிகளின் ஆதரவு உற்சாகத்தை அளிக்கும். வெளிநாடுகளில் வேலை பார்த்துவரும் துலா ராசி அன்பர்களுக்கு பல பிரச்சினைகள் நல்லபடி தீரும்.

தொழில்:
ஜென்ம ராசியில் சனி - ராகு கூட்டுச் சேர்க்கையினால் ஏற்பட்ட தோஷங்கள் இப்போது நன்கு குறைந்துவிட்டன. ஆதலால் உற்பத்தியில் ஏற்பட்டு வந்த தடங்கல்கள் நீங்கும். வங்கி மற்றும் இதர நிதிநிறுவனங்களின் ஒத்துழைப்பு கிடைக்கும்.

வியாபாரம்:
அன்றாட வியாபாரத்தில் நல்ல லாபம் கிடைக்கும். வங்கிகள் மற்றும் இதர நிதிநிறுவனங்கள் தக்க தருணத்தில் கைகொடுக்கும்.

பெண்மணிகள்:
நிம்மதியான வாரமிது. உடல்நலனிலும் நல்ல அபிவிருத்தியைக் காணலாம். வேலைக்குச் சென்றுவரும் பெண்மணிகளுக்கு ஜென்ம ராசியில் சனி, ராகுவினால் ஏற்பட்ட தோஷங்கள் நீங்கிவிட்டன. ஆதலால், அலுவலகத்தில் நல்ல முன்னேற்றம் ஏற்படும்.

அறிவுரை:
இவ்வாரமும் தேவையற்ற அலைச்சலையும், வெளியூர் பயணங்களையும் குறைத்துக்கொள்வது நல்லது..

அனுகூல தினங்கள்: ஏப்ரல் : 20, 21, 22, 26
பிரதிகூல தினங்கள்: ஏப்ரல் : 23, 24, 25

அதிர்ஷ்ட எண்கள்: 1, 5
 விருச்சிகம்
(விசாகம் 4_ம் பாதம் முதல் அனுஷம், கேட்டை வரை)

குடும்பம்:
நிதிநெருக்கடி தீர்ந்தபாடில்லை. அதனால் குடும்பத்தில் பல பிரச்சினைகள் ஏற்பட்டு மனநிம்மதி பாதிக்கப்படும். திருமண முயற்சிகளில் தடங்கல்கள் நீடிக்கின்றன. கணவர்-மனைவியிடையே ஒற்றுமைக்குறைவு நிலவும். ஆரோக்கியக் குறைவு அவ்வப்போது ஏற்படுவதற்கும் சாத்தியக்கூறு உள்ளது. குழந்தைகளின் கல்வியில் ஏற்படும் தடங்கல்கள் கவலை அளிக்கும்.

உத்தியோகம்:
இவ்வாரம் முழுவதும் கிரகநிலைகள் அனைத்தும் அனுகூலமற்ற நிலைகளில்தான் சஞ்சரிக்கின்றன. விருச்சிக ராசியினருக்கு சற்று சிரமமான வாரமிது. பொறுமை, நிதானம் அவசியம்.

தொழில்:
பல விதங்களிலும் சற்று சிரமமான வாரமிது என்றே கிரகநிலைகள் எடுத்துக்காட்டுகின்றன. பல காரணங்களினால் உற்பத்தி குறையும். எதிர்பார்த்த அளவிற்கு ஆர்டர்கள் கிடைக்காததால் லாபமும் பாதிக்கப்படக்கூடும்.

வியாபாரம்:
விற்பனை பாதிக்கப்படும். வெளியூர் பயணங்களினால் நஷ்டம் ஏற்படும். அரசாங்க அதிகாரிகள் தொல்லை தருவார்கள்.

பெண்மணிகள்:
கூடியவரையில் கவலையைக் குறைத்துக் கொள்ள முயற்சி செய்யவும். உணர்ச்சிவசப்படுவதைத் தவிர்ப்பதும் அவசியம். வேலைக்குச் சென்றுவரும் பெண்மணிகளுக்கும் இது பொருந்தும்.

அறிவுரை:
எத்தகைய சூழ்நிலையிலும் உங்கள் நிதானத்தை இழந்துவிடாதீர்கள்.

அனுகூல தினங்கள்: ஏப்ரல் : 23, 24, 25, 26
பிரதிகூல தினங்கள்: ஏப்ரல் : 20, 21, 22

அதிர்ஷ்ட எண்கள்: 1, 2
 தனுசு
(மூலம், பூராடம், உத்திராடம் 1_ம் பாதம் வரை)

குடும்பம்:
நன்மையான வாரமாகும். வருமானம் உயரும். செலவுகள் கட்டுக்கடங்கியிருக்கும். கணவர்-மனைவியிடையே ஏற்பட்டுவந்த கருத்து வேற்றுமை மறையும். திருமண முயற்சிகள் பலனளிக்கும். ஒரு சிலருக்குச் சொந்த வீடு அல்லது நிலம் அமைவதற்குச் சாத்தியக்கூறு உள்ளதைக் கிரகநிலைகள் எடுத்துக்காட்டுகின்றன. ஆரோக்கியம் திருப்திகரமாக உள்ளது. குடும்பத்தில் கவலையளித்துவந்த நீண்ட நாளைய முக்கியப் பிரச்சினை ஒன்று இப்போது நல்லபடி தீரும்.

உத்தியோகம்:
கிரகநிலைகள் சாதகமாகச் சஞ்சரிப்பதால் அலுவலகத்தில் செல்வாக்கு உயரும். சிலருக்கு சிறு பதவி உயர்வும், அதனால் இடமாறுதலும், சம்பள உயர்வும் கிடைக்கும்.

தொழில்:
சிறந்த அபிவிருத்தியை அளிக்கக்கூடிய வாரமிது. முக்கியமாக, ஏற்றுமதி-இறக்குமதித் துறையிலுள்ள தொழிலதிபர்களுக்கு பொன்னான வாரமிது எனக் கூறலாம். உங்கள் தொழிலை அபிவிருத்தி செய்வதற்கு ஏற்ற நேரமிது.

வியாபாரம்:
படிப்படியாக வியாபாரமும், லாபமும் அதிகரிக்கும். புதிய வர்த்தகத் துறையில் ஈடுபடுவதற்கு அனுகூலமான வாரமிது.

பெண்மணிகள்:
உற்சாகமான வாரமிது, தனுர் ராசியில் பிறந்துள்ள சகோதரிகளுக்கு. வேலைக்குச் சென்றுவரும் பெண்மணிகளுக்கும் அதிர்ஷ்டகரமான வாரமிது.

அறிவுரை:
திட்டமிட்டுச் செலவு செய்தால் சேமிப்பிற்கும் வாய்ப்புள்ளது-இதனை மறந்துவிடாதீர்கள்.

அனுகூல தினங்கள்: ஏப்ரல் : 20, 21, 22
பிரதிகூல தினங்கள்: ஏப்ரல் : 23, 24, 25, 26

அதிர்ஷ்ட எண்கள்: 3, 4
 மகரம்
(உத்திராடம் 2_ம் பாதம் முதல், திருவோணம், அவிட்டம் 2_ம் பாதம் வரை)

குடும்பம்:
எதிர்பாராத செலவு ஒன்று இவ்வாரம் தவிர்க்க இயலாதது. அதனால் வாரக் கடைசியில் பணப் பற்றாக்குறை ஏற்பட வாய்ப்புள்ளது. கணவர்-மனைவியிடையே ஒற்றுமை நிலவும். திருமண முயற்சிகள் கைகூடும். நீதிமன்ற வழக்குகளில் அனுகூலமான போக்கு தென்பட்டாலும், சாதகமான தீர்வு கிடைப்பதற்கு நீங்கள் இன்னும் சிறிது காலம் காத்திருக்க வேண்டும்.

உத்தியோகம்:
கவலையில்லாத வாரமிது. உயரதிகாரிகள், நிறுவனத்தினர் ஆகிய அனைவரின் ஆதரவும் கிட்டும். சிலருக்குச் சிறு பதவி உயர்வு ஒன்று கிடைப்பதற்கும் சாத்தியக்கூறு உண்டு. தாற்காலிக பணியிலுள்ள மகர ராசி அன்பர்கள் பணி நிரந்தரம் செய்யப்படுவார்கள்.

தொழில்:
உற்பத்தி ஒரே சீராக இருக்கும். லாபம் குறையாது. சக கூட்டாளிகள் ஒத்துழைப்பார்கள். நிதி நிறுவனங்களினால் எவ்வித பிரச்சினையும் ஏற்பட வாய்ப்பில்லை.

வியாபாரம்:
உங்கள் நிதிநிலைமையைச் சீர்படுத்திக்கொள்வதற்கு ஏற்ற வாரமிது. உங்கள் வியாபாரத்தை அபிவிருத்தி செய்துகொள்வதற்கு இவ்வாரம் கிரகநிலைகள் உதவிகரமாக உள்ளன. பயன்படுத்திக்கொள்ளுங்கள்.

பெண்மணிகள்:
குடும்பச் சூழ்நிலை மேலும் மேலும் முன்னேற்றம் அடைவதால் கவலைகள் குறையும். மனதில் மகிழ்ச்சியும், நம்பிக்கையும் துளிர்க்கும். வேலை பார்க்கும் மகர ராசிப் பெண்களுக்கும் பல நன்மைகளை அலுவலகத்தில் இவ்வாரம் எதிர்பார்க்கலாம்.

அறிவுரை:
இன்னும் சிறிது காலத்திற்கு வீண் அலைச்சலையும், கடின உழைப்பையும், தேவையற்ற கவலைகளையும் தவிர்க்கவும்.

அனுகூல தினங்கள்: ஏப்ரல் : 20, 21, 22, 23
பிரதிகூல தினங்கள்: ஏப்ரல் : 24, 25, 26

அதிர்ஷ்ட எண்கள்: 2, 5
 கும்பம்
(அவிட்டம் 3_ம் பாதம் முதல், சதயம், பூரட்டாதி 3_ம் பாதம் வரை)

குடும்பம்:
கும்ப ராசியினருக்கு இவ்வாரம் மேலும் பல நன்மைகளை அளிக்கும்படி கிரகநிலைகள் அனுகூலமாக மாறியுள்ளன. குடும்பச் சூழ்நிலை மகிழ்ச்சியை அளிக்கும். திருமண வயதில் பிள்ளை அல்லது பெண் இருப்பின் சிறு முயற்சியிலேயே நல்ல வரன் அமையும். சொந்த வீடு, வாகன யோகம், வஸ்திர, ஆபரணச் சேர்க்கைக்கும் வாய்ப்புகள் உள்ளதைக் கிரகநிலைகள் எடுத்துக்காட்டுகின்றன.

உத்தியோகம்:
கிரகநிலைகள் தொடர்ந்து பல நன்மைகளை அளிக்கும்படியான நிலைகளில் சஞ்சரிக்கின்றன. மேலதிகாரிகளின் ஆதரவு உற்சாகத்தை தரும்.

தொழில்:
உங்கள் தொழிலை அபிவிருத்தி செய்யும் விருப்பமும், அதற்கான திட்டங்களும் இருப்பின் அவற்றை செயல்படுத்துவதற்கு சாதகமான கிரகங்கள் அனைத்தும் சுபபலம் பெற்றுள்ளன.

வியாபாரம்:
வியாபாரம் படிப்படியாக அதிகரிக்கும். லாபமும் திருப்திகரமாக இருக்கும். புதிய வியாபாரத் துறைகளில் இறங்குவதற்குச் சாதகமாக அமைந்துள்ளன கிரகநிலைகள்.

பெண்மணிகள்:
மகிழ்ச்சியையும், மனநிறைவையும் குறை வில்லாது உங்களுக்கு வழங்கும் வாரமிது. வேலை பார்க்கும் பெண் மணிகளுக்கும் அலுவலகத்தில் நல்ல முன்னேற்றம் ஏற்படும்.

அறிவுரை:
அனுகூலமான இவ்வாரத்தைப் பயன்படுத்திக் கொள்வது உங்கள் கையில்.

அனுகூல தினங்கள்: ஏப்ரல் : 23, 24, 25, 26
பிரதிகூல தினங்கள்: ஏப்ரல் : 20, 21, 22

அதிர்ஷ்ட எண்கள்: 1, 4
 மீனம்
(பூரட்டாதி 4_ம் பாதம் முதல், உத்திரட்டாதி, ரேவதி வரை)

குடும்பம்:
சென்ற வாரம் ஏற்பட்ட அனைத்து நன்மைகளையும் இவ்வாரமும் நீங்கள் எதிர்பார்க்கலாம். வருமானம் திருப்திகரமாக இருக்கும். ஆரோக்கியம் அபிவிருத்தியடையும். உங்கள் நிதி நிலைமையைச் சீர்செய்துகொள்ள அனுகூலமான வாரமிது. ஒரு சிலருக்குச் சொந்த வீடு வாங்கும் யோகமும் அமைந்துள்ளது. கணவர்-மனைவியிடையே ஒற்றுமையும், பரஸ்பர அன்னியோன்யமும் நிலவும். குடும்பச் சச்சரவுகள் நல்லபடி தீரும்.

உத்தியோகம்:
அலுவலகச் சூழ்நிலையில் நல்ல மாற்றம் காணலாம். சக ஊழியர்கள் ஒத்துழைப்பார்கள். மேலிடத்தின் ஆதரவு கிடைக்கும். உங்களுக்கு இதுவரை மறுக்கப்பட்டுவந்த சலுகைகள், பதவி உயர்வு ஆகியவற்றை இவ்வாரம் எதிர்பார்க்கலாம்.

தொழில்:
மந்த நிலையில் இருந்துவந்த தொழிலில் புதிய மாறுதல் காணமுடியும். உற்பத்தி அதிகரிக்கும். நிதிநிறுவனங்களின் உதவி தேடிவரும். பொருளாதார நிலை சீர்படும்.

வியாபாரம்:
படிப்படியாக விற்பனை அதிகரித்து வருவதை அனுபவத்தில் காணமுடியும். லாபமும் உயரும்.

பெண்மணிகள்:
இதுவரை தொடர்ந்து அனுகூலமற்ற நிலைகளில் முக்கிய கிரகங்கள் அனைத்தும் சஞ்சரித்து வந்ததால் சற்று அதிகமாகத் துன்பப்பட்டு விட்டீர்கள். அதை நினைக்கவேண்டாம். நல்ல காலம் பிறந்துவிட்டது. வேலை பார்க்கும் பெண்மணிகளுக்கும் இது பொருந்தும்.

அறிவுரை:
சென்ற கால துன்பங்களை மறந்து வருங்கால நன்மைகளைப் பயன்படுத்திக்கொள்ளுமாறு கேட்டுக்கொள்கிறோம்.

அனுகூல தினங்கள்: ஏப்ரல் : 20, 21, 22, 23
பிரதிகூல தினங்கள்: ஏப்ரல் : 24, 25, 26

அதிர்ஷ்ட எண்கள்: 3, 6
........................................................................................................................................................................................................................................................
RSS Movies Shop
........................................................................................................................................................................................................................................................
........................................................................................................................................................................................................................................................

About us | Register | Font Help | Feedback | Ad Tariff | Faq | Site Map
Copyright © 2014 Noble Broadcasting Corporation Private Limited . Allrights reserved.
Best view under 1024x764 Resoultion.